سورت الیونس (رکوع نمبر1 تا 3) – ہندکو ترجمہ




سورت یونس نا رکوع نمبر 1
پارہ نمبر 11 نا رکوع نمبر 6

1:- ا ل ر اے حکمت آلی کتاب نیاں آیتاں نوں
2:- کیا لوکاں تعجب ہویا کہ اَساں وحی بھیجی اے اک آدمی اُتے اُنہاں بیچوں او لوکاں ڈرائے اور ایمان آلیاں خوشخبری دیوے کہ اُنہاں وسطے سچا مقام اے اُنہاں نے رب کول کافر بولے کہ اے تے کھلا جادو گر ہے
3:- بےشک تُساں نا رب اللہ اے جِس 6 دیاڑیاں بچ زمی تے آسمان بنڑائے فر او عرش اُتے قیم ہویا کم نی تدبیر کرنا اے اِس نی اجازت توں بغیر کوئی سفارش نی کر اکنا او اللہ تُساں نا رب اے کیا تُسیں تیہان نی کرنے او
4:- اُس دار تُساں ساریاں مڑ کہ جُلنا اے اللہ نا وعدہ سچا اے بے شک او ای پہلی وار پیدا کرنا اے فر اِنہاں دوبارہ پیدا کرسی تاکہ اُنہاں لوکاں انصاف نال جزا دیوے جیڑے ایمان لائے اور چنگے کم کیتے نے اور جنہاں لوکاں کفر کیتا اُنہاں وسطے اُبلنا پاڑیں اے اور ڈاڈا عذاب اے کیونکہ او کافر نوں
5:- او ای اے جِس سورج آں جگمگانا تے چَنے (چاند) آں چکمنا بنڑایا اے اور اُنہاں نیاں منزلاں مقرر کر چھڑیاں نوں تاکہ تُسیں سالاں نی گنتی تے حساب سمجھ جُلو اللہ اے نی پیدا کیتا پر سہی تدبیر اے او علم آلیاں وسطے نشانیاں کھول کہ بیان کرنا اے
6:- بے شک راتی تے دیاڑی نے بدلنڑیں اور جو کج اللہ آسمان تے زمی بچ پیدا کیتا اِس بچ پرہیزگاراں وسطے نشانیاں نوں
7:- بے شک جیڑے لوک اللہ نال ملنے نی امید نی رکھنے او دنیا نی زندگی تے راضی ہوگئے نوں اور اِس تے مطمئن نوں جیڑے لوک آیتاں توں غافل نوں
8:- اے ای لوک نوں جنہاں نا ٹھکانڑاں جہنم اے اور اِس نا بدلہ جو اوکرنے اے
9:- جیڑے لوک ایمان لائے اور چنگے کم کیتے نے اُنہاں نا اللہ اُنہاں راہ دَسسی اُنہاں نے ایمان نی بدولت اے جئے محلات نی جنہاں تَلے نہراں نوں نعمت نیاں باغاں بچ
10:- اِس بچ اُنہاں نی دعا اے کہ اے اللہ توں پاک ایں اور اِس بچ اُنہاں نے ملڑیں نی دعا “سلام” اے اور انہاں نی دعا نا خاتمہ اے کہ “ساریاں تعریفاں اللہ وسطے نوں جیڑا سارے جہاناں نا اللہ (مالک ) اے
سورت یونس نا رکوع نمبر 1 مکمل

سورت یونس نا رکوع نمبر 2
پارہ نمبر 11 نا رکوع نمبر 7

11:- اور اگر اللہ لوکاں جَلتی برائی پیجنا تے جینجو او بھلائی چاہنے نوں تے لوکاں نی عمراں نا معیار پورا ہو جُلے آ پس اَسیں اُنہاں لوکاں جیڑے اَساں نی ملاقات نی امید نی رکھنے او سرکشی بچ پھرنے چھوڑ دینے آں
12:- اور جدوں انسان آں کوئی تکلیف پہنچنی اے تے او لیٹیا ہویا ، بیٹھیا ہووے یا کھلتیوں اللہ بلانا اے فر جدوں اللہ دور کر چھڑے اِس توں اِس نی تکلیف تے او اینجو ٹُر پینا سے کہ جینجو اُس کدے تکلیف بچ اللہ بُلایا ای نی اِسطرح حد توں بَدڑیں آلیاں پُہلا (بھلا) کہ دَسیا اے او کم جو او کرنے اے
13:- اور اَساں تُساں توں پہلیوں کئی امتاں ہلاک کر چھڑیاں نوں جدوں اُنہاں ظلم کیتا اور اُنہاں کول آئے اُنہاں نے رسول کھلی نشانیاں کِن کہ اور او ایمان نی آنڑنے اسطرح اَسیں مجرماں نی قوماں بدلہ دینے آں
14:- فر اَساں تُساں زمی بچ اُنہاں توں بعد جانشین بنڑایا تاکہ اَسیں دیکھیاں تُسیں کے او جئے کم کرنے او
15:- اور جدوں اُنہاں نے سامنڑیں واضح آیتاں پڑھیاں جُلنیاں نوں تے جیڑے لوک ملڑیں نی امید نی رکھنے او آکھنے نوں کہ تُسیں اِس توں علاوہ کوئی ہور قرآن کِن آؤ یا اِساں ای بدل چھڑو آپ صہ آکھو کہ مینڑیں بس بچ نی کہ میں بدل چھڑاں آپڑیں مرضی نال اور میں پیروی نہ کرنا پر اُس نی جو کج وحی کیتا جُلنا اے اگر میں اللہ نی نافرمانی کراں تے میں بڈے دیاڑے نے عذاب کولوں ڈرنا واں
16:- آپ صہ آکھو کہ اگر اللہ چاہنا تے میں اِساں تُساں نے سامڑیں نی پڑھنا واں اور نہ تُساں خبر دینا واں میں اِس توں پہلے وی کج عمر تُساں بچ گزاری اے تے کیا تُسیں عقل نال کم نی کننے او
17:- اِس توں بڈا کونڑ ظالم اے جیڑا اللہ تے کوڑ مارے یا اُس نیاں آیتاں نہ منے بے شک مجرم کمیابی نی پانے او
18:- اور او اللہ توں علاوہ اُنہاں پوجنے نوں جیڑے اُنہاں نہ تکلیف دے اکنے نوں تے نہ فیدا اور او آکھنے نوں کہ اے سب اللہ کول اَساں نے سفارشی نوں آپ صہ آکھو کہ تُسیں اللہ اُس نی خبر دینے او جو او نی جانڑنا آسمان بچ تے زمی بچ او پاک اے اور اُچا اے اِس توں جو اے شرک کرنے نوں
19:- اور لوک نی اے مگر امت واحد فر اُنہاں اختلاف کیتا اور اگر تینڑیں اللہ نی طرفوں پہلے گل نہ ہوئی ہونی تے فیصلہ ہو جُلے آ اُنہاں نے درمیان اِس گلاں نا جس بچ او اختلاف کرنے او
20:- اور او آکھنے کہ اِس نے اللہ نی طرفوں اِس اُتے کوئی نشانی کیوں نی لتھی او تے آپ صہ آکھو کہ غیب اللہ ای آں پتا اے تے تُسیں انتظار کرو میں وی منتظر آں
سورت یونس نا رکوع نمبر 2 مکمل

سورت یونس نا رکوع نمبر 3
پارہ نمبر 11 نا رکوع نمبر 8

21:- اور جدوں اَسیں لوکاں رحمت نا مزا دسساں اِس توں بعد کہ اُنہاں کوئی تکلیف مِلی اے جیڑی اُنہاں ملی تے او آیتاں بچ حیلہ لبنے او آپ صہ آکھو کہ اللہ ساریاں توں جَلتی خفیہ تدبیر بنڑا کننا اے بے شک تُسیں جو حیلہ سازی کرنے او فرشتے او لکھنے نوں
22:- او ای اے جیڑا تُساں ٹورنا اے خشکی بچ تے دریائے بچ ایتھے تک کہ جدوں تُسیں خشکی بچ ہو او اُنہاں نال پاکیزہ ہوا بچ نال ٹُرے اور او اس توں خوش ہوئے اِس کشتی اُتے اک تیز ہوا آئی اور اُنہاں اُتے ہر سیڈاں توں موجاں آگئیاں اُنہاں جانڑ کدا کہ اُنہاں گھیر کدا گیا اے اور اللہ خالص ہو کے بُلاڑیں آں لگ پئے اگر توں اَساں نجات دتی تے اَسیں ضرور شکر گزاراں بیچوں ہوساں او
23:- فر جدوں اُس اُنہاں نجات چا دتی تے او زمی بچ نا حق سرکشی کرڑیں آں لگ پئے اے لوکو ! اِس توں سوا نی کہ تُساں نی شرارت نا وبال تُساں نیاں جانیاں تے اے دنیا نی زندگی نے فیدے کج دیاڑے نوں فر تُساں اَساں دار مڑنا اے فر اَسیں دَسساں کہ تُسیں کہ کرنے او
24:- اِس توں سوا نی کہ دنیا نی زندگی نی مثال پاڑیں آلی گل اے جِساں اَساں آسمان توں لایا تے اِس نال زمی نا سبزہ ملنا جُلنا نکلیا جساں لوک تے مال ڈنگر کھانے نوں ایتھے تک کہ جدوں زمی رونق پکڑ کدی اور او مزین ہو گئی اور زمی آلیاں خیال کیتا کہ او اِس اُتے قدرت رکھنے نوں تے اِس اُتے اچانک اَساں نا حکم راتی ویلے یا دیاڑی ویلے آیا تے اَساں اُساں کپیا ہویا ڈھیر کر چھڑیا جینجو او کل اے ای نی اے ای اِسطرح اَسیں آیتاں کھول کہ بیان کرنے آں اُنہاں لوکاں وسطے جیڑے غور و فکر کرنے نوں
25:- اور اللہ سلامتی نے گھر دار بُلانا اے اور جِساں چاہوے سدھے راہے دار ہدیت دینا اے
26:- جنہاں لوکاں بھلائی کیتی اُنہاں وسطے بھلائی اے اِس توں زیادے اور اُنہاں نے چہرے تے نہ سیاہی چڑھنی اے تے نہ ای ذلالت او ای لوک جنت آلے نوں اور او ہمیشہ اِس بچ رہسن او
27:- اور جنہاں لوکاں برائیاں کمائیاں اُنہاں نا بدلہ اُس جیا مندا اے اور اُنہاں اُتے ذلت چڑھسی اور اُنہاں وسطے اللہ کولوں بچاڑیں آلہ کوئی نہیں تے اُنہاں نے منہ چھپا چھڑے ڈنگی راتی نال او ای لوک جہنم آلے نوں اور ہمیشہ ایتھے ای رہسن او
28:- اور جِس دیاڑے اَسیں اُنہاں ساریاں اکھٹا کرساں فر اُنہاں لوکاں آکھساں جنہاں شرک کیتا آپڑیں آپڑیں جائی رہو تُسیں تے تُساں نے شریک آکھسن او کہ تُسیں اَساں نی بندگی نی کرنے او
29:- پس اَساں تے تُساں نے درمیان اللہ گواہ جہان اے اَسیں تُساں نی بندگی توں بے خبر اے آں
30:- ایتھے ہر کوئی سمجھ جُلسی جو او کرنا ریا اے اور او آپڑیں سچے مولا اللہ دار مڑسن او اور اُنہاں توں گم جُلسی جو او کوڑ مارنے اے او
سورت یونس نا رکوع نمبر 3 مکمل

اپنا تبصرہ بھیجیں