جئے ہزاروں سال۔ ۔ ۔ ۔ ۔ ۔ جمعیت

اگر آپ تحریک انصاف سے تعلق رکھتے ہیں تو یقیناً آپ اسد قیصر، محمود الرشید یا چوہدری اعجاز کی صاف ستھری سیاست پر فخر کرتے ہوں گے اسی طرح اگر آپ ن لیگ سے تعلق رکھتے ہیں تو ضرور جاوید ہاشمی، احسن اقبال جیسے صاف دامن لوگوں پر فخر کرتے ہوں گے۔
اگر آپ اپنے سرحدوں کے محافظوں سے محبت کرتے ہیں تو کرنل شیر خان شہید پر بھی فکر کرتے ہوں گے اور اگر آپ دنیا کو یہ کہتے ہیں ایٹم بم سے ہمارا دفاع ناقابل تسخیر ہوگیا ہے تو یقیناً آپ ڈاکٹر قدیر پر فخر کرتے ہیں۔
اگر آپ صحافت میں شرافت کی علامت سلیم صافی، مجیب الرحمان شامی یا اوریا مقبول کو پڑھتے اور سنتے ہیں، آپ یقیناً کشمیر میں جوانوں سے زیادہ توانا سید اسد گیلانی پر بھی فکر کرتے ہوں گے۔
ڈاکٹر اسرار احمد جیسے اسکالر ہوں یا ڈاکٹر مسعود محمود جیسے عالمی ایوارڈ یافتہ انجینئر آپ ضرور ان پر فخر کرتے ہوں گے۔
آپ عامر عبدالرحمن چیمہ کے نام سے بھی واقف ہوں گے جنہوں نے جرمنی میں رحمت دو عالمِ ﷺ کی شان اقدس میں گستاخانہ کارٹون شائع کرنے والے والے اخبار کے ایڈیٹر پر حملہ کیا اور بدترین تشدد کے بعد آپ نے جام شہادت نوش کیا یقیناً آپ اس عاشق رسول پر فخر کرتے ہوں گے۔
آپ بنگال میں پاک فوج کے ساتھ مل کر لڑنےوالے البدر کے جوانوں پر بھی فخر کرتے ہوں گے، آپ کو بنگلہ دیش میں پاکستان زندہ باد کے جرم میں پھانسی پر جھولتے لاشوں پر بھی فخر ہوگا کہ جن کی پاکستان سے محبت کسی دلیل کی محتاج نہیں۔
دوستوں اگر یوں ہی فخرِ پاکستان کی فہرست بناتا جاؤں تو بات بہت لمبی ہوجائے گی۔
قصہ مختصر اگر آپ ان سب پر فخر کرتے ہیں ان کی تعریف کرتے ہیں ان سب لوگوں سے محبت کرتے ہیں تو سچی بات یہ ہے آپ اسلامی جمعیت طلبہ کی تعریف کرتے ہیں۔
یہ سب تحفے اسلامی جمعیت طلبہ نے اس ملک کو دے یقین جانیں آپ چند لمحوں کےلیے تعصب کی عینک اتار پھینکیں آپ کہہ اٹھیں گے جئے ہزاروں سال جمعیت۔۔۔۔۔۔
#شرجیل

#میری_جمعیت #شکریہ_جمعیتfb_img_1482474566247

Leave a Reply

Your email address will not be published. Required fields are marked *