سورت الحج (رکوع نمبر 6 تا 10) – ہندکو ترجمہ




سورت الحج پارہ نمبر 17

39:- انہاں لوکاں اِذن جہاد دتا گیا کیونکہ انہاں تے ظلم کیتا گیا اے اور بے شک اللہ انہاں نی مدد تے ضرور قدرت رکھنا اے
40:- جیڑے لوک کڈے گئے نوں آپڑیا شہراں بیچوں ناحق صرف اِس گل تے کہ او آکھنے نوں اَساں نا رب اللہ اے اور اگر اللہ دفع نہ کرنا لوکاں اک دوئے توں تے صومعے ، گرجے یہودیاں نی عبادت گاہواں اور مسجداں ٹہا دتیاں جُلنیاں جنہاں بچ اللہ نا نام بکثرت کدا جُلنا اے اور البتہ اللہ ضرور اُس نی مددکرسی جیڑا اُس نی مدد کرنا اے بے شک اللہ توانا تے غالب اے
41:- او لوک کہ اگر اسیں اِنہاں ملک بچ اختیار دیواں تے نماز قیم کرن ، زکوٰت دیون ، نیک کماں نا حکم دیون مندی گلاں توں ڈکن اور سارے کماں نا انجام اللہ وسطے اے
42:- اگر اے تُساں نہ منسن تے اِس توں پہلے نوح عیہ عاد ، ثمود وی نی منیا
43:- اور ابراہیم عیہ اور لوط عیہ نی قوم نی منیا ایا
44:- اور مدین آلیاں موسیٰ عیہ آں نی منیا پس میں کافراں ٹہل دتی فر میں اُنہاں پکڑیا تے کے او جیا ہویا مینڑیں انکار نا انجام
45:- سو کتنیاں ای بستیاں نوں جنہاں اساں ہلاک کیتا اور او ظالم ایاں اور آپڑیں چھتاں تے ٹھٹھیاں پئیاں نوں اور کتنے ای کُھو بے کار پئے نوں اور بہوں سارے گچ کاری نے باٹے محل ویران نوں
46:- سو کیا زمی بچ ٹُرنے پھرنے نی نوں کہ اُنہاں نے دل اینجو ہو جُلنے نوں کہ انہاں توں سمجھڑیں آں لگنے نوں یا کن اے او جئے ہو جلنے نوں کہ سنڑنے آں لگنے نوں کیونکہ اصل بچ اکھیاں اَنیاں نی ہونیاں بلکہ جیڑے اِنہاں نے سینے بچ دِل ہونے او او اَنے ہو جلنے نوں
47:- اور تُساں توں عذاب جَلتی منگنے نوں اور ہر گز اللہ آپڑیں وعدے نے خلاف نی کرنا اور بے شک تُساں نے رب کول اِک دیاڑ ہزار سال بے برابر اے اِس توں جیڑا تُسیں گنڑنے او
48:- کتنیاں ای بستیاں نوں میں اُنہاں ٹہل دتی اور او ظالم ایاں فر میں اُنہاں پکڑیا اور مینڑیں دار ای مڑنا اے

سورت الحج نا رکوع نمبر 6 پارہ نمبر 17 نا رکوع نمبر 13

49:- آپ صہ آکھو ! کہ اے لوکو اِس توں سوا نی کہ میں تُساں ڈراڑیں آلہ واں
50:- پس جیڑے لوک ایمان کِن آئے اور اُنہاں چنگے کم کیتے اُنہاں وسطے بخشش اے اور باعزت رزق
51:- اور جنہاں کوشش کیتی اَساں نی آیتاں ہراڑیں نی او ای لوک نوں دوزخ آلے
52:- اور اَساں تُساں توں پہلے نی پیجیا کوئی رسول اور نہ نبی مگر جدوں آرزو کیتی تے شیطان اُس نی آرزوبچ وسوسہ پایا پس شیطان جو پانا اے اللہ مٹا چھڑنا اے فر اللہ آپڑیں آیات آں مضبوط کر چھڑنا اے اور اللہ جانڑنے آلہ حکمت آلہ اے
53:- تاکہ اِس وسوسے آں جیڑا شیطان پایا اے انہاں لوکاں وسطے آزمائش بنڑا دے جنہاں نے دِلے بچ مرض اور انہاں نے دِل باٹے نوں اور بے شک ظالم البتہ ڈاڈی ضد بچ نوں
54:- اور تاکہ جانڑ کنوں نوں او لوک جنہاں علم دتا گیا اے تُساں نے رب نی طرفوں حق اے تے اِس تے ایمان کِن آؤ اور اِس وسطے جھک جُلن او انہاں نے دِل اور بے شک اللہ اِنہاں لوکاں سدھے راہ دار ہدیت دینڑیں آلہ اے جیڑے ایمان کِن آئے
55:- اور او ہمیشہ رہسن او اِس توں شک بچ جنہاں لوکاں کفر کیتا ایتھے تک کہ انہاں بچ اچانک قیامت آجُلے یا انہاں تے آجُلے منحوس دیاڑے نا عذاب
56:- اِس دیاڑے بادشاہی اللہ واسطے اے اور او اُنہاں نے درمیان فیصلہ کرسی اور جیڑے لوک ایمان کِن آئے اور چنگے کم کیتے نے او نعمتاں نے باغ بچ ہوسن او
57:- اور جنہاں لوکاں کفر کیتا اور آیتاں نی منیا اُنہاں وسطے ذلت نا عذاب اے

سورت الحج نا رکوع نمبر 7 پارہ نمبر 17 نا رکوع نمبر 14

سورت الحج پارہ نمبر 17

58:- اور جنہاں لوکاں اللہ نی راہ بچ ہجرت کیتی اور مر گئے یا شہید ہو گئے تے البتہ اللہ اِنہاں چنگا رزق دیسی اور اللہ بے شک چنگا رزق دینڑیں آلہ اے
59:- او البتہ انہاں ضرور اے او جئے مقام بچ پیجسی جِساں او پسند کرسن او اور اللہ بے شک علم آلہ حلم آلہ اے
60:- اور جس دشمنڑ آں اتنا ترسایا جینجو اُساں ترسایا گیا اے فر اُس تے زیادتی کیتی گئی تے اللہ ضرور اُس نی مدد کرسی بے شک اللہ معاف کرڑیں آلہ تے بخشڑیں آلہ اے
61:- اے اس کر کے کہ اللہ راتی آں دیاڑی بچ اور دیاڑی آں راتی بچ پیجنا اے اور اے کہ اللہ سنڑنے آلہ دیکھڑیں آلہ اے
62:- اے اِس کرکے کہ اللہ ای حق اے اور اے کہ جِساں او اِس توں سوا پکارنے نوں اور او باطل اے اور اے کہ اللہ ہی بلند مرتبہ بڈا اے
63:- کیا توں نی دیکھیا کہ اللہ آسماناں توں پاڑیں لایا تے زمی سر سبز ہو گئی بے شک اللہ بہوں مہربان خبر رکھڑیں آلہ اے
64:- اسی وسطے اے جو آسمان بچ اے اور جو کج زمی بچ اے اوربے شک او ای بے نیاز خوبیاں آلہ اے

سورت الحج نا رکوع نمبر 8 پارہ نمبر 17 نا رکوع نمبر 15

65:- کیا توں نی دیکھیا کہ اللہ تُساں وسطے مسخر کیتا جو کج زمی بچ اے اور کشتی اِس نے حکم نال دریا بچ چلنی اے اور او آسماناں روکے ہوئے اے کہ او زمی تے ٹہہ پیوے مگر اِس نے حکم نال بے شک اللہ لوکاں تے بڈا شفقت آلہ بہوں مہربان اے
66:- اور او ہی اے جِس تُساں جینا کیتا فر تُساں مارسی فر جینا کرسی بے شک انسان بَڈا ناشکرا اے
67:- اَساں ہر امت وسطے اک طریق عبادت مقرر کیتا اے او اِس تے اِس نے مطابق بندگی کرنے نوں سو چائی نا اے کہ اِس معاملے بچ نہ کُلن اور آپڑیں رب دار بلاؤ بے شک تُسیں او سدھی راہ تے
68:- اور اگر اور تُساں نال کُلن تے آپ صہ آکھو کہ اللہ خوب سیانڑنا اے جو تُسیں کرنے او
69:- اللہ قیامتی تُساں نے درمیان اِس گل بچ فیصلہ کر سی جِس بچ تُسیں اختلاف کرنے او
70:- کیا تُساں پتا نی کہ اللہ جانڑنا اے جو آسمان بچ اور زمی بچ اے بے شک اے کتاب بچ اے بے شک اے اللہ تے آسان اے
71:- او اللہ توں سوا اِس نی بندگی کرنے نوں جِس نی اِس کوئی سند نی لائی اور اس نی جِس نا خود اِنہاں کوئی علم نی اور ظالماں وسطے کوئی مددگار نی
72:- اور جدوں انہاں تے واضح آیات پڑھیا جُلنیاں نوں تے تُسیں کافراں نے چہرے تے نا خوشی نے آثار دیکھ کنسو نیڑے اے کہ او انہاں تے حملہ کردیں جو انہاں تے اساں نی آیتاں پڑھنے نوں آکھو کیا میں تُساں دَساں اِس توں بدتر اے او دوزخ جِس نا اللہ نے کافراں نال وعدہ کیتا اور مندا اے او ٹھکانہ

سورت الحج نا رکوع نمبر 9 پارہ نمبر 17 نا رکوع نمبر 16

73:- اے لوکو ! اک کہاوت سنڑائی جلنی اے پس اُساں کن کھول کے سُنڑو بے شک جنہاں تُسیں اللہ توں سوا بُلانے او او ہرگز اک مکھی وی نی پیدا کر اکنے خواہ اِس وسطے او سارے جمع ہو جُلن او اور اگر مکھی انہاں کولوں کج کَھس کِنے تے او اِس توں نی چھڑا اکنے کتنا کمزور اے چاہنڑیں آلہ اور جِساں چاہیا او وی
74:- انہاں اللہ جی قدرت نی جانڑی جینجو اُس نی قدرت نا حق ایا بےشک اللہ قوت آلہ غالب اے
75:- اللہ فرشتیاں بیچوں اور آدمیاں بیچوں پیغام آلے چنڑ کننا اے بے شک اللہ سُنڑنے آلہ دیکھڑیں آلہ اے ۔
76:- اور جانڑنا اے جیڑا انہاں نے اگے اور انہاں نے پچھے اے اور اللہ دار ای اے سارے کماں نی باز گشت
77:- اے ایمان آلیو ! تُسیں رکوع کرو اور سجدہ کرو اور عبادت کرو آپڑیں رب نی اور چنگے کم کرو تاکہ دو آں جہاناں نی کامیابی پاؤ
78:- اور اللہ نی راہ بچ کوشش کرو جینجو کوشش کرڑیں نا حق اے اُس تُساں چنڑیا اے اور اُس تُساں تے دین بچ کوئی تنگی نی کیتی یعنی تُساں نے والد ابراہیم عیہ نا دین اُس تُساں نا نام مسلمان رکھیا اِس توں پہلے اِس قرآن بچ تاکہ رسول صہ تُساں نے نگران تے گواہ ہون اور تُسیں نگران او گواہ او لوکاں تے پس نماز قیم کرو ، زکوٰۃ دیو اور اللہ نی رسی آں باٹا پکڑ کنو او تُساں نا کارساز اے او کے ای چنگا کارساز اور مددگار اے

سورت الحج نا رکوع نمبر 10 پارہ نمبر 17 نا رکوع نمبر 17
سورت الحج مکمل
پارہ نمبر 17 مکمل

اپنا تبصرہ بھیجیں