سورت الانعام (رکوع نمبر 1 تا 4) – ہندکو ترجمہ




سورت الانعام نا رکوع نمبر 1
پارہ نمبر 7 نا رکوع نمبر 7
1:- ساریاں تعریفاں اللہ نیاں جِس زمی تے آسمان بنڑائے نوں اور نیرا تے لُو فر کافر آپڑیں اللہ نال برابر کرنے نوں او دوئیاں
2:- او جِس تُساں مٹی نال بنڑایا ایا فر اک ویلا (وقت) مقرر کیتا سو اور اُس کول ویلا مقرر اے فر تُسیں شک کرنے او
3:- او ای اے اللہ آسمان تے زمی بچ او تُساں نا ظاہر تے چھپیا ہویا سمجھنا اے اور جو کج تُسیں کرنے او
4:- اُنہاں کول نی آئی اللہ نیاں نشانیاں بیچوں کوئی نشانی پر او منہ پھر کننے او اِس توں
5:- بس اُنہاں حق پہلایا (بھلایا) جدوں اُنہاں کول آیا تے جَلتی اُنہاں نی حقیقت اُنہاں نے سامنڑیں آ رہسی جِس نا او مذاخ کرنے او
6:- کیا اُنہاں نی دیکھیا کہ اَساں اُنہاں توں پہلیوں کتنیاں ای اُمتاں ہلاک کر چھڑیاں نوں اور اَساں اُنہاں ملک بچ اقتدار دِتا اے جتنا تُساں وی نی دتا اور اَساں اُنہاں اُتے بدل برسایا اور اَساں نہراں بنڑائیاں اُنہاں تلے نگنیاں نوں اور فر اُنہاں نے غناواں نے سبب اُنہاں ہلاک کر کے دوئیاں امتاں کھلار چھڑیاں نوں
7:- اور اگر اَسیں تُساں تے کاغذے تے لکھیا لاواں فر او اُنہاں آپڑاں ہتھ وی لا کِنو نوں البتہ کافر آکھسن او کہ اےکھلا جادو اے
8:- اور آکھنے نوں کہ اِس اُتے فرشتہ کیوں نی آیا اور اگر اَسیں فرشتہ لاواں تے کم ہوگیا ہووے آ فر اُنہاں مہلت نی ملنی اے ای
9:- اور اگر اَسیں اُساں فرشتہ بنڑانے پر اَساں اُساں آدمی ای بنڑانے اور اُنہاں اُتے شک پاچھڑنے جِس بچ اوہنڑ پئے نوں
10:- اور البتہ آپ صہ توں پہلے رسولاں تے ہنسی کیتی گئی اے تے اُنہاں بیچوں ہنسڑیں آلیاں اِس چیز پکڑ کِدا جِس اُتے او ہنسنے اے
سورت الانعام نا رکوع نمبر 1 مکمل
سورت الانعام نا رکوع نمبر 2
پارہ نمبر 7 نا رکوع نمبر 8
11:- تُسیں آکھو کہ ملک بچ ٹُر پھر کہ دیکھو جھٹلانڑیں آلیاں نا کہ او جیا انجام ہویا اے
12:- تُسیں پچھو کِس وسطے اے جو کج آسمان تے زمی بچ اے آکھو کہ صرف اللہ وسطے اور اللہ آپڑیں اُتے رحمت لکھ کِدی اے قیامتی نے دیاڑے ضرور جمع کرسی جِس بچ کوئی شک نی جنہاں لوکاں آپڑیں آپے آں کہاٹے بچ پایا اے او ای ایمان نی آنڑنے او
13:- اور اِس وسطے جو بسنا اے راتی تے دیاڑی اور او سنڑنے آلہ جانڑنے آلہ اے
14:- آپ صہ آکھو کہ کیا میں اللہ توں بغیر کِسے آں کارساز بنڑاواں جیڑا آسمان تے زمی نا بنڑانڑیں آلہ اے او ساریاں کھلانا اے اور آپ نی کھانا بے شک ماں (مجھے) حکم دِتا گیا اے کہ ساریاں توں پہلے ہو جُلاں جنہاں حکم منیا اور تُسیں ہرگز شرک کرڑیں آلیاں بیچوں نہ ہوئے
15:- آپ صہ آکھو کہ اگر میں اللہ نی نافرمانی کراں تے میں بڈے دیاڑے نے عذاب کولوں ڈرنا واں
16:- اُس دیاڑے جِس توں عذاب پھیریا جُلسی تے اللہ اُس اُتے رحم کیتا اے اور اے کھلی کامیابی اے
17:- اگر تُساں سختی دیوے تے کوئی دور کرڑیں آلہ نی اِس توں سوا اور اگر او تُساں کوئی بھلائی دیوے تے او ہر چیزاں تے قادر اے
18:- اور او آپڑیں بندیاں تے غالب اے حکمت آلہ خبر رکھڑیں آلہ اے
19:- آپ صہ آکھو کہ ساریاں بڈی گواہی کِس نی اے آپ صہ آکھو کی مینڑیں تے تُساں نے درمیان اللہ گواہ اے اور مینڑیں تے قرآن وحی کیتا گیا اے تاکہ میں تُساں ڈراواں اور جِس تک اے پہنچے کیا تُسیں واقعی گواہی دینے او کہ اللہ نال کوئی ہور معبود وی اے اور میں اِس توں بیزار آں جو تُسیں شرک کرنے او
20:- او لوک جنہاں اَساں کتاب دِتی اے او اِساں اینجو سیانڑنے نوں جینجو آپڑیاں جنکاں (بیٹے) سیانڑنے نوں جنہاں آپے آں کہاٹے بچ پایا اے او ایمان نی آنڑنے
سورت الانعام نا رکوع نمبر 2 مکمل
سورت الانعام نا رکوع نمبر 3
پارہ نمبر 7 نا رکوع نمبر 9
21:- اور اِس توں بڈا ظالم کونڑ اے جیڑا اللہ تے کوڑ مارے یا اللہ جھٹلاوے اور اُس نی آیتا تے بے شک ظالم فلاح نی پانے
22:- اور جِس دیاڑے اسیں اُنہاں جمع کرساں تے فر آکھساں کہ مشرکاں کہ کیتھے نوں او شریک جنہاں نے دعوے کرنے او
23:- فر نہ رہسی اُنہاں نا عذر کہ اللہ اَسیں شریک نہ کرنے آں
24:- دیکھو اُنہاں کہ او جیا کوڑ ماریا اے آپڑیاں جاناں تے اور اُو جیڑیاں گلاں کرنے او کھوئیاں گئیاں نوں
25:- اور اُنہاں توں بعض تُساں دار کَن لائی رکھنے نوں اور اَساں اُنہاں نیاں دِلاں اُتے پردے پا چھڑے نوں کہ او اِساں نہ سمجھن او اور اُنہاں نیاں کناں تے بوجھ اے اگر او ساریاں نشانیاں دیکھ کِنن او تاں وی ایمان نی آنڑنے ایتھے تک کہ جدوں او آپ صہ کول آنے نوں تے جھگڑنے نوں آکھنے نوں او لوک جنہاں کفر کیتا اے صرف پہلیاں نیاں کہانڑیاں نوں
26:- اور او اِس توں دوئیاں ڈکنے نوں اور آپ وی نسنے نوں اِس توں اور او صرف آپے آں ہلاک کرنے نوں اور او عقل نی رکھنے
27:- اور کدے تُسیں دیکھو کہ جدوں اُنہاں دوزخ تے کھلارساں تے او آکھسن کہ اے کاش اَساں موڑ چھڑن تے اَسیں آیتاں نا انکار نہ کراں اور ہو جُلاں مومناں بیچوں
28:- بلکہ او اِس توں پہلے جو کج چھپانے او اُنہاں اُتے ظاہر ہوگیا اور او اگر واپس پیجے جُلن تے فر او اِی کرسن او کوڑتے نوں
29:- اور او آکھنے نوں نہ اَساں نی اے ای زندگی اے دنیا نی اور اَساں نی چایا جُلنا
30:- کدے تُسیں دیکھو کہ جدوں او اللہ نے سامنڑیں کھلارے جُلسن او اللہ آکھسی کیا اے سچ نی او آکھسن او کہ ہاں کیوں نی فر اللہ آکھسی کہ عذاب چکھو کیونکہ تُسیں کافر او
سورت الانعام نا رکوع نمبر 3 مکمل
سورت الانعام نا رکوع نمبر 4
پارہ نمبر 7 نا رکوع نمبر 10
31:- بس او لوک کہاٹے بچ نوں جنہاں اللہ نے ملڑیں آں نی منیا ایا ایتھے تک کہ جدوں اچانک اُنہاں اُتے قیامت آ گئی او آکھنے ہائے افسوس جیڑی اَساں اِس بچ کوتاہی کیتی اے اور آپڑیں وزن آپڑیں کنڈی تے چائے ہوسن او مندا اے جو او چاہسن او
32:- اور او دنیا نی زندگی صرف کھیڈ تے دل بہلانڑیں نی جگہ اور آخرت اُنہاں وسطے چنگی اے جو پرہیزگار نوں
33:- سو کیا تُسیں عقل نال کم نی کرنے او آپ صہ آں او گل مندی لگنی اے جو او آکھنے نوں ظالم آپ صہ آں نی جھٹلانے بلکہ اللہ نیاں آیتاں نا انکار کرنے نوں
34:- اور البتہ رسول جھٹلائے گئے نوں آپ صہ توں پہلیوں وی اُنہاں صبر کیتا اِس تے جو او جھٹلائے اور ستائے گئے نوں ایتھے تک کہ اُنہاں اُتے اَساں نی مدد آگئی اور کوئی بدلڑیں آلہ نی اللہ نیاں گلاں اور البتہ آپ صہ کول رسولاں نیاں کج خبراں پہنچ آیاں نوں
35:- اور اگر آپ صہ تے مشکل اے اُنہاں نا منہ پھیرنا تے اگر تُساں توں ہو کنے تے زمی بچ کوئی سُرنگ یا آسمان بچ کوئی پوڑی لوڑ کنو فر تُسیں اُنہاں کول کوئی نشانی کن آؤ اگر اللہ چاہنا تے اُنہاں ہدیت تے جمع کر کننا سو آپ صہ بے خبراں بیچوں نہ ہون او
36:- مننے صرف او نوں جیڑے سنڑنے نوں اور مردیاں اللہ جینا کرسی اور اُس دار ای مڑنا اے
37:- او آکھنے نوں اِس اُتے اللہ نی نشانی کیوں نی لتھی آپ صہ آکھو کہ اللہ اِس تے قادر اے کہ او لائے کوئی نشانی لیکن اُنہاں بیچوں اکثر نی جانڑنے
38:- اور زمی بچ کوئی چلڑیں آلہ ڈنگر نی اور نہ کوئی پرندہ جیڑا آپڑیں دو پراں اُتے اُڈے مگر اُنہاں نیاں وی تُساں آلی گل دو جماعتاں نوں اور اَساً کتاب بچ کوئی گل نی چھوڑی فر تُسیں اللہ دار جمع کیتے جُلسو
39:- اور جنہاں لوکاں اَساں نیاں آیتا نی منیا او ڈورے اور گونگے نوں نیرے (اندھیرے) بچ نوں جِساں اللہ چاہوے گمراہ کر چھڑے اور جِساں چاہوے سدھے راہے تے چلا چھڑے
40:- آپ صہ آکھو کہ دیکھو اگر تُساں تے اللہ نا عذاب آئے یا تُساں تے قیامت آ جُلے کیا تُسیں اللہ توں بغیر کِسے ہور آں بُلاسو اگر تُسیں سچے او تے
41:- بلکہ تُسیں اُسے آں بُلانے او جِساں دکھ بچ بلانے او اور اگر او چاہوے تے اِساں دور کر چھڑنا اے اور تُسیں پہل (بھول) جُلنے او جِساں شریک کرنے او
سورت الانعام نا رکوع نمبر 4 مکمل

اپنا تبصرہ بھیجیں