سورت المائدہ (رکوع نمبر 11 تا 16) – ہندکو ترجمہ




پارہ نمبر 7 نا رکوع نمبر 1
96:- اور جدوں او سنڑنے نوں جو رسول صہ نی طرف لتھا اے تے دیکھو کہ اُنہاں نیاں اکھیاں بیچوں اَتھرو نکل آنے نوں اِس وجہ توں کہ اُنہان حق پتا لگ گیا اے اور او آکھنے نوں کہ اے اللہ اَسیں ایمان کِن آئے آں اور اَساں نا ناں مومناں بچ لکھ چھڑو
97:- اور اَساں کے ہویا اے کہ اَسیں ایمان نہ آنڑاں اللہ اور اُس حق اُتے جو اَساں کول آیا اور اَسیں خواہش (طمع) رکھنے آں کہ اللہ اَساں نیک لوکاں نال پیجے (داخل کرے)
98:- بس جو اُنہاں آکھیا اِس نے بدلے اللہ اُنہاں باغ دِتے جنہاں تلے کٹھے (نہراں) بگنے نوں اور او ہمیشہ اِس بچ رہسن او اور اے نیکاں نی جزا اے
99:- جنہاں کفر کیتا اور آیتاں نا انکار کیتا اے اے ای لوک دوزخ آلے نوں
سورت المائدہ نا رکوع نمبر 11 مکمل
سورت المائدہ نا رکوع نمبر 12
پارہ نمبر 7 نا رکوع نمبر 2
100:- اے او لوکو جیڑے ایمان کِن آئے او پاک چیزاں اُتے جو اللہ تُساں وسطے حلال کیتیاں نوں نہ رکو تے نہ ای حد توں بَدو بے شک اللہ حد توں بدڑیں آلیاں پسند نی کرنا
101:- اور جیڑا اللہ تُساں دِتا اے حلال تے پاک اِس بیچوں کھاؤ اللہ توں ڈرو جِساں تُسیں مَننے او اللہ تُساں نی پکڑنا
102:- تُساں نیاں گندیاں (بے ہودہ) قسماں اُتے پر تُساں پکرسی اُس قسماں تے جِس نا پکا وعدہ کیتا نے ، اِس نا کفارہ اِے اِے کہ دس محتاجاں کھانڑاں کُھلاؤ او آجا جے او جیا تُسیں گھر والیاں کُھلانے او یا اُنہاں کپڑے دیو یا اِک غلام آزاد کراؤ پر جیڑا اے نہ کر اکے او ترے (3) دیاڑے روزے رکھے اے تُساں نیاں قسماں نا کفارہ اے جدوں تُسیں قسم کھاؤ تے اُس نی حفاظت کرو اِس طرح اللہ تُساں وسطے حکم بیان کرنا اے تاکہ تُسیں شکر کرو
103:- اے ایمان آلیو اِس توں سِوا شراب ، جوا ، بت پرستی تے فال کڈنڑاں شیطانی کم نوں تے اُنہاں بچو تاکہ تُسیں کمیابی پاؤ (فلاح پائیں )
104:- اِس توں سوا نی کہ شیطان چاہنا اے کہ تُساں نے درمیان شراب تے جوئے نال دشمنڑیں پاوے اور تُساں اللہ نی یادی تو ڈکے اور نمازاں توں وی پس تُسیں کے باز آ سو
105:- اور تُسیں اطاعت کرو اللہ تے رسول صہ نی اور بچنے رہو فِر اگر تُسیں پھر جُلو تے سمجھ جُلو کہ رسول صہ نے ذمے صرف واضح گل کرنڑاں اے
106:- جیڑے لوک ایمان کِن آئے نوں اور چنگے کم کیتے نے اُنہاں اُتے کوئی غناہ نی جیڑا او کھا رہے نوں اور آئیندہ پرہیز کرنے نوں اور ایمان آندا نے فر چنگے کم کیتے نے فر او ڈرے فر اُنہاں ایمان آندا فر او ڈرے اور نیکی کیتی نے تے اللہ نیکاں ای سنگی رکھنا اے
سورت المائدہ نا رکوع نمبر 12مکمل
سورت المائدہ نا رکوع نمبر 13
پارہ نمبر 7 نا رکوع نمبر 3
107:- اے ایمان آلیو ! اللہ تُساں ضرور آزماسی کِسے ویلے اُس شکار توں جِس تک تُساں نے ہتھ تے نیزے پہنچنے نوں تاکہ اللہ پتا کرے کہ کونڑ دیکھڑیں بغیر اللہ کولوں ڈرنا اے تے اِس توں بعد جِس زیاتی کیتی اُس وسطے ڈاڈا عذاب اے
108:- اے ایمان آلیو ! نہ مارو شکار جدوں احرام بَدا ہووے نے تے تُساں بیچوں جیڑا جانڑ بجھ کے مارے تے اُس نا بدلہ دیوے مال ڈنگڑاں بیچوں جِس نا تُساں بیچوں دو بڈے (معتبر) فیصلہ کرن ، خانہ کعبہ نیاز پہنچاؤن یا اِس کفارہ اے کُج محتاجاں نا کھانڑاں یا اِس نے برابر روزے رکھنڑاں تاکہ آپڑیں کیتے نی سزا کنن اللہ معاف کیتا اے جو کج پہلے ہو گیا اے اور جیڑا فِر کرسی اللہ اُس کولوں بدلہ کِنسی اور اللہ غالب اے بدلہ کنڑیں آلہ اے
109:- تُساں وسطے دریا نا شکار حلال اے اور اِس نا کھانڑاں تُساں نے فیدے وسطے اور مسافراں وسطے ، تُساں اُتے خشکی نا شکار حرام اے جدوں تک احرام بَدا نے او اور اللہ توں ڈرو جِس دار تُساں مُڑنا اے
110:- اللہ بنڑایا اے کعبہ ، احترام آلہ گھر لوکاں نے کھلڑیں (قیام) وسطے اور حرمت آلے مہینے اور قربانی آلے ڈنگر اے اِس کر کے تاکہ تُسیں سمجھ جُلو کہ اللہ آں پتا اے جو کج آسمان تے زِمی بچ اے اور اللہ ہر چیزاں سیانڑنا اے
111:- جانڑا کِنو کہ اللہ ڈادا عذاب دینا اے اور اللہ ای بخشڑیں آلہ مہربان اے
112:- رسول صہ نے ذمے صرف پیغام پہنچانڑاں اے اور اللہ پتا اے جو کُن تُسیں سامنڑے کرنے او اور جو کُج چھپانے او
113:-آکھو کہ ناپاک تے پاک برابر نی نوں خواہ تُساں ناپاکاں نی زیاتی (کثرت) چنگی لگے تے اے عقل آلیو! ڈرو اللہ توں تاکہ کمیاب ہو
سورت المائدہ نا رکوع نمبر 13مکمل
سورت المائدہ نا رکوع نمبر 14
پارہ نمبر 7 نا رکوع نمبر 4
114:- اے ایمان آلیو ! نہ پچھو اُنہاں چیزاں نے متعلق جو تُساں تے ظاہر ہویا نوں اور تُساں مندیاں لگنیاں نوں اور اگر اُنہاں نے متعلق اِس ٹیم پچھسو جدوں قرآن لینا اے (نازل ہو رہا ) پیا تے تُساں وسطے ظاہر کر دتیاں جُلسن او اللہ اِس تو درگزر کیتا اے اللہ بخشڑیں آلہ بردبار اے
115:- اِس توں پہلیوں اِکی قوم اِس نے بارے بچ پچھیا اِیا پر فر او اِس نے منکر ہو گئے
116:- اللہ نے نہیں بنڑایا بحیرہ اور نہ سائبہ اور نہ وصیلہ اور نہ حام پر جنہاں لوکاں کفر کیتا اےاور اللہ اُتے کوڑ مارنے نوں اُنہاں بیچوں بہوں سارے تے عقل نی رکھنے او
117:- اور جدوں اُنہاں آکھیا جُلے کہ آؤ اِس دار جو اللہ لایا (نازل کیا) اے اور رسول صہ دار تے او آکھنے نوں او اَساں وسطے بہوں اے جِس اُتے اَساں ماو تے پیو دادے آں دیکھیا اے اِس صورت بچ وی کہ اُنہاں نے پیو دادے کج نہ سمجھنے ہون او اور نہ ہدیت یافتہ ہون او
118:- اے ایمان آلیو ! تُساں اُتے جانی نا فکر لازم اے جدوں تُسیں ہدیت تے او تے جیڑا گمراہ ہویا تُساں نقصان نی پہنچا اکنا تُساں ساریاں اللہ دار مڑنا اے اور او تُساں دَس چھڑسی جو تُسیں کرنے او
119:- اے ایمان آلیو ! تُساں نے درمیان گواہی نا طریقہ اے وے کہ جدوں تُساں بیچوں کِسے آں موت آوے وصیت نے ویلے تُساں بیچوں دو معتبر بندے ہون یا تُساں توں بغیر اور اگر تُسیں سفر کرنے او پئے فر تُساں موت آوے تے دوآں روک کِنو نمازاں توں بعد اگر تُساں شک ہووے تے دوئے اللہ نی قسم کھاؤ کہ اَسیں اِس نے بدلے کوئی قیمت نہ کننے خواہ رشتے دار ہون اور اَسیں اللہ نی گواہی نہ چھپانے ورنہ اَسیں بے شک گناہگاراں بیچوں ہو جُلاں
120:- فر اگر اِس نی خبر ہو جُلے کہ دوئے غناہ نے سزاوار نوں تے اُنہاں نی جگہ اُنہاں بیچوں دو ہور کھل جُلن او جنہاں ناحق مارنا چاہیا نے جیڑے ساریاں توں زیادے میت نے نیڑے ہون فِر او اللہ نی قسم چاؤن کہ اَساں نی گواہی اُنہاں توں زیادے سچی اے اور اَساں زیاتی نی کیتی اِس صورت بچ اَسیں ظالماں بیچوں ہو جُلاں
121:- اے بہوں نیڑے وے جے او گواہی اِس نے صیح طریقے تے دیون یا او ڈرن او کہ اَساں نی قسم اُنہاں نی قسم توں بعد رد ہو جُلسی اور اللہ توں ڈرو اور سنڑو اور اللہ نی ہدیت دینا نافرمان لوکاں واں
سورت المائدہ نا رکوع نمبر 14 مکمل
سورت المائدہ نا رکوع نمبر 15
پارہ نمبر 7 نا رکوع نمبر 5
122:- اللہ جِس دیاڑے رسولاں جمع کرسی فر آکھسی کہ تُساں کہ جواب مِلیا او آکھسن او کہ اَساں نی پتا بے شک تُسیں چھپیاں گلاں سمجھنے او
123:- جدوں اللہ آکھیا کہ اے عیسیٰ عیہ مینڑیں نعمت آپڑیں اُتے تے آپڑیں والدہ تے یاد کرو جدوں میں جبرائیل عیہ توں تُساں نی مدد کیتی تے تُسیں لوکاں نال پنگھوڑے بچ تے بُڈیوں گلاں کرنے او جدوں میں تُساں کتاب حکمت دِتی اور تورایت تے انجیل سکھائی اور جدوں مینڑیں حکم نال تُسیں پرندے نی شکل بنڑانے او مٹی نال فر پھونک مارنے او تے او اُڈنا، مینڑیں حُکمے نال مُردے آں جینا کر چھڑنے او اور جدوں میں بنی اسرائیل آں تُساں توں ڈکیا جدوں تُسیں کھلیاں نشانیاں کِن آئے او تے اُنہاں بیچوں کافراں آکھیا کہ اے کُھلا جادو اے
124:- اور جدوں میں حواریاں نے دِلے بچ پا چھڑیا کہ مینڑیں اور مینڑیں رسول تے ایمان کِن آؤ اور اُنہاں آکھیا کہ اَسیں ایمان کِن آئے آں اور تُسیں گواہ رہو بے شک اسیں فرمانبردار آں
125:- جدوں حواریاں آکھیا کہ اے عیسیٰ ابن مریم عیہ کیا تینڑاں رب اے کر اکنا اے کی آسمان توں اَساں اُتے خوان لاوے اُنہاں آکھیا اللہ توں ڈرو کہ اگر تُسیں مومن او تے
126:- اُنہاں آکھیا کہ اَسیں چاہنے آں کہ اِس بیچوں کھاواں اور اَساں نے دِل مطمئن ہون او اور اَسیں سمجھ جُلاں کہ تُساں اَساں نال سچ آکھیا اے اور اَسیں اِس اُتے گواہ رہواں او
127:- عیسیٰ عیہ آکھیا کہ اے اللہ اے رب! اَساں تے خوان لا تاکہ اَساں نیاں پہلیاں تے پچھلیاں نی عید ہووے اور تینڑیں طرفوں نشان ہووے اور اَساں روزی دے توں ساریاں توں چنگی روزی دینڑیں آلہ ایں
128:- اللہ آکھیا کہ میں بے شک لاساں پر فر جیڑا مکریا تے اُساں اے جیا عذاب دیساں جے جیا پورے جہان بچ ہور کِسے آں نی دتا او
سورت المائدہ نا رکوع نمبر 15مکمل
سورت المائدہ نا رکوع نمبر 16
پارہ نمبر 7 نا رکوع نمبر 6
129:- اور جدوں اللہ آکھیا کہ اے عیسیٰ عیہ توں لوکاں آکھیا کہ ماں (مجھے) تے مینڑیں والدہ اللہ توں بعد دو معبود بنڑا کِنو اُس آکھیا کہ توں پاک ایں مینڑیں وسطے روا نی کہ میں اے جئی گل آکھاں جِس نا ماں (مجھے) حق نی اگر میں ہونا تے اللہ تُساں پتا ہووے آ اور تُساں پتا اے جو مینڑیں دِلے بچ اے اور ماں (مجھے) نہیں پتا جو کج تُساں نے دِلے بچ اے بے شک تُسیں چھپیاں گلاں سیانڑنے او
130:- میں اُنہاں نی آکھیا مگر صرف اے کہ جیڑا تُساں حکم دِتا اے کہ تُسیں اللہ نی عبادت کرو جیڑا مینڑاں وی رب اے اور تُساں نا وی اور جدوں تک میں اُنہاں بچ ریا واں میں خبردار ای ریا واں فر جدوں تُساں ماں چا کِدا تے فر تُسیں اُنہاں اُتے نگران اے او اور تُسیں ہر چیزاں توں باخبر او
131:- اگر تُسیں اُنہاں عذاب دیو تے او تُساں نے بندے نوں اور اگر تسیں اُنہاں بخش چھڑو تے اللہ تُسیں غالب او تے حکمت آلے او
132:- اللہ آکھیا کہ اے دیاڑہ اے وے جدوں سچیاں اُنہاں نا سچ فیدا دیسی اور اُنہاں وسطے باغات نوں جنہاں تلے کھٹے بگنے نوں اور ہمیشہ اِس بچ رہسن او اور اللہ راضی اے اُنہاں توں اور راضی نوں اللہ توں اے بڈی کامیابی اے
133:- اللہ وسطے اے بادشاہت آسمان نی وی تے زمی نی اور جو کج اُنہاں نے درمیان اے اور او ہر چیز تے قادر اے
سورت المائدہ مکمل

اپنا تبصرہ بھیجیں