سورت المائدہ (رکوع نمبر 9 تا 11) – ہندکو ترجمہ




سورت المائدہ نا رکوع نمبر 9
پارہ نمبر 6 نا رکوع نمبر 13
71:- اے ایمان آلیو اُنہاں لوکاں سنگی نہ بنڑاؤ جیڑے لوک تُساں نے دین آں کھیڈ سمجھنے نوں اور تُساں توں پہلے آلیاں کتاباں اور اللہ توں ڈرو اگر تُسیں ایمان آلے او تے
72:- جدوں تُسیں اذان دینے او تے او مذاح کرنے نوں کیونکہ او عقل نی رکھنے
73:- آپ صہ آکھو کہ اہل کتاب کیاں تُساں اے ای ضد کرنے او جے اَسیں ایمان کِن آئے آں اللہ اور رسول صہ تے اور اُس اُتے جیڑا لتھا اے اور اے کہ تُسیں اکثر نافرمان او
74:- آپ صہ دَسو کہ کیا میں تُساں دَساں کہ اِس توں مندی سزا کِس نی اے جِس اُتے اللہ لعنت کیتی اے اور غضب کیتا اے اور اُنہاں بیچوں بندر تے خنزیر بنڑا چھڑے نے اور اُنہاً شیطان نی غلامی کیتی اے او ای لوک بدترین درجے بچ نوں اور سدھے راہے توں ساریاں توں زیادے پھرے ہوئے
75:- جدوں تُساں کول آنے نوں تے آکھنے نوں کہ اَسیں ایمان کِن آئے آں حالانکہ او کفر نی حالت بچ نوں اور نکلنے وی کفر بچ ای نوں اللہ جانڑنا اے جو او چھپانے نوں
76:- اور غناہ بچ بہوں سارے جَلتی کرنے نوں اور سرکشی تے حرام کھاڑیں بچ مندا اے جو او کرنے نوں
77:- اُنہاں کیوں درویش تے علماء غناہ تو نی ڈکنے اور حرام کھاڑیں توں وی مندا اے جو کرنے نوں پئے
78:- اور یہودی آکھنے نوں اللہ نا ہتھ بدا اے اگر اُنہاں نے ہتھ بدے جُلن او اور جو اُنہاں آکھیا اِس نی وجہ توں اُنہاں اُتے لعنت کیتی گئی اے بلکہ اللہ نے ہتھ کشادہ نوں او خرچ کرنے نوں جینجو او چاہنے نوں اور جو آپ صہ اُتے اللہ نی طرفوں آیا اے اِس توں اِنہاں نی سرکشی ہور بدسی اور کفر وی اور اللہ اُنہاں بچ قیامتی تک نی دشمنڑیں تے ویر (بیر) پا چھڑیا اے او جدوں وی کُلنے (لڑائی ) نی اگ بالنے نوں اللہ بجھا چھڑنا اے اور او ملک بچ فرساد کرنے نوں اور اللہ فرساد آں پسند نی کرنا
79:- اگر اہل کتاب ایمان کِن آؤن آ تے اللہ اُنہاں نیاں برائیاں دور کرکے اُنہاں نعمتاں نیاں باغاں بچ ضرور پیجھ چھڑنے آ
80:- اور اگر او تورایت تے انجیل قیم رکھنے تے اور جو اللہ نی طرفوں لایا گیا اے تے او کھاؤن آ اُتوں وی تے پیراں تَلوں وی اُنہاں بیچوں اِک ٹولہ میانہ رو اے پر اُنہاں بیچوں اکثر مندے کم کرنے نوں
سورت المائدہ نا رکوع نمبر 9 مکمل
سورت المائدہ نا رکوع نمبر 10
پارہ نمبر 6 نا رکوع نمبر 14
81:- اے رسول صہ پہنچا چھڑو جو تُساں اُتے آیا اے اگر اے نہ کیتا نے تے گویا تُساں پیغام نی پہنچایا اور اللہ آپ صہ آں لوکاں توں بچا کنسن او بے شک اللہ کافراں ہدیت نی دینا او
82:- آپ صہ آکھو کہ اہل کتاب تُسیں جو وی او جدوں تک تُسیں نہ قیم کرسو تورایت تے انجیل اور جو تُساں نے رب نی طرفوں لتھا ہویا اے اور ضرور بَد جُلسی اُنہاں بیچوں اکثر نی سرکشی تے کفر اِس وجہ توں جو آپ صہ اُتے آپ صہ نے اللہ نی طرفوں لتھا ہویا اے تے آپ صہ کفار نا غم نہ کرو
83:- بے شک جیڑے لوک ایمان کِن آئے نوں اور جیڑے یہودی ، صابی نصاریٰ ایمان کِن آئے نوں اللہ اور قیامتی تے اور چنگے کم کیتے نے تے کوئی خوف نِی اُنہاں اُتے اور نہ کوئی غم
84:- بے شک اَساں بنی اسرائیل توں پکا عہد کِدا اے اور اُنہاں دار رسول پیجے نوں جدوں وی کوئی رسول اِس حکم نال آیا اے جیڑا اُنہاں نے دِل نی چاہنے تے اک ٹولے ٹھکرا چھڑیا تے اِک ٹولے قتل کر چھڑنا ایا
85:- اُنہاں گمان کیتا کہ کوئی خرابی نی ہونی تے او اَنے (اندھے) ہوگئے اور ڈورے (بہرے) ہو گئے تے اللہ اُنہاں نی توبہ قبول کیتی اُنہاں بیچوں اکثر اَنے تے ڈورے ہو گئے اور اللہ دیکھنا اے جو او کرنے نوں
86:- بے شک او کافر ہوئے جنہاں آکھیا اللہ عیسیٰ عیہ نوں عیسیٰ عیہ آکھیا کہ اے بنی اسرائیل اللہ نی عبادت کرو جو مینڑاں وی اللہ اے تے تُساں نا وی جیڑا اللہ نا شریک کرے اُس اُتے جنت حرام اے اور اُس نا ٹھکانہ جہنم اے اور ظالماں نا کوئی مددگار نی
87:- البتہ او لوک کافر نوں جنہاں آکھیا کہ اللہ 3 نوں ، اور اللہ واحد 1 توں علاوہ کِسے نی عبادت نی ہونی اور اگر او باز نہ آئے جو او آکھنے نوں تے اُنہاں بیچوں جنہاں کفر کیتا اُنہاں ضرور ڈاڈا عذاب ملسی
88:- اور او توبہ کیوں نی کرنے اور اللہ کولوں بخشش منگنے اللہ تے بخشڑیں آلہ مہربان اے
89:- عیسیٰ عیہ رسول نوں اور اُنہاں توں پہلے وی رسول گزر چکے نوں اور اُنہاں نی والدہ سچی ولی نوں اور دوآں کھانڑاں کھانڑے (کھانا کھاتے) دیکھو اَسیں اُنہاں وسطے کہ او جئی دلیل بیان کرنے آں فر دیکھو اے کینجو مُندے (الٹے) ہوئے نوں
90:- آکھو کیا تُسیں اللہ توں بغیر اُساں مننے او جیڑا مالک نی کِسے نفع نقصان نا اور اللہ سنڑنے تے جانڑنے آلہ اے
91:- آکھو اہل کتاب آپڑیں دین بچ ناحق مبالغہ نہ کرو اور اُنہاں لوکاں نی خواہشات نی پیروی نہ کرو جیڑے اِس توں پہلیوں گمراہ ہوگئے نوں اور اُنہاں بہوں ساریاں گمراہ کیتا اے اور آپ وی بہک گئے نوں سدھے راہے توں
سورت المائدہ نا رکوع نمبر 10مکمل
سورت المائدہ نا رکوع نمبر 11
پارہ نمبر 6
92:- نبی اسرائیل بیچوں جنہاں لوکاں کفر کیتا داؤد عیہ اور عیسیٰ ابن مریم عیہ نی زبانی ، اے اِس کر کہ کے اُنہاں نافرمانی کیتی اور حد توں بَد جُلنے نوں
93:- او اک دوئے آں مندے کم توں جیڑا او کرنے اے پئے نی ڈکنے البتہ مندا اے جو او کرنے اے
94:- آپ صہ دیکھسن او کہ اُنہاں بیچوں اکثر کافراں نال سنگت لانے نوں البتہ مندا اے جو اُنہاں اگے پیجیا اے اُنہاں تے اللہ نا غضب اے اور ہمیشہ اِس بچ رہسن او
95:- اور اگر او اللہ تے رسول صہ تے ایمان کِن آنے اور جو اُنہاں اُتے لایا گیا اے اور اُنہاں سنگی نہ بنڑانےلیکن اُنہاں بیچوں اکثر نافرمان نوں
96:- تُسیں ساریاں توں زیادے مسلماناں نا یہود تے مشرکاں دشمنڑ دیکھسو البتہ دوستی بچ ساریاں توں زیادے نیڑے دیکھسو نصاریٰ اے اِس کرکہ کے اُنہاں بچ عالم تے درویش نوں اور اے کہ او تکبر نی کرنے او
پارہ نمبر 6 مکمل

اپنا تبصرہ بھیجیں