پالتو کتے نے 7 سالہ بچی کا پاوں چبا ڈالا




بیونس آئرس : ارجنٹینا میں ماں کے سامنے  پٹ بل نسل کے پالتو کتے نے کمسن لڑکی پر حملہ کرکے پاوں کی ہڈیاں توڑ دیں، ماں بچی کو بچاتی رہ گئی لیکن کتے نے ٹانگ کا گوشت بھی چبا ڈالا۔

غیر ملکی خبر رساں ادارے کی رپورٹ کے مطابق پالتو کتے کے خوفناک حملے کی ایک اور ویڈیو سوشل میڈیا پر وائرل ہوئی جسے دیکھنے والوں کے رونگٹے کھڑے ہوجائیں گے کہ کس طرح سے ایک کمسن بچی کتے کا شکار بنی ہے۔

ارجنٹینا کے دارالحکومت بیونس آئرس میں کتے کے حملے کا واقعہ پیش آیا جس میں پٹ بل نسل کے کتے نے ماں کے ساتھ سڑک سے جاتی ہوئی بچی پر حملہ کردیا۔

ماں سمیت متعدد لوگ کتے سے بچی کو چھڑاتے رہے تاہم دو منٹ تک کتا بچی کو بھنبھوڑتا رہا۔

کتے کے حملے میں بچی کا ایک پیر فریکچر ہوگیا جبکہ ران کا اوپری حصّہ بری طرح چبا ڈالا تاہم بچی حالت خطرے سے باہر لیکن وہ اب بھی صدمے میں ہے۔

Comments

اپنا تبصرہ بھیجیں