سورت الکہف (رکوع نمبر7 تا 9 ) – ہندکو ترجمہ




50:- اور یاد کرو جدوں اساں فرشتیاں آکھیا کہ سجدہ کرو آدم عیہ آں ساریاں سجدہ کیتا سوائے ابلیس توں او قوم جِن بیچوں ایا اور او آپڑیں اللہ نے حکم توں باہر نکل گیا سو کیا تُسیں اُساں اور اُس نی اولادی آں مینڑیں توں علاوہ سنگی بنڑانے او اور او تساں نیا دشمناں بچ مندا اے اور ظالماں وسطے مندا اے بدلہ
51:- میں اُنہاں نہ آسمان تے زمی نے پیدا کرڑیں نے ٹیم بلایا اور نہ خود اُنہاں پیدا کرڑیں نے ٹیم اور میں گمراہ کرڑیں آلیاں باہنواں نی بنڑانا واں
52:- اور جِس دیاڑے اللہ آکھسی کہ بلاؤ مینڑیں شریکاں جنہاں تُسیں معبود سمجھنے او پس او اُنہاں بلاسن تے او جواب نی دینے اور اَساں اُنہاں نے درمیان ہلاکت نی جگہ بنڑا چھڑساں
53:- اور دیکھسن مجرم اگ تے اور سمجھ جلسن کہ او اِس بچ ٹہونڑ لگے نوں اور او اِس تو بچڑیں نی کوئی راہ نی پانے

سورت الکہف نا رکوع نمبر 7
پارہ نمبر 15 نا رکوع نمبر 19

54:- اور اَساں البتہ اِس قرآن بچ لوکاں وسطے پھیر پھیر کہ ہر قسم نی مثالاں بیان کیتیاں نوں اور ہر چیزاں کولوں انسان بڈا جھگڑالو اے
55:- اور لوکاں کِسے گلاں نی ڈکیا کہ او ایمان کِن آؤن او جبکہ اُنہاں کول بدیت آ گئی اور او آپڑیں رب توں بخشش منگسن بجز اِس نے کہ اُنہاں کول پہلیاں نی روش آوے یا اُنہاں کول آوے سامڑیوں عذاب
56:- اور اسیں رسول نی پیجنے آں مگر خوشخبری دینڑیں اور ڈر سناڑیں آلے اور کُلنے نوں کافر ناحق گلاں نال تاکہ او اِس نال سچ گلاں توں پھسلا کنوں نوں اور اُنہاں بنڑایا مینڑیاں آیتاں اور جس توں ڈرائے گئے اُساں وی صرف اک مزاخ
57:- اور اِس توں بڈا ظالم کونڑ اے کہ جِساں اُس نے رب نی آیتاں نال سمجھایا گیا تے اُس اِس توں منہ پھیر کدا اور او پہل گیا جیڑا اُس ہتھاں اگے پیجیا تے بےشک اَساں اُنہاں نے دلاں تے پردے پا چھڑے نوں کہ او اِس قرآن سمجھن او اور او ڈورے نوں اگر تُسیں اُنہاں ہدیت دار بلاسو تے او ہر گز ہدیت نی پانے کدے وی
58:- اور تُساں نا رب بخشڑیں آلہ مہربان اے اگر اُنہاں نے کیتے تے او اُنہاں نا مواخذہ کرے تے او جلتی پیج چھڑے اُنہاں تے عذاب بلکہ اُنہاں وسطے اک ٹیم مقرر اے اور او ہرگز اُس ٹیم کوئ پناہ نی جگہ نی پانے
59:- اور اُنہاں بستیاں جدوں اُنہاں ظلم کیتا اَساں ہلاک کر چھڑیا اور اَساں اُنہاں نی تباہی وسطے ٹیم مقرر کیتا

سورت الکہف نا رکوع نمبر 8
پارہ نمبر 15 نا رکوع نمبر 20

60:- اور یاد کرو جدوں موسیٰ عیہ آپڑیں شاگرد آں آکھیا کہ میں چلنا رہساں ایتھے تک کہ میں پہنچ جُلاں دو دریاواں نے ملڑیں نی جائی تے یا میں مدت دراز تک چلنا رہساں
61:- فر جدوں او دوئے دریاواں نے سنگم بچ پنچے تے او آپڑیں مچھلی پہل گئے تے اُس مچھلی راہ بنڑا کِدا دریا بچ سرنگ آلی گل
62:- فر جدوں او اگے مڑے تے اُنہاں آپڑیں شاگرد آں آکھیا اساں وسطے صبح نا ناشتہ آنڑو البتہ اَسیں بہوں تھکے آں اِس سفر نال
63:- اُس آکھیا کہ تُساں نی دیکھیا کہ جدوں اَسیں گٹے کول کھلتے آں تے میں مچھلی پہل گیا واں اور ماں نی پہلایا مگر شیطان کہ میں تُساں نال اُس نی گل کراں اور اسں بنڑا کِدا دریا بچ راہ عجیب طرح نال
64:- موسیٰ عیہ آکھیا کہ اِے ای او جگہ جیڑی اَسیں چاہنے اے آں فر او دوئے مڑ آئے آپڑیاں قدماں تے نشانات تے دیکھنے ہوئے
65:- فر اُنہاں اَساں نے بندیاں بیچوں اِک بندے حضر آں پایا اُساں اَساں آپڑیں کولوں رحمت تے علم دتا ایا
66:- موسیٰ عیہ آکھیا کہ میں تُساں نال جلاں اِس راہ بچ تاکہ تُسیں ماں سیکھا چھڑو جوکج تُساں سکھایا گیا اے
67:- حضر عیہ آکھیا کہ توں مینڑیں نال ہرگز صبر نی کر کننا ایں
68:- اور تُوں اُس تے کینجو صبر کرسیں جِس نا تُداں نی پتا
69:- موسیٰ عیہ آکھیا کہ اگر اللہ چاہیا تے تُسیں ماں ضرور صبر کرڑیں آلہ دیکھسو اور میں تساں نی کسے گل نی نافرمانی نہ کرنا
70:- خضر عیہ آکھیا کہ اگر تُداں مینڑیں نال جُلنا ای اے تے فر مینڑیں کولوں نہ پچھیں کِسے چیزاں نے متعلق جدوں تک میں آپ نہ دساں

سورت الکہف نا رکوع نمبر 9
پارہ نمبر 15 نا رکوع نمبر 21

71:- فر او دوئے ٹُر پئے ایتھے تک کہ جدوں او کشتی بچ سوار ہوئے تے حضر عیہ اُس بچ سوراخ کر چھڑیا موسیٰ عیہ آکھیا تُساں اِس بچ سوراخ کر چھڑیا اے تاکہ تُسیں اِس نے سواراں غرق کر چھڑو البتہ تُساں اک بہوں بڈی خطرے نی گل کیتی اے
72:-خضر عیہ آکھیا کہ میں تے پہلے آکھیا ایا کہ توں مینڑیں نال صبر نی کر کننا ایں
73:- موسیٰ عیہ آکھیا کہ تُسیں اِس اُتے مینڑاں مواخذہ نہ کرو جو میں پہل گیا واں اور مینڑیں معاملے بچ ماں مشکل بچ نہ پاؤ
74:- فر او دوئے ٹُرے ایتھے تک کہ او اک لڑکے آں مِلے تے خضر عیہ اَساں قتل کر چھڑیا موسیٰ عیہ آکھیا کہ تُساں اِک جانی آں اک پاک جانی آں بغیر دوئی جانی نے بدلے نال قتل کر چھڑیا اے البتہ تُساں اک ناپسندیدہ کم کیتا اے

پارہ نمبر 15 مکمل

اپنا تبصرہ بھیجیں