جیمز بانڈ چل بسے




لندن: اسکاٹ لینڈ سے تعلق رکھنے والے اداکار شان کونری 90 سال کی عمر میں انتقال کر گئے، شان کونری نے معروف فلم سیریز ‘جیمز بانڈ‘ کی مختلف فلموں میں اداکاری کے جوہر دکھائے۔

بین الاقوامی میڈیا رپورٹ کے مطابق نوے سالہ شان کونری نے اپنی زندگی کی آخری سانسیں باہاماس میں واقع اپنے گھر لیں، وہ برطانوی فکشنل اسپائی سیریز جیمز بانڈ میں 1962 سے 71 کے درمیان مرکزی کردار ادا کرتے رہے ہیں۔

معروف اداکار نے اپنی عمدہ پرفارمنس کے باعث آسکر ایوارڈ سمیت کئی ایوارڈز اپنے نام کیے، 2000ء اُنہیں ملکہ برطانیہ نے ’سر‘ کے خطاب سے نوازا تھا، انہوں نے رواں سال اگست میں اپنی 90 ویں سالگرہ منائی تھی۔

انہوں نے ’ڈاکٹر نو‘، ’یو اونلی لیو ٹوائس‘ اور ’ڈائمنڈ آر فار ایور‘ نامی فلموں میں اپنی اداکاری کے جوہر دکھائے، اس کے علاوہ شان کونری نے ’انڈیانا جونز‘ اور ’لاسٹ کروسیڈ‘ میں بھی عمدہ اداکاری کی۔

Comments

اپنا تبصرہ بھیجیں