سورت الانعام (رکوع نمبر 5 تا 8) – ہندکو ترجمہ




سورت الانعام نا رکوع نمبر 5
پارہ نمبر 7 نا رکوع نمبر 11
42:- بس اَساں تُساں توں پہلیاں اُمتاں دار وی رسول پیجے فر اَساں اُنہاں نی نافرمانی نے بدلے اُنہاں پکڑیا عذاب تے سختی بچ تاکہ او گڑگڑاؤن
43:- فر جدوں اُنہاں اُتے اَساں نا عذاب آیا تے او کیوں نہ روئے اُنہاں نے دل باٹے ہو گئے اور جو او کرنے اے شیطان اُنہاں آراستہ کر چھڑیا
44:- فر جدوں او پہل (بھول) گئے او نصیحت جیڑی اُنہاں کیتی گئی تے اَساں اُنہاں اُتے ہر چیز نے بوئے کھول چھڑے ایتھے تک کہ جدوں او اُنہاں چیزاں تو خوش ہو گئے جو اُنہاں دتیا گیاں نوں تے اَساں اچانک اُنہاں پکڑ کِدا فر اِس ٹیم او مایوس ہو گئے
45:- فر ظالم قوم نی جڑ ہی کپ چھڑی او اور ہر تعریف اللہ وسطے اے جیڑا سارے جہان نا رب اے
46:- آپ صہ آکھو کہ اگر اللہ تُساں نے کن تے اکھیاں چاہ کِنے تے اور دِلاں تے مہر لا چھڑے تے اللہ توں علاوہ کوئی معبود اے وے جیڑا اے چیزاں دیوے موڑ کہ دیکھو اسیں کینجو بدل بدل کہ دسنے آں فر وی او کنارہ کرنے نوں
47:- آپ صہ آکھو کہ دیکھو تے سہی کہ اگر تُساں اُتے اللہ نا عذاب اچانک یا کھلم کھلا آوے تے کیا ظالم لوکاں توں علاوہ وی کوئی ہلاک ہوسی
48:- اور اسیں رسول نہیں پیجے او صرف خوشخبری دینڑیں اور ڈر سناڑیں آلے پس جو ایمان لایا اور سدھر گیا تے اُنہاں تے خوف یا غم نی ہونا
49:- اور جنہاں لوکاں اَساں نیاں آیتاں نا انکار کیتا اے اُنہاں عذاب ملسی اِس کر کہ جے او نافرمانی کرنے
50:- آپ صہ آکھو کہ میں نہ آکھنا کی مینڑیں کول اللہ نے خزانے نوں اور نہ ماں (مجھے) غیب نا پتہ اے اور نہ میں آکھنا کہ میں فرشتہ واں میں پیروی کرنا واں صرف اُس نی جیڑی وحی آنی اے آپ صہ آکھو کہ اَنا (نابینا) تے اکھیاں آلہ (بینا) برابر ہو اکنے نوں سو کیا تُسیں غور نی کرنے او
سورت الانعام نا رکوع نمبر 5 مکمل
سورت الانعام نا رکوع نمبر 6
پارہ نمبر 7 نا رکوع نمبر 12
51:- اور اُس توں لوکاں ڈراؤ جیڑے خوف رکھنے نوں کہ آپڑیں اللہ نے سامنڑیں جمع ہوسن او اِس توں سوا اُنہاں نا کوئی حمیتی تے سفارشی نی ہونا
52:- آپ صہ اُنہاں لوکاں دور نہ کرن او جیڑے اللہ بُلانے نوں صبح تے شامی اور او اللہ نی رضا چاہنے نوں آپ صہ نے ذمے اُنہاں نے حساب بیچوں کج نی اور نہ اُنہاں اُتے آپ صہ نے حساب بیچوں کج اے اگر اُنہاں دور کرسو تے ظالماں بیچوں ہو جُلسو او
53:- اور اِسے طرح اَساں بیچوں کج آں کج نال آزمایا اے تاکہ او آکھن او کہ کیا اے ای لوک نوں جنہاں اُتے اللہ نا فضل اے اَساں بیچوں کیا اللہ شکرگزاراں نی صیح سیانڑنا
54:- اور جدوں آپ صہ کول او لوک آؤن او جیڑے آیتاں تے ایمان رکھنے نوں تے آپ صہ آکھن او تُساں تے سلام اور اللہ رحمت لکھ چھڑی اے تُساں بیچوں کوئی وی غناہ کرے فر توبہ کرے اور نیک ہو جُلے تے بے شک اللہ بخشڑیں آلہ اے
55:- اور اِس طرح ای اَسیں تفصیل نال آیتاں لانے آں تاکہ گناہگاراں نا طریقہ ظاہر ہو جُلے
سورت الانعام نا رکوع نمبر 6 مکمل
سورت الانعام نا رکوع نمبر 7
پارہ نمبر 7 نا رکوع 13
56:- آپ صہ آکھو کہ ماں (مجھے) اِس گل توں روکیا گیا اے کہ اُنہاں نی بندگی کراں جنہاں تُسیں بُلانے او اللہ توں سوا آپ صہ آکھو کہ میں تُساں نی خواہشاں نی پیروی نہ کرنا اِس صورت بچ میں بے شک بہک جُلساں اور ہدیت ملنڑیں آلیاں بیچوں نہ رہنا
57:- آپ صہ آکھو کہ میں اللہ نی طرفوں واضح دلیل تے آں اور تُسیں اُساں نی مننے او تُسیں جیڑے عذاب نی جَلتی کرنے او مینڑیں کول نی، حکم صرف اللہ نا ہونا اے اور اوحق دسنا اے اور او ساریاں توں چنگا فیصلہ کرنڑیں آلہ اے
58:- آپ صہ آکھو کہ اگر مینڑیں کول دو چیزاں ہوون آ جنہاں نی تُسیں جَلتی کرنے او تےمینڑیں اور تُساں بچ فیصلہ ہو جُلے آ اور اللہ ظالماں چنگی طرح سیانڑنے آلہ اے
59:- اور اِس کول غیب نیاں کنجیاں نوں اُنہاں اِس توں سوا کوئی سیانڑنا او سیانڑنا اے جو کج خشکی تے تری بچ اے اور نی ٹہنا (گرتا) کوئی پتر مگر اُساں پتا ہونا اے اور کوئی دانہ نی زمی نیاں نیریاں بچ اور نہ کوئی تر تے نہ سُکا (خشک) مگر سب کج روشن کتاب (لوح محفوظ) بچ اے وے
60:- اور او ای تے اے جیڑا راتی تُساں نی روح قبض کر کننا اے اور جانڑنا اے کہ تُسیں دیاڑی جو کما چکے او فر اُس دیاڑے چانا اے تاکہ مدت پوری کرو فر تُساں اُس دار اِی مڑنا اے فر تُساں دَس چھڑسی جو تُسیں کرنے او
سورت الانعام نا رکوع نمبر 7 مکمل
سورت الانعام نا رکوع نمبر 8
پارہ نمبر 7 نا رکوع نمبر 14
61:- اور او ای آپڑیاں بندیاں تے غالب اے اور تُساں اُتے نگہبان پیجنا اے ایتھے تک کہ جدوں تُساں بیچوں کِسے موت آ جُلنی تے فرشتے اُس نی روح قبضے بچ چا کننے نوں اور او کوتاہی نی کرنے او
62:- فر موڑے جُلسن او آپڑیں سچے اللہ نی طرف سنڑ کِنو کہ حکم صرف اُس نا ای نے اور او جَلتی حساب کنڑیں آلہ اے
63:- آپ صہ آکھو تُساں خشکی تے دریائے نے نیرے توں کونڑ بچانا اے اُس ٹیم جِس ٹیم تُساں اُساں روکے یا چھپ کہ بُلانے او کہ اَساں اگر بچا کنسیں تے اَسیں شکر گزاراں بیچوں ہو جُلساں او
64:- آپ صہ آکھو کہ اللہ تُساں بچانا اے اِس توں اور ہر سختی توں فر تُسیں شرک کرنے او
65:- آپ صہ آکھو کہ اللہ اِس تے قادر اے تُساں اُتے پیجے عذاب تُساں اُتوں یا تُساں نیاں پیراں تَلوں یا تُساں فرقہ فرقہ کر کہ کُلا (لڑا) چھڑے اور تُساں بیچوں ساریاں اکی دوئے نی لڑائی نا مزا دسے دیکھو اسیں کینجو آیتاں پھیر پھیر کہ دسنے آں تاکہ او سمجھ جُلن او
66:- اور تُساں نی قوم اُساں نی منیا اے حالانکہ او حق اے آپ صہ آکھو کہ میں تُساں تے داروغہ نی آں
67:- ہر خبر وسطے اک مقررہ ٹیم اے اور تُساں جَلتی پتا لگ جُلسی او
68:- اور جدوں تُسیں اُنہاں لوکاں دیکھو جیڑے لوک آیتاں بچ کُلنے نوں تے اُنہاں توں کنارہ کر کِنوں نوں تاکہ او مشغول ہو جُلن اِس توں علاوہ کِسے ہور گل بچ اور اگر تُساں شیطان پہلا (بھلا) چھڑے تے یاد آنڑیں توں بعد نہ بہو (بیٹھو ) ظالم لوکاں کول
69:- اور جیڑے لوک پرہیز کرنے نوں اُنہاں اُتے جھگڑنے آلے کہ حساب بچ کوئی چیز نی لیکن نصیحت کرو تاکہ او ڈرن او
70:- اور اُنہاں لوکاں چھوڑ دیو جنہاں آپڑیں دین آں کھیڈ تے تماشا بنڑا کِدا اے اور دنیا نی زندگی اُنہاں دھوکے بچ پایا اے اور اُنہاں قرآن توں نصیحت کرو تاکہ کوئی آپڑیں کمے (عمل) توں پکڑیا نہ جُلے اِس وسطے نی اللہ کول کوئی حمیتی اور نہ کوئی سفارشی اور اگر بدلے بچ سارے معاوضے دیو تاں وی نی کنڑ ہونے ،اے ای او لوک نوں جیڑے آپڑیں کیتے توں پکڑے جُلسن او اُنہاں گرم پانڑیں (پانی) پینا اے اور ڈاڈا عذاب اے اُس کر کہ او کفر کرنے
سورت الانعام نا رکوع نمبر 8 مکمل

اپنا تبصرہ بھیجیں