سورت المومنون (رکوع نمبر 4 تا 6) – ہندکو ترجمہ




سورت المومنون پارہ نمبر 18

51:- اے رسولو! تُسیں پاک چیزاں بیچوں کھاؤ اور عمل کرو نیک بے شک جو تُسیں کرنے او میں اُساں جانڑنے آلہ واں
52:- اور بے شک اے تُساں امت اک امت واحد اے اور میں تُساں نا رب آں پس مینڑیں کولوں ڈرو
53:- فر اُنہاں آپس بچ آپڑاں کم ٹکڑے ٹکڑے کر کے کپ کدا فر ہر گروہ آلے اِس نے جو اُنہاں کول اے خوش نوں
54:- بس اِنہاں اِنہاں نی غفلت بچ اک ٹیم تک چھوڑ دیو
55:- کیا او گمان کرنے نوں جیڑی اسیں اُنہاں نی مدد کرنے آں مال تے اولاد نال
56:- اسیں اُنہاں نال بھلائی بچ جلتی کرنے آں بلکہ او سمجھ نی رکھنے
57:- بے شک جیڑے لوک آپڑیں اللہ نے ڈرے نال سہمے ہوئے نوں
58:- اور جیڑے لوک آپڑیں اللہ نی آیتاں تے ایمان رکھنے نوں
59:- اور جیڑے لوک اللہ نال شریک نی کرنے
60:- اور جیڑے لوک دینے نوں جو کج او دینے نوں اور انہاں نے دل ڈرنے نوں کہ اُنہاں اللہ دار مڑنا اے
61:- اے ای لوک بھلائیاں بچ جلتی کرنے نوں اور او انہاں دار سبقت لے جلڑیں آلے نوں
62:- اور اَسیں کسے آں تکلیف نی دینے آں مگر اُس نی طاقت نے مطابق اور اَساں کول اعمال نال اک رجسٹر اے اور او ٹھیک ٹھیک دسنا اے اور انہاں تے ظلم نی ہونا
63:- بلکہ اُنہاں نے دل اِس حقیقت توں غفلت بچ نوں اور اِس توں علاوہ ہور وی مندے کم نوں جیڑے او کرنے نوں
64:- ایتھے تک کہ جدوں اساں اُنہاں نے خوشحال لوکاں پکڑیا عذاب بچ تے او اِس تے فریاد کرڑیں آں لگ پئے
65:- اج فریاد نہ کرو تُساں نی اَساں داروں مدد نی ہونی
66:- البتہ اَساں تے آیتاں پڑھنڑ ہونیا تے تُسیں کُھریاں نے پہار پٹھے پھر جُلنے او
67:- تکبر کرنے اور اِس نال افسانہ گوئی اور بیہودہ بکواس کرنے ہوئے
68:- پس کیا اُنہاں اِس کلام حق تے غور نی کیتا یا اُنہاں کول او آیا جیڑا نی آیا ایا انہاں نے پیو دادے کول
69:- انہاں آپڑیں رسول آں نی پہچانڑیا تے اِس وسطے انہاں نے منکر نوں
70:- یا او آکھنے نوں اِساں دیوانگی اے بلکہ او انہاں کول حق گل نال آیا اور انہاں بیچوں اکثر حق گلاں نال نفرت رکھڑیں آلے نوں
71:- اور اگر اللہ انہاں نی خواہشات نی پیروی کرنا تے البتہ زمی او آسمان اور جو کج انہاں نے درمیان اے درہم برہم ہو جلنا اے بلکہ اسیں انہاں کول انہاں نی نصیحت آنڑنے آں فر او آپڑیں نصیحت تو روگردانی کرڑیں آلے نوں
72:- کیا تُیسں انہاں کولوں اجر منگنے او بلکہ تُساں نے رب نا اجر چنگا اے اور او چنگا روزی دینڑیں آلہ اے
73:- اور بے شک تُسیں انہاں بُلانے او سدھے راہ دار
74:- اور جیڑے لوک آخرت تے ایمان نی آنڑنے بے شک اور راہِ حق تو ہٹے ہوئے نوں
75:- اور اگر اسیں اِنہاں تے رحم کراں اور جیڑی انہاں تے تکلیف اے دور کراں تے او فر وہ آپڑیں سرکشی بچ بھٹکنے رہسن او
76:- اور البتہ اَساں اِنہاں عذاب بچ پکڑیا فر نہ انہاں عاجزی کیتی اور نہ او گڑگڑائے
77:- ایتھے تک کہ جدوں اَساں انہاں تے ڈاڈے عذاب نے دروازے کھولے تے اُس ٹیم تک او اِس بچ مایوس ہوگئے

سورت المومنون نا رکوع نمبر 4 پارہ نمبر 18 نا رکوع نمبر 4

سورت المومنون پارہ نمبر 18

78:- اور او ای اے جِس تُساں نے کن اکھیاں تے دل بنڑایا تُسیں بہوں کہٹ شکر کرنے او
79:- او ای اے جِس تُساں زمی بچ پھیلایا اور اِسے دار ای تُسیں جمع ہو کے جُلسو
80:- اور او ای اے جیڑا جینا کرنا اے اور مارنا اے اور اُسے نے کر کے اے راتی تے دیاڑی نا آنڑاں جُلنا پس کیا تُسیں سمجھنے نی او
81:- بلکہ اُنہاں او ای آکھیا جینجوں اُنہاں تو پہلے کافر آکھنے اے
82:- او بولے کہ کیا جدوں اَسیں مر کے مٹی تے ہڈیاں ہو گئے تے فر جینے ہوساں او
83:- البتہ اَساں نال وعدہ کیتا گیا اے اور اِس توں پہلے اَساں نے پیو دادے نال وعدہ کیتا گیا اے اے تے صرف پہلے لوکاں نیاں کہانڑیاں نوں
84:- آپ صہ آکھو کہ کِس وسطے اے زمی تے آسمان اور جو کج اِس بچ اے اگر تُسیں جانڑنے او
85:- او ضرور آکھسن اوکہ اللہ وسطے آپ صہ آکھو کہ کیا تُسیں غور نی کرنے او
86:- آپ صہ آکھو کہ کونڑ اے 7 آسمان تے عرشِ عظیم نا رب
87:- او ضرور آکھسن او کہ اے سب کج اللہ نا اے آپ صہ آکھو کہ کیا تُسیں نی ڈرنے او
88:- آپ صہ آکھو کہ کِس نے ہتھ بچ اے کہ او پناہ دینا اے اور ہر چیز نا اختیار اور اِس نے خلاف کِسے آں پناہ نی ملنی اگرتُساں پتا اے تے
89:- او ضرور آکھسن او کہ سارے اختیار اللہ نے نوں تے آپ صہ آکھو کہ فر کتھوں تُسیں جادو بچ پھنس گئے او
90:- بلکہ اسیں اُنہاں کول کِن کے آئے آں سچی گل اور بے شک او کوڑے نوں
91:- اللہ کسے آں آپڑاں پتر نی بنڑایا او نی اُسنال کوئی ہور معبود اِس شکل بچ ہر معبود کِن جُلے آ جو اُس پیدا کیتا ہووے آ اور انہاں بیچوں اک دوئے تے چڑھائی کرنا پاک اے اللہ انہاں گلاں توں جو او بیان کرنے نوں
92:- او جانڑنے آلہ اے ہر چھپی تے ظاہر پس برتر اے اِس توں جِساں او شریک سمجھنے نوں

سورت المومنون نا رکوع نمبر 5 پارہ نمبر 18 نا رکوع نمبر 5

93:- آپ صہ آکھو کہ اے اللہ جیڑا انہاں نال وعدہ کیتا گیا اے اگر توں مَاں (مجھے) دَس چھڑیں
94:- اے اللہ بس توں مَاں (مجھے) ظالماں بچ شامل نہ کریں
95:- اور بے شک اَسیں اِس تے قادر آں کہ جو اُنہاں نال وعدہ کرنے آں او تُساں دس چھڑاں
96:- ساریاں توں چنگی بھلائی نال برائی آں دفع کرو اسیں خوب سیانڑنے آں جو او بیان کرنے نوں
97:- اور آپ صہ آکھو کہ اے اللہ میں تینڑیں پناہ چاہنا واں شیطان نے وسوسیاں توں
98:- اے اللہ میں پناہ چاہنا کہ او مینڑیں کول آؤن او
99:- او غفلت بچ رہنے نوں ایتھے تک کہ جدوں اُنہاں موت آئے تے او آکھنے نوں کہ اے اللہ اَساں فر دنیا بچ بھیج دے
100:- شید میں اِس بچ کوئی چنگا کم کر کنا جیڑا چھوڑ آیا واں ہرگز نہیں اے تے اک گل اے جیڑی او آکھنے نوں اور انہاں اگے اک برزخ آنڑاں اے جِس دیاڑے قیامت کہ او چائے جُلسن او
101:- فر جدوں صور پھونکیا جُلسی تے اُس دیاڑے نہ رشتے رہسن او انہاں نے درمیان اور نہ کوئی اک دوئے آں پچھنا اے
102:- پس جِس نے اعمال نا پلہ پہارا ہویا پس او ای لوک نجات پاڑیں آلے ہوسن او
103:- اور جس نے اعمال نا پلہ ہلکا ہویا او ای لوک جہنمی نوں جنہاں آپڑیں جاناں کہاٹے بچ پایا اور جہنم بچ ہمیشہ توں رہسن او
104:- اگ اُنہاں نے منہ چہلس (جھلس) چھڑسی او او اِس بچ تیوری چڑھائے ہوسن او
105:- کیا مینڑیاں آیتاں تُساں تے نی پڑھیا جُلنیاں اِیاں پس کیا تُسیں اُنہاں نی مننے او
106:- او آکھسن او کہ اے اللہ اَساں تے اَساں نی بدبختی غالب آگئی اور اسیں راہ توں بھٹکے ہوئے لوک آں
107:- اے اللہ اَساں ایتھوں کڈ اگر اساں دوباری اینجو کیتا تے اسیں بے شک ظالم ہوساں
108:- او آکھسی کہ پھٹکارے ہوئے اِس بچ پئے رہو اور مینڑیں نال گل نہ کرو
109:- بے شک مینڑیں بندیاں نا اک گروہ ایا او آکھنے اے اللہ اَسیں ایمان کِن آئے سو اَساں بخش چھڑ اور اساں تے رحم کر اور توں بہترین ایں رحم کرڑیں آلہ
110:- پس تُساں اِنہاں ٹھٹھا بنڑا کدا ایتھے تک کہ اُنہاں تُساں مینڑیں یاد پہلا چھڑی اور تُسیں اُنہاں نال ہنسی کرنے اے او
111:- اِس نے بدلے کہ اُنہاں صبر کیتا بے شک میں اج اُنہاں جزا دتی بے شک اوای مراد آں پہنچڑیں آلے نوں
112:- اللہ آکھسی کی تُسیں دنیا بچ سالاں نے حساب تے کتنی مدت رہے او
113:- او آکھسن اسیں اک دیاڑے یا اک دیاڑے نا کج حصہ رہے پس شمار کرڑیں آلیاں تو پچھ کنسی
114:- آکھسی کہ تُسیں صرف تھوڑا عرصہ رہے او کاش کہ تُسیں اے حقیقت دنیا بچ سیانڑنے
115 :- کیا تُسیں خیال کرنے اوکہ اَساں تُساں بیکار پیدا کیتا اے اور اے کہ تُسیں اَساں دار نی لوٹائے جُلنے او
116:- پس بڈا اے اللہ حقیقی بادشاہ اُس نے سوا کوئی معبود نی عزت آلہ عرش نا مالک
117:- اور جیڑا کوئی بُلاوے اللہ نال کوئی معبود اِس وسطے اِس کول کوئی سند نی سو اِس نا حساب اِس نے اللہ کول اے بے شک کامیابی نی پانے کافر
118:- اور آپ صہ آکھسن اے اللہ بخش چھڑ اور رحم کر اور توں بہتریں ایں رحم کرنڑیں آلہ

سورت المومنون نا رکوع نمبر 6 پارہ نمبر 18 نا رکوع نمبر 6
سورت المومنون مکمل

اپنا تبصرہ بھیجیں