سورت الاعراف (رکوع نمبر 1 تا 3) – ہندکو ترجمہ




سورت الاعراف نا رکوع نمبر 1
پارہ نمبر 8 نا رکوع نمبر 8
1:- ا ل م ص
2:- اے کتاب تُساں دار لائی گئی اے تے اِس نال تُساں نے سینے بچ کوئی تنگی نہ ہووے تاکہ تُسیں اِس نے ذریعے ڈراؤ اور ایمان آلیاں وسطے نصیحت اے
3:- اِس نی پیروی جیڑا تُساں نے اللہ نی طرفوں تُساں لایا گیا اے اور پچھے نہ لگو اِس توں سوا ہور سنگیاں نے کہ بہوں کہٹ تسیں نصیحت قبول کرنے او
4:- اور اَساں کتنے ای گراں (بستیاں) مار (ہلاک) چھڑے نوں بس اُنہاں اُتے اَساں نا عذاب راتی سُتیوں آیا ایا یا دوپہری آرام کرنیوں
5:- اُنہاں نی پکار اِس توں بغیر نی اے ای جدوں عذاب آیا کہ بے شک اَسیں ای ظالم اے آں
6:- سو اَسیں اُنہاں ضرور پچھساں جنہاں دار رسول پیجے گئے نوں اور اَسیں رسولاں وی ضرور پچھساں
7:- پر اَسیں آپڑیں علم نال احوال دَس چھڑساں کہ اَسیں غیب نی اے آں
8:- اور اُس دیاڑے اعمال نا وزن ہونڑاں برحق اے تے جنہاں نیاں نیکیاں نا وزن زیادے ہوسی او ای نجات پانڑیں آلے نوں
9:- اور جنہاں نیاں نیکیاں نا وزن کہٹ ہوسی ، اے ای او لوک نوں جنہاں آپڑیاں جانیاں تے عذاب کیتا اے اے اَساں نیاں آیتاں نال نا انصافی کرنے او
10:- اور بے شک اَساں تُساں زمی بچ ٹھکانڑاں دتا اے اور اَساں اِس بچ تُساں نی زندگی سامان بنڑایا اے تُسیں بہوں کہٹ او جیڑے شکر کرنے او
سورت الاعراف نا رکوع نمبر 1 مکمل
سورت الاعراف نا رکوع نمبر 2
پارہ نمبر 8 نا رکوع نمبر 9
11:- اور البتہ اَسیں پیدا کیتا اور اَساں ای شکل صورت بنڑائی فر اَساں فرشتیاں آکھیا کہ آدم عیہ آں سجدو کرو تے اُنہاں سجدہ کیتا سوائے ابلیس توں او سجدہ کرنڑیں آلیاں بیچوں نی ایا
12:- اللہ آکھیا کہ جدوں میں تُداں حکم دتا اے کہ سجدہ کر تے تُداں کِس سجدہ کرنڑیں توں منع کیتا اُس آکھیا میں اِس توں چنگا واں توں مَاں (مجھے) اگی نال بنڑایا اے تے اِساں مٹی نال بنڑایا ای
13:- اللہ آکھیا کہ توں نِکل جُل ایتھوں کہ توں غرور تے تکبر کرنا ایں نِکل جُل بے شک توں ذلیلاں بیچوں ایں
14:- اُس آکھیا کہ مَاں (مجھے) مہلت دے اُس دیاڑے تک جدوں مُردیاں جینا کیتا جُلسی
15:- اُس آکھیا بے شک توں مہلت ملنڑیں آلیاں بیچوں ایں
16:- اُس آکھا جینجو توں گمراہ ہونڑیں نا فیصلہ کیتا اے میں ضرور بہساں اُنہاں وسطے سدھے راہے توں ہٹاڑیں وسطے
17:- فر میں اُنہاں تک ضرور آساں اُنہاں نے سامڑیں ، اُنہاں نے پچھوں ، اُنہاں نے سجے تے اُنہاں نے کھبے اور توں اُنہاں بیچوں بہوں ساریاں شکر کرڑیں آلیاں بیچوں نہ دیکھسیں
18:- اللہ آکھیا ایتھو نِکل جُل ذلیل مردود اُنہاں بیچوں جیڑے تینڑیں پچھے لگسن البتہ میں ضرور جہنم آں پرساں تساں ساریاں نال
19:- اے آدم عیہ تُسیں تے تُساں نی زنانی جنت بچ رہو بس دوئے کھاؤ جتھوں تُسیں چاہنے او اور اِس بوٹے نے نیڑے نہ جُلے اگر اینجو کرسو تے ظالماں بیچوں ہو جُلسو
20:- بس شیطان وسوسہ پایا اُنہاں نے دِلے بچ تاکہ اُنہاں نے سَتر نیاں چیزاں جیڑیاں چھپیاں نوں اُنہاں ظاہر کر چھڑے اور بولیا تُساں نے اللہ کے تُساں اِس بوٹے توں منع کیتا پر اِس وسطے کہ تُسیں فرشتے ہو جُلو یا فر ہمیشہ رہنڑیں آلیاں بیچوں ہو جُلو او
21:- اور اُنہاں کول قسم کھا گیا کہ میں بے شک تُساں نا خیر خواہ واں
22:- بس اُس اُنہاں چھک (مائل) کِدا دھوکے نال پر جدوں اُنہاں بوٹا چکھیا تے اُنہاں نیاں سَتر نیاں چیزاں کھل گیاں اور آپڑیں جوڑ جوڑ چھپاڑیں وسطے جنت نے پتر رکھنے اور اُنہاں نے اللہ اُنہاں بلایا ، کیا میں تُساں اِس بوٹے توں ڈکیا نی ایا اور آکھیا تُساں کہ بے شک شیطان تُساں نا کھلا دشمنڑ اے
23:- اِنہاں دو آں آکھیا کہ اے اَساں نے اللہ اَساں آپڑیں اُتے ظلم کیتا اے اور اگر توں اَساں نہ بخشیا اور اَساں تے نہ رحم کیتا تے اَسیں ضرور کہاٹا پانڑیں آلیاں بیچوں ہو جُلساں
24:- آکھیا کہ تُسیں نِکلو تُساں بیچوں کُج کُج نے دشمنڑ نوں اور تُساں وسطے زمی بچ اک ٹیم اے اور رہنڑیں نا سامان (سامانِ زیست)
25:- اللہ آکھیا اِسے بچ تُسیں جیسو اور اِسے بچ تُسیں مرسو اور اِسے توں تُسیں نِکلسو
سورت الاعراف نا رکوع نمبر 2 مکمل
سورت الاعراف نا رکوع نمبر 3
پارہ نمبر 8 نا رکوع نمبر 10
26:- اے آدم نی اولاد ! اَساں تُساں اُتے کپڑے لائے جیڑا تُساں نے ستر چھپاوے اور سوہنڑیں لگڑیں نی وجہ ہونے (مؤجب زینت) اور پرہیزگاری نا لباس ساریاں توں چنگا اے اے لباس اللہ نیاں نشانیاں بیچوں اِک اے تاکہ او غور کرن
27:- اے آدم نی اولاد! کدرے شیطان تُساں پُہلا(بہکا) نہ چھڑے جینجو اُس کڈیا اے تُساں نے ماؤ پیو آں جنت بیچوں اُنہاں لباس لَوا چھڑے سو تاکہ اُنہاں نے سَتر ظاہر کر چھڑے بے شک تُساں دیکھنا اے او اور اُسنا خاندان اُس جگہ توں جتھوں تُسیں اُنہاں نی دیکھ اکنے او بے شک اَساں شیطاناں نا اُنہاں نا سنگی بنڑایا اے جیڑے ایمان نی کِن کہ آنے
28:- اور جدوں او بے حیائی کرنے نوں تے آکھنے نوں اَساں آپڑیں ماؤ پیو آں اِس تے ای دیکھیا اے اللہ اَساں حکم دتا اے اِس نا آپ صہ آکھو کہ بے شک اللہ بے حیائی نا حکم نی دینا کیا تُسیں اللہ اُتے او بہتان لانے او جیڑا تُساں نی پتا او
29:- آپ صہ آکھو کہ مینڑیں اللہ مَاں (مجھے) انصاف نا حکم دِتا اے اور آپڑیں منہ (چہرے) ہر نمازاں نے ویلے سدھے کرو اور اُساں بُلاؤ خالص اِس نے حکم نے فرمانبردار ہوکے جینجو تُساں پہلے جمایا اے تے تُسیں فر دوبارہ اُٹھسو
30:- اِک ٹولے (فریق) آں ہدیت دِتی اِک ٹولے اُتے گمراہی ثابت ہوگئی بے شک اُنہاں اللہ توں سوا شیطاناں آپڑاں سنگی بنڑایا اے اور گمان کرنے نوں کہ او نے شک ہدیت تے نوں
31:- اے آدم نی اولاد! آپڑیں زینت ہر نمازاں نے ویلے اختیار کرو اور کھاؤ پیو اور ایویں (بے جا) خرچ نہ کرو اللہ فضول خرچی کرڑیں آلیاں سنگی نی رکھنا او
سورت الاعراف نا رکوع نمبر 3 مکمل

اپنا تبصرہ بھیجیں