اہم یورپی ملک کا مفت کورونا ویکسین فراہم کرنے کا اعلان –




یورپی ملک ناروے کی حکومت نے شہریوں کو کورونا ویکیس مفت فراہم کرنے کا اعلان کر دیا۔

بین الاقوامی میڈیا رپورٹس کے مطابق ناروے کی حکومت نے وعدہ کیا ہے کہ ملک میں بسنے والے ہر شہری کو کورونا سے محفوظ رکھنے کی ویکسین بالکل مفت دی جائے گی۔

اس بات کا اعلان ناروے کی وزیراعظم ارنا سولبرگ نے کرتے ہوئے کہا کہ ہم چاہتے ہیں ہر شہری کو محفوظ اور مؤثر کورونا ویکسین ملے اور اسی وجہ سے ہم نے ویکیسن کو بلامعاوضہ فراہم کرنے کا فیصلہ کیا ہے۔

حکومت نے واضح کیا کہ ناروے میں کورونا کی ویکسین تیاری کے مراحل ہے اور جب بھی محفوظ اور مؤثر ویکسین تیار ہوئی تو مارکیٹ میں اس کی دستیابی مفت ہوگی۔

یورپی ملک ہونے کے باوجود ناروے یورپی یونین میں شامل نہیں تاہم وہ یورپی سنگل مارکیٹ کا حصہ ہے۔اگست میں ناروے نے کہا تھا کہ اسےان ویکسینز تک رسائی حاصل ہوگی جو یورپی یونین فارماسیوٹیکل کمپنیوں کے ساتھ معاہدے کے ذریعے حاصل کرتی ہے۔

Comments

اپنا تبصرہ بھیجیں