سورہ الانبیاء (رکوع نمبر 1 تا4) – ہندکو ترجمہ




سورت الانبیاء پارہ نمبر 17

1:- لوکاں وسطے اُنہاں نے حساب نا دیاڑہ نیڑے آ گیا اور او غفلت بچ منہ پھیرنے نوں
2:- اُنہاں کول اللہ نی طرفوں کوئی نویں نصیحت نی آنی مگر او اِساں کھیڈنے نوں بے پرواہ ہو کے سُنڑنے نوں
3:- انہاں نے دِل غفلت بچ نوں اور ظالماں چھپ کے گوشہ کیتا کہ محمد صہ اللہ نے رسول کینجو نوں مگر اے تے تُساں جئے ایک بشر نوں کیا فر وِی تُسیں جادو کول آسو جدوں کہ تُسیں دیکھنے او
4:- آپ صہ آکھیا مینڑا اللہ جانڑنا اے ہر گل جیڑی آسمان بچ تے زمی بچ اے اور او سُنڑنے تے جانڑنے آلہ اے
5:- بلکہ اُنہاں آکھیا کہ اے پریشان خواب نوں بلکہ اِنہاں گھڑ کدے نوں بلکہ اے تے شاعر اے بلکہ اے اَساں کول کوئی نشانی نی آنڑنے جینجو پہلے نبی نشانیاں کِن آئے
6:- اِس توں پہلے کوئی بستی جِساں اساں نشانیاں دتیاں اور فر ہلاک کیتا اور نشانیاں دیکھ کہ وی ایمان نی آندانے
7:- اور اَساں رسول نی پیجے تُساں توں پہلے مگر مرد ، اسیں اُنہاد دار وحی پیجنے اے آں پس یاد رکھڑیں آلیاں پچھ کنو اگر تُساں نی پتا
8:- اور اساں انہاں نے اے او جئے جسم نی بنڑائے کہ او کھانڑاں نہ کھانے ہون اور او نی اے ہمیشہ رہنڑیں آلے
9:- فر اساں اُنہاں نال آپڑاں وعدہ سچا کر چھڑیا فر اساں اُنہاں بچا کدا اور جِساں اساں چاہیا اور حد توں بدڑیں آلیا ہلاک کر چھڑیا
10:- تحقیق اَساں تُساں دار کتاب لائی اے اِس بچ تُساں نا ذکر اے تے کے تُسیں نی سمجھنے او

سورت الانبیاء نا رکوع نمبر 1
پارہ نمبر 17 نا رکوع نمبر 1

11:- اور اَساں ہلاک کر چھڑیاں کتنیاں ای بستیاں کہ او ظالم ایا اور اساں انہاں توں بعد دوئے گروہ اور لوک پیدا کیتے
12:- فر جدوں انہاں عذاب محسوس کیتا تے اس ٹیم اِس توں نسڑیں آں لگ گئے
13:- تُسیں نہ نسو اور مڑ جُلو گھراں دار جتھے تُساں آرام دتا ایا تاکہ تُساں کولوں پچھ گچھ نہ ہووے
14:- او آکھنے ہائے شامت ! بے شک اسیں ظالم اے آں
15:- پس برابر اُنہاں نی اے پکار رہی ایتھے تک کہ اَساں اُنہاں کپی ہوئی کھیتی اور بجھی ہوئی اگ نی طرف ڈھیر کر چھڑیا
16:- اور اساں نی پیدا کیتا آسمان تے زمی آں اور اِس نے درمیان جو کج اے کھیڈنیوں یا (فعل عبث)
17:- اگر اسیں کوئی کھیلونا بنڑاڑاں چاہنے تے اُساں آپڑیں کولوں بنڑا کننے اگر اساں اینجو کرنا ہووے آ
18:- بلکہ اسیں سٹ چھڑنے آں حق آں باطل تے اور باطل نا کچومر کڈ چھڑنے آں تے اونیست و نابود ہو جُلنا اے اور تُساں وسطے خرابی اے جو تُسیں بنڑانے او
19:- اور اسی وسطے اے جیڑا آسمان تے زمی بچ اے اور جیڑے اِس کول نوں او سرکشی نی کرنے اُس نی عبادت توں اور نہ او تھکنے نوں
20:- اور راتی دیاڑی پاکی بیان کرڑیں بچ سُستی نی کرنے او
21:- کیا اُنہاں زمی بچ ہور معبود بنڑا کدے نوں جیڑے انہاں مرنے توں بعد دوبارہ اُٹھا کہ کھلار چھڑسن او
22:- اگر انہاں دوآں بچ زمی تے آسمان بچ ہور معبود ہونے تے اللہ توں سوا البتہ زمی تے آسمان درہم برہم ہو جُلنے پس عرشِ عظیم نا رب اللہ اِس توں پاک اے جو او بیان کرنے نوں
23:-او اس توں باز پرس نی کرنے اس نے متعلق جو او کرنا اے بلکہ او باز پرس کیتے جُلسن او
24:- کیااُنہاں اس توں سوا ہور معبود بنڑائے آپ صہ فرماؤ پیش کرو آپڑیں دلیل اے کتاب اے انہاں نی جیڑے مینڑیں نال نوں اور کتاب اُنہاں نی جیڑے مینڑیں توں پہلے اے البتہ انہاں بیچوں اکثر نی جانڑنے حق آں پس او روگردانی کرنے نوں
25:- اور تُساں توں پہلے اساں کوئی رسول نی پیجیا مگر اساں وحی پیجی اُس دار کہ مینڑیں توں سوا کوئی معبود نی پس تُسیں مینڑیں عبادت کرو
26:- انہاں مشرکاں آکھیا کہ اللہ اک پتر بنڑا کدا اے او اِس تہمت توں پاک اے بلکہ فرشتے معزز بندے نوں
27:- او اِس گل بچ اُس نال سبقت نی کرنے اور او اِس نے حکم تے عمل کرنے نوں
28:- او جانڑنا اے جو انہاں نے سامڑیں اے اور جو کج پچھے اے اور او سفارش نی کرنے مگر جس وسطےاُس نی رضا ہووے اور او اِس نے خوف توں ڈرنے نوں
29:- اور اُنہاں بیچوں کوئی اے آکھے کہ بے شک اِس توں سوا میں معبود آں پس اُس بندے آں جہنم نی سزا دیساں اِسی طرح اَساں ظالماں سزا دینے آں

سورت الانبیاء نا رکوع نمبر 2
پارہ نمبر 17 نا رکوع نمبر 2

30:- کیا کافراں نی دیکھیا کہ آسمان تے زمی دوئے بارش اور روئیدگی نال بند اے پس اساں دوآں کھول چھڑیا اور اساں پاڑیں نال ہر شئے آں جینا کیتا تے کیا فر وی او ایمان نی آنڑنے
31:- اور اساں زمی بچ پہاڑ بنڑائے تاکہ او انہاں لوکاں نال جھک نہ جُلے اور اساں کھلے راہ بنڑائے تاکہ او راہ پاؤن
32:- اور اساں بنڑایا آسمان اک باٹی چھت اور او اِس نی نشانیاں توں ای روگردانی کرنے نوں
33:- اور او ای اے جِس پیدا کیتا راتی اور دیاڑی آں اور سورج چَن آں سارے آپڑیں مدار بچ تیرنے نوں پئے
34:- اور اَساں آپ صہ توں پہلے کسے بندے نا ہمیشہ رہنڑاں تجویز نی کیتا پس اگر آپ صہ انتقال کر گئے تے کیا او ہمیشہ رہسن او
35:- ہر جی آں موت نا ذائقہ چکھنڑاں اے اور اسیں تُساں برائی اور بھلائی نال آزمائش بچ مبتلا کرساں اور اساں دار تُسیں مڑ کے آسو
36:- اور جدوں کافر تُساں دیکھنے نوں تے او تُساں ہنسی مذاخ سمجھنے نوں کہ کیا اے اے او جیڑا تُساں نے معبوداں مندیوں یاد کرنا اے اور او تے اللہ نے ذکر توں منکر نوں
37:- انسان آں پیدا کیتا گیا اے جلدباز عنقریب میں تُساں آپڑیاں نشانیاں دسساں سو تُسیں جَلتی نہ کرو
38:- اور او آکھنے نوں کہ عذاب کدوں آسی اگر تُسیں سچے او تے
39:- کاش کافر اِس ٹیم آں سمجھ کنسن آ جدوں او نی روک اکنے دوزخ نی اگی آں آپڑیں چہرے نال اور نہ ای آپڑیں کنڈی نال اور نہ انہاں نی مدد ہونی اے
40:- بلکہ قیامت اُنہاں تے اچانک آسی تے او انہاں حیران کر چھڑسی پس انہاں اُساں موڑنے نی ہمت نی ہونی اور نہ انہاں مہلت دتی جُلنی اے
41:- اور البتہ تُساں توں پہلے رسولاں نال وی مذاخاں کیتیا گئیاں پس اُنہاں نا جنہاں مذاخاں کیتیاں اُنہاں اِس عذاب آ پکڑیا جس نال او مذاخاں کرنے اے

سورت الانبیاء نا رکوع نمبر 3
پارہ نمبر 17 نا رکوع نمبر 3

42:- آکھو کہ رحمان نے عذاب توں دیاڑی راتی تُساں کونڑ بچانا اے بلکہ او آپڑیں اللہ نی یاد روگردانی کرنے نوں
43:- کیا اساں توں سوا اُنہاں نے کج معبود ہور نوں جیڑے اُنہاں مصائب توں بچانے نوں او سکت نی رکھنے آپڑیں مدد می اور نہ او آپڑیں آں بچاڑیں نی سکت رکھنے نوں
44:- بلکہ اساں اُنہاں نے پیو دادے آں کیڑا سامان دتا ایتھے تک کہ اُنہاں نی عمردراز ہو گئی پس کیا او نی دیکھنے کہ اسیں زمی آں منکراں تے تنگ کرنے آں فر کیا او غالب آنڑے والے نوں
45:- آپ صہ آکھو کہ اِس توں سوا نی کہ میں تُساں وحی نال ڈرانا واں اور بہرے بُلانڑاں نی سُڑنے جدوں وی انہاں ڈرایا جُلے
46:- اور اگر اُنہاں اللہ نے عذاب نی اک لپیٹ وی پکڑے تے او ضرور آکھسن او ہائے اَساں نی شامت بے شک اسیں ظالم اے آں
47:- اور اسیں قیامتی نے دیاڑے میزان عدل قیم کرساں تے کسے بندے تے کوئی ظلم نی کیتا جُلنا اگر کوئی عمل رائی نے دانڑیں نے برابر وی ہویا تے اسیں اُساں کِن آنڑساں اور جہان آں اسیں حساب کنڑیں آلے
48:- اور اساں موسیٰ عیہ اور ہارون عیہ آں حق تے باطل بچ فرق کرڑیں آلی کتاب اور روشنی دتی اور پرہیزگاراں وسطے نصیحت
49:- جیڑے لوک اللہ واں دیکھڑیں بغیر ڈرنے نوں اور او قیامت توں خوف کھانے نوں
50:- اور اے بابرکت نصیحت اے جو اَساں لائی (نازل) اے ای تے کہ تُسیں اِس نے منکر او

سورت الانبیاء نا رکوع نمبر 4
پارہ نمبر 17 نا رکوع 4

اپنا تبصرہ بھیجیں