سورت الاعراف (رکوع نمبر22 تا 24) – ہندکو ترجمہ




سورت الاعراف نا رکور نمبر 22
پارہ نمبر 9 نا رکوع نمبر 12
181:- اور یاد کرو جدوں اللہ اولاد آدم نی کنڈی توں اُنہاں نی اولاد کڈی اور اُنہاں اُنہاں نیاں جانیاں تے گواہ بنڑایا کیا میں تُساں نا رب نی آں ؟ آکھیا نے کیوں نی اَسیں گواہ واں کدے تُسیں قیامتی آلے دیاڑے آکھو کہ اَسیں بے خبر اے آں
182:- یا تُسیں آکھو کہ شرک تے اِس توِ پہلے صرف اَساں نے پیو دادے کیتا اور اِس توں بعد اَسیں اُنہاں نیاں اولادیاں اے آں تے کیا تُسیں آسمان ہلاک کرسو اِس اتے جو غلط کاراں کیتا ایا
183:- اسطرح اَسیں آیتاں کھول کہ دسنے آں تاکہ او مڑن او
184:- اور اُنہاں اُس بندے نی گل دَسو جِساں اَساں آپڑیاں آیتاں دتیاں تے او اُنہاں صاف نکل گیا اا فر شیطان اُس پچھے لگ گیا تے اوگمراہوںبیچوں ہو گیا
185:- اور اگر اَسیں چاہنے تے اُنہاں آیتاں نے بدلے اُچا کرنے پر او زمی دار مائل ہوگیا اور اس پیروی کیتی آپڑیں خواہش نی تے اُس نا حال کتے آلی گل اے اگر توں اُس اُتے وزن رکھیں اور اُساں تہکیں (ہانپنا) یا اُساں چھوڑ دیویں یا فر تہکیں اے مثال اُنہاں لوکاں نی اے جنہاں آیتاں نی منیا اور اے حال دسو تاکہ او غور کرن او
186:- مندی مثال اے اُنہاں لوکاں نی جنہاں آیتاں نی منیا اور او آپڑیاں جانیاں تے ظلم کرنے نوں
187:- اللہ جِساں ہدیت دیوے او ای ہدیت یافتہ اے اور جِساں گمراہ کرے او ای کہاٹا پاڑیں آلہ اے
188:- اور اَساں جہنم وسطے بہوں سارے جن تے آدمی پیدا کیتے نوں اور اُنہاں نے دِلے بچ اُنہاں توں نی سمجھنے اور اُنہاں نیاں اکھیاں اُنہاں توں نی دیکھنے اور اُنہاں نے کَن اُنہاں توں او نی سنڑنے اے لوک ڈنگراں (چوپائیاں) آلی گل نوں بلکہ اُنہاں توں وی گمراہ بدترین غافل نوں
189:- اور اللہ واسطے ای نوں چنگے نام تے تُسیں اُساں اُنہاں توں ای بلاؤ اور اُنہاں لوکاں چھوڑ دیو جیڑے ناواں بچ کج روئی رکھنے نوں جو او کرنے نوں جَلتی اِس نا بدلہ دیکھ کنسن او
190:- اور جیڑے لوک اَساں جمائے نوں اُنہاں بیچوں اک ٹولہ (گروہ) ٹھیک راہ دسنا اے اور اِس آلی گل فیصلہ کرنا اے
سورت الاعراف نا رکور نمبر 22مکمل
سورت الاعراف نا رکوع نمبر 23
پارہ نمبر 9 نا رکوع نمبر 13
191:- اور جنہاں لوکاں اَساں نیاں آیتاں نی منیا آہستہ آہستہ اُنہاں پکڑساں اور اُنہاں پتا وی نی لگنا
192:- اور میں اُنہاں ٹہل دیساں بے شک مینڑین چھپی ہوئی تدبیر پکی اے
193:- کیا او غور نی کرنے کہ اُنہاں نے صاحب محمد صہ آں کوئی جنون نی اور او صاف صاف ڈرانڑیں آلے نوں
194:- کیا او نی دیکھنے بادشاہت آسماناں تے زمی نی اور جے کج اللہ ہر چیز پیدا کیتی اے او، اے کہ اُنہاں نی موتو نا ٹیم نیڑے آگیا تے اِس توں بعد او کِس گل تے ایمان آنڑسن او
195:- جِساں اللہ گمراہ کرے تے اُساں ہدیت دینڑیں آلہ کوئی نی اور او اُنہاں اُنہاں نی سرکشی بچ پٹکنا (بہکنا) چھوڑ دینا اے
196:- او آپ صہ کولوں قیامتی نا پچھنے نوں کہ کدوں اے آپ صہ آکھو کہ اِس نا علم صرف اللہ کول اے ، اِساں اِس نے ٹیمے تے اللہ توں بغیر کوئی نی ظاہر کر اکنا پہارا (بھاری) اے آسمان تے زمی بچ اور تُساں تے نی آنی ، پر اچانک آسی ، آپ صہ کولوں اینجو پچھنے نوں جینجو آپ صہ اُساں لوڑنے (متلاشی) نوں آپ صہ آکھو کہ اِس نا علم صرف اللہ کول اے اور اکثر لوکاں نی پتا
197:- آپ صہ آکھو کہ میں آپڑیں ذات نے نفع نقصان نا وی مالک نہ او پر جو اللہ چاہوے اور اگر میں غیب جانڑنا ہواں آ تے میں تے فیدے بہوں جمع کر کنا آں اور برائی مینڑیں کول کول نہ آوے آ میں بس ڈرانڑیں آلہ تے خوشخبری دینڑیں آلہ واں اُنہاں لوکاں جیڑے ایمان رکھنے نوں
سورت الاعراف نا رکوع نمبر 23 مکمل
سورت الاعراف نا رکوع نمبر 24
پارہ نمبر 9 نا رکوع نمبر 14
198:- او ای اے جِس تُساں اِکی جانی توں پیدا کیتا اے اور اُس توں اُس نا جوڑا بنڑایا سو تاکہ اُس کولوں سکون ملے جدوں مرد اُساں چھپا (ڈھانپ) کدا تے اُساں نکا جیا حمل دتا سو فر او اِساں کِن کہ پھری فر جدوں او تھک (بوجھل) گئی دوآں اللہ بلایا کہ اگر اَساں صالح بچہ دِتا ای تے اَسیں ضرور شکر کرنڑیں آلیاں بیچوں ہوساں
199:- فر جدوں اللہ اُنہاں صالح بچہ دتا جیڑا اللہ دتا اُنہاں او ، اُنہاں اُس بچ شریک کیتے تے اللہ اُس توں بَڈا اے جو او شریک کرنے اے او
200:- کیا او اُنہاں شریک کرنے نوں جیڑے آپ کج پیدا نی کر اکنے بلکہ آپ وی پیدا ہونے نوں
201:- اور اُنہاں نی مدد نی ہمت نی رکھنے بلکہ او آپڑیں مدد وی نی کر اکنے
202:- اور اگر تُسیں اُنہاں ہدیت دار بُلاؤ تے او تُساں نی پیروی نی کرنے تُساں وسطے برابر اے کہ اُنہاں بُلاؤ یا چُپ رہو
203:- بے شک تُسیں جنہاں اللہ توں بغیر بُلانے او او تُساں جئے بندے نوں فر اُنہاں بُلاؤ تے اُنہاں چاہی نا اے کہ جواب دیون او اگر تُسیں سچے او تے
204:- کیا اُنہاں نے پیر اے نوں جنہاں نا ٹرنے نوں یا ہتھ جنہاں نال پکڑنے نوں یا اکھیاں جنہاں نال دیکھنے نوں یا اُنہاں نے کن جنہاں نال سُنڑنے نوں آپ صہ آکھو کہ بُلاؤ آپڑیاں شریکاں مینڑیں تے داؤ چلاؤن او تے فر مہلت نہ دیون او
205:- بے شک مینڑاں کارساز اللہ اے جِس کتاب لائی اے اور او نیک بندیاں نا حمایتی اے
206:- اللہ توں بغیر جنہاں تُسیں بُلانے او او قدرت نی رکھنے تُساں نی مدد نی اور نہ آپڑیں مدد نی
207:- اور اگر تُسیں اُنہاں ہدیت دار بُلاؤ تے او نی سنڑنے اور تو اُنہاں دیکھنا ایں کہ او تیرے دار دیکھنے نوں حالانکہ او کج نی دیکھنے
208:- آپ صہ درگزر کرو تے چنگے نا حکم دیو نے اور جاہلاں توں منہ پھیر کِنو
209:- اور اگر تُساں اُبھارے شیطان دار کوئی چھیڑتے اللہ نی پناہ بچ آ جُل بے شک اللہ سنڑنے آلہ تے جانڑنے آلہ اے
210:- بے شک جیڑے لوک اللہ توں ڈرنے نوں جدوں اُنہاں شیطان نی طرفوں کوئی وسوسہ آنا اے او اللہ یاد کرنے نوں اور فوراً سدھے راہے آں دیکھ کننے نوں
211:- شیطان نے پرا اُنہاں گمراہی دار چھکنے نوں فر او کمی نی کرنے
212:- اور جدوں تُسیں اُنہاں کول آیت نہ آنڑو تے آکھنے نوں آپ صہ توں کیوں نی گھڑ کننا ایں آپ صہ آکھو کہ میں تے اللہ نی پیروی کرنا جیڑی وحی آنی اے اور اے قرآن سمجھ بوجھ نیاں گلاں نوں اللہ نی طرفوں اور ہدیت تے رحمت اُنہاں لوکاں وسطے جیڑے ایمان رکھنے نوں
213:- اور جدوں قرآن پڑھیا جُلے تے پوری توجہ نال سنڑو اِساں اور چپ رہو تاکہ تُساں تے رحم کیتا جُلے
214:- اور آپڑیں اللہ یاد کرو آپڑیں دِل بچ عاجزی نال اور ڈرنیو ہویوں اور اچی آواز توں بغیر صبح تے شامی اور بے خبراں توں نہ رہو
215:- بے شک جیڑے لوک تینڑیں اللہ نے نیڑے نوں اور اِس نی عبادت توں تکبر نی کرنے اور اِس نی تسبیح کرنے نوں اور اِسے آں ای سجدہ کرنے نوں
سورت الاعراف نا رکوع نمبر 24 مکمل
سورت الاعراف مکمل

اپنا تبصرہ بھیجیں