سورت الیونس (رکوع نمبر 10 تا 11) – ہندکو ترجمہ




سورت یونس نا رکوع نمبر 10
پارہ نمبر 11 نا رکوع نمبر 15
93:- اور اَساں بنی اسرائیل آں چنگا کھانڑاں دتا اور رزق دتا پاک چیزاں بیچوں سو اُنہاں اختلاف نی کیتا کہ اُنہاں کول قرآن آ گیا اے بے شک تُساں نا اللہ اُنہاں بچ فیصلہ کرسی جِس بچ او اختلاف کرنے اے
94:- پس اگر تُسیں اِس نے بارے بچ شکے بچ او جو اَساں لایا اے تُساں دار تے اُنہاں لوکاں کولوں پچھ کِنو جیڑے پہلے کتاباں پڑھنے نوں تحقیق تُساں کول حق آ گیا اے تے تُسیں شک کرنڑیں آلیاں بیچوں نہ ہویو
95:- اور نہ اُنہاں لوکاں بیچوں جنہاں اللہ نیاں آیتاں نی منیا اور فر تُسیں کہاٹے آلیاں بیچوں ہو جُلو
96:- بے شک جنہاں لوکاں تے تُساں نے اللہ نی گل ثابت ہوگئی او ایمان نی آنڑنے
97:- خواہ اُنہاں کول ہر نشانی آ جُلے ایتھے تک کہ او ڈاڈا عذاب وی دیکھ کنسن او
98:- پس کیوں نہ ہوئی کوئی بستی کہ او ایمان آنڑے آ تے اُس نا ایمان اُساں فیدا دیوے آ پر یونس نی قوم جیڑی ایمان کِن آئی تے جدوں او ایمان کِن آئے تے اَساں اُنہاں توں دنیا نی زندگی بچ رسوائی نا عذاب چا کِدا اور اُنہاں اِک ٹیم تک نفع پہنچایا
99:- اور اگر چاہنے تینڑاں اللہ کہ البتہ زمی بچ جو این او سارے ایمان کِن آؤن تے کہ تُسیں لوکاں مجبور کرسو ایتھے تک کہ او مومن ہو جُلن او
100:- اور کِسے بندے نے وسے بچ نی کہ او اللہ نی مرضی سوا ایمان کِن آؤے اور او پانا اے کفر نی گندگی اُنہاں لوکاں اُتے جیڑے عقل نی رکھنے نوں
101:- آپ صہ آکھو کہ دیکھو کہ کج نے زمی بچ آسمان بچ اور نشانیاں ڈراڑیں آلے رسول اُنہاں لوکاں فیدا نی دینے جیڑے نی مننے
102:- تے کیا او انتظار کر رہے نوں اُنہاں لوکاں آلی گل جے او جئے واقعات اُنہاں توں پہلے لنگ گئے نوں آپ صہ آکھو کہ بے شک تُسیں انتظار کرو میں وی منتظر اے
103:- فر اَسیں بچا کننے آں آپڑیں رسول آں اور جیڑے لوک ایمان کِن آئے اور حق اَساں نے زمے اے اور اَسیں بچا کنساں مومناں
سورت یونس نا رکوع نمبر 10 مکمل
سورت یونس نا رکوع نمبر 11
پارہ نمبر 11 نا رکوع نمبر 16
104:- آپ صہ آکھو کہ اے لوکو ! اگر تُسیں مینڑیں دین نے بارے بچ کِسے شکے بچ او تے میں عبادت نہ کرنا اُنہاں نی جنہاں تُسیں اللہ توں بغیر مننے او لیکن میں اللہ نی عبادت کرنا واں جیڑا تُساں دنیا توں چاکننا اے اور ماں (مجھے) حکم دتا گیا اے کہ مومناں بیچوں رہواں
105:- اور اے کہ آپڑاں منہ ساریاں داروں موڑ کہ دین دار سدھا رکھ اور ہر گز مشرکاں بیچوں نہ ہویو
106:- اللہ توں علاوہ اُساں نہ بُلا جیڑا تُساں نہ فیدا دے کِنے تے نہ نقصان فر اگر توں اینجو کیتا تے ظالماں بیچوں ہو سیں
107:- اور اگر اللہ تُساں کوئی نقصان پہنچاوے تے اِس توں سوا تُساں کوئی بچا نی اکنا اور اگر اللہ فیدا چاہے تے کوئی اللہ نے فضل آں نی روک اکنا او پہنچانا اے اُساں آپڑیاں بندیاں بیچوں جِساں چاہنا اے اور او بخشڑیں آلہ بہوں مہربان اے
108:- آپ صہ آکھو کہ اے لوکو تُساں کول تُساں نے اللہ نی طرفوں حق پہنچ آیا اے تے جِس ہدیت پائی اُس آپڑیں جانی وسطے پائی اے اور جیڑا گمراہ ہویا تے او آپڑیں مندے وسطے ہویا اے او میں تُساں اُتے مختار نہ او
108:- اور اُس نی پیروی کر جیڑی تُساں دار وحی ہوئی اے اور صبر کرو ایتھے تک کہ اللہ فیصلہ کر چھڑے اور اللہ بہوں چنگا فیصلہ کرنڑیں آلہ اے
سورت یونس نا رکوع نمبر 11 مکمل
سورت یونس مکمل

اپنا تبصرہ بھیجیں