سورت الحج (رکوع نمبر 1 تا 5) – ہندکو ترجمہ




سورت الحج پارہ نمبر 17

1:- اے لوکو ! آپڑیں اللہ توں ڈرو بے شک قیامتی نا زلزلہ بَڈی پہاری (بھاری) شے اے
2:- جِس دیاڑے تُسیں اُساں دیکھسو ہر ماں دودھ پلانڑیں آلے بچے آں پہل جُلسی ، حاملہ حمل ٹہا چھڑسی اور تُسیں لوکاں دیکھسو جینجو او نشے بچ ہوون او حالانکہ او نشے بچ نی ہونے لیکن اللہ نا عذاب ڈاڈا اے
3:- اور کج لوک اے نوں جیڑے اللہ نے بارے بچ جانڑ بج کہ جھگڑا کرنے نوں اور او ہر سرکش شیطان نی پیروی کرنے نوں
4:- اُس نی نسبت لکھ چھڑیا اے جیڑا اُس نال دوستی کرسی تے او بے شک اُساں گمراہ کرسی اور اُساں دوزخ نے عذاب دار راہ دسسی
5:- اے لوکو ! اگر تُسیں قیامتی نے دیاڑے اُٹھڑیں نے بارے بچ شکے بچ او تے سوچو اَساں تُساں مٹی نال جمایا (پیدا) اے فر نطفے نال فر جمے ہوئے خون فر گوشتے نی بوٹی آلی گل بنڑی ہوئی اور بغیر شکلاں توں تاکہ تُساں تے قدرت ظاہر کر چھڑاں ، رحماں بچ اک ٹیمے تک رکھنے آں فر اَسیں تُساں کڈنے آں بچے نی صورت بچ تاکہ جوانی آں پہنچو اور تُساں بیچوں کج عمر طبعی توں پہلے مر جُلنے نوں اور کوئی نکمی عمراں پہنچنے نوں تاکہ جانڑنے توں بعد نا سمجھ ہو جُلنے اور توں زمی آں دیکھنا اے سُکی پئی اے فر جدوں اَساں پاڑیں لایا تے ترو تازہ ہو گئی اور اُبھر آئی اور اُگا کِن آئی ہر قسم رونق نباتات نا
6:- اے اس کر کے اے کہ اللہ ہی برحق اے اور اے کہ او مُردیاں جینا کرنا اے اور اے کہ اور ہر شے تے قدرت رکھڑیں آلہ اے
7:- اور اے کہ قیامت آنڑیں آلی اے اِس بچ کوئی شک نی اور اے کہ اللہ چاہسی جو کج قبراں بچ اے
8:- اور لوکاں بچ کج اے او جئے وی اے نوں جیڑے اللہ نے بارے بچ کُلنے (جھگڑا) نوں بغیر کسے علم نے بغیر کسے دلیل نے اور بغیر کسے کتاب روشن نے
9:- تکبر نال آپڑیں گاٹے موڑ کہ تاکہ اللہ نی راہ توں گمراہ کرن اِس وسطے دنیا بچ رسوائی اے اور اسیں اُساں قیامتی نے دیاڑے جَلنی ہوئی اگی نا عذاب دیساں
10:- اے اِس نا بدلہ اے جیڑے توں اعمال اگے پیجے اور اے کہ اللہ آپڑیں بندیاں تے ظلم کرڑیں آلہ نی

سورت الحج نا رکوع نمبر 1 پارہ نمبر 17 نا رکوع نمبر 8

سورت الحج پارہ نمبر 17

11:- اور لوکاں بچ کوئی اے جیا وی اے جیڑا اک کنارے تے اللہ نی بندگی کرنا اے فر اگر اُساں بھلائی پہنچ گئی تے اُس عبادت نال اطمیناں پا کدا اور انہاں اگر کوئی آزمائش پہنچی تے او آپڑیں منہ نے بل ٹہہ پئے دنیا اور آخرت نے کہاٹے بچ ریا اے اے کھلا کہاٹا
12:- او اللہ نے سوا بُلانا اے جیڑا نہ اِساں نقصان پہنچا اکنا اے اور نہ اِساں فیدا پہنچا اکنا اے اے ای اے انتہا درجے نی گمراہی
13:- او بُلانا اے تُساں جِس نا ضرر اُس نے نفع نے زیادے نیڑے اے بے شک مندا اے اے دوست اور رفیق
14:- جیڑے لوک ایمان کِن آئے اور چنگے کم کیتے نے بےشک اللہ اُنہاں انہاں باغاں بچ پیجسی جنہاں تھلے نہراں بگنیاں نوں بے شک اللہ جو چاہنا اے کرنا اے
15:- جیڑا بندہ گمان کرنا اے کہ اللہ اُس نی ہرگز مدد نی کرنا دنیا اور آخرت بچ تے اُساں چائی نا اے کہ اک رسی بَنے آسمان دار فر اُساں کپ چھُڑے فر اُساں گلے بچ پھڈا بنڑا کِنے فر دیکھے کہ اُس نی اے تدبیر اُس چیزاں دور کرنی اے جیڑی اُساں غصہ دِلانی اے ای
16:- اور اِس طرح اَساں قرآن آں لایا روشن آیتاں اور اے کہ اللہ جِساں چاہنا اے ہدیت دینا اے
17:- بے شک جیڑے لوک ایمان کِن آئے اور یہودی ہوئے اور ستارہ پرست اور نصاریٰ اور آتش پرست تے مشرک بے شک اللہ فیصلہ کرسی قیامتی نے دیاڑے اُنہاں نے درمیان بے شک اللہ ہر شئے تے مطلع اے
18:- کیا توں نی دیکھیا کہ اللہ وسطے سجدہ کرنا اے جو وی اے زمی اور آسمان بچ اور سورج ، چن ، تارے ، پہاڑ ، بُوٹے اور چوپائے اور بہوں سارے انسان وی اور بہوں سارے نوں کہ ثابت ہو گیا اُنہاں تے عذاب اور جساں اللہ ذلیل کرے اِس وسطے کوئی عزت دینڑیں آلہ نی اور بے شک اللہ او کرنا اے جو او چاہنا اے
(سجدہ)
19:- اے دو فریق اللہ نے بارے بچ کُلے پس جنہاں کفر کیتا اُنہاں وسطے اگی نے کپڑے بنڑائے گئے اور اُنہاں نیاں سِراں تے کھولنا ہویا پاڑیں پایا جُلسی
20:- اِس نا پگھل جُلسی جو کج اُنہاں نیاں پیٹاں بچ اےاور اِنہاں نی چمڑی وی
21:- اُنہاں وسطے لوہے نے گزنوں
22:- جدوں وی اوغم نے مارے نکلڑیں نی کوشش کرسن او اِسے بچ مُڑ جُلسن او اور آکھیا جُلسی کہ سَڑنے نا عذاب چکھو

سورت الحج نا رکوع نمبر 2 پارہ نمبر 17 نا رکوع نمبر 9

23:- جیڑے لوک ایمان کِن آئے اور چنگے کم کیتے نے اللہ اِنہاں باغاں بچ پیجسی جنہاں تھلے نہراں بگنیاں نوں اِس بچ اِنہاں سونے نے کنگن تے موتی پوائے جُلسن اور اِنہاں نا لباس ریشم نا ہوسی
24:- اور اِنہاں ہدیت نی پاک گل دار اور ہدیت نیاں کئی تعریفاں نے لائق اللہ نی راہ دار
25:- بے شک جنہاں لوکاں کفر کیتا اور او ڈکنے نوں اللہ نے راہے توں اور بیت اللہ توں جنہاں اَساں مقرر کیتا سارے لوکاں وسطے اِس بچ رہنڑیں آلے اور پردیسی برابر نوں حق بچ اور جیڑا اِس بچ ظلم نال گمراہی نا ارداہ کرسی اسیں اِساں دردناک عذاب نا مزہ چکھاساں

سورت الحج نا رکوع نمبر 3 پارہ نمبر 17 نا رکوع نمبر 10

سورت الحج پارہ نمبر 17

26:- اور یاد کرو جدوں اساں ابراہیم عیہ وسطے کعبہ نی جگہ ٹھیک کر چھڑی اور حکم دتا کہ مینڑیں نال کِسے آں شریک نہ کرے اور مینڑاں گھر پاک رکھے طواف کرڑیں ، رکوع کرڑیں اور سجدہ کرڑیں آلیاں وسطے
27:- اور لوکاں بچ حج نا اعلان کرو او تُساں کول پیدل یادبلی اونٹنیاں تے آؤن او او آنیاں نوں ہر دور دراز علاقے بیچوں
28:- تاکہ او آپڑیں فیدے نی جگہ موجود ہون او اور او اللہ نا نام کنسن مقررہ دیاڑیاں بچ ذبح کرنیوں مال ڈنگراں تے جو اَساں اِنہاں دتے پس اُنہاں بیچوں تُسیں وی کھاؤ اور بدحال محتاجاں وی کھلاؤ
29:- او آپڑاں میل کچیل دور کرن اور مَنتاں پوری کرن او اور قدیم گھر (بیت اللہ) نا طواف کرن او
30:- اے اے حکم جیڑا شعائر اللہ نی تعظیم کرے پس او تعظیم اللہ نے نیڑے چنگی اے تُساں وسطے مال ڈنگر حلال حلال کیتےگئے نوں اُنہاں توں سوا جیڑے پڑھ دتے گئے نوں پس تُسیں بچو بُتاں نی گندگی اور کوڑی گل کولوں
31:- اللہ وسطے اک رُخ ہو کہ کِسے آں شریک نہ کرڑیں آلے اُس نال اور جیڑا کوئی اللہ نال شریک کرنا گویا او آسمان تو ٹہایا اور اُساں مردار خور پرندے چا کھڑنے نوں یا سَٹ چھڑنی اے ہوا اُساں کدرے دور دراز جگہ بچ
32:- اے اے حکم اور جیڑا شعائر اللہ نی تعظیم کرسی تے بے شک اے تے دِلاں نی پرہیزگاری اے
33:- تُساں وسطے انہاں (مویشیوں) بچ اک مقررہ ٹیم تک فیدے حاصل کرنا جیز اے فر انہاں نے پہنچڑیں نا مقام بہوں دور قدیم بیت اللہ تک اے

سورت الحج نا رکوع نمبر 4 پارہ نمبر 17 نا رکوع نمبر 11

34:- اور اساں نے ہر امت وسطے قربانی مقرر کیتی اے تاکہ او اللہ نا نام کنن او ذبح کرنیوں اُنہاں مویشیاں اور چوپائیاں تے جیڑے اساں اُنہاں دتے نوں پس تُساں نا معبود معبود یکتا اے پس اُس نے فرمانبردار ہو جلو اور اے محمد صہ عاجزی توں گردن جھکاڑیں آلیاں خوشخبری دیو
35:- اُنہاں جنہاں نے سامڑیں اللہ نا نام کنو تے اُنہاں نے دِل ڈر جُلنے نوں اور او صبر کرڑیں آلے نوں اِس اُتے جیڑا اُنہاں پہنچے اور نماز قیم کرڑیں آلے اور جو دتا اے اُس بیچوں خرچ کرڑیں آلے
36:- اور قربانی نے اونٹ اساں تُساں وسطے اللہ نی نشانیاں مقرر کیتے اُنہاں بچ بھلائی اے پس ذبح کرنیوں اللہ نا نام کِنو انہاں تے لینڑ بن کے فر جدوں اے ذبح ہو جُلن او تے اِنہاں بیچوں آپ وی کھاؤ تے اِنہاں کھلاؤ سوال نہ کرڑیں آلیاں اور سوال کرڑیں آلیاں اِسطرح ای اَساں انہاں مسخر کیتا اے تُساں وسطے تاکہ تُسیں احسان مَنو
37:- اللہ ہر گز نی پہنچنا انہاں نا گوشت یا خون بلکہ اللہ واں تقویٰ پہنچنا اے اسطرح اساں اُنہاں مسخر کیتا تاکہ تُسیں اللہ نی بڑائی نال یاد کرو اِس اُتے جیڑی اُس تُساں ہدیت دتی اور نیکی کرڑیں آلیاں خوشخبری دیو
38:- بے شک اللہ دور کرنا اے مومناں توں دشمناں نے ضرر اور اللہ کِسے وی ناشکرے خائن آں پسند نی کرنا او

سورت الحج نا رکوع نمبر 5 پارہ نمبر 17 نا رکوع نمبر 12

اپنا تبصرہ بھیجیں