سورت الا نعام (رکوع نمبر 17 تا 20) – ہندکو ترجمہ




سورت الانعام نا رکور نمبر 17
پارہ نمبر 8 نا رکوع نمبر 4
141:- اور او ای خالق اے جِس باغ بنڑائے چھتریاں اُتے چھڑے جینجو انگور اور چھتریاں تے نہ چڑت ہوئے جینجو کجھور اور کھیتی اور اسنے مختلف پھل زیتون انار اورملنے جُلنے اور الگ الگ جدوں او پھل لاوے تے پھر کھاؤ اور اُساں کپڑیں نے دیاڑے اُس نا عشر دیو اور فضول خرچ نہ کرو اللہ فضول خرچی کرڑیں آلیاں چنگا نی سمجھنا
142:- اور چولیاں بیچوں بڈے بڈے اور زمی تے لگے نکے نکے جو اللہ تُساں دتے نوں اُنہاں بیچوں کھاؤ اور شیطان نی پیروی نہ کرو اور تُساں نا کھلا دشمنڑ اے
143:- آٹھ جوڑے (نر تے مادہ) دو پیڈاں اور دوبکریاں بیچوں پیدا کیتے نے تُسیں پچھو کہ اللہ دوئے نر یا دوئے مادہ حرام کیتے نوں یا جیڑا دوئے مادہ نے رحم بچ ہووے ماں(مجھے) کِسے علم نال دَسو اگر تُسیں سچے او تے
144:- اور دو اونٹاں توں تے دو گائیاں توں جمائے تُسیں پچھو کہ کیا اللہ دوئے نر حرام کیتے نوں یا دوئے مادہ یا جیڑے دوآں نیاں رحماں بچ (ہالے پیٹے بچ) ہووے کیا تُسیں اُس ویلے ایتھے اے او جدوں اللہ اِس نا حکم دتا او بس اِس توں بڈا کونڑ ظالم اے جیڑا اللہ تے بہتان لاوے کوڑا تاکہ لوکاں جہالت نال گمراہ کرے اللہ ظالماں ہدیت نی دینا
سورت الانعام نا رکور نمبر 17 مکمل
سورت الانعام نا رکوع نمبر 18
پارہ نمبر 8 نا رکوع نمبر 5
145:- آپ صہ آکھو کہ جیڑی وحی مینڑیں دار کیتی گئی اے اُس بچ میں کِسے کھانڑیں آلے اُتے کوئی کھانڑاں حرام نہ سمجھنا پر اے کہ او مردار یا خون بگنا یا سور نا گوشت یا او ناپاک اے جِس اُتے ذبح کرنیوں اللہ نا ناں نہ کِدا گیا ہووے پر جیڑا لاچار ہو جُلے نہ نافرمانی کرڑیں آلہ ہووے نہ سرکش تے بے شک اللہ تے بخشڑیں آلہ تے مہربان اے
146:- اُنہاں لوکاں تے جیڑے یہودی نوں ہر نوویں (ناخن) آلہ ڈنگر حرام کر چھڑیا اے اور گائیں تے بکری دوآں نی چربی وی حرام اے سوائے اُس توں جیڑی آنداں تے کنڈی نال لگی ہووے یا ہڈیاں نال مَلی ہووے اے اَساں اُنہاں اُنہاں کی سرکشی نا بدلہ دِتا اے بے شک اَسیں سچے آں
147:- اگر او محمد صلی اللہ علیک وسلم آں نہ منن او تے آکھو کہ تُساں نا اللہ بڈا رحمت آلہ اے اور اُس نا عذاب مجرماں نی قوم توں نی ہٹنا
148:- مشرک جَلتی آکھسن او کہ اگر اللہ چاہنا تے نہ اَسیں تے نہ اَساں نے پیو دادے شرک کرنے اور نہ اَسیں کُج حرام کراں آ اِسے طرح اُنہاں لوکاں نی منیا جیڑے اُنہاں توں پہلیوں اے ایتھے تک کہ اُنہاں عذاب چکھیا آپ صہ آکھو کہ کیا تُساں کول کوئی یقینی گل اے وے تے اُساں ظاہر کرو تُسیں صرف گمان نےپچھلےجُلنے او اور تُسیں صرف اٹکل چلانے او
149:- آپ صہ آکھو کہ اللہ نی حجت غالب اے او چاہوے آتے تُساں ساریاں ہدیت چادیوے آ
150:- آپ صہ آکھو کہ آنڑو آپڑیں گواہ جیڑے گواہی دیون او کہ اللہ اے حرام کیتا اے فر اگر او گواہی چاوی دیون او تے تُسیں نال گواہی نہ دے چھڑیو اور اُنہاں نی خواہشات نی پیروی نہ کرے جنہاں اَساں نیاں آیتاں نی منیا او لوک جیڑے قیامتی آں نی مننے اور مشرک نوں شریک کرنے نوں
سورت الانعام نا رکوع نمبر 18 مکمل
سورت الانعام نا رکوع نمبر 19
پارہ نمبر 8 نا رکوع نمبر 6
151:- آپ صہ آکھو کہ آؤ میں پڑھ کہ دَسنا نے کہ کے حرام کیتا اے تُساں اُتے اللہ کہ اُس نال شریک نہ کرو اور ماؤ پیو نال چنگا سلوک کرو اور غریبی نے ڈرے نال اولادی آں قتل نہ کرو اَسیں تُساں وی تے اُنہاں وی رزق دینے آں اور تُسیں بے حیائیاں کول نہ جُلو جیڑی اُنہاں بچ کُھلی ہووے یا چھپی ہووے اور اللہ جِساں عزت (حرمت) دتی اے اُساں قتل نہ کرو مگر حق تے اے تُساں اُس نا حکم دتا اے تاکہ تُسیں سمجھو
152:- اور یتیم نے مالے نیڑے نہ جُلو مگر اسطرح کہ او بہترین ہووے ایتھے تک کہ او آپڑیں جوانی آں پہنچ جُلے اور انصاف نال ناپو تولو اَسیں کِسے آں تکلیف نہ دینے پر اُس نی حثیت نے مطابق اور جدوں گل کرو تے انصاف نی کرو خواہ رشتداراں نا مسئلہ ہووے اور اللہ نا عہد پورا کرو اُس تُساں اے حکم دتا اے تاکہ تُسیں نصیحت پکڑو
153:- اور اے کہ اے ای مینڑاں سدھا راہ اے اِس تے ٹُرو اور دوئیاں راہواں تے نہ ٹُرو کہ او تُساں اِس توں علیحدہ کر چھڑن او اُس تُساں اِس نا حکم دتا اے تاکہ تُسیں پرہیزگاری اختیار کرو
154:- فر اَساں موسیٰ عیہ آں کتاب دتی اُنہاں اُتے آپڑیں نعمت پوری کرڑیں وسطے جیڑے نیک نوں اور ہر چیزاں نی تفصیل وسطے اور ہدیت اور رحمت وسطے تاکہ او آپڑیں اللہ نال ملڑیں تے ایمان کِن آون او
سورت الانعام نا رکوع نمبر 19 مکمل
سورت الانعام نا رکوع نمبر 20
پارہ نمبر 8 نا رکوع نمبر 7
155:- اَساں اے کتاب لائی اے برکت آلی اِس نی پیروی کرو اور ڈرڑیں آلے (پرہیزگار) بنڑو تاکہ تُساں اُتے رحم کیتا جُلے
156:- کہ کدرے تُسیں آکھو کہ پہلے دو قوماں تے وی کتاب لائی گئی اے اور اِے کہ اَسیں اُنہاں نے پڑھنے پڑھانڑیں توں بے خبر آں
157:- یا تُسیں آکھو کہ اگر اَساں اُتے کتاب آنی تے اَسیں زیادہ ہدیت تے ہونے اُنہاں کولوں تے تُساں کول تُساں نے اللہ نی طرفوں روشن دلیل ہدیتے تے رحمت آ گئی اے بس اِس توں بڈا کونڑ ظالم اے جیڑا اللہ نیاں آیتاں نہ منے اور کتراوے اور اَسیں اُنہاں لوکاں جَلتی سزا دیساں جیڑے کترانے نوں اَساں نیان توں مندے عذاب نے ذریعے اِس نے بدلے او کترانے اے
158:- کیا او انتظار کر رہے نوں کہ اُنہاں کول فرشتے آؤن یا تُساں نا رب یا اللہ نیاں کج نشانیاں ، جِس دیاڑے آسی تُساں نے اللہ نی نشانی کِسے نے کم نی آنا اُس نا ایمان قبول کرنڑاں اگر پہلے توں نی قبول کیتا سو یا آپڑیں ایمان بیچوں کج وی بھلائی نی کمائی سو تے آپ صہ دَسو نے کہ انتظار کرو اَسیں آپ منتظر آں
159:- بے شک جنہاں لوکاں فرقے بنڑائے نوں آپڑیں دین بچ اور او ٹولہ ٹولہ (گروہ گروہ) ہو گئے نوں آپ صہ نا اُنہاں لوکاں نال کوئی تعلق نی اُنہاں نا معاملہ اللہ نے ہوالے اے فر او اُنہاں دَس کہ اے کے کرنے اے
160:- جیڑا بندہ کوئی نیکی آنڑسی تے اُس وسطے اُس نا دہ (10) گنا اجر اے اور جیڑا مندا (برائی ) آنڑسی اُس نے برابر بدلہ کنسی اور ظلم نی کیتا جلنا او
161:- آپ صہ آکھو کہ بے شک ماں (مجھے) مینڑیں اللہ سدھے راہے تے چلایا اے صیح دین ابراہیم عیہ نی مِلت جیڑے اِکی اللہ نے ہو کہ رہنڑیں والے اے اور او مشرکاں بیچوں نی اِے
162:- آپ صہ آکھو کہ بے شک مینڑیں نماز ، مینڑیں قربانی اور مینڑاں جینڑاں تے مینڑاں مرڑاں اللہ وسطے اے جیڑا سارے جہان نا رب اے
163:- اُس نا کوئی شریک نی اور میں ساریاں توں پہلا فرمانبردار مسلمان آ
164:- آپ صہ آکھو کہ کیا میں اللہ توں بغیر کوئی ہور رب لوڑاں اور او ای اے ہر چیزاں نا رب ، ہر بندہ جو کج کماسی اُس نا غناہ اُسے نے سر ہوسی او ، کوئی وی بندہ کِسے دوئے نا پہار (بوجھ) نی چانا او فر تُساں آپڑیں اللہ دار مڑ کہ جُلنا اے او تُساں دَسسی جِس بچ تُسیں اختلاف کرنے او
165:- او ای اے جِس تُساں زمی بچ نائب بنڑایا اے اور اُچے کیتے سو تُساں بیچوں بعض نے درجے بعض اُتے تاکہ او تُساں اِس بچ آزماوے جو کج اُس تُساں دِتا اے بے شک تُساں نا اللہ جَلتی سزا دینڑیں آلہ اور او بے شک بخشڑیں آلہ نہایت ای مہربان اے
سورت الانعام نا رکوع نمبر20 مکمل
سورت الانعام مکمل

اپنا تبصرہ بھیجیں