سورت الاعراف (رکوع نمبر 4 تا 8) – ہندکو ترجمہ




سورت الاعراف نا رکوع نمبر 4
پارہ نمبر 8 نا رکوع نمبر 11
32:-آپ صہ آکھو کِس حرام کیتی اے اللہ نی زینت جیڑی اُس آپڑیاں بندیاں تے کڈی اے اور پاک رزق ، آپ صہ آکھو کہ اے دنیا نی زندگی بچ اُنہاں لوکاں وسطے اے جیڑے ایمان کِن آئے نوں اور خالص قیامتی بچ وی اُنہاں نا حصہ اے اِس طرح اَسیں آیتاں کھول کہ دسنے آں اِس گروہ وسطے جیڑے سیانڑنے نوں
33:- آپ صہ آکھو کہ مینڑیں اللہ تے بے حیائیاں حرام کیتا اے جیڑیاں ظاہر نوں ، چھپیاں نوں، غناہ ، سرکشی ناحق آں اور اے کہ تُسیں نال شریک کرو جِس نی اللہ کوئی سند نی لائی اور اے کہ اللہ اُتے او الزام لاؤ جیڑا تُساں نی پتا او
34:- ہر امت وسطے اک ویلا (ٹائم) مقرر اے بس جدوں اُنہاں نا مقرر ویلا آ وینجسی او اک سیکنڈ نہ پچھے رہسن او تے نہ اگے
35:- اے آدم نی اولاد ! اگر تُساں بچ تُساں بیچوں ای رسول آؤن او سنڑاؤن تُساں مینڑیاں آیتاں تے جیڑا ڈریا اور اُس اصلاح کر کِدی اُس اُتے نہ کوئی خوف ہوسی تے نہ ای کوئی غم
36:- اور جنہاں لوکاں آیتاں نہ منیا اے لوک جہنمی نوں اِس بچ ہمیشہ رہسن او
37:- اِس توں بڈا کونڑ ظالم اے جیڑا اللہ اُتے کوڑ مارے یا اُس نیاں آیتاں نہ مَنے اے ای لوک نوں جنہاں کتاب نا لکھیا پہنچنا اے ایتھےتک کہ جدوں اللہ نے پیجے فرشتے اُنہاں کول اُنہاں نی جان کڈڑیں وسطے آسن او او آکھسن کیتھے نے او جنہاں اللہ توں بغیر بُلانے او او جواب دیسن او کہ او گم گئے نوں اور او آپڑیں خلاف گواہی دیسن او کہ او کافر نوں
38:- اللہ آکھسی کہ تُسیں جہنم بچ بَڑ جُلو اُنہاں اُمتاں نال جیڑیاں تُساں توں پہلے لنگ گیا نوں اور اَساں بیچوں جدوں کوئی امت بڑسی تے او آپڑیں پہلی امتاں تے لعنت کرسی ایتھے تک کہ جدوں سارے بڑ جُلسن او تے اُنہاں نے پچھلے پہلیاں نے بارے بچ آکھسن او کہ اے اللہ ! اے ای او نوں جنہاں اساں گمراہ کیتا ایا بس اِنہاں اگی نال دگنا عذاب دے اللہ آکھسی ساریاں وسطے دگنا اے پر تُساں نی پتا او
39:- اور اُنہاں نے پہلے پچھلیاں آکھسن او کہ تُساں اَساں اُتے کوئی بڈیائیں نی بس ہنڑ چکھو عذاب اُس نے بدلے جو کج تُسیں کرنے او
سورت الاعراف نا رکوع نمبر 4 مکمل
سورت الاعران نا رکوع نمبر 5
پارہ نمبر 8 نا رکوع نمبر 12
40:- بے شک جنہاں لوکاں آیتاں نی منیا اور تکبر کرنے اے اُنہاں وسطے آسمان نے بُوئے(دروازے) نی کھولے جُلنے او اور جنت بچ نی جُلنے جدوں تک اونٹ سوئی نے نَکے بیچوں نہ لنگ جُلے جیڑا کہ ممکن نی اِسطرح اللہ مجرماں عذاب یا بدلہ دینا اے
41:- اُنہاں جہنم نا بچھونا اے اور پانڑاں (اوڑھنا) وی اِسے طرح ای اَسیں ظالماں واں بدلہ دینے آں
42:- جیڑے لوک ایمان کِن آئے اور چنگے کم کیتے نے اَسیں کسے تے وی پہار (بوجھ) نہ پانے اُس نی جانی توں زیادے اور او لوک جنت آلے نوں اور ہمیشہ اِس بچ رہسن او
43:- اور اَساں اُنہاں نے دِلے بیچوں بغض (کینہ) کڈ چھڑیا اے ، اِنہاں جنتاں تھلے کٹھے (نہریں) بگنے نوں اور او آکھسن او کہ ساریاں تعریفاں اللہ نیاں جِس اَساں اِس پاسے رہنمائی کیتی اے اگر اللہ ہدیت نہ دینا تے اَسیں ہدیٹ پاڑیں آلے نی اے آں البتہ اللہ نے رسول سچ نال آئے اور اُنہاں اجازت دتی گئی کہ تُسیں جنت نے وارث او اُنہاں عملاں نے بدلے جیڑے تُسیں کرنے او
44:- اور جنت آلے دوزخ آلیاں بُلاسن او کہ اَساں او مل گیا اے جِس نا وعدہ کیتا گیا ایا اَساں نے اللہ سچا اور تُساں نال جو تُساں نے رب وعدہ کیتا تُساں مل گیا اے او آکھسن او ہاں بلکل تے اِک بُلاڑیں آلہ اُنہاں نے درمیان بُلاسی کہ اُنہاں ظالماں اُتے لعنتی کیتی اے
45:- جیڑے لوک اللہ نے راہے توں ڈکنے او اور اِس بچ کُجی لوڑنے اور منکر نوں آخرت نے
46:- اُنہاں نے درمیان اک پردہ اے اعراف اُتے ، کج لوک ہوسن او او ہر بندے آں متھے پہچانڑ کنسن او اور جنت آلیاں آکھسن او کہ سلا ہووے تُساں اُتے او اعراف آلے جنت بچ داخل نی ہوئے اور او امیدوار نوں
47:- اور جدوں اُنہاں نیاں اکھیاں پھرسن دوزخ دار تے آکھسن او کہ اے اللہ اَساں ظالماں نال نہ کر
سورت الاعران نا رکوع نمبر 5 مکمل
سورت الاعراف نا رکوع نمبر 6
پارہ نمبر 8 نا رکوع نمبر 13
48:- اور بُلاسن اعراف والے کج آدمیاں اُنہاں نے متھے توں پہچانڑ کہ او کہ تُساں تُساں نے گروہ کوئی فیدا نی دتا جیڑا تُسیں تکبر کرنے او
49:- کیا اے او ای لوک نوں کہ تُسیں قسم کھانے او کہ اللہ اُنہاں تے کوئی رحم نی کرنا تُسیں جنت بچ جُلو نہ کوئی خوف ہوسی تے نہ ای کوئی غم تُساں اُتے
50:- اور دوزخی جنتیاں بُلاسن او کہ اَساں اُتے تھورا پانڑیں سٹو جو اللہ تُساں دِتا اے او آکھسن او کہ اللہ اے کافراں اُتے حرام کر چھڑیا اے
51:- جنہاں آپڑیں دین آں کھیڈ کود بنڑا کِدا اور دنیا نی زندگی اُنہاں دھوکے بچ پا کدا پر آج اَسیں اُنہاض پہلا چھڑساں جینجو اُنہاں اس دیاڑے آں پہلایا او اور جینجو آیتاں توں انکار کرنے
52:- اور اَسیں اُنہاں کول کتاب کِن کے آئے آں جِساں تفصیل نال بیان کیتا علم نی بنیاد تے ایمان آلیاں وسطے ہدیت تےرحمت
53:- کیا او اے ای انتظار کرنے او کہ اُس نا آکھیا ہویا پورا ہو جُلے جِس دیاڑے اُس نا آکھیا پورا ہو گیا تے جنہاں لوکاں اُساں پہلایا اے او آکھسن او بے شک اللہ نے رسول سچ نال آئے او تے کیا اَساں نا کوئی سفارشی اے جیڑا سفارش کرے یا اَسیں دنیا بچ جُلاں تے اِس نے خلاف عمل کراں جیڑے پہلے کرنے آں بے شک اُنہاں آپڑیاں جانیاں تے ظلم کیتا اے اور اُنہاں کولوں گم گیا اے جیڑا او کوڑ گھڑنے او
سورت الاعراف نا رکوع نمبر 6 مکمل
سورت الاعراف نا رکوع نمبر 7
پارہ نمبر 8 نا رکوع نمبر 14
54:- بے شک تُساں نا رب اللہ اے جِس آسمان تے زمی 6 دیاڑے بچ بنڑائی پھر اُس قرار فرمایا عرش اُتے دیاڑ چڑھنی اے راتی تے اور اس نے پچھے دیاڑ نسنی اے اور سورج چن تے تارے اللہ نے حکمے نال نوں یاد رکھو کہ اُسے وسطے اے پیدا کرنڑاں اور حکم دینڑاں اور او سارے جہان نا برکت آلہ اے
55:- آپڑیں اللہ بُلاو رو رو کہ یا چھپ کہ آہستہ بے شک او حد توں بدڑیں آلیاں سنگی نی رکھنا او
56:- اور فرساد نہ مچاؤ زمی بچ اُس نی اصلاح توں بعد وی اور اُساں بُلاؤ ڈرنیوں تے امید رکھنیوں بے شک اللہ نی رحمت نیکی کرنڑیں آلیاں نے نیڑے وے
57:- اور اوای اے جیڑا بارش توں پہلے ہوا خوشخبری پیجنا اے ایتھے تک کہ جدوں او پہارا (بھاری) بدل چا آنڑن تے اَساں اُنہاں کسے مردہ شہر دار تِہک (ہانک) چھڑیا پانڑیں برسایا فر اَساں ہر قسم نے پھل کڈے اور اسطرح ای اسیں مُردیاں کڈساں تاکہ تُسیں غور کرو
58:- اور پاک زمی نا سبزہ اللہ نے حکمے نال پاک ای نکلنا اے اور جو خراب اے اُس توں نی نکلنا پر ناقص اِسطرح اَسیں شکر گزاراں وسطے آیتاں پھیر پھیر کہ دسنے آں
سورت الاعراف نا رکوع نمبر 7 مکمل
سورت الاعراف نا رکوع نمبر 8
پارہ نمبر 8 نا رکوع نمبر 15
59:- البتہ اَساں نوح عیہ آں اُنہاں نی قوم دار پیجیا اُنہاں آکھیا کہ اے قوم اللہ نی عبادت کرو اُس توں سوا کوئی معبود نی بے بے شک میں ڈرنا واں تُساں اُتے اک بڈے دیاڑے نے عذاب توں
60:- اِس نی قوم نے سردار آکھنے کہ اَسیں تے تُداں کھلی گمراہی بچ دیکھنے آں
61:- اُس آکھیا اے مینڑیں قوم مینڑیں بچ کوئی گمراہی نی میں رسول آں سارے جہان نے اللہ نی طرفوں پیجیا ہویا
62:- میں تُساں اللہ نا پیغام پہنچانا واں اور تُساں نصیت کرنا واں اور اللہ نی طرفوں پتا اے جو تُساں نی پتا او
63:- کیا تُساں عجیب لگنا اے کہ تُساں کول نصیت اللہ نی طرفوں تُساں بیچوں کسے آدمی تے آئی اے تاکہ او تُساں ڈراوے تُسیں پرہیزگار ہو جُلو تاکہ تُساں تے رحم ہووے
64:- پر اُنہاں نی منیا تے اَساں اُنہاں تے جیڑے لوک اُنہاں نال کشتی بچ سوار اے بچا کِدا اور جنہاں لوکاں آیتاں نی منیا اُنہاں غرق کر چھڑیا اور لوک بے شک کہ حق شناسی تو اَنے (اندھے) اے او
سورت الاعراف نا رکوع نمبر 8 مکمل

اپنا تبصرہ بھیجیں