خوفناک حادثے کی ویڈیو نے دل دہلا دئیے




کولوراڈو: امریکا کے پہاڑی علاقے میں جیپ گہری کھائی میں جاگری، حادثے کی ویڈیو نے دیکھنے والوں کے دل دہلا دئیے۔

غیرملکی خبررساں ادارے کی رپورٹ کے مطابق امریکی ریاست کولوراڈو کے بلیک بیئر پاس روڈ پر جیب گہری کھائی میں جاگری، خوفناک حادثے کی ویڈیو سوشل میڈیا پر وائرل ہوگئی۔

رپورٹ کے مطابق یوٹیوبر ’وائی ٹو کے رینگلر‘ مذکورہ سڑک سے گزر رہے تھے اس دوران خوفناک حادثے کی ویڈیو ان کے ڈیش بورڈ کیمرے میں محفوظ ہوگئی۔

تین منٹ 15 سیکنڈ کی ویڈیو میں دیکھا جاسکتا ہے کہ ’گاڑی دشوار گزار راستے پر رواں دواں ہے، چند سیکنڈز کے بعد اوپر سے اچانک جیب نیچے آگرتی ہے اور قلابازیاں کھاتی ہوئی گہری کھائی میں گر کر تباہ ہوجاتی ہے۔‘

یوٹیوبر رینگلر کے مطابق خوفناک حادثے سے قبل خاتون ڈرائیور گاڑی سے نکلنے کے دوران شدید زخمی ہوگئیں، حادثے کے نتیجے میں خاتون کی ریڑھ کی ہڈی متاثر ہوئی، انہیں اسپتال میں طبی امداد کی فراہمی جاری ہے۔

رپورٹ کے مطابق خاتون کو صحت یاب ہونے میں کئی ماہ لگ سکتے ہیں اس سلسلے میں ان کے علاج معالجے میں آنے والے اخراجات کے سلسلے میں سوشل میڈیا پلیٹ فارم سے فنڈ اکٹھا کیا جارہا ہے جس میں اب تک 2 لاکھ ڈالرز کی رقم جمع ہوچکی ہے۔

واضح رہے کہ خوفناک حادثہ 10 اکتوبر کے روز پیش آیا تھا، یوٹیوبر رینگلر چند سیکنڈز کے فرق سے حادثے سے بال بال بچ گئے تھے۔

Comments

اپنا تبصرہ بھیجیں