کملا ہیریس کی تصانیف کی مقبولیت بڑھنے لگی –




نیو یارک : امریکہ کی نو منتخب پہلی خاتون نائب صدر کملا ہیرس صرف سیاسی ہی نہیں بلکہ ایک ادبی شخصیت بھی ہیں، ان کی تصانیف کی مقبولیت میں دن بہ دن اضافہ ہورہا ہے۔

اس حوالے سے میڈیا رپورٹس کے مطابق ادب اطفال پر مبنی کملا کی کتاب ‘ سپر ہیروز ار ایویری ویر’ اور کملا کی یادداشتوں پر مبنی سوانح حیات ‘دی ٹروٹز وی ہولڈ، این امریکن جرنی کی مقبولیت میں ریکارڈ اضافہ ہوا ہے۔

امریکی صدارتی انتخابات 2020 میں کملا ہیرس کا نائب صدر منتخب ہونے کے بعد عالمی سطح پر آن لائن خریداری کے مختلف پلیٹ فارمز پر ان کتابوں کی فروخت میں پہلے کے مقابلے میں کئی گناہ اضافہ ہوا ہے۔

لوگوں کے اندر کملا کی زندگی اور ان کے افکار و خیالات کے بارے میں جاننے کے سلسلے میں دلچسپی بڑھ گئی ہے، ادب اطفال پر مبنی کملا کی کتاب ‘سپر ہیروز ار ایویری ویر’ اور کملا کی یادداشتوں پر مبنی سوانح حیات ‘دی ٹروٹز وی ہولڈ: این امریکن جرنی’ کو امریکی معاشرہ میں خوب پذیرائی مل رہی ہے۔

دوسری جانب کملا کی بھانجی مینا ہیریس کی بچوں کے لیے لکھی گئی کتاب ‘کمالہ اینڈ مایاز بک آئیڈیا’ بھی کافی مقبول ہورہی ہیں۔ ان کتابوں کے علاوہ معروف مصنف نکی گریمس اور لورا فریمن کی تصاویر، گرافکس اور مواد پر منبی مشترکہ کتاب ‘کملا ہیریس: روٹیٹ ان جسٹس’ کو بھی ہاتھوں ہاتھ خریدا جارہا ہے۔

یہاں یہ بات بھی قابل ذکر ہے کہ کملا ہیرس نے امریکی نائب صدر بننے والی پہلی سیاہ فام عورت کی حیثیت سے تاریخ رقم کی ہے اس سے قبل وہ کیلیفورنیا کی سینیٹر بھی رہی ہیں۔

کملا نائب صدر کے عہدے پر منتخب ہونے والے جنوبی ایشیائی نسل کی پہلی خاتون ہیں وہ نائب صدر بننے کے بعد حکومت میں خدمات انجام دینے والی اب تک کی سب سے اعلیٰ درجہ کی خاتون بن جائیں گی۔

Comments

اپنا تبصرہ بھیجیں