لداخ کے محاذ پر بھارت کو بڑا دھچکا، چین کو مزید بھارتی علاقوں پر کنٹرول حاصل




نئی دہلی : بی جے پی کے سابق رہنما تھپستن چیونگ نے مودی سرکار کی بے بسی کا پول کھول دیا اور بتایا چینی فوج نے لداخ میں مزید 8 کلومیٹر پر قبضہ کرلیا ہے۔

تفصیلات کے مطابق بھارتیہ جنتا پارٹی کے سابق رکن پارلیمنٹ تھپستن چیونگ نے بھارتی اخبار سے بات کرتے ہوئے سنسنی خیز انکشاف کیا کہ چین کے ساتھ سرحد پر صورتحال کشیدہ ہے، چینی فوج نے بھارت کے مزید آٹھ کلو میٹر علاقے پر قبضہ کر لیا ہے۔

سابق بی جے پی رہنما کا کہنا تھا کہ مقامی افراد سے پتہ چلا ہے لائن آف ایکچوئل کنٹرول پر تعینات بھارتی فوجی شدید سردی میں خیموں میں رہ رہے ہیں، اگر حکومت مذاکرات کے ذریعے چین سے بھارتی علاقہ خالی نہیں کروا سکتی تو بھارتی فوجیوں کو مناسب شلٹر فراہم کرنا چاہیے۔

یاد رہے گذشتہ ماہ بھارتی انٹیلجنس نے اعتراف کیا تھا کہ لائن آف ایکچوئل کنٹرول لائن پر چین نے ایک ہزار مربع کلو میٹر کے رقبے پر کنٹرول حاصل کرلیا ہے۔

اخبار کے مطابق چین اپریل سے لائن آف ایکچوئل کنٹرول کیساتھ فوج کو مستحکم کر رہا ہے، حکومتی افسر نے بتایا کہ ڈپسانگ کے میدانی علاقے کا نو سو مربع کلو میٹر چین کے زیر تسلط ہے، ان میں وادی گلوان میں بیس مربع کلومیٹر اور پینگونگ تسو جھیل کا پینسٹھ مربع کلو میٹر اور چوشل میں بیس مربع کلو میٹر کا علاقہ بھی چینی کنٹرول میں ہے۔

Comments

اپنا تبصرہ بھیجیں