پانچ مقامات جہاں پارکنگ پر جرمانہ ہوگا –




ریاض: سعودی عرب میں ایسے پانچ مقامات کی نشان دہی کر دی گئی ہے جہاں پارکنگ پر جرمانہ کیا جائے گا۔

تفصیلات کے مطابق سعودی محکمہ ٹریفک نے ایک بیان میں کہا ہے کہ پانچ ایسے مقامات کی نشان دہی کی گئی ہے جہاں پارکنگ منع ہے، ایسے مقامات پر پارکنگ کرنے والوں پر جرمانہ کیا جائے گا۔

سعودی محکمہ ٹریفک نے ٹویٹر پر ان پانچ مقامات کی نشان دہی کرتے ہوئے کہا ہے کہ ایسے تمام مقامات جہاں ’پارکنگ منع ہے‘ کا بورڈ نصب کیا گیا ہو وہاں گاڑی پارک کرنے پر جرمانہ ہوگا۔

کسی بھی سڑک کے موڑ یا سڑک کے آخری حصے یا چوراہے پر پارکنگ منع ہے، ایسے مقامات پر پارکنگ ٹریفک خلاف ورزی ہوگی۔

محکمہ ٹریفک کے مطابق فائر بریگیڈ کے واٹر پوائنٹس سے 7 میٹر سے کم کے فاصلے پر پارکنگ بالکل منع ہوگی، اس کے علاوہ پل یا انڈر پاس سے 20 میٹر سے کم مقام پر بھی پارکنگ پر پابندی ہے۔

ایسی سڑکوں پر بھی پارکنگ منع ہے جن کے فٹ پاتھ زرد رنگ کے ہوں، ان سڑکوں پر گاڑی پارک کرنے پر بھی جرمانہ عائد ہوگا۔

سعودی عرب: غلط پارکنگ پر 2 ہزار سے زائد افراد پر جرمانہ

واضح رہے کہ سعودی عرب میں معذور افراد کے لیے مختص پارکنگ میں بھی گاڑی پارک کرنا سخت منع ہے، محکمہ ٹریفک کا کہنا ہے کہ معذور افراد کے لیے مختص پارکنگ دن بھر خالی رہے تب بھی وہاں گاڑی کھڑی کرنا منع ہے۔

بعض لوگ دکانوں کے سامنے پارکنگ نہ ملنے پر معذور افراد کی جگہ میں گاڑی پارک کر دیتے ہیں، ان کا خیال ہوتا ہے کہ چند منٹ میں وہ واپس آ کر پارکنگ خالی کر دیں گے، انھیں اندازہ نہیں ہوتا کہ معذور افراد کی جگہ کو چند منٹ کے لیے استعمال کرنا ہی خلاف ورزی ہے۔

Comments

اپنا تبصرہ بھیجیں