عالمی ادارہ صحت نے امریکی صدر کے الزامات کو مسترد کردیا




نیو یارک: (08اپریل 2020) عالمی ادارہ صحت کے عہدیداروں نے امریکی صدر کے الزامات کی نفی کی ہے اور ادارے کے چین کے ساتھ تعلقات کا دفاع کیا ہے۔ ڈبلیو ایچ او کے ڈائریکٹر جنرل کے سینیئر مشیر ڈاکٹر بروس ایلورڈ کا کہنا ہے عالمی ادارہ اسپین اور چین سمیت وبا سے متاثرہ تمام ممالک کے ساتھ تعلقات یکساں روابط رکھے ہوئے ہے۔

غیرملکی خبرایجنسی کے مطابق ادارے کے یورپی ریجنل ڈائریکٹر ڈاکٹر ہانس کلوگے نے امریکی صدر کی جانب سے ادارے کی فنڈنگ روکے جانے کی دھمکی پر بھی تنقید کی۔

ان کا کہنا تھا کہ وبا کی شدت زیادہ ہے اس لیے فنڈنگ کم کرنے کے لیے یہ وقت موزوں نہیں ہے۔

ڈاکٹر ہانس نے یورپ میں کورونا وائرس کی صورت حال کوانتہائی تشویش ناک قرار دیتے ہوئے حکومتوں سے مطالبہ کیا کہ وہ انتہائی احتیاط کے ساتھ جائزہ لینے کے بعد ہی لاک ڈاؤن نرم کرنے سے متعلق کوئی فیصلہ کریں۔

اپنا تبصرہ بھیجیں