سورت التوبہ(رکوع نمبر5 تا 10) – ہندکو ترجمہ




سورت التوبہ نا رکوع نمبر 5
پارہ نمبر 10 نا رکوع نمبر 11
30:- یہود آکھیا کہ عزیر اللہ نا پتر اے اور نصاریٰ آکھیا کہ عیسیٰ عیہ اللہ نے پتر نوں اے اُنہاں نے منہ نیاں گلاں نوں او رِیس کرنے نوں پہلے کافراں نی گلاں نی اللہ اُنہاں ہلاک کرے کیتھے بہکے جُلنے نوں
31:- اُنہاں بنڑا کِدا آپڑیں علماء ، درویشاں تے عیسیٰ عیہ آں رب اور نی حکم دتا نے کہ او اک معبود نی عبادت کرن او اور او اس توں پاک اے جیڑا اے شرک کرنے نوں
32:- او چاہنے نوں کہ اللہ نے نور آں آپڑیاں منہ نیاں پھوکاں نال بجھا چھڑن اور اللہ اِس توں بغیر نی رہنا کہ آپڑیں نور آں پورا کرے اگر کافر پسند نہ کرن او تاں وی
33:- اور جِس آپڑاں رسول پیجیا ہدیت نال اور دین حق نال تاکہ اُنہاں ساری دنیا تے غلبہ دیون خواہ مشرک ناپسند کرن او
34:- اے ایمان آلیو بے شک بہوں سارے علماء تے درویش لوکاں نے مال ناحق کھانے نوں اور اللہ نے راہے توں ڈکننے نوں اور او لوک جیڑے سونا چاندی جمع کر کہ رکھنے ناں اور اِساں اللہ نے راہے بچ خرچ نی کرنے او تے اُنہاں ڈاڈے عذاب نی خوشخبری س
دیو
35:- جِس دیاڑے اَسیں جہنم نی اگی بچ ساڑساں فر اِس نال اُنہاں نے متھے سیڈاں تے کنڈی آں داغیا جُلسی کہ اے او نے جیڑا تُساں آپڑیں وسطے جمع کیتا ایا پر مزے کرو جو تُساں جمع کرنے او
36:- بے شک مہینے نی تعداد اللہ نی کتاباں بچ 12 مہینے نوں جِس دیاڑے اُس آسمان تے زمی آں پیدا کیتا اُنہاں بچ چار ادب آلے مہینے نوں اے ای اے صیح دین پر تُسیں اُنہاں بچ آپڑیں تے ظلم نہ کرو اور تُسیں سارے مشرکاں نال کُلو جینجو او سارے کُلنے نوں اور جانڑ کنو کہ اللہ پرہیزگاراں نال اے
37:- اے جڑے مہینے آں اگے پچھے کرنا اے اے کفر بچی اضافہ اے اس توں کافر گمراہ ہونے نوں اور اِساں اک سال حلال کر کننے نوں تے دوئے سال حرام کر کننے نوں تاکہ او گنتی پوری کر کنو نوں جو اللہ حرام کیتے نوں او حلال کرنے نوں جیڑے اللہ حرام کیتے اُنہاں نے مندے اعمال مزین کر دتے گئے نوں اور اللہ کرفراں ہدیت نی دینا
سورت التوبہ نا رکوع نمبر 5 مکمل
سورے التوبہ نا رکوع نمبر 6
پارہ نمبر 10 نا رکوع نمبر 12
38:- اے مومنو تُساں کے ہو گیا اے کہ جدوں تُساں آکھو کہ اللہ نے راہے بچ نکلو تے تُسیں ٹہہ (گر) جُلنے او زمی تے کیا تُساں قیامتی نے بدلے دنیا نی زندگی آں پسند کیتا اے اے کج وی نی دنیا نی زندگی آخرت نے مقابلے بچ پر تھوڑی
39:- اگر تُسیں اللہ نے راہے بچ نہ نکلے او تے اللہ تُساں عذاب دیسی ڈاڈا اور تُساں توں سوا کوئی ہور قوم بدلے بچ کن آنڑسی اور تُسیں اُس نا کج نی بگاڑ اکنے او اور اللہ ہر چیزاں تے قدرت رکھنا اے
40:- اگر تُسیں نبی صہ نی مدد نی کرنے او تے اللہ اُنہاں نی مدد کیتی اے جدوں کافراں اُنہاں کڈیا اور او دوئے اے غارثور بچ جدوں او آپڑیں سنگی (ابوبکر رضہ) آں آکھنے کہ گھبراؤ نہیں اللہ اَساں نال اے تو اللہ اُنہاں تے تسکین (تسلی) لائی اور اے جیا لشکراں توں اُنہاں نی مدد کیتی جیڑے تُساں نی دیکھے اور کافراں پست کر چھڑیا اور اللہ نا بول بالا اے اللہ غالب حکمت آلہ اے
41:- تُسیں نکلو ہلکے او یا بھاری اور آپڑیں مال تے جانی نال اَللہ نی راہے بچ جہاد کرو اے تُساں وسطے چنگا اے اگر تُساں پتا اے تے
42:- اگر مال غنیمت نیڑے تے سفر آسان ہونا تے او آپ صہ پچھے ٹُر پاؤن آ او پر دور نظر ایا اُنہاں راہ تے ہنڑ اللہ نیاں قسمتاں چاسن او اور اگر اَساں تو ہو کنے آ تے اَسیں ضرور نکلاں آں او آپے آں ہلاک کرنے نوں پئے اور اللہ جانڑنا اے کہ او یقینناً کوڑے نوں
سورے التوبہ نا رکوع نمبر 6 مکمل
سورت التوبہ نا رکوع نمبر 7
پارہ نمبر 10 نا رکوع 13
43:- اللہ تُساں معاف کرے آپ صہ اِس توں پہلے اُنہاں کیوں اجازت چادتی ایتھے تک کہ تُساں اُتے ظاہر ہو جُلے آ کہ او لوک جیڑے سچے نوں اور آپ صہ جانڑ کنو آن نوں کوڑے لوکاں
44:- آپ صہ توں او لوک رخصت نی منگنے جیڑے اللہ اور آخرت تے ایمان رکھنے نوں کہ او جہاد کرن آپڑیں مال تے جانی نال اور اللہ متقی پرہیزگاراں ڈاڈا سیانڑنا اے
45:- تُساں کولوں او ای لوک رخصت منگنے نوں جیڑے اللہ تے قیامتی تے ایمان نی رکھنے اور اُنہاں نے دِلے بچ شک اے اور او شکے بچ بھٹکنے نوں پئے
46:- اگر او نکلڑیں نا ارادہ کرنے تے ضرور سامان تیار کرن آ لیکن اللہ اُنہاں نا اُٹھنڑاں ناپسند کیتا اے سو اُنہاں روک چھڑیا اور آکھیا کہ معذور بہنڑیں آلیاں نال بہہ رہو
47:- اور اگر او تُساں نال نکلن آ تے تُساں وسطے خرابی توں سوا کج نی بدانے او اور تُساں نے درمیان نَسن آ اے چاہنے کہ تُساں وسطے بگاڑ اور تُساں بچ اُنہاں نے جاسوس اے نوں اور اللہ ظالماں سیانڑنا اے
48:- البتہ اُنہاں پہلے وی بگاڑ چاہیا ایا اور اُنہاں تُساں وسطے پٹھیاں سدھیاں تدبیراں کیتیاں نوں ایتھے تک کہ حق غالب آگیا اور او نا خوش رہے
49:- اور اُنہاں بیچوں کج آکھنے نوں کہ اَساں اجازت دیو اور اَساں آزمیش بچ نہ پاؤ یاد رکھو کہ او آزمیش بچ پئے گئے نوں اور بے شک جہنم کافراں گھیریا ہویا اے
50:- اگر تُساں کوئی فیدا مِلے تے اُنہاں مندی گل لگنی اے او تُساں مصیبت مِلے تے او آکھنے نوں اَساں آپڑاں کم سنبھال کدا ایا اس توں پہلے ای اور او خوشیاں منانے مڑ جُلنے نوں
51:- آپ صہ آکھو کہ ہرگز نی پہنچنا پر صرف او ای جو اللہ لکھ چھڑیا اے او او ای اساں نا مولا اے اور مومناں اللہ اُتے ای بھروسہ کرنا چائی نا اے
52:- آپ صہ آکھو کہ کیا تُساں ہر دو خوبیاں بیچوں اَساں اُتے اِکی نا انتظار کرنے او اور تُسیں اَساں وسطے انتظار کرنے او کہ تُساں پہنچے اللہ کولوں کوئی عذاب یا اساں نے ہتھوں تے تُسیں انتظار کرو اَسیں وی منتظر آں
53:- آپ صہ آکھو کہ تُسیں خوشی نال خرچ کرو یا نا خوشی نال کدے وی تُساں کولوں قبول نی ہونا تُسیں فاسق قوم او
54:- اور اُنہاں نا خرچ قبول ہوڑیں نے مانع نی ہویا پر اے کہ او منکر ہوئے اللہ تے رسول صہ نے اور او نمازاں نی آنے پر سستی نال اور او خرچ نی کرنے پر ناخوشی نال
55:- تے تُساں تعجب نہ ہووے اُنہاں نے مال تے اولاد تے اللہ اے ای چاہنا اے کہ اُنہاں اِس نال دنیا نی زندگی بچ عذاب دیوے اور اُنہاں نی جان نکلے تے او کافر ہون او
56:- او اللہ نیاں قسماں کھانے نوں کہ او تُساں بیچوں نوں پر او تُساں بیچوں نی نوں پر او ڈرنے نوں
57:- اگر اُنہاں کوئی پناہ نی جاہ غار یا سر چھپانڑیں نی جاہ ملے تے او رسیاں تروڑنے ہوئے نس جُلن او اِس دار
58:- اُنہاں بیچوں بعض آپ صہ تے صدقے نی تقسیم بچ طعن کرنے نوں اگر اُس بیچوں اُنہاں دتا جُلے تے او راضی ہو جُلنے نوں اور اگر نہ دتا جُلے تے او خفا ہو رہنے نوں
59:- کیا ای چنگا ہونا کہ او راضی ہو جُلنے اُس اُتے جو اللہ اور اُس نے رسول صہ اُنہاں دتا اے اور او آکھنے کہ اَساں اللہ ای جہان اے اور ہنڑ اللہ اَساں آپڑیں فضل بیچوں دیسی او بے شک اَسیں اللہ تے رسول صہ دار رغبت رکھنے آں
سورت التوبہ نا رکوع نمبر 7 مکمل
سورت التوبہ نا رکوع نمبر 8
پارہ نمبر 10 نا رکوع نمبر 14
60:- زکوٰۃ حق اے صرف مفلس ، محتاج تے اِس اُتے کم کرڑیں آلے کارکنان اور اُنہاں لوکاں جنہاں اسلام نی الفت دتی جُلنی اے اور گردن چھڑانڑیں آزاد کرانڑین ، قرضدار نا قرضہ دینڑیں اور اللہ نے راہے بچ مسافراں نا اے اللہ نی طرفوں فریضہ اے اور اللہ علم آلہ تے حکمت آلہ اے
61:- اُنہاں بیچوں کج لوک نبی مکرم صہ آں ستانے نوں کہ اور آکھنے ناں کہ اے تے کناں نا کچا اے آپ صہ آکھو کہ اے کن تُساں نی بھلائی واسطے نوں اور اللہ تے یقین رکھنے نوں اور اُنہاں لوکاں وسطے رحمت جیڑے ایمان کِن آئے نوں اور جیڑے لوک اللہ نے رسول آں ستانے نوں اُنہان وسطے ڈادا عذاب اے
62:- او تُساں نے سامنڑیں اللہ نیاں قسماں کھانے نوں کہ تُساں خوش کرن او اور اللہ تے رسول صہ نا زیادے حق اے کہ اُنہاں خوش کعن اگر او ایمان آلے نوں تے
63:- کیا اُنہاں نی پتا کہ جیرے لوک مقابلہ کرسن او اللہ تے رسول صہ نا اُنہاں وسطے دوزخ اے او ہمیشہ ایتھے رہسن او اور اے بڈی رسوائی نی جا اے
64:- منافق ڈرنے نوں کہ کدرے مسلماناں تے کوئی اے جئی سورت نہ لے جُلے جیڑی اُنہاں دس چھڑے کہ منافقاں نے دِلے بچ کہ وے آپ صہ آکھو کہ تُسیں ٹھٹھےکرنے او بے شک تُسیں جِس توں ڈرنے او اللہ او کھولنڑیں آلہ اے
65:- اگر تُسیں اُنہاں پچھو تے او آکھسن او کہ اَسیں تے دِلگی کرنے آں آپ صہ آکھو کہ کیا تُسیں اللہ اور اُس نیاں آیتاں نال ٹھٹھے کرنے او
66:- بہانے نہ بنڑاؤ تُسیں ایمان آنڑنے توں بعد فر کافر ہو گئے او اَسیں تُساں بیچوں اک گروہ آں معاف کرساں تے دوئے آں عذاب دیساں کیونکہ او مجرم اے
سورت التوبہ نا رکوع نمبر 8مکمل
سورت التوبہ نا رکوع نمبر 9
پارہ نمبر 10 نا رکوع نمبر 15
67:- منافق مرد تے منافق عورتاں اُنہاں بیچوں کج اک دوئے نے ہم جنس نوں مندے کمے نا آکھنے نوں تے نیکی تو ڈکنے نوں اور آپڑیاں مٹھیاں خرچ کرنڑیں تو بند کرنے نوں اللہ بھلا بیٹھے نوں اور اللہ اُنہاں بھلا چھڑیا اے بے شک منافق ای نافرمان نوں
68:- اللہ منافق مرد ، عورتاں اور کافراں نال جہنم نا وعدہ کیتا اے اور اِس بچ ہمیشہ رہسن او او ای اُنہاں وسطے جہان اے اُنہاں اُتے اللہ لعنت کیتی اے اور ہمیشہ رہنڑیں آلہ عذاب اے
69:- جسطرح او لوک جیڑے تُساں توں پہلے اے تُساں توں زیادہ زور بچ اور مال بچ اور اولادی بچ اُنہاں آپڑیں حصے نا فیدا چایا اے سو تُسیں آپڑیں حصے نا فیدا کنو جینجو اُنہاں کدا اے اور تُسیں برائی بچ بد گئے او جینجو او بڈے او ای لوک نوں جنہاں نےکم دنیا تے اور آخرت تے اکارت کیتے جُلسن او اور او ای لوک نوں کہاٹا چاڑیں آلے
70:- کیا اُنہاں تک اُنہاں لوکاں نی خبر نی پہنچی جیڑے اُنہاں توں پہلے اے قوم نوح ، اور عاد اور ثمود ، ابراہیم اور مدین آلے اور او گراں جیڑے پٹھے کر چھڑے اور اُنہاں کول اُنہاں نے رسول آئے واضح احکام کِن کہ دلیل نال تے اللہ اے جیا نی ایا کہ اُنہاں اُتے ظلم کرے آ پر او آپڑیں تے آپ ظلم کرنے او
71:- مومن مرد تے عورتاں اور بعض اک دوئے نے سنگی او بھلائی نا حکم دینے نوں اور برائی توں ڈکنے نوں اور نماز قیم کرنے نوں اور زکوٰۃ دینے نوں اور اللہ تے رسول صہ نی اطاعت کرنے نوں او ای لوک جنہاں اُتے اللہ رحم کرسی بے شک اللہ غالب حکمت آلہ اے
72:- اللہ مومن مرداں تے عورتاں نال جنت نا وعدہ کیتا اے جِس تلے نہراں بگنیاں نوں اُنہاں بچ ہمیشہ رہسن او اور پاک مکان تے ہمیشہ رہنڑیں آلے باغاں بچ اور اللہ نی خوشنودی ساریاں توں بڈی چیز اے اور اے بڈی کامیابی اے
سورت التوبہ نا رکوع نمبر 9 مکمل
سورت التوبہ نا رکوع نمبر 10
پارہ نمبر 10 نا رکوع نمبر 16
73:- اے نبی صہ کافراں تے منافقاں نال جہاد کرو اور اُنہاں اُتے سختی کرو اور اُنہاں نا ٹھکانہ جہنم اے اور اے مندی جا اے
74:- او اللہ نیاں قسماں کھانے نوں کہ اُنہاں نی آکھیا حالانکہ اُنہاں ضرور کفر نا کلمہ آکھیا اے اور آپڑیں اسلام آنڑنے توں بعد اُنہاں کفر کیتا اے اور اِس چیز نا قصد کیتا نے جیڑی اُنہاں نی ملی اور اُنہاں بدلہ نی دتا پر صرف اِس گل نا کہ اللہ تے اُس نے رسول صہ اُنہاں آپڑیں فضل نال غنی کر چھڑیا تے اگر او توبہ کر کنن او تے اُنہاں وسطے چنگا ہوسی اور اگر او پھر گئے تے اللہ اُنہاں ڈاڈا عذاب دیسی دنیا بچ تے آخرت بچ اور اُنہاں نا زمی بچ کوئی حمیتی تے مددگار نی ہونا او
75:- اُنہاں بیچوں کج او نوں جنہاں اللہ نال وعدہ کیتا کہ اگر اللہ آپڑیں فضل نال دیوے تے اسیں ضرور صدقہ دیساں اور اسیں ضرور صالحیں بیچوں ہو جُلساں
76:- فر جدوں اللہ اُنہاں آپڑیں فضل نال دتا تے او پھر گئے اُنہاں بخل کیتا اور او روگردانی کرڑیں آلے نوں
77:- تے اللہ اُس نا انجام اُنہاں نے دِلے بچ نفاق رکھ چھڑیا روز قیامت تک او اِس نال مِلسن او کیونکہ اُنہاں اللہ نال جیڑا وعدہ کیتا اسنے خلاف کیتا اور کوڑ مارنے اے
78:- کیا او نی جانڑنے کہ اللہ اُنہاں نے بھید اور گوشے سمجھنا اے اور اللہ غیب جانڑنا اے
79:- او لوک جیڑے مومناں تے عیب لانے نوں جیڑے خوشی نال خیرات کرنے نوں اور او لوک جیڑے آپڑیں محنت نا صلہ نی پانے منافق اُنہاں نال ٹھٹھے کرنے نوں اور اللہ اُنہاں نے مذاخ نا جواب دتا اے اُنہاں وسطے ڈاڈا عذاب اے
80:- آپ صہ اُنہاں وسطے بخشش منگو یا نہ منگو اک ای گل اے اگر آپ صہ اُنہاں وسطے ستر واری وی بخشش منگن تے اللہ اُنہاں معاف نی کرنا اس کر کے کہ اُنہاں اللہ تے رسول صہ نال کفر کیتا اے اور اللہ نافرمان لوکاں ہدیت نی دینا
سورت التوبہ نا رکوع نمبر 10 مکمل

اپنا تبصرہ بھیجیں