سورت الیونس (رکوع نمبر 7 تا 9 ) – ہندکو ترجمہ




سورت یونس نا رکوع نمبر 7
پارہ نمبر 11 نا رکوع نمبر 12
61:- اور تُسیں نی ہونے او کِسے حال بچ وی اور نہ اِس بیچوں کج قرآن پڑھنے او اور نہ کوئی عمل کرنے او پر اسیں باخبر آں جدوں تُسیں اِس بچ مشغول ہونے او اور نی تُساں نے اللہ کولوں چھپی ہوئی اک زرہ برابر وی زمی تے نہ آسمان اور نہ نکا تے نہ بڈا مگر روشن اے کتاباں بچ او
62:- یاد رکھو کہ بےشک جیڑے اللہ نے سنگی نوں اُنہاں تے نہ کوئی خوف ہوسی تے نہ ای غم ہوسی
63:- اور جیڑے لوک ایمان کن آئے تقویٰ تے پرہیزگاری کرنے رہے
64:- اُنہاں وسطے بشارت اے دنیا نی زندگی بچ اور آخرت بچ اور اللہ نیاں گلاں بچ کوئی تبدیلی نی اے ای بڈی کمیابی اے
65:- اور اُنہاں نی گل تُساں غمگین نہ کرے بے شک سارا غلبہ اللہ وسطے اے او سنڑنے آلہ جانڑنے آلہ اے
66:- یاد رکھو بے شک جو کج آسمان تے زمی بچ اے اللہ وسطے اے اور کِسے نی پیروی نی کرنے او لوک جیڑے اللہ نال شریک کرنے نوں پر صرف گمان نی پیروی کرنے نوں اور او صرف اٹکلیاں نسانے نوں
67:- او ای اے جِس تُساں وسطے رات بنڑائی تاکہ تُسیں سکون کنو اور دیاڑ روشن بے شک اِس بچ سنڑنے آلے لوکاں وسطے نشانیاں نوں
68:- او آکھنے نوں اللہ آپڑاں پتر بنڑا کدا اے اللہ پاک اے بے نیاز اے اُس وسطے ای اے جو کج آسمان تے زمی بچ اے تُساں کول نی اُس وسطے کوئی دلیل کیا تُسیں اللہ اُتے گلاں کرنے او جو تُساں نی پتا او
69:- آپ صہ آکھو کہ بے شک جیڑے لوک اللہ اُتے کوڑ مارنے نوں او فلاح یعنی دو جہاناں نی کمیابی نی پانے
70:- دنیا بچ کج فیدا اے فر اَساں دار مڑنا اے فر اَسیں اُنہاں شدید عذاب دیساں اِس نے بدلے جو او کفر کرنے اے
سورت یونس نا رکوع نمبر 7 مکمل
سورت یونس نا رکوع نمبر 8
پارہ نمبر 11 نا رکوع نمبر 13
71:- آپ صہ اُنہاں نوح عیہ نا قصہ پڑھ کہ سنڑاؤ جدوں اُنہاں آپڑیں قوم آں آکھیا کہ اے مینڑیں قوم ! اگر تُساں تے پہارا اے مینڑاں رکنڑاں اور مینڑیں اللہ نی آیتاں توں نصیحت کرنا تے میں اللہ اُتے بھروسہ کیتا اے پس تُسیں تے تُساں نے شریک آپڑاں کم باٹا کر کنو فر تُساں آپڑیں کم تے کوئی شک و شبہ نہ رہوے فر مینڑیں نال کر کنو تے ماں (مجھے) مہلت نہ دیو
72:- فر اگر تُسیں منہ پھیر کنو تے میں تُساں کولوں کوئی اجر می منگیا مینڑاں اجر تے صرف اللہ کول اے اورماں (مجھے) حکم دتا گیا اے کہ میں رہواں فرمانبرداراں بیچوں
73:- سو اُنہاں نوح عیہ نی منیا تے اَساں بچا کدا نوح عیہ اور اُنہاں جیڑے اُنہاں نال کشتی بچ اے اور اَساں اُنہاں جانشین بنڑایا اور غرق کر چھڑیا اُنہاں جیڑے لوکاں آیتاں نی منیا دیکھو اُنہاں نا کے او جیا انجام ہویا اے جنہاں ڈرایا گیا ایا
74:- فر اَساں نوح عیہ توں بعد کئی رسول اُنہاں نی قوم دار پیجے تے او اُنہاں کول روشن دلیلاں کن کہ آئے سو اُنہاں کولوں نی ہویا کہ او ایمان کن آؤن او اِس گل اُتے جِساں او پہلے نی مَنے اِس طرح اَسیں حد توں بدڑیں آلیاں نے دِلے تے مہر لا چھڑنے آ
75:- فر اَساں پیجیا انہاں توں بعد موسیٰ عیہ اور ہارون عیہ آں فرعون تے اُس نیاں درباریاں دار تے اُنہاں تکبر کیتا اور او گنہگار لوک اے او
76:- تے جدوں اُنہاں کول اَساں نی طرفوں سچ پہنچیا تے آکھنے بے شک اے البتہ کھلا جادو اے
77:- موسیٰ عیہ آکھیا کہ کیا تُسیں سچ آں اینجو آکھنے او جدوں او تُساں کول آگیا اے کہ اے جادو اے اور جادوگر کمیاب نی ہونے
78:- او بولے کہ کیا توں اَساں کول اِس وسطے آیا ایں کہ اَساں پھیر چھڑیں اِس توں کہ جِس اُتے اَساں پیو دادے آں دیکھیا اے اور تُساں دوآں زمی بچ سرداری مل جُلے اَسیں تاں وی تُساں نہ مننے
79:- اور فرعون آکھیا کہ مینڑیں کول ہر علم آلہ جادوگر کِن آؤ
80:- فر جدوں جادوگر آ گئے تے موسیٰ عیہ آکھیا کہ تُسیں سٹو جو تُسیں سٹڑیں آلے او
81:- فر اُنہاں سٹیا تے موسیٰ عیہ آکھیا کہ تُسیں جو کِن کہ آئے او اے جادو اے اللہ ہنڑ ای اِساں کوڑ کر چھڑسی بے شک اللہ فرسادیاں نے کم صیح نی کرنا او
82:- اور اللہ حق آں آپڑیں حکم نال ثابت کر چھڑسی خواہ غناہ آلے نا پسند کرن
سورت یونس نا رکوع نمبر 8 مکمل
سورت یونس نا رکوع نمبر 9
پارہ نمبر 11 نا رکوع نمبر 14
83:- تے موسیٰ عیہ تے کسے ایمان نی آندا بس اُس نی قوم نے کج جنکاں خوف نی وجہ نال فرعون تے سرداراں نے کہ او اِنہاں مصیبت بچ پا چھڑسی اور بےشک فرعون زمی بچ سرکش ایا او بے شک او حد توں بدڑیں آلیاں بیچوں ایا
84:- اور موسیٰ عیہ آکھیا کہ اے مینڑیں قوم ! اگر تُسیں ایمان کِن آئے او تے اللہ تے بھروسہ کرو اگر تُسیں فرمانبردار او
85:- تے اُنہاں آکھیا کہ اَساں اللہ اُتے بھروسہ کیتا اے اِے اَساں نے رب! اَساں نہ بنڑا ظالماں نی قوم نا تختہ مشق
86:- اور اَساں آپڑیں رحمت نال کافراں نی قوم توں چھڑا چھڑ
87:- اور اَساں موسیٰ عیہ تے اُس نے پراؤ دار وحی پیجی کہ او آپڑیں قوم وسطے مصر بچ گھر بنڑاؤ اور قبلہ رو اور نماز قیم کرو تے مومناں خوشخبری دیو
88:- اور موسیٰ عیہ آکھیا کہ اے اَساں نے رب بے شک تُساں فرعون اور اُس نے لشکر آں دنیا نی زندگی بچ زینت تے بہوں سارا مال دتا اے اَساں نے رب ! او تینڑیں راہ تو گمراہ ہو گئے نوں اے اللہ اُنہاں نے مال مٹا چھڑ اور اُنہاں نے دِلاں اُتے مہر لا چھڑو کہ او ایمان نہ آنڑن ایتھے تک کہ او ڈاڈا عذاب دیکھسن او
89:- اللہ آکھیا کہ تُساں نی دعا قبول ہو گئی اے سو تُسیں ثابت قدم رہو اور اُنہاں نی راہ تے ٹُرے جیڑے ناواقف نوں
90:- اور اَساں بنی اسرائیل آں دریا توں پار کر چھڑیا بس فرعون تے اُس نے لشکر سرکشی تے زیادتی نال اِنہاں نا مقابلہ کیتا ایتھے تک کہ اُنہاں غرقابی آ پکڑیا او آکھنڑیں آں لگ پئے کہ اَسیں ایمان کِن آئے کہ اللہ توں سوا کوئی معبود نی جِس اُتے بنی اسرائیل ایمان آنڑے اور میں آں فرمانبرداراں بیچوں
91:- ہنڑ ایمان نی گل کرنا ایں پہلے توں نافرمانی کرنا ویں اور فرسادیاں بیچوں ایا ویں
92:- سو اج میں تُداں تینڑیں بدن آں بچا کنساں تاکہ تینڑیں لاش جیڑی تینڑیں توں بعد آؤن اک عبرت نی نشانی بنڑے اور بےشک لوکاں بیچوں کج اَساں نیاں نشانیاں توں غافل نوں
سورت یونس نا رکوع نمبر 9 مکمل

اپنا تبصرہ بھیجیں