جوبائیڈن کی جیت، سی این این کے اینکر رو پڑے




واشنگٹن: امریکی نشریاتی ادارے سی این این کے اینکر جوبائیڈن کی جیت پر جذبات پر قابو نہ رکھ سکے اور آبدیدہ ہوگئے۔

غیرملکی خبررساں ادارے کی رپورٹ کے مطابق امریکی نشریاتی ادارے سی این این کے سیاہ فام اینکر وین جونز جوبائیڈن کی جیت پر براہ راست نشریات کے دوران رو پڑے۔

وین جونز کا کہنا تھا کہ امریکا کے لیے بہت بڑا دن ہے، تارکین وطن، سیاہ فام اور مسلمانوں سمیت بہت سے لوگوں نے اب سکھ کا سانس لیا ہوگا۔

براہ راست نشریات کے دوران وین جونز کی رونے کی ویڈیو وائرل ہوگئی۔

وین جونز کا کہنا تھا کہ اب امریکا میں مسلمانوں کو اس بات پر پریشان ہونے کی ضرورت نہیں کہ آپ کے صدر کو آپ کا امریکا میں ہونا پسند نہیں، اگر آپ مہاجر ہیں تو آپ کو اس بات کا خوف نہیں کہ آپ کا صدر اس بات پر خوش ہوگا کہ آپ کا بچہ آپ سے چھین لیا جائے۔

“It’s easier to be a parent this morning. It’s easier to be a dad. It’s easier to tell your kids character matters. It matters. Tell them the truth matters.”

Van Jones reacts after CNN projected Joe Biden as the winner of the presidential election. https://t.co/HO9WG1KPLh pic.twitter.com/b9ukiZnSzk

— CNN (@CNN) November 7, 2020

انہوں نے کہا کہ آج اس ملک میں باپ کے لیے آسان ہے کہ وہ اپنے بچوں کو بتائے کہ کردار کی کیا اہمیت ہے، ایک اچھا انسان ہونا کتنا اہم ہے۔

سی این این کے میزبان نے مزید کہا کہ یہ امریکیوں کے لیے امن کا اور چیزوں کو دوبارہ شروع کرنے کا موقع ہے۔

خیال رہے کہ امریکا کے صدارتی انتخاب میں ڈیموکریٹک امیدوار جو بائیڈن نے ڈونلڈ ٹرمپ کے مقابلے میں ناقابل شکست برتری حاصل کر لی ہے اور اب وہ امریکا کے 46 ویں صدر ہوں گے۔

Comments

اپنا تبصرہ بھیجیں