سورت الاعراف (رکوع نمبر 15 تا 18) – ہندکو ترجمہ




سورت الاعراف نا رکوع نمبر 15
پارہ نمبر 9 نا رکوع نمبر 5

127:- اور سردار بولے فرعون نی قوم نے کہ توں موسیٰ عیہ آں تے اُس نی قوم آں چھوڑنا ایں پیا کہ او زمی بچ فرساد کرن اور موسیٰ عیہ تُداں تے تینڑیں معبوداں چھوڑ دیسی اُس آکھیا اَسیں جَلتی اُنہاں نیاں پُتراں قتل کر چھڑساں اور اُنہاں نیاں تِیاں (نیٹیاں) زندہ چھوڑ دیساں اور اَسیں اُنہاں تو ڈاڈے آں
128:- موسیٰ عیہ آپڑیں قوم آں آکھیا کہ تُسیں صبر کرو تے اللہ کولوں مدد منگو بے شک زمی اللہ نی اے اور آپڑیاں بندیاں بیچوں جِساں چاہنا اے اِس نا وارث بنڑا چھڑنا اے اور انجام پرہیزگاراں وسطے اے
129:- او بولے اَساں تکلیفاں دِتیاں گئیاں نوں اِس توں پہلے کہ تُسیں اَساں بچ آؤ آ اور اِس توں بعد کہ تُسیں آگئے او موسیٰ عیہ آکھیا بہوں جَلتی اے کہ اللہ تُساں نے دشمنڑ آں مار چھڑسی اور تُساں زمی بچ نائب بنڑا چھڑے فر دیکھسی کہ تُسیں کہ او جئے کم کرنے او
سورت الاعراف نا رکوع نمبر 15 مکمل

سورت الاعراف نا رکوع نمبر 16
پارہ نمبر 9 نا رکوع نمبر6

130:- اور البتہ اَساں پکڑیا فرعون آلیاں قحط تے پھلاں نے نقصانے بچ تاکہ او نصیحت پکڑن او
131:- اور جدوں اُنہاں کول کوئی بھلائی آنی اے تے آکھنے اَساں نی وجہ توں اے اور جدوں کوئی برائی آنی تے آکھنے موسیٰ عیہ تے اُنہاں نے سنگیاں نی وجہ توں اے یاد رکھو کہ اُنہاں نی بدنصیبی (برائی ) اللہ کول اے لیکن اُنہاں نے اکثرنی سمجھنے او
132:- اور او آکھنے کہ جو کُج وی توں اَساں تے نشانی یا جادو وی کر اسیں فر وی ایمان نہ آنڑنے ایں
133:- فر اَساں اُنہاں اُتے طوفان ، ٹڈیاں ، جوئیں ، مینڈک اور خون الگ الگ نشانیاں پر اُنہاں تکبر کیتا اور او مجرم قوم نے لوک اے
134:- اور جدوں اُنہاں اُتے عذاب آیا تے آکھنے کہ اے موسیٰ عیہ توں اَساں وسطے دعا کر اللہ کولوں اِس عہد نال جو تینڑیں کول اے وے اگر توں اَساں توں عذاب دور کر چھڑیا تے اَسیں تینڑیں تے ایمان کِن آساں اور بنی اسرائیل آں تینڑیں نال پیج چھڑساں
135:- فر جدوں اَساں عذاب چاکِدا جیڑا اک ٹیم تک اُنہاں ملنا ایا اُس ٹیم ای او عہد تروڑ چھڑنے او
136:- فر اَساں اُنہاں توں انتقام کِدا اور اُنہاں دریا بچ غرق کر چھڑیا کیونکہ اُنہاں اَساں نیاں آیتاں نی منیا اور او اُنہاں تو پُلے (غافل) اے
137:- اور اَساں اُس قوم آں غالب کر چھڑیا جیڑی قوم مشرق تے مغرب بچ کمزور سمجھی جُلنی اے ای جِس بچ اَساں برکت رکھی (سرزمین شام) اور بنی اسرائیل تے اللہ نا وعدہ پورا ہو گیا اُس نے بدلے بچ کہ اُنہاں صبر کیتا اور اَساں برباد کر چھڑیا فرعون اور اُس نی قوم آں او جیڑے اُچے محلات بنڑانے او
138:- اور اَساں بنی اسرائیل آں بحر قلزم توں پار کیتا فر او اک اے او جئی قوم کول آئے کہ جیڑے آپڑیاں بُتاں نی پوجا تے جم گئے او آکھنے کہ موسیٰ عیہ اساں وی اے او جئے بُت بنڑا دیو جئے او جئے اُنہاں نے نوں موسیٰ عیہ آکھیا کہ بے شک تُسیں نادانی کرنے او
139:- اے لوک جیڑی بُت پرستی کرنے نوں او تباہ ہونڑے آلی اے اور کوڑ (باطل) اے جو اے کرنے نوں
140:- موسیٰ عیہ آکھیا کہ اللہ توں بغیر تُساں وسطے معبود لوڑاں حالانکہ اللہ تُساں سارے جہان اُتے فضیلت دتی اے
141:- اور یاد کرو جدوں اَساں فرعون کولوں تُساں نجات دتی او مندے عذاب نال تُساں تکلیف دینے تُساں نیاں پُتراں مار چھڑنے تے تِیاں (بیٹیاں) چھوڑ دینے او اور اِس بچ تُساں وسطے تُساں نے اللہ نی طرفوں ڈاڈی آزمیش اے
سورت الاعراف نا رکوع نمبر 16 مکمل

سورت الاعراف نا رکوع نمبر 17
پارہ نمبر 9 نا رکوع نمبر 7

142:- اور اَساں موسیٰ عیہ نال 30 راتیاں نا وعدہ کیتا فر 10 بدا کہ پورا کیتا تے اللہ نی مدت 40 رات پوری ہوئی اور موسیٰ عیہ آپڑیں پراؤ ہارون عیہ آکھیا کہ مینڑیں نائب رہو مینڑیں قوم بچ اور اصلاح کریو تے مفسداں نی پیروی نہ کرے
143:- اور جدوں موسیٰ عیہ آئے اَساں نے وعدہ گاہ تے اور اللہ نال گل کیتی تے موسیٰ عیہ آکھیا کہ اے اللہ میں تُساں دیکھنڑاں چاہنا واں اللہ آکھیا کہ موسیٰ عیہ توں ماں (مجھے) نی دیکھ اکنا ایں البتہ پہاڑ دار دیکھ اگر او آپڑیں جگہ ٹھہریا ریا تے توں تاں ای ماں (مجھے) دیکھ اکسیں پر جدوں اللہ تجلی کیتی پہاڑے دار تے اُساں زرہ رزہ کر چھڑیا اور موسیٰ عیہ بے ہوش ہو کہ ٹہہ پئے فر جدوں ہوش آیا تے اُس آکھیا توں پاک ایں میں توبہ کیتی تینڑیں دار اور میں ایمان آنڑنے آلیاں بیچوں سب توں پہلا واں
144:- اللہ آکھیا اے موسیٰ عیہ بے شک میں تُداں لوکاں اُتے چنڑ کِدا آپڑیں کم اور گلاں نال پر جیڑا میں تُداں طاقت نال پکڑیا اور شکرگزاراں بیچوں رہو
145:- اور اَساں اُنہاں وسطے لکھ چھڑی تختیاں اُتے نصیت ہر شئے نی تفصیل بس توں اِساں باٹا پکڑ کِن اور حکم دے آپڑیں قوم آں کہ او اِس نیاں چنگیاں گلاں اختیار کرن جَلتی ای میں تُداں نافرماناں نا انجام دَسساں
146:- میں جَلتی ای پھیر چھڑساں اُنہاں لوکاں آپڑیاں آیتاں توں جیڑے زمی بچ تکبر کرنے نوں اور اگر او ہر نشانی دیکھ کِنن او فر وی اِس اُتے ایمان نی آنڑنے اور اگر ہدیت نا راہ دیکھ کنن او تے فر وی اِس راہے تے نی ٹُرنے اور اگر گمراہی نا راہ دیکھ کنن تے اِس اُتے ٹر پینے نوں اے اِس کر کے کہ اُنہاں اَساں نیاں آیتاں نا انکار کیتا اے اور او اِس توں غافل اے
147:- اور جنہاں لوکاں اَساں نیاں آیتاں نا انکار کیتا اور آخرت نی ملاقات آں تے اُنہاں نے عمل ضائع ہوگئے اُنہاں نا کہ بدلہ کنسن او پر او ای جو او کرنے اے او
سورت الاعراف نا رکوع نمبر 17 مکمل

سورت الاعرف نا رکوع نمبر 18
پارہ نمبر 9 نا رکوع نمبر 8

148:- اور موسیٰ عیہ نی قوم اِس توں بعد آپڑیں زیورے نال اک بچھا بنڑایا بس اک دھڑ جںسِ بچ گائیںاں نی آواز اے ای کیا اُنہاں دیکھیا نی کہ نہ او اُنہاں نال گل کرنا اے نہ اُنہاں دیکھنڑاں اے اور نہ اُنہاں راہ دسنا اے اِساں معبود بنڑا کِدا او اور ظالم اے او
149:- اور جدوں او شرمندہ ہوئے اور اُنہاں دیکھیا کہ او گمراہ ہو گئے تے آکھنے کہ اَساں نے اللہ اَساں تے رحم نہ کیتا اور اَساں نہ بخشیا تےاَسیں ضرور کہاٹا پاڑیں آلیاں بیچوں ہو جُلساں او
150:- اور جدوں موسیٰ عیہ مُڑے آپڑیں قوم دار غصے بچ بھرے ہوئے اور خفا ، اُنہاں آکھیا کہ کِس طرح مندی توں مینڑیں جانشینی کیتی توں مینڑیں توں بعد کیا توں اللہ نے حکم توں جَلتی کیتی اور موسیٰ عیہ تختیاں سٹ چھڑیاں اور سر (بال) توں پکڈا کدا آپڑیں پراؤ نے اور اُساں آپڑیں دار چھکیا اور ہارون عیہ بولے اے مینڑیں ماؤ داروں پراوا لوکاں ماں (مجھے) کمزور سمجھا اور جَلتی ای ہو سکنا کہ اے ماں (مجھے) قتل کر چھڑن آ،، پر میںنڑیں تے دشمناں خوش نہ کرو اور ماں (مجھے) ظالماں نال شامل نہ کرے
151:- موسیٰ عیہ آکھیا کہ اے مینڑیں اللہ ماں (مجھے) تے مینڑیں پراؤ آں بخش چھڑ اور اَساں آپڑیں رحمت بچ شامل کر اور توں سب توں زیادے رہم کرنڑیں آلہ ایں
سورت الاعرف نا رکوع نمبر 18 مکمل

اپنا تبصرہ بھیجیں