سورت یوسف( رکوع نمبر 5 تا 7 ) – ہندکو ترجمہ




سورت یوسف نارکوع نمبر 5
پارہ نمبر 12 نا رکوع نمبر 15
36:- اور اُس توں بعد دو جواب قید خانے بچ آئے اُنہاں بیچوں اکی آکھیا کہ میں خواب دیکھی اے کہ میں شراب نچوڑنا واں پیا اور دوئے آکھیا کہ میں سر تے روٹی چائی اے اور اُساں پرندے کھانے نوں پئے اَساں اِنہاں نی تعبیر دسو بے شک اَسیں تُساں نیک لوکاں بیچوں سمجھنے آں
37:- یوسف عیہ آکھیا کہ تُساں کول کھانڑاں نی آنا جو تُساں دِتا جُلنا اے پر میں تُساں اِس نی تعبیر اُس نے آنڑیں تو پہلیوں دَس چھڑساں اے او عِلم اے جیڑا مینڑیں اللہ مَاں (مجھے) دِتا اِے اور بے شک میں اُس قوم نا دین چھوڑ دتا اے جیڑے اللہ اُتے یقین نی رکھنے اور قیامتی نا اِنکار کرنے نوں
38:- اور میں آپڑیں پیو دادے ابراہیم عیہ اسحاق عیہ اور یعقوب عیہ نے دین نی پیروی کرنا اور اَساں نا کم نی کہ اَسیں شریک کراں اللہ نال کِسے آں اے اَساں تے اور لوکاں تے اللہ نا فضل اے پر اکثر لوک شکر ادا نی کرنے
39:- اے مینڑیں قید نے سنگیو کیا الگ الگ معبود چنگے نوں یا اک اللہ ساریاں تے غالب اے
40:- اِس توں سوا تُسیں کج نی پوجنے او مگر نام نوں جیڑے تُساں رکھ کدے نوں اور تُساں نے پیو دادے اور اللہ اُنہاں کوئی سند نی لائی او حکم صرف اللہ نا اے اور اللہ حکم کیتا اے کہ اُس توں سوا کِسے نی عبادت نہ کرو اے سِدھا دین اے پر اکثر لوک نی جانڑنے
41:- اے مینڑیں قیدی سنگیو تُساں بیچوں اِک آپڑیں مالک آں شراب پلاسی تے دوئے آں پھانسی ہوسی فر پرندے اُس نا سر کھاسن او اس گل نا فیصلہ ہو چکیا اے جِس نے بارے بچ تُسیں پچھنے او
42:- اور یوسف عیہ اُنہاں دوآں نے بارے بچ گمان کیتا کہ او بچسی آکھیا کہ مینڑاں زکر آپڑیں مالک نال کریں لیکن شیطان اُساں بھلا چھڑیا آپڑیں مالک نال اُس نا زکر کرنا تے او قید بچ رہے چند سال
سورت یوسف نارکوع نمبر 5 مکمل
سورت یوسف نا رکوع نمبر 6
پارہ نمبر 12 نا رکوع نمبر 16
43:- اور بادشاہ آکھیا کہ میں دیکھنا واں ست 7 موٹیاں گائیاں اور ست 7 پتلیاں گائیاں کھانیاں نوں اور ست 7 سبز خوشے اور ست 7 سُکے ہوئے اے سردار مَاں (مجھے) مینڑیں خواب نی تعبیر دَسو اگر تُسیں خواب نی تعبیر سمجھنے او
44:- اُنہاں آکھیا کہ اے پریشان خواب اے اَسیں اے جیا خواباں نی تعبیر نہ جانڑنے
45:- اور او جیڑا اُنہاں بیچوں بچ گیا ایا اُس آکھیا کہ میں تُساں دَسنا واں تُسیں مَاں (مجھے) پیجو اُساں اِک لمے ٹیمے بعد یاد آیا
46:- اے یوسف عیہ ! اے بَڈے سچے مَاں(مجھے) دَس خواباں نی تعبیر کہ ست 7 موٹیاں گائیاں ست 7 پتلیاں گائیاں کھانیاں نوں پئیاں اور ست 7 خوشے سبز تے ست 7 سُکے نوں تاکہ میں لوکاں مُڑ کہ جُلاں شائد او آگاہ ہونا او
47:- اُنہاں آکھیا کہ تُسیں ست 7 سال لگاتار کھیتی باڑی کرسو فر جدوں کپو تے اُس نے خوشے بچ چھوڑ دیو پر تھوڑا جتنا تُسیں کھاکنو
48:- فر اُس توں بعد ست 7 سخت سال آسن او کھا جُلسن جیڑا تُساں اُنہاں وسطے بچا کہ رکھیا اے سِوائے اِس توں جیڑا تُسیں تھوڑا بچاسو
49:- فر اِس توں بعد لوکاں تے اِک سال بارش ہوسی اور او اِس نا رس نچوڑسن او
سورت یوسف نا رکوع نمبر 6 مکمل
سورت یوسف نا رکوع نمبر 7
50:- اور بادشاہ آکھیا کہ اِساں مینڑیں کول کِن آؤ پس جَدوں قاصد آیا تے اِنہاں آکھیا کہ مُڑ جُل او آپڑیں مالک کول اور اُس توں پچھو کہ اُنہاں عورتاں نا کے حال اے جنہاں آپڑیں ہتھ کپے بے شک مینڑاں رب اُنہاں نے فریب توں ڈاڈا واقف اے
51:- بادشاہ اُنہاں عورتاں آکھیا کہ تُساں نا حال واقعی کے اِیا کہ جدوں تُساں یوسف عیہ آں نفس نی حفاظت توں پھسلایا ایا او بولیاں کہ اللہ نی پناہ اَساں اُس بچ کوئی برائی نی دیکھی اے ای عزیز مصر نی عورت بولی کہ ہنڑ حقیقت ظاہر ہو گئی اے میں اُساں اُس نی نفس نی حفاظت توں پھسلایا ایا بےشک اور او سچیاں بیچوں اے
52:- یوسف عیہ آکھیا کہ اِے اِس وسطے ایا کہ او جانڑ کِنے کہ میں کنڈی پچھے اُس نی خیانت نی کیتی بے شک اللہ دغابازاں نا فریب نی چلنڑ دینا او
پارہ نمبر 12 مکمل

اپنا تبصرہ بھیجیں