سورت الانعام (رکوع نمبر 9 تا 13) – ہندکو ترجمہ




سورت الانعام نا رکوع نمبر 9
پارہ نمبر 7 نا رکوع نمبر 15
71:- آکھو کہ کیا اَسیں اللہ توں بغیر اُساں بلاواں جیڑا نہ نفع دے اکنا اے اور نہ ای نقصان اور پھٹے پیر پھر جُلاں اِس توں بعد کہ اللہ اَساں ہدیت دتی اے اِس بندے آلی گل جِساں شیطان پہلا (بھلا) چھڑیا اے جنگل بچ او حیران ہوسی اُس نے سنگی اُساں ہدیت ای ہدیت اے اور اَساں حکم دتا گیا اے کہ سارے جہان نے اللہ نے فرمانبردار ہو
72:- اور اے کہ نماز قیم کرو اور اُس توں ڈرو اور او ای اے جِس دار تُساں مڑ کہ جُلنا اے
73:- اور او ای اے جِس آسمان تے زمی آں ٹھیک طرح پیدا کیتا اے اور او جِس دیاڑے آکھسی “ہوجا” تے “ہو جُلسی” اُس نی گل سچی اے اور ملک اُس نا ای اے جِس دیاڑے صور پھونکیا جُلسی غیب تے ظاہر جانڑنے آلہ او ای اے حکمت آلہ باخبر
74:- اور جدوں ابراہیم عیہ آزاد آپڑیں پیو آں آکھیا کہ توں بُتاں معبود بنڑانا ایں میں تُداں تے تینڑیں قوم آں گمراہی بچ دیکھنا واں
75:- اور اِسطرح اَسیں ابراہیم عیہ آں آسمان تے زمی نی بادشاہی دس چھڑی تاکہ او یقین کرنے آلیاں بیچوں ہو جُلن او
76:- فر جدوں اُس اُتے راتی نیرا کر کِدا تے اک ستارہ دسیا اُنہاں آکھیا کیا اے مینڑاں رب اے فر او غیب ہو گیا تے ابراہیم عیہ آکھیا میں سنگی نہ رکھناغیب ہونڑے آلیاں
77:- فر چمکنا چَن دیکھیا تے بولے کہ اے رب اے فر او وی غیب ہو گیا تے آکھیا نے کہ اگر ماں (مجھے) اللہ ہدیت نہ دیوے تے میں پہلے (بھٹکے) ہوئے لوکاں بیچوں ہو جُلاں
78:- فر جدوں جگمگ کرنا سورج دیکھیا تے بولے کہ اے مینڑاں رب اے ساریاں توں بڈا اے فر او وی غیب ہو گیا تے آکھیا کہ اے مینڑیں قوم میں اُنہاں توں بیزار آں جِساں تُسیں شریک کرنے او
79:- بے شک میں آپڑاں منہ اک سیڈ ہو کہ اُس دار موڑ کِدا اے جِس زمی تے آسمان بنڑائے نوں اور میں مشرکاں بیچوں نہ او
80:- اور اُس نی قوم اُس نال جھگڑا کیتا تے اُنہاں آکھیا اللہ ہدیت دتی اے اور تُسیں اللہ نے بارے بچ مینڑیں نال کُلنے او میں اُنہاں کولوں نہ ڈرنا جنہاں تُسیں شریک کرنے او اُس نال مگر اے کہ مینڑاں اللہ تکلیف پہنچانڑاں چاہوے تے مینڑیں اللہ نے علم ہر چیزاں نا گھیراؤ (احاطہ) کیتا اے کیا تُسیں نی سوچنے او
81:- اور میں شریک کولوں کیوں ڈراں جبکہ تُسیں نی ڈرنے او اللہ نال شریک کرنیوں جِس نی اللہ کوئی دلیل نی لائی او تے دوآں بیچوں امن نا حقدار کونڑ اے اگر تُساں پتا اے تے دسو
82:- جیڑے لوک ایمان کِن آئے اور اُنہاں آپڑاں ایمان ظلم نال نی ملایا ، اےای لوک ہدیت یافتہ وی نوں
سورت الانعام نا رکوع نمبر 9 مکمل
سورت الانعام نا رکوع نمبر 10
پارہ نمبر 7 نا رکوع نمبر 16
83:- اور اے اَساں نی دلیل اے جیڑی ابراہیم عیہ آں اُنہاں نی قوم تے دتی اے اور اَسیں جِس نے چاہواں درجے بلند کراں بےشک تُساں نا اللہ حکمت آلہ تے جانڑنے آلہ اے
84:- او اَساں ابراہیم عیہ آں دتا اسحاق عیہ اور یعقوب عیہ اَساں ساریاں ہدیت دتی نوح عیہ آں ہدیت دتی اِس توں پہلے اُنہاں نی اولاد بیچوں داؤد عیہ ، سلیمان عیہ ، ایوب عیہ ، یوسف عیہ اور موسیٰ عیہ ہارون عیہ آں اور اسطرح اے اسیں نیک کم کرنڑیں آلیاں بدلہ دینے آں
85:- اور زکریا عیہ یحییٰ عیہ اور عیسیٰ عیہ اور الیاس عیہ سارے نیک بندیاں بیچوں نوں
86:- اور اسماعیل عیہ ، عیسیٰ عیہ ، یونس عیہ اور لوط عیہ ساریاں اَساں سارے جہان اُتے فضیلت دِتی
87:- اور کج اُنہاں نے پیو دادے اور اُنہان نی اولاد اور اُنہاں نے پراواں اَساں اُنہاں پیدا کیتا اور سیدھے راہے تے ہدیت دتی اے
88:- اے اللہ نی رہنمائی اے، او اِس توں ہدیت دینا اے آپڑیں بندیاں بیچوں جِساں چاہنا اے اور اگر او شرک کرنے تے او سارے جو کج کرنے اے او سب کج ضائع ہو جُلنا
89:- اے او لوک نوں جنہاں اَساں کتاب شریعت تے نبوت دتی اے لیکن اگر اے اِس نا انکار کرن تے اَساں او لوک مقرر کیتے نوں جیڑے اِس نا انکار کدے وی نی کرنے او
90:- اے ای او لوک نوں جنہاں اللہ ہدیت دتی اے تے اُنہاں نے راہے تے ٹُرو (چلو) آپ آکھو کہ میں اِس اُتے کوئی اجرت نہ منگنا تُساں کولوں بلکہ اے تے نصیحت اے سارے جہان آلیاں وسطے
سورت الانعام نا رکوع نمبر 10 مکمل
سورت الانعام نا رکوع نمبر 11
پارہ نمبر 7 نا رکوع نمبر 17
91:- اور اُنہاں اللہ نی قدر نی کیتی جینجو اُس نا حق ایا جدوں اُنہاں آکھیا کہ اللہ کِسے بندے تے کوئی چیز نی لائی آپ صہ آکھو کہ اوکتاب کِس لائی اے جیڑی موسیٰ کِن کہ آئے نوں لوکاں وسطے لُو (روشنی ) تے ہدیت تُساں اُساں ورقہ ورقہ کر چھڑیا اے تُسیں اُساں ظاہر کرنے او اور اکثرچھپاکننے او اور اُس تُساں سکھایا جو نہ تُسیں تے نہ تُساں نے پیو دادے آں پتا ایا آپ صہ آکھو کہ اے اللہ ای لائی اور اُنہاں چھوڑ دیو اُنہاں نے گندے (بیہودہ) شغلے بچ او
92:- اے قرآن برکت آلی کتاب اے اَساں لائی اے آپڑیں تو پہلیاں کتاباں نی تصدیق کرڑیں آلی تاکہ تُسیں ڈراؤ اہل مکہ واں اورجیڑے اِس نےآس پاس نوں اور جیڑے لوک آخرت تے ایمان رکھنے نوں او اِساں وی مننے نوں تے آپڑیاں نمازاں نی حفاظت کرنے نوں
93:- اور اِس توں بڈا ظالم کونڑ اے جیڑا اللہ اُتےکوڑ مارے یا آکھے کہ مینڑیں دار وحی کیتی گئی اے اور اُساں کوئی وحی نی کیتی گئی اور اسطرح ای جو آکھے کہ میں ہنڑ لانا واں اُس جیا (مثل) جو اللہ لایا اے اور اگر توں دیکھیں جدوں ظالم موت نی سختی بچ ہون او اور فرشتیاں ہتھ کھولے (پھیلائے) ہون او کہ آپڑیاں جاناں کڈو اج تُساں ذلت نا عذات دِتا جُلسی اِس نے بدلے جے تُسیں اللہ نے بارے بچ کوڑ مارنے او اور اُس نیاں آیتاں توں تکبر کرنے او
94:- اور البتہ تُسیں اَساں کول کَلے آگئے او جینجو تُساں پہلی دفعہ پیدا کیتا ایا اور جیڑا مال دِتا او کنڈی پچھے چھوڑ آئے او اور اَسیں تُساں نال تُساں نے سفارشی تے نی پئے دیکھنے آں جِس نی نسبت تُسیں گمان کرنے او کہ او تُساں نے سنگی نوں البتہ تُساں نے درمیان رشتہ کپیا (کٹ) گیا اے اور تُسیں جو دعوے کرنے او سارے جلنے رہے نوں
سورت الانعام نا رکوع نمبر 11 مکمل
سورت الانعام نا رکوع نمبر 12
پارہ نمبر 7 نا رکوع نمبر 18
95:- بے شک اللہ دانڑیں (دانے) آں چیرنا اے اور ہڑیکاں (گھٹلی کو) اور مُردے توں جینا اور جینے توں مُردہ کڈنا اے، اے اے تُساں نا اللہ پر تُسیں کدھر بہکنے جُلنے او
96:- اور راتی آں فضری (صبح) بچ بدلڑیں آلہ اور راتی نے ذریعے سکون بنڑایا سو اور سورج تے چَن حساب نال اے اندازہ اے غالب علم آلے نا
97:- او ای اے جِس تُساں وسطے ستارے بنڑائے تاکہ تُسیں اُنہاں نال سُکی (خشکی) تے دریائے نے راہے نا پتا کرو بے شک اَساں آیتاں کھول کہ دسنے آں علم آلے لوکاں وسطے
98:- اور او ای اے جِس تُساں اِکی وجود توں پیدا کیتا اے فر تُساں نا اک ٹھکانڑاں اے رہنڑیں نی جا (جگہ) بے شک اَسیں آیتاں کھول کہ دَسنے آں سمجھڑیں آلیاں وسطے
99:- اور او ای اے جِس آسمان توں پاڑیں لایا اے اور فر اُس توں اگڑیں والیاں چیزاں فر اَساں اُس نال سبزی کڈی ، اِکی اُتے چڑھے ہوئے اِک دانڑاں اور کجھوراں نے گابھے توں جھکے ہوئے خوشے اور انگور زیتون تے انار اِک دوئے نال ملنے جُلنے اور نی وی ملنے جُلنے اِس نے پھل دار دیکھو جدوں او پھلنا اے اور اُس نا پکڑاں (پکنا) دیکھو بے شک اِس بچ اُنہاں لوکاں وسطے نشانیاں نوں جیڑے لوک ایمان رکھنے نوں
100:- اور اُنہاں لوکاں جنہاں اللہ نا شریک کیتا حالانکہ اللہ اُنہاں پیدا کیتا اے اور او اِس وسطے ای تیاں (بیٹیاں) تے پتر (بیٹے) گھڑنے نوں جہالت بچ او پاک اے اِس تُوں اُچا اے جو او آکھنے نوں
سورت الانعام نا رکوع نمبر 12 مکمل
سورت الانعام نا رکوع نمبر 13
پارہ نمبر 7 نا رکوع نمبر 19
101:- نمونے توں بغیر آسمان تے زمی بنڑانڑیں آلہ اُس نا پتر کینجو ہو اکنا اے جدوں اُس نی بیوی ای نی اُس ہر چیز پیدا کیتی اے اور او ہر چیزاں سیانڑنا اے
102:-اے ای اللہ تُساں نا رب اے اِس توں سوا کوئی معبود نہیں ہر چیزاں نا پیدا کرنڑیں آلہ سو تُسیں اِس نی عبادت کرو اور او ہر چیزاں نا کارساز تے نگہبان اے او
103:- مخلوق نیاں اکھیاں اُساں نی دیکھ اکنیاں اور او اکھیاں پا کنڑاں اے اور راز (بھید) جانڑنے آلہ خبر دار اے
104:- تُساں نے اللہ نی طرفوں تُساں کول نشایاں آگئیا نوں تے جِس دیکھ کِدا آپڑیں وسطے اور جیڑا اَنا (نابینا) رہیا اُس نا وبال اُس نی جانی اُتے اور میں تُسان اُتے نگہبان نہ او
105:- اور اِسطرح اَسیں آیتاں پھیر پھیر کہ دَسنے آں تاکہ او پچھن او تُساں کیتھوں پڈھیا اے اور تاکہ اَسیں جانڑنے آلیاں تے واضح کراں
106:- اِس اُتے چلو جو وحی آوے نے اللہ نی طرفوں اِس توں بغیر کوئی معبود نی اور مشرکاں توں منہ پھیر کِنو
107:- اور اگر اللہ چاہنا تے او مشرک نہ کرنے اور اَساں تُساں اُنہاں اُتے چوکیدار نی بنڑایا اور نہ ای تُسیں اُنہاں اُتے داروغہ او ۔
108:- اور اللہ توں سوا او جِساں بُلانے نوں تے تُسیں انہاں گال (گالی) نہ دیو بس او اللہ واں گستاخی نال مندا آکھسن او اور اِسطرح انسان ہر فرقے آں اُسنا عمل دسیا اے فر اُنہاں اللہ دار مُڑنا اے اور اُنہاں دَسسی جو اے کرنے اے
109:- اور او تاکید نال اللہ نی قسم چانے نوں کہ اگر اُنہاں کول کوئی نشانی آوے تے او ضرور ایمان کِن آنڑسن او تُسیں آکھو کہ نشانیاں تے اللہ کول نوں اور تُساں کہ پتا اے کہ جدوں آؤن رے اے فر وی ایمان نہ آنڑن او
110:- اور اَسیں اُنہاں نے دِل تے اکھیاں پٹھیاں کر چھڑساں جینجو او اُنہاں نشانیاں تے پہلی دفعہ ایمان نی آنڑنے اور اَسیں اُنہاں اُنہاں نے پہلڑیں (سرکش) بچ پھرنے وسطے چھوڑ دیساں او
سورت الانعام نا رکوع نمبر 13 مکمل
پارہ نمبر 7 مکمل

اپنا تبصرہ بھیجیں