تارکین وطن کے لئے پریشان کن خبر –




کویت سٹی: کویت نے تارکین وطن کے لئے فلو ویکسینیشن معطل کردی ہے۔

بین الاقوامی میڈیا رپورٹ کے مطابق کویتی وزیر داخلہ کی جانب سے جاری بیان میں کہا گیا کہ فلو ویکسین کی قلت ہونے پر یہ اقدام اٹھایا گیا ہے، ابھی تک 55000 ویکسین وصول کیں گئیں ہیں ، جن میں 11000 انفلوائنزا بچاؤ مراکز میں تقسیم کی جاچکی ہے۔

دوسرے مرحلے میں طبی عملے ، نرسنگ باڈیز، رسک عوامل، بزرگ افراد اور دائمی بیماریوں میں مبتلا افراد کو ویکسین دی جائے گی۔

کویت کے وزیر داخلہ نے اپنے بیان میں کہا کہ ابھی فلو ویکسینشن کا پہلا مرحلہ جاری ہے، نیموکول نامی ویکسین فی الحال چھ سے سولہ سال تک کے ان بچوں کو دی جارہی ہے، جنہوں نے پہلے کبھی ویکسینشن نہیں کرائی، اس کے علاوہ صحت کے خطرے سے دوچار افراد کو بھی یہ ویکسیشن دی جارہی ہے۔

یہ بھی پڑھیں:  کویت میں شہریوں کے لیے نیا انتباہ!

تارکین وطن کے لئے فلو ویکسینشن کا عمل تیسرے مرحلے میں اس وقت شروع کیا جائے گا جب فلو ویکسین کی دوسری کھیپ کویت پہنچے گی، تارکین وطن کو ویکسینشنز پیشگی ادائیگی کے بعد دی جائے گی۔دوسری جانب کویت کے محکمہ صحت کے ذرائع کا کہنا ہے کہ صحت کے شعبے پر پڑنے والے بوجھ کو کم کرنے کے لئے موسمی انفلوائنزا کی ویکسینش کرانی بہت ضروری ہے، کیونکہ اس کی علامات کووڈ نائنٹین انفکیشن سے بہت ملتی جلتی ہے۔

ذرائع کا یہ بھی کہنا ہے کہ کویت کی نجی اسپتالوں اور طبی مراکز میں ابھی تک موسمی انفلوائزا کی ویکسین موجود نہیں ہے، کیونکہ جو کمپنیاں ویکسین تیار کررہی ہے ، انہیں دنیا کے تمام ممالک کی جانب سے زیادہ مانگ کے باعث بہت سی رکاوٹوں کا سامنا کرنا پڑ رہا ہے۔

Comments

اپنا تبصرہ بھیجیں