سورت المومنون (رکوع نمبر 1 تا 3) – ہندکو ترجمہ




سورت المومنون پارہ نمبر 18

1:- مومن دوآں جہاناں بچ کامیاب ہوئے
2:- او آپڑیں نمازاں بچ عاجزی کرڑیں آلے نوں
3:- او جیڑے گندیاں گلاں توں منہ پھیرڑیں آلے نوں
4:- اور جیڑے زکوٰۃ دینڑیں آلے نوں
5:- اور جیڑے آپڑیں شرمگاہواں نی حفاظت کرڑیں آلے نوں
6:- مگر آپڑیں زنانی اور کنیزاں توں انہاں تے کوئی ملامت نی
7:- پس جیڑے انہاں توں سوا نوں او ای حد توں بدڑیں آلے نوں
8:- اور کامیاب نوں او مومن جیڑےآپڑیں امانتاں تے عہد نی رعایت کرڑیں آلے نوں
9:- اور او جیڑے آپڑیں نمازاں نی حفاظت کرڑیں آلے نوں
10:- اے ای لوک نوں وارث
11:- جیڑے وارث نوں جنت الفردوس نے او اِس بچ ہمیشہ رہسن او
12:- اور البتہ اَساں اِنسان آں چنڑی ہوئی مٹی نال جمایا اے
13:- فر اَساں اُساں باٹی جگہ نطفہ ٹھہرایا
14:- فر اَساں نطفہ آں جمیا خون بنڑایا فر جمے خون آں بوٹی بنڑایا فر بوٹی نال ہڈیاں بنڑائیاں فر ہڈیاں گوشت پوایا فر اَساں اُساں نویں شکل بچ اُٹھا کہ کھلاریا پس اللہ بابرکت اے بہترین پیدا کرڑیں آلہ اے
15:- فر بے شک اِس توں بعد تُسیں ضرور مرڑیں آلے او
16:- فر بلاشبہ تُسیں قیامتی نے دیاڑے چائے جُلسو
17:- اور تحقیق اَساں تُساں تے بنڑائے 7 راہ اور اسیں پیدائش توں غافل نہ
18:- اور اَساں آسمان توں پاڑیں لایا اک اندازے نال فر اُساں زمی بچ روکیا اور بے شک اسیں اِساں کھڑنے تے وی قادر آں
19:- پس اَساں اِس نال تُساں وسطے کجھوراں تے انگوراں نے باغ پیدا کیتے انہاں بچ بہوں سارے میوے نوں اور انہاں توں تُسیں کھانے او
20:- اور بوٹا زیتون جیڑا طور سینا توں جمنا اے تیل تے سالن کن کے کھاڑیں آلیاں وسطے
21:- اور بے شک تُساں وسطے چوپائیاں بچ نشانِ عبرت اے اسیں تُساں اُنہاں تو دودھ پلانے آں جیڑا اُنہاں نے پیٹاں بچ اے اور تُساں وسطے اُنہاں بچ ہور بہوں سارے فیدے نوں اُنہاں بیچوں تُسیں کھانے او
22:- انہاں اُتے اور کشتی تے سوار ہونے او

سورت المومنون نا رکوع نمبر 1 پارہ نمبر 18 نا رکوع نمبر 1

23:- اور البتہ اَساں نوح عیہ آں اُنہاں نی قوم دار پیجیا پس اُنہاں آکھیا کہ اے مینڑیں قوم اللہ نی عبادت کرو اِس توں سوا تُساں وسطے کوئی معبود تے کیا تُسیں نی ڈرنے او
24:- تے اُنہاں نی قوم نے سردار جنہاں کفر کیتا بولے کہ اے کج وی نی پس تُساں جیا اک بندہ اے اوچاہنا اے کہ تُساں تے بڈا بنڑ بہوے اور اگر اللہ چاہنا تے او فرشتے لانا اور اَساں آپڑیں پیو دادے کولوں وی کدے نی سنڑیا
25:- او کج وی نی بس اک آدمی جِساں جنون ہوگیا اے سو تُسیں اک ٹیم تک اِس نا انتظار کرو
26:- اُس آکھیا کہ اے اللہ مینڑیں مدد کرو اِس تے کہ انہاں ماں (مجھے) نی منیا
27:- تے اَساں وحی پیجی اِس دار کہ اَساں نی آکھیا تے سامنڑیں کشتی بنڑاؤ اَساں نے حکم نال فر جدوں اَساں نا حکم آئے اور تندور ابلنے آں لگ جُلے تے اِس کشتی بچ ہر قسم نے جوڑیاں بیچوں (اک نر تے اک مادہ) اور گھر آلیاں سوائے اُس نے جس نا غرق ہونڑیں نا حکم ہو گیا اے اِنہاں بیچوں اور مینڑیں نال اُنہاں نی گل نہ کرے جنہاں ظلم کیتا اے بے شک او غرق ہونڑے آلے نوں
28:- فر جدوں تُسیں اور تُساں نے سنگی بہہ جُلن او کشتی تے فر آکھو ساریاں تعریفاں اللہ وسطے او جِس اَساں نجات دتی ظالماں نی قوم توں
29:- اور آکھو کہ اے اللہ اَساں مبارک جگہ تے لائیں اور توں ایں بہترین لاڑیں آلہ
30:- بے شک اِس بچ نشانیاں نوں اور اسیں آزمائش کرڑیں آلے آں
31:- فر اَساں انہاں بچ اِنہاں بیچوں ای رسول پیجے ای رسول پیجے کہ تُسیں اللہ نی عبادت کرو تُساں وسطے اِس توں سوا کوئی معبود نی فر کیا تُسیں ڈرنے نی او

سورت المومنوں نا رکور نمبر 2 پارہ نمبر 18 نا رکوع نمبر 2

سورت المومنون پارہ نمبر 18

33:- اور اُس نی قوم نے سرداراں جنہاں کفر کیتا ایا آخرت نی حاضری آں نی منیا اَساں اُنہاں دنیا بچ عیش و آرام دتا اے نی او مگر تُساں جیا بندہ اے اُسی بیچوں کھانا اے جو تُسیں کھانے او اور اُسے بیچوں پینا اے جو تُسی پینے او
34:- اور اگر تُساں آپڑیں جئے بندے نی اطاعت کیتی تے بے شک تُسیں اِس ویلے کہاٹے بچ رہسو
35:- کیا او تُساں وعدہ دینا اے کہ جدوں تُسیں مر گئے اور مٹی تے ہڈیاں ہو گئے او اور تے تُسیں فر کڈے جُلسو
36:- بعید اے بعید اے او جیڑا تُساں وعدہ دِتا جُلنا اے
37:- ہور کج نی مگر اے ای اَساں نی دنیا نی زندگی اے اَسیں مرنے آں اور جینے آں اور اَسیں نہ فر چائے جانڑیں آلے
38:- او کج نی بندہ اے اک اِس اللہ تے کوڑ ماریا اے اور اسیں نہ او اِس تے ایمان آنڑنے آلے
39:- اُس عرض کیتی اے اللہ اِس تے مینڑیں مدد کر کہ انہاں مَاں(مجھے) نی منیا
40:- اُس آکھیا کہ اے بہوں جَلتی پشتانے رہ جُلسن او
41:- فر اُنہاں چنگھاڑ وعدہ حق نے ٹیمے تے آ کے پکڑیا سو اَساں اُنہاں (خس و خاشاک) آلی گل کر چھڑیا پس مار ہووے ظالماں نی قوم وسطے
42:- فر اَساں اِنہاں توں بعد ہور امتاں پیدا کیتیاں
43:- کوئی امت آپڑیں مقررہ ٹیم توں نہ اگے بد اکنی اے اور نہ پچھے رہنی اے
44:- فر اَساں واری واری رسول پیجے جدوں وی کسے امت بچ رسول آیا تے اُنہاں نی منیا اور اَساں پچھے آندا اُنہاں اک دوئے نے اور اَساں اُنہاں (بھولی بسری) پہلیاں گلاں بنڑایا اللہ نی مار اُنہاں لوکاں وسطے جیڑے ایمان نی آنڑنے
45:- فر اَساں پیجیا موسیٰ عیہ اور انہاں نےپراؤ ہارون عیہ آں آپڑیاں نشانیاں اور کھلیاں دلیلاں نال
46:- فرعون اور اُس نے سرداراں دار تے اُنہاں تکبر کیتا اور او سرکش لوک اے
47:- اُنہاں آکھیا کہ اَسیں آپڑیں آلی گل اُنہاں دوآں بندیاں تے ایمان آنڑاں جنہاں نی قوم نے لوک اساں نے خادم اے
48:- پس اُنہاں دوآں نی منیا اور او ہلاک ہونڑیں آلیاں بیچوں ہو گئے او
49:- اور تحقیق اَساں موسیٰ عیہ دتی کتاب تاکہ او لوک ہدیت پاکنن
50:- اور اَساں مریم عیہ اور اُس نے پتر عیسیٰ عیہ آں نشانی بنڑایا اور اُنہاں ٹھکانڑاں دتا اُچی جائی جیڑی ٹھہرنے نی جا اور چلنے پانڑیے (پانی) نی جا اے ای او

سورت المومنون نا رکوع نمبر 3 پارہ نمبر 18 نا رکوع نمبر 3

اپنا تبصرہ بھیجیں