سورہ الطحہ ( رکوع نمبر 5 تا 8) – ہندکو ترجمہ




90:- اور تحقیق اُنہاں ہارون عیہ اِس توں پہلے آکھیا کہ اے مینڑیں قوم اِس توں سوا نی کہ تُسیں اِس توں آزمائے گئے او اور بے شک تُساں نا رب رحمان اے سو مینڑیں پیروی کرو اور مینڑیں گل مَنو
91:- اُنہاں آکھیا کہ اَسیں ہرگز اِس توں جدا نہ ہونے جمے رہساں ایتھے تک کہ موسیٰ عیہ اَساں دار مڑن او
92:- موسیٰ عیہ آکھیا کہ اے ہارون عیہ جدوں توں دیکھیا کہ او گمراہ ہوگئے تے تُداں کِس مینڑیں پیروی توں ڈکیا
93:- تے کے توں مینڑیں حکم نی نافرمانی کیتی
94:- اُس آکھیا کہ اے مینڑیں ماں جائے ! مینڑیں داڑھی یا سِرنیاں بالاں نال نہ پکڑو بے شک میں ڈریا کہ تُسیں آکھسو کہ تُوں تفرقہ پا چھڑیا اے بنی اسرائیل بچ اور مینڑیں گلاں نا خیال نی رکھیا ای
95:- فر موسیٰ عیہ سامری آں آکھیا کہ اے سامری تینڑاں کے حال اے
96:- او بولیا میں او دیکھیا جیڑا اِنہاں نی دیکھیا بس میں فرشتے نے پیراں نی جائی توں مٹھی بھر کدی تے او میں بچھے نے دِلے بچ رکھی اور اِسطرح مینڑیں نفس مَاں (مجھے) پہلایا او
97:- موسیٰ عیہ آکھیا کہ پس تُوں جُل او بے شک تینڑیں وسطے دنیا نی زندگی بچ اے سزا اے کہ تُو آکھنا پھرسیں کہ مَاں (مجھے) نہ ٹچ کرے اور بےشک تینڑیں وسطے اِک ٹیم مقرر اے ہرگز تینڑیں توں خلاف نی ہونا آپڑیں معبود دار دیکھ جِس اُتے توں جَمیا رہنا ایں البتہ اسیں اِساں ساڑ چھڑساں اور فر اسیں اس چھائی آں دریائے بچ روڑ چھڑساں
98:- اِس توں سوا نی کہ تینڑاں معبود اللہ اے او جِس توں سوا کوئی معبود نی اُس نا علم ہر چیزاں تے محیط اے
99:- اسطرح اَسیں تُساں نال او احوال بیان کرنے آں جیڑے گزر گئے نوں اور تحقیق اَساں تُساں آپڑیں کولوں کتابِ نصیحت قرآن دِتا
100:- جِس اِس توں منہ پھیریا او بے شک قیامتی نے دیاڑے وزنی بوجھ آنڑسی
101:- او اِس بچ ہمیشہ رہسن او اور مندا اے اُنہاں وسطے قیامتی نے دیاڑے نا بوجھ
102:- جِس دیاڑے صور بچ پھوک ماری جُلسی اور اسیں مجرماں اکھٹا کرساں اِس دیاڑے اُنہاں نیاں اکھیاں نیلیاں بے نور ہوسن
103:- آپس بچ آہستہ آہستہ آکھسن تُسیں دنیا بچ صرف دس دن رہنے او
104:- او جیڑے آکھنے نوں اسیں خوب سیانڑنے آں جدوں اُنہاں سب توں چنگی راہ آلہ ہوشمند آکھسی تُسیں صرف اک دیاڑے رہے او

سورت طٰہٰ نا رکوع نمبر 5
پارہ نمبر 16 نا رکوع نمبر 14

105:- اور او آپ صہ کولوں پہاڑاں نے بارے پچھنے نوں تے آپ صہ آکھو مینڑاں رب اُنہاں بکھیر چھڑسی
106:- فر اِساں زمی آں اک ہموار میدان کر چھڑسی
107:- اور توں نہ دیکھیں اِس بچ کوئی کجی اور نہ کوئی بلندی
108:- اِس دیاڑے او سارے پچھے چلسن او اک بلاڑیں والے نے اِس وسطے کوئی کجی نہ ہوسی اور اللہ نے سامڑیں آوازاں پست ہو جُلسن پس توں صرف پست آواز سُنڑسیں
109:- اِس دیاڑے کوئی شفاعت نفع نی دینی مگر جِساں اللہ اجازت دیوے اور اِس نی گل پسند کرے
110:- او جانڑنا اے جو کج اُنہاں نے اگے اور اُنہاں نے پچھے اے اور او آپڑیں علم بچ اِس نا احاطہ نی کر کننے
111:- اور چہرے چھلک جُلسن “حی و قیوم ” نے سامڑیں اور نامراد ہویا او جِس ظلم نا بوجھ چاہیا
112:- اور جیڑا کوئی نیکی کرے بشرطیکہ او مومن ہو تو نہ اُساں کسے ظلم نا خوف ہوسی اور نہ کسے نقصان نا
113:- اور اسطرح اَساں اِنہاں تے عربی قرآن نازل کیتا اور اِساں اِس بچ طرح طرح نے ڈراوے بیان کیتے تاکہ او پرہیز گار ہو جُلن یا او اِنہاں وسطے کوئی نصیحت پیدا کرے
114:- سو اللہ بلند و برتر سچا بادشاہ اور تُسیں قرآن بچ جَلتی نہ کرو اِس توں پہلے کہ تُساں نی طرف پوری کیتی جُلے اس نی وحی اور آکھے کہ اے مینڑیں اللہ مَاں (مجھے) اور زیادہ علم دے
115:- اور اساں اِس تو پہلے آدم عیہ دار حکم پیجیا تے او پہل گیا اور اَساں اِس بچ باٹا ارادہ نی پایا

سورت طٰہٰ نا رکوع نمبر 6
پارہ نمبر نا رکوع نمبر 15

116:- اور یاد کرو جدوں اَساں فرشتیاں آکھیا کہ تُسیں آدم آں سجدہ کرو تے ساریاں سجدہ کیتا سوائے ابلیس
117:- پس اساں آکھیا کہ اے آدم عیہ ! بے شک اے تُساں نا اور تُساں نی بیوی نا دشمنڑ اے سو اے تُساں کَڈوا نہ چھڑے جنت بیچوں سو تُسیں تکلیف بچ پے جُلو
118:- بے شک تُساں وسطے جنت بچ اے کہ اسمیں نہ پہکھے (بھوکے) ہوسن او تےنہ ای ننگے
119:- اور اے کہ تُسیں نہ تریائے(پیاسے) رہسو اور نہ دھوپ بچ تَپسو
120:- فر شیطان اُنہاں نے دِلے بچ وسوسہ پایا اُس آکھیا اے آدم عیہ کیا میں تینڑیں رہنمائی کراں ہمیشگی نے درخت تے اور او بادشاہت جو زوال پذیر نہ ہووے
121:- پس اُنہاں دوآں اِس توں کھا کِدا تے اُنہاں نی شرمگاہواں ظاہر ہو گئیاں اور آپڑیں جسم نے اُتے جنت نے پُتراں نال کجڑیں آں لگے اور آدم عیہ نے آپڑیں رب نی نافرمانی کیتی تے او بہک گیا
122:- فر اُس نے رب اُساں رحمت نال چُنڑ کِدا فر اُس تے رحمت نال توجہ کیتی (توبہ قبول کیتی) اور اِساں راہ دسی
123:- فرمایا تُسیں دوئے ایتھوں نکل جُلو تُساں نی اولاد بیچوں بعض بعض نے دشمنڑ ہو سو پس اگر جدوں وی مینڑی طرف توں تُساں کول مینڑیں ہدیت آئی تے جس مینڑیں ہدیت نی پیروی کیتی او نہ گمراہ ہوسی اور نہ بدبخت ہوسی
124:- اور جِس مینڑیں ذکر نصیحت توں منہ موڑیا تے بے شک اِس نی معیشت تنگ ہوسی اور اسیں اُٹھاساں قیامتی نے دیاڑے اے
125:- اور آکھسی اے مینڑیں رب توں مَاں (مجھے) اَنا کیوں چایا میں تے دنیا بچ بینا دیکھنا ایا واں
126:- او آکھسی اسطرح تینڑیں کول اَساں نی آیات آئیاں تے توں اُنہاں پُہلایا (بھلایا) اور اِس طرح اج اَسیں تُداں پہلا چھڑساں
127:- اور اِسے طرح اَسیں اِساں بدلہ دینے آں جیڑا حد توں نِکل جُلے اور آپڑیں رب نی آیتاں تے ایمان نہ آنڑے اور البتہ آخرت نا عذاب شدید ترین اے اور زیادہ دیر تک رہنڑیں آلہ اے
128:- کیا اِس حقیقت انہاں ہدیت نی دتی کہ انہاں توں پہلے اَساں کتنی ای جماعتاں ہلاک کیتیاں او اُنہاں نے مساکن بچ ٹُرنے پھرنے اے البتہ بے شک اِس بچ عقل والیاں وسطے نشانیاں نوں

سورت طٰہٰ نا رکوع نمبر 7
پارہ نمبر 16 نا رکوع نمبر 16

129:- اور اگر تُساں نے رب نی طرفوں اک گل مقرر نہ ہو گئی ہونی اور معیار مقرر نہ ہونا تے عذاب ضرور نازل ہو جُلے آ
130:- پس جو آکھنے نوں اِس تے صبر کرو تعریف نال آپڑیں اللہ نی تسبیح کرو طلوع آفتاب توں پہلے اور غروب آفتاب توں پہلے اور راتی نا کج ٹیم پس اُس نی تسبیح کرو دوپہری تاکہ تُسیں خوش ہو جُلو
131:- اور آپڑیاں اکھیاں اِنہاں چیزاں دار نہ پھیلائے جیڑی اساں برتڑیں وسطے دتی انہاں نیا جوڑیاں واں دنیا نی زندگی نی آرائش و زیبائش تاکہ اسیں انہاں بچ آزماواں اور تینڑیں رب نا عطیہ چنگا اے اور ساریاں توں زیادہ تا دیر رہنڑیں آلہ
132:- اور تُسیں آپڑیں گھراں بچ نماز نا حکم دیو اور اِس تے قیم رہو اسیں تُساں کولوں نہ منگنے رزق بلکہ اسیں تُساں رزق دینے آں اور انجام بخیر اہل تقویٰ وسطے
133:- اور او آکھنے نوں کہ اساں کول کوئی نشانی کیوں نی آندی نے آپڑیں اللہ نی طرفوں کیا اُنہاں کول او واضح نشانی نی آئی جیڑی پہلے صحیفیاں بچ اے
134:- اور اگر اسیں اُنہاں مار چھڑاں آ رسولاں نے آنڑے توں پہلے کِسی عذاب نال تے او آکھنے اے اللہ تُساں اَساں دار کوئی رسول کیوں نی پیجیا تے اسیں اِس توں پہلے کہ ذلیل رسوا ہونے اسیں تینڑیں حکم نی پیروی کرنے
135:- آپ صہ آکھو سارے منتظر نوں پس تسیں وی انتظار کرو سو عنقریب جانڑ جُلسو کونڑ اے سدھی راہ تے اور کونڑ اے جِس ہدیت پائی

سورت طٰہٰ نا رکوع نمبر 8
پارہ نمبر 16 نا رکوع نمبر 17

سورت طٰہٰ مکمل
پارہ نمبر 16 مکمل

اپنا تبصرہ بھیجیں