‘امریکا کو ایران پر اقتصادی پابندیوں سے کچھ حاصل نہیں ہوگا’ – Urdu News – Today News




ایران کے وزیر دفاع بریگیڈیئر جنرل امیر حاتمی نے کہا ہے کہ امریکا کو ایران پر اقتصادی پابندیوں سے کچھ حاصل نہیں ہوگا۔

ایرانی میڈیا کے مطابق ایک تقریب سے خطاب کرتے ہوئے انہوں نے کہا کہ ایران کو کمزور کرنے کے لیے امریکی اقتصادی پابندیاں ایرانی عوام کا کچھ نہیں بگاڑ سکتیں اگر دشمن یہ سمجھتا ہے کہ وہ پابندیوں سے ہمیں گھٹنے ٹیکنے پر مجبور کر لے گا تو یہ صرف امریکا کی خام خیالی ہے۔

انہوں نے کہا کہ بہت سی قوموں کو ادویات، سائنس و ٹیکنالوجی اور وسائل تک آسانی سے رسائی حاصل ہے جبکہ آج ایرانی قوم پابندیوں کو تحمل کر رہی ہے اور ایسی صورتحال میں دشمنوں نے ہماری قوم کو بنیادی حقوق سے محروم رکھنے کی پوری کوشش کی  ہے۔

وزیر دفاع کا کہنا تھا کہ امریکا کی جانب سے عائد کردہ معاشی و اقتصادی پابندیوں کی ہمیں کوئی پرواہ نہیں کیونکہ یہ صرف ہماری برآمدات سے خوفزدہ ہیں۔

اپنا تبصرہ بھیجیں