سورت الھود (رکوع نمبر 7 تا 10) – ہندکو ترجمہ




سورت ھود نا رکوع نمبر 7
پارہ نمبر12 نا رکوع نمبر 7
69:- اور اَساں نے فرشتے ابراہیم عیہ تے سلام آکھیا اور خوشخبری کِن کہ آئے ابراہیم عیہ وی سلام آکھیا اور دیرنی لائی نے اور پُنیا ہویا بچھڑا کِن آئے
70:- فر جدوں ابراہیم عیہ دیکھیا کہ اُنہاں نے ہتھ کھاڑیں آں نی پہنچنے تے او اُنہاں کولوں ڈر گئے او بولے تُسیں نہ ڈرو بے شک اسیں قوم لوط دار پیجے گئے آں
71:- اُنہاں نی بیوی کھَلتی اے ای اور او ہنس گئی تے اَساں اُنہاں خوشخبری دتی اسحٰق عیہ تے یعقوب عیہ نی
72:- او بولی کہ مینڑاں بچا کینجو ہو سی میں بُڈی آں اور مینڑاں گھرے آلہ (شوہر) وی بُڈا اے بے شک اے اک عجیب گل اے
73:- او بولے کہ کیا توں اللہ نے حکمے اور قدرت تے تعجب کرنی ایں ، اے گھر آلیو تُساں تے اللہ نیاں رحمتاں تے برکتاں نوں بے شک اللہ خوبیاں آلہ بزرگی آلہ اے
74:- فر جدوں ابراہیم عیہ نا خوف جُلنا ریا اور اُنہاں کول خوشخبری آگئی تے او اَساں نال قوم لوط نے بارے بچ کُلنے آں لگ پئے
75:- بے شک ابراہیم عیہ بردبار ، نرم دلے آلے تے رجوع کرنڑیں آلے اے او
76:- اے ابراہیم عیہ اے خیال چھوڑ دے بے شک تینڑیں اللہ نا حکم آ گیا اے اُنہاں اُتے نہ ٹلڑیں آلہ عذاب آنڑیں آلہ اے
77:- اور جدوں اَساں نے فرشتے لوط عیہ کول آئے اور اِنہاں توں غمگین تے تنگدل ہوئے اُنہاں نی طرفوں اور بولے اے بڈا سختی نا دیاڑا اے
78:- اُس کول اِس نی قوم نسنی ہوئی آئی اور او اِس توں پہلے مندے کم کرنے اے اُنہاں آکھیا کہ اِے مینڑیں قوم اِے مینڑیاں تِیاں (بیٹیاں) نے جیڑیاں بہوں پاک نوں پس اللہ توں ڈرو اور مَاں (مجھے) مینڑیاں مہمان بچ رسوا نہ کرو کیا تُساں بچ اِک آدمی وی نیک چلن نی او
79:- او بولے تُداں پتا اے کہ تینڑیاں بیٹیاں بچ اَساں وسطے کوئی حق نی او بے شک تُداں ڈاڈا پتا اے کہ اَسیں کہ چاہنے آں
80:- اُنہاں آکھیا کہ کاش مینڑاں تُساں تے زور ہووے آ یا میں کِسے باٹے پاوے نی پناہ کِناں آ
81:- فرشتے بولے اے لوط عیہ بے شک اَسیں تینڑیں اللہ نی طرفوں پیجے ہوئے آں او تُساں تک کدے نی پہنچ اکنے تُسیں آپڑیں گھر آلیاں نال راتی نِکل جُلو اور مڑ کہ نہ دیکھے تُساں بیچوں تُساں نی بیوی توں سوا بے شک جو اِنہاں پہنچسی اور پہنچ کہ رہسی اُنہاں تے عذاب نے وعدے نا ٹیم صبح اے کیا صبح نیڑے نی
82:- پس جدوں اَساں نا حکم آیا تے اَساں اُنہاں نا اُچا نیواں کر چھڑیا اور اُنہاں نا زیر زبر کر چھڑیا اور سنگریزے نے گٹے برسائے تہہ نی تہہ لگاتار
83:- تینڑیں اللہ کول نشان کیتے ہوئے اور اے نہیں سے ظالماں توں کُج دور
سورت ھود نا رکوع نمبر 7مکمل
سورت ھود نا رکوع نمبر 8
پارہ نمبر 12 نا رکوع نمبر 8
84:- اور مدین دار اُنہاں نے پرا شعیب عیہ آئے اُنہاں آکھیا کہ اے مینڑیں قوم اللہ نی عبادت کرو اُس توں سوا کوئی معبود نی اور ناپڑیں تولڑیں بچ کمی نہ کرو بے شک میں تُساں آسودہ حال دیکھنا واں اور میں تُساں اِک گھیرڑیں آلے عذاب آلے دیاڑے تو ڈرانا واں
85:- اے مینڑیں قوم ! انصاف نال ناپ تول پورا کرو لوکاں اُنہاں نیاں چیزاں کٹا کہ نہ دیو اور زمی بچ فرساد نہ کرو
86:- اللہ نا دتا ہویا جیڑا بچ رہوے نے تُساں وسطے چنگا اے اگر تُسیں ایمان آلے او اور میں تُساں تے نگہبان نی آں
87:- او بولے کہ اے شعیب عیہ کیا تُساں نی نماز تُساں سکھانی اے اِنہاں چھوڑ دیو جنہاں نی پوجا اَساں نے پیو دادے کیتی اے یا آپڑیاں مالاں بچ جو اَسیں چاہواں نہ کراں طنزاً آکھنے بے شک تُسیں ای نیک چلن او
88:- اُنہاں آکھیا کہ اے مینڑیں قوم تُساں نا کے خیال اے میں آپڑیں اللہ نی طرفوں اگر روشن دلیل تے آں اور اللہ ماں آپڑیں طرفوں چنگی روزی دتی اے اور میں نی چاہنا واں کہ میں اُسنے خلاف کراں جِس توں میں تُساں روکنا واں جتنی ہو کنے میں صرف اصلاح چاہنا واں مینڑیں توفیق صرف اللہ تے اے اور اُس اُتے ای میں بھروسہ کیتا اے اور میں اُس دار رجوع کرنا واں
89:- اے مینڑیں قوم ! تُساں مینڑیں ضد راضی نہ کر چھڑے کہ تُساں عذاب پہنچے اُس جیا جے او جیا پہنچیا قوم نوح عیہ ، ہود عیہ ، صالح عیہ اور قوم لوط عیہ نی کج وی تُساں توں دور
90:- آپڑیں اللہ کولوں بخشش منگو فر اُس دار رجوع کرو بےشک مینڑاں اللہ بہوں مہربان تے محبت آلہ اے
91:- اُنہاں آکھیا کہ اے شعیب عیہ اَساں تُداں بہوں کمزور دیکھنے آں آپڑیں بچ اور توں جو آکھنا ایں اِنہاں بیچوں بہوں ساریاں گلاں نی سمجھنے آں اور تینڑاں خاندان (پرا) نہ ہونے تے اَسیں تُداں گٹے ماراں آ اور تُسیں اَساں تے غالب نی او
92:- اُنہاں آکھیا کہ اے مینڑیں قوم ! کیا مینڑاں خاندان تُساں تے اللہ کولوں زیادے ڈاڈا اے اور تُساں آپڑیں کنڈی پچھے سٹیا اے بے شک تُسیں جو کج کرنے او اللہ اُس نا احاطہ کیتا ہویا اے
93:- اے مینڑیں تُسیں آپڑیں جگہ کم کرنے رہو اور میں آپڑاں کم کرنا واں تُساں جَلتی پتا لگ جُلسی کہ کِس اُتے او عذاب آنا اے جو اَساں رسوا کر چھڑسی اور کونڑ کوڑا اے تُسیں انتظار کرو بے شک میں وی منتظر آں
94:- اور جدوں اَساں نا حکم آیا تے اَساں شعیب عیہ اور جیڑے لوک اُنہاں نال ایمان کن آئے آپڑیں رحمت نال بچا کِدا اور جنہاں لوکاں ظلم کیتا اُنہاں چنگھاڑ آ پکڑیا سو او صبح نے ٹیم گھراں بچ مندے پئے رو گئے
95:- گویا جینجو او اتھے بسنے ای نی اے یاد رکھو رحمت توں دوری ہوئے مدین وسطے جینجو دور ہوئے ثمود
سورت ھود نا رکوع نمبر 8 مکمل
سورت ھود نا رکوع نمبر 9
پارہ نمبر 12 نا رکوع نمبر9
96:- اور اَساں پیجیا موسیٰ عیہ آں آپڑیاں نشانیاں تے دلیل نال
97:- فرعون تے اُس نے سرداراں دار اور اُنہاں فرعون نے حکم آں منیا اور فرعون نا حکم درست نی ایا
98:- قیامتی آلے دیاڑے او آپڑیں قوم نے اگے ہوسی تے او اُنہاں دوزخ بچ کھڑسی اور مندی جا اے او
99:- اِس دنیا بچ اُنہاں پچھے لعنت دتی گئی اور قیامتی نے دیاڑے مندا اے اے انعام جو اُنہاں دِتا گیا اے
100:- اے بستیاں (گراواں) نیاں خبراں نوں جیڑیاں اَسیں تُساں دسنے آں اُنہاں بیچوں کج رہسی آں نوں تے کج نیا جڑاں کپیاں گئیاں نوں
101:- اور اَساں ظلم نی کیتا بلکہ اُنہاں آپڑیاں جاناں تے ظلم کیتا اے سو اُنہاں نے کج کم نی آئے او معبود جنہاں او اللہ توں سوا بُلانے جدوں اللہ نا حکم آیا تے اُنہاں بلاکت توں بغیر کج نی لبیا
102:- اور اے او جی اے تُساں نے اللہ نی پکڑا اور جدوں بستیاں پکڑنا اے تے اور او ظلم کرنے ہون او تے بےشک اُس نی پکڑ درد ناک ڈاڈی اے
103:- بے شک اِس بچ البتہ نشانی آخرت نے عذاب نی اے اک دیاڑاے جِس بچ سارے لوک جمع ہوسن او اور اے اک حاضری نا دیاڈا اے
104:- اور اَسیں پچھے نہ کرنے مگر صرف مقررہ ٹیم تک
105:- جدوں اع دیاڑہ آسی کوئی بندہ گل نی کر اکنا مگر اللہ نی اجازت نال سو کوئی اُنہاں بچ خوش نصیب تے کوئی بدنصیب
106:- پس جیڑے بدنصیب نوں او دوزخ بچ اُنہاں وسطے اِس بچ کھوتے والی گل چینکڑاں تے دھاڑنا اے
107:- اور اِس بچ ہمیشہ رہسن او جدوں تک زمی تے آسمان اے پر جتنا اللہ چاہے بے شک تینڑاں اللہ جو چاہے کر گزڑیں آلا اے
108:- اور جیڑے خوش نصیب نوں او ہمیشہ جنت بچ رہسن او جدوں تک زمی تے آسمان اے مگر جتنا اللہ چاہے اے بخشش اے ختم نہ ہوڑیں آلی
109:- پس اِس توں شک بچ نہ رہو جو اے کافر پوجنے نوں او نی پوجنے مگر جینجو اِس توں پہلے اُنہاں نے پیو دادے پوجنے اور بےشک اَسیں اُنہاں نا حصہ کٹہاڑیں بغیر پورا پھیر چھڑساں
سورت ھود نا رکوع نمبر 9 مکمل
سورت ھود نا رکوع نمر 10
پارہ نمبر 12 نا رکوع نمبر 10
110:- اور اَساں البتہ موسیٰ عیہ آں کتاب دتی سو اِس اختلاف کیتا گیا اور اگر اللہ نی طرفوں اک گل پہلے نہ ہوئی ہووے آ تے او اُنہاں بچ فیصلہ کر چھڑے آ اور البتہ او قرآن نی دھوکہ بچ پاڑیں آلے شک بچ نوں
111:- اور بےشک جدوں ٹیم آسی تے اللہ پورا پورا بدلہ دیسی اُنہاں نے کم نا بےشک جو او کرنے نوں اللہ اِس توں باخبر اے
112:- سو قیم رہو جینجو تُساں حکم دتا گیااے اور اوی جِس توبہ کیتی تُساں نال اور سرکشی نہ کرو بے شک تُسیں جو کرنے او اللہ اُساں دیکھنا اے
113:- اور اُنہاں دار نہ جھکو جنہاں ظلم کیتا پر تُساں اگ پکڑ کنسی اور تُساں وسطے اللہ توں سِوا کوئی مددگار نی فر تُساں مدد نی دتی جلنی
114:- اور نماز قیم کرو دیاڑی نی دوآں سیڈ(صبح تے شامی) اور راتی نا کج ٹیم بے شک نیکیاں مٹا چھڑنیاں نوں برائیاں اے نصیحت اے نصیحت منڑیں آلیا وسطے
115:- اور صبر کرو بےشک اللہ نیکاں نا اجر ضائع نی کرنا او
116:- پس تُساں توں پہلے جیڑیاں قوماں ایا اُنہاں بچ صاحبان خیر کیوں نی ہوئے کہ روکنے زمی بچ فرساد توں پر تھوڑے توں جنہان اَساں بچا کِدا ظالم اُنہاں مزیاں پچھے پئے رہے جو اُنہاں دتے گئے اور او گنہگار اے
117:- اور تُساں نا اللہ اے جیا نی کہ ظلم نال بستیاں ہلاک کر چھڑے جبکہ اُتھے نے لوک نیک ہون او
118:- اور اگر تینڑاں اللہ چاہنا تے لوکاں اک ای امت بنڑا چھڑنا اور او ہمیشہ اختلاف کرنے رہسن او
119:- مگر جِس اُتے اللہ رحم کیتا اور اُسی وسطے اُنہاں پیدا کیتا اور پوری ہوئی تینڑیں اللہ نی گل البتہ جہنم آں بھرساں جنہاں تے انساناں نال اکھٹے
120:- اور ہر گل اَسیں رسولاں نی تُساں نال کرنے آں تاکہ تُساں نے دِلے آں تَسلی ہووے اور تُساں وسطے اِس بچ سچ آیا اور مومناں وسطے نصیحت تے یاد دہانی
121:- اُنہاں لوکاں دَسو جیڑے ایمان نی آنڑنے تُسیں آپڑیں جگہ کم کرو اور اَسیں آپڑاں کم کرنے آں
122:- اور انتظار کرو اَسیں وی منتظر آں
123:- اللہ کول نوں زمی تے آسمان نیاں غیب نیاں خبراں اور اِس دار اے ہر کم نی بازگشت سو اُس نی عبادت کرو اُس تے بھروسہ کرو اور تُساں نا اللہ اِس توں بے خبر نی جو تُسیں کرنے او
سورت ھود نا رکوع نمر 10 مکمل
سورت ھود مکمل

اپنا تبصرہ بھیجیں