سورت الاعراف (رکوع نمبر 9 تا 11) – ہندکو ترجمہ




سورت الاعراف نا رکوع نمبر 9
پارہ نمبر 8 نا رکوع نمبر 16
65:- اور عاد دار اُنہاں نے پراؤ ہود آں پیجیا اُنہاں آکھیا کہ اے مینڑیں قوم اللہ نی عبادت کرو اُس توں بغیر تُساں نا کوئی معبود نی تے کیا تُسیں ڈرنے نی او
66:- اُس نی قوم نے کافر سردار بولے کہ اسیں تُداں بے وقوفی بچ دیکھنے آں اور کوڑتا سمجھنے آں
67:- اُنہاں آکھیا کہ میں بے وقوف نہ بلکہ دوآں جہاناں نا پیجیا ہویا رسول آں
68:- میں تُساں اللہ نی گل دَسنا واں اور تُساں نا خیرخواہ تے امین آں
69:- کیا تُساں تعجب ہونا اے کہ اللہ نی طرفوں تُساں اُتے نصیت تُساں بیچوں اک بندے تے آئی اے تاکہ او تُساں ڈراوے اور تُسیں یاد کرو جدوں اُس تُساں قوم نوح عیہ توں بعد جانشین بنڑایا تے تُساں زیادہ دِتا جسم بچ پھیلاو سو اللہ نیاں نعمتاں یاد کرو تاکہ کمیابی (فلاح) پاؤ
70:- کیا تُسیں اَساں کول اِس وسطے آئے او کہ اَسیں اک اللہ مناں اور چھوڑ دیواں اُنہاں جنہاں اَساں نے پیو دادے مننے تو کِن آنڑ جِس نا توں وعدہ کرنا ایں (ڈرانا ایں) اگر توں سچا ایں تے
71:- اُس آکھیا تُساں اُتے اللہ نی طرفوں عذاب تے غضب آگیا اے کیا تُسیں مینڑیں نال کُلنے او اُنہاں ناواں نے بارے بچ جو تُساں اور تُساں نے پیودادے رکھے نوں اور اللہ اُنہاں نی سند نی لائی کوئی وی سو تُسیں انتظار کرو تے میں وی انتظار کرنا واں
72:- اور اَساں تے اُس نال جیڑے اے اُنہاں آپڑیں رحمت نال بچا کدا او اور اَساں اُنہاں نی جڑ ای کپ چھڑی جیڑے آیتاں نی مننے اور ایمان آنڑنے آلیاں بیچوں نی اے
سورت الاعراف نا رکوع نمبر 9 مکمل
سورت الاعراف نا رکوع نمبر 10
پارہ نمبر 8 نا رکوع نمبر 17
73:- اور ثمود دار اُنہاں نا پرا صالح عیہ پیجیا اُس آکھیا کہ اے مینڑیں قوم ! اللہ نی عبادت کرو تُساں نا اِس توں بغیر کوئی معبود نی پر تُساں کول تُساں نے اللہ نی طرفوں نشانی آگئی اے اے اللہ نی اونٹنی تُساں وسطے نشانی اے اِسا چھوڑ دیو اللہ نی زمی بچ اور اِساں مندیوں ہتھ نہ لاؤ ورنہ تُساں ڈاڈا عذاب پکڑ کنسی
74:- اور یاد کرو جدوں تُساں عاد توں بعد جانشین بنڑایا اور تُساں زمی بچ ٹھکانڑاں دِتا اِس نی نرم جگہ تے محل بنڑانے او اور پہاڑاں نے مکان سو اللہ نیاں نعمتاں یاد کرو اور ملک بچ فرساد نہ پاؤ
75:- سردار بولے اُنہاں نی قوم نے جیڑے (مغرور) مکتبر اے غریب لوکاں نال جیڑے ایمان کن آئے کہ کیا تُساں پتا اے کہ صالح عیہ اللہ نی طرفوں پیجے رسول نوں اُنہاں آکھیا کہ بے شک اُساں جو کج دتا گیا اے اَسیں اُس تے ایمان رکھنے آں
76:- او مغرور سردار آکھنے تُسیں جو کج مننے او اَسیں اُس نے منکر آں
77:- اُنہاں او اونٹنی نیاں کونچاں کپ چھڑیاں اور آپڑیں اللہ نے حکم توں سرکشی کیتی نے اور آکھنے کہ اے صالح عیہ جِس توں توں دھمکانا ایں اگر توں رسولاں بیچوں ایں تے کِن آ او
78:- فر زلزلے اُنہاں پکڑیا تے گھراں بچ مُندے پئے رہ گئے او
79:- فرصالح عیہ اُنہاں توں منہ پھیر کدا اور آکھیا کہ اے مینڑیں قوم !میں تُساں اللہ نی گل دسنا اور تُساں نا خیر خواہ واں پر تُسیں خیر خواہواں پسند نی کرنے او
80:- لوط عیہ آں پیجیا جدوں اُنہاں آپڑیں قوم آں آکھیا کیا تُسیں او بے حیائی کرنے او جیڑی تُساں توں پہلے سارے جہان بچ کِسے نی کیتی او
81:- بے شک تُسیں جنکاں (لڑکے) کول شہوت نال جُلنے او زنانیاں (عورتیں) چھوڑ کہ بلکہ تُسیں حد توں بدنڑیں آلے لوک او
82:- اور اُس نی قوم نا کوئی جواب نی آیا پر اے کہ اِنہاں آپڑیں گرائیں بیچوں کڈ چھڑو اے لوک پاکی (پاکیزگی) چاہنے نوں
83:- تے اَساں نجات دِتی اُساں اور اُس نیاں گھر آلیاں سوائے اُس نی زنانی توں جیڑی پچھے رہنڑیں آلیاں بیچوں اے ای
84:- اور اَساں اُنہاں اُتے بارش کیتی گٹیاں (پتھروں) نی دیکھو کے مجرماں نا انجام ہونا اے
سورت الاعراف نا رکوع نمبر 10 مکمل
سورت الاعراف نا رکوع نمبر 11
85:- اور اَساں مدین دار اُنہاں نے پراؤ شعیب آں پیجیا اُنہاں آکھا کہ اے مینڑیں قوم ! اللہ نی عبادت کرو اور اِس توں بغیر تُساں نا کوئی معبود نی او پر تُساں کول اک دلیل پہنچ گئی اے اللہ نی طرفوں اور ناپ تول بچ کمی نہ کرو اور لوکاں نیاں چیزاں کہٹا (گھٹا) کے نہ دیو اور ملک بچ اصلاح توں بعد فر فرساد نہ پاؤ تُساں وسطے اِے سب کج بہوں چنگا اے کہ اگر تُسیں لوک ایمان آلے او تے
86:- اور ہر راہے اُتے نہ بہو کہ تُسیں گزرڑیں آلیاں ڈراؤ اور اُنہاں اللہ نی راہ توں ڈکو جیڑے اِس تے ایمان کِن آئے نوں اور اِس بچ کجی لوڑو اور یاد کرو کہ جدوں تُسیں کہٹ اے او تے اُس تُساں بدا چھڑیا ایا اور دیکھو کہ فرساد کرڑیں آلیاں نا انجام کے ہونا اے
87:- اور اگر تُساں نا اک ٹولہ (گروہ) اِس اُتے ایمان کِن آیا جِس نال ماں (مجھے) پیجیا گیا اے اور اک ٹولہ (گروہ) جی ایمان نی آندا تے تُسیں صبر کرو ایتھے تک کہ اللہ تُساں نے درمیان فیصلہ کر چھڑے اور اللہ چنگا (بہترین) فیصلہ کرنڑیں آلہ
پارہ نمبر 8 مکمل

اپنا تبصرہ بھیجیں