سورت الاعراف(رکوع نمبر 19 تا 21) – ہندکو ترجمہ




سورت الاعراف نا رکوع نمبر 19
پارہ نمبر 9 نا رکوع نمبر 9
161:- بے شک جنہاں لوکان بچھے آ ں معبود بنڑاکدا ایا جَلتی اُنہاں اللہ نا غضب پہنچسی اور ذلت دنیا نی زندگی بچ اور اِسطرح اسیں الزام (بہتان) لانڑیں آلیاں سزا دینے آں
162:- اور جنہاں لوکاں مندے کم کیتے فر اِس توں بعد توبہ کیتی اور او ایمان کِن آئے بے شک تُساں نا اللہ توبہ توں بعد بخشڑیں آلہ مہربان اے
163:- اور جدوں موسیٰ عیہ نا غصہ دور ہویا اُس تختیاں چا کِدیاں اور اُنہاں تحریراں بچ ہدیت تے رحمت اے اُنہاں لوکاں وسطے جیڑے آپڑیں اللہ توں ڈرنے نوں
164:- اور موسیٰ عیہ آپڑیں قوم بیچوں اَساں نال وعدے وسطے ستر آدمی چُنڑ کِدے فر جدوں اُنہاں زلزلے پکڑیا اُس آکھیا اے مینڑیں اللہ توں اگر چاہوے آں تے اِس توں پہلے ماں (مجھے) تے اِنہاں مارچھڑیں آں کیا توں اَساں اِس اُتے مار چھڑسیں جیڑی اَساں بے وقوفی کیتی اے ، صرف تینڑیں آزمائش اے توں اِس توں جِساں چاہویں گمراہ کر چھڑیں اور توں جِساں چاہویں ہدیت دیویں توں اَساں نا کارساز ایں سو اَساں بخش چھڑ اور اَساں تے رحم کر توں بہترین بخشڑیں آلہ ایں
165:- اور اَساں وسطے اِس دنیا نی بھلائی لکھ چھڑو بے شک اَساں تینڑیں دار رجوع کیتا اُس آکھیا میں آپڑاں عذاب جِساں چاہواں دیواں اور مینڑیں رحمت ہر چیزاں تے جہان اے تے میں او جَلتی لکھ چھڑساں اُنہاں وسطے جیڑے ڈرنے نوں اور زکوٰۃ دینے نوں اور اَساں نی آیتاں اُتے ایمان رکھنے نوں
166:- او لوک جیڑے پیروی کرنے نوں رسول محمد صہ نی جِساں او لکھیا دیکھنے نوں توریت اور انجیل بچ او اُنہاں حکم دینا اے بھلائی نا اور برائی توں ڈکنا اے اور اُنہاں وسطے حلال چیزاں پاک کرنا اے اور حرام ناپاک ، اور سِراں توں بوجھ لانے نوں ، گاٹیاں (گردن) بیچوں پٹے (طوق) جیڑے اُنہاں تے اے او ، بس جیڑے لوک اُنہاں تے ایمان کِن آئے اور اُنہاں نی حمایت کیتی اور مدد کیتی اِس نور نی پیروی کیتی جیڑا اِس نال لتھا اے او ای لوک کمیابی پاڑیں آلے نوں
سورت الاعراف نا رکوع نمبر 19 مکمل
سورت الاعراف نا رکوع نمبر 20
پارہ نمبر 9 نا رکوع نمبر 10
167:- آپ صہ آکھو کہ اے لوکو میں تُساں دار اللہ نا رسول پیجیا گیا واں او جِس نی بادشاہی اے آسمان تے زمی تے اِس توں سِوا کوئی معبود نی او او ای جینا کرنا اے تے او ای مارنا اے تے تُسیں ایمان کِن آؤ اللہ اُتے اُس نے رسول امّی محمد صہ تے او جیڑا ایمان رکھنا اے اللہ او اِس نیاں ساریاں کماں اُتے اِس نی پیروی کرو تاکہ ہدیت ملے نے
168:- اور موسیٰ عیہ نی قوم بچ اک ٹولہ (گروہ) او اے جیڑا حق نی ہدیت دینا اے اور اِس آلی گل انصاف کرنا اے
169:- اور اَساں اُنہان علیحدہ کر چھڑیا 12 قبیلیاں بچ اور جدوں اِس نی قوم اِس کولوں پاڑیں منگیا اَساں موسیٰ عیہ داد وحی پیجی کہ ڈنڈا مارو گَٹے (پتھر) اُتے اِس بیچوں پورے 12 چوئے (چشمے) نکل گئے ہر بندے آپڑاں چوئہ (چشمہ) دیکھ کِدا اور اَساں اُنہاں اُتے ابر نی چھاں (سایہ) کیتی اور اُنہاں اُتے من تے سلویٰ لایا تُسیں کھاؤ پاک چیزاں بیچوں جو اَساں تُساں دتا اور اُنہاں اَساں نا کج نی بگاڑیا لیکن او آپڑیں جانی اُتے ظلم کرنے نوں
170:- اور جدوں اُنہاں آکھیا گیا کہ تُسیں اِس شہر بچ رہو کھاؤ پیو جتھوں تُسیں چاہو اور دروازے بیچوں سجدہ کرنیو بڑے تے اَسیں تُساں نیاں غلطیاں بخش چھڑساں اور جَلتی ای غلطی نیکی کرڑیں آلیاں زیادہ دیساں او
171:- بس بدل چھڑیا اُنہاں ظالماں اِس سارے لفظ آں فر اَساں اُنہاں اُتے عذاب پیجیا آسمانے توں کیونکہ او ظالم اے او
سورت الاعراف نا رکوع نمبر 20 مکمل
سورت الاعران نا رکوع نمبر 21
پارہ نمبر 9 نا رکوع نمبر 11
172:- اُنہاں کولوں اُس گرائیں نا پچھو جیڑی دریائے نے کنارے تے اے ای او اور او لوک ہفتے نے حکمے بچ حد توں بدنے انہاں نیاں سبت (ہفتے) آلے دیاڑے مچھلیاں سامنڑیں آ جُلنیاں اور ایویں نی آنیاں اِسطرح اَسیں اُنہاں آزمانے آں تاکہ او نافرمانی کرنے او
173:- اور جدوں اُنہاں بیچوں اِکی ٹولے (گروہ) آکھیا جے تُسیں اے او جئی قوم آں کیوں نصیت کرنے او جِساں اللہ مارڑیں (ہلاک) آلہ یا عذاب دینڑیں آلہ اے او آکھنے اللہ تے الزام لاکہ شید او ڈر جُلن او
174:- فر جدوں او پہل (بھول) گئے جو اُنہاں سمجھایا گیا جو مندے کم توں ڈکنا اَساں اُنہاں بچا کِدا اور جیڑے لوکاں ظلم کیتا اَساں اُنہاں مندے عذاب بچ پکڑ کِدا کیونکہ او نافرمان اے
175:- فر جدوں او سرکشی کرڑیں آں لگ گئے جِس توں منع کیتا تے اَساں حکم دتا کہ ذلیل بندر بنڑ جُلو
176:- اور جدوں اللہ دسیا کہ او یہود تے ضرور پیجنا رہسی قیامتی تک او لوک جیڑے اُنہاں مندے عذاب توں تکلیف دیسن او بےشک تُساں نارب جَلتی عذاب دینڑیں آلہ اور بخشڑیں آلہ مھربان اے
177:- فر اَساں اُنہاں زمی بچ گروہ گروہ کر چھڑیا اُنہاں بیچوں کج نیک تے کج اِس توں سوا وی نوں اور اَساں اُنہاں آزمایا چنگیائیاں اور برائیاں بچ تاکہ او رجوع کرن او
178:- پچھے آئے اُنہاں توں بعد ناخلف او کتاباں نے وارث ہو گئے اور اِس نِکی (ادنیٰ) زندگی نا اسباب کننے نوں اور آکھنے نوں کہ ہنڑ اَساں بخش دِتا جُلے اور اگر اُنہاں کول اے او جیا مال فر آوے تے فر چاکنن ، کیا نی کِدا گیا اُنہاں کولوں او عہد جیڑا توریت بچ اے کہ او اللہ نے بارے بچ نہ آکھسن پر صرف سچ اور اُنہاں پڑھیا اے جو کُج توریت بچ اے اور آخرت نا گھر چنگا اے اُنہاں وسطے جیڑے پرہیزگار نوں کیا تُسیں سمجھنے نی او
179:- اور جیڑے لوک باٹا پکڑنے نوں کتاباں آور نماز قیم کرنے نوں تے بےشک اَسیں نیکاں نا اجر ضائع نی کرنے
180:- اور یاد کرو جدوں اَساں اُنہاں تے پہاڑ چایا کہ او سائبان اے اُنہاں گمان کیتا جے اے اُنہاں اُتے ٹہنڑیں آلہ اے جو اَساں تُساں دِتا اے باٹا پکڑو اور جو اِس بچ اے او یاد کرو تاکہ تُسیں پرہیزگار بنڑ جُلو
سورت الاعران نا رکوع نمبر 21 مکمل

سورت الاعراف(رکوع نمبر 19 تا 21) – ہندکو ترجمہ” ایک تبصرہ

اپنا تبصرہ بھیجیں