سورت ھود(رکوع نمبر 5 تا 6) – ہندکو ترجمہ




سورت ھود نا رکوع نمبر 5
پارہ نمبر 12 نا رکوع نمبر 5
50:- اور قوم عاد عیہ دار اُنہاں نے پراہو ہود عیہ آئے اُنہاں آکھیا کہ اِے مینڑیں قوم اللہ نی عبادت کرو اور اُس توں علاوہ تُساں نا کوئی وی معبود نی تُسیں صرف کوڑ مارنے او
51:- اے مینڑیں قوم اِس نے بدلے میں تُساں کولوں کوئی صِلہ نہ منگنا بلکہ مینڑاں صلہ اُس کول اے جِس ماں (مجھے) پیدا کیتا اے فر کیا تُسیں سمجھنے نی او
52:- اے مینڑیں قوم آپڑیں اللہ کولوں بخشش منگو فر اُس دار رجوع کرو اور توبہ کرو او تُساں اُتے آسمان تو زور نی بارش کرسی اور تُساں نی طاقت اُتے طاقت بداسی اور مجرم ہوکہ روگردانی نہ کرو
53:- اورل بولے اے ہود عیہ توں اَساں کول کوئی سند کِن کہ نی آیا ایں اور اَسیں آپڑیں معبود آں چھوڑنے آلے نہ او تینڑیں آکھڑیں تے اور اَسیں ایمان آنڑنے آلے نہ تینڑیں تے
54:- اَسیں اے ای آکھساں کہ تُداں جادو پہنچایا اے اَساں نے کِسے معبود مندی طرح اُس آکھیا کہ بے شک میں اللہ واں گواہ کرنا واں اور تُسیں وی گواہ رہو میں اُنہاں توں بیزار آں جنہاں تُسیں شریک کرنے او
55:- اِس توں سوا مینڑیں بارے بچ ساریاں مندیاں تدبیراں کر کنو فر ماں (مجھے) مہلت نہ دیو
56:- میں اللہ تے بھروسہ کیتا اے جو مینڑاں تے تُساں نا اللہ اے کوئی چلڑیں پھرڑیں آلہ نی سب اُس نے قبضے بچ نوں بےشک مینڑاں اللہ سدھے راہے تے اے
57:- فر اگر تُسیں روگردانی کرسو تے جِس نال ماں (مجھے) تساں دار پیجیا گیا اے او میں تُساں پہنچا ریا واں اور قیم کر سٹسی اللہ تُساں توں سوا کوئی ہور قوم اور تُسیں اُس نا کج نی بگاڑ اکنے او بے شک مینڑاں اللہ ہر شئیے تے نگہبان اے
58:- اور جدوں اَساں نا حکم آیا تے اَساں ہود عیہ اور اُس نال جیڑے ایمان کِن آئے اُنہاں بچا کِدا اور اَساں اُنہاں آپڑیں رحمت نال ڈادے عذاب توں بچاکِدا
59:- اور اے عاد اے اُنہاں اللہ نی آیتاں نی منیا اور رسولاں نی نافرمانی کیتی نے اور ہر سرکش ضدی نی پیروی کیتی نے
60:- اور لعنت اُنہاں پچھے لا چھڑی اے اِس دنیا بچ اور قیامتی نے دیاڑے یاد رکھو کہ عاد آپڑیں اللہ نے منکر ہوئے یاد رکھو ہود نی قوم عاد تے پھٹکار اے
سورت ھود نا رکوع نمبر 5 مکمل
سورت ھود نا رکوع نمبر 6
پارہ نمبر 12 نا رکوع نمبر 6
61:- اور ثمود نی طرف اُنہاں نا پرا صالح عیہ آیا اُنہاں آکھیا کہ اے مینڑیں قوم ! اللہ نی عبادت کرو اور اِس توں سوا تُساں نا کوئی معبود نی اُس تُساں زمی بچ پیدا کیتا اور فر بسایا اے فر اُس توں بخشش منگو اور توبہ کرو بے شک اللہ توبہ قبول کرڑیں آلہ اے
62:- او بولے اے صالح عیہ اِس توں پہلے اَساں تُساں نال بہوں امیداں ایا او کیا توں اَساں منع کرنا ایں کہ اَسیں اُس نی پرستش نہ کراں جِس نی پرستش اَساں نے پیو دادے کیتی اے او جِس دار توں اَساں بُلانا ایں او اُس بچ اَسیں بہوں شکے بچ آں
63:- اُس آکھیا کہ اے مینڑیں قوم ! تُسیں دیکھو کہ میں آپڑیں اللہ نی طرفوں واضح دلیل تے آں اور اُس ماں آپڑیں طرفوں رحمت دتی اے تے اگر میں اُس نی نافرمانی کراں تے ماں (مجھے) اللہ کولوں کونڑ بچاسی تُسیں مینڑیں وسطے نقصان توں سوا کج نی بدانے او
64:- اے مینڑیں قوم! اے اللہ نی اونٹنی اے تُساں وسطے نشانی اِساں چھوڑ دیو زمی بچ جتھوں مرضی کھاوے اِساں نقصان نی پہچاؤ پس تُساں بہوں جلتی عذاب پکڑسی
65:- فر اُنہاں اُس نیاں کونچاں کپ چھڑیاں تے صالح عیہ آکھیا تُسیں آپڑیں گھر بچ برت کنو 3 دن اور اے پورا ہونڑیں والا وعدے
66:- فر جدوں اَساں نا حکم آیا تے اَساں صالح عیہ آں بچا کدا اور اُنہاں لوکاں جیڑے ایمان کِن لائے آپڑیں رحمت نال اس دیاڑے نی رسوائی نال بےشک تُساں نا اللہ قوی غالب اے
67:- اور ظالماں چنگھاڑ آ پکڑیا اور او صبح نے ٹیم گھراں بچ مندے(اوندھے) پئے رہ گئے
68:- یاد رکھو کہ قوم ثمود اللہ نے منکر ہوئے اور اُنہاں تے پھٹکار اے اینجو پئے رہے جینجو او کدے بسنے ای نی اے
سورت ھود نا رکوع نمبر 6 مکمل

اپنا تبصرہ بھیجیں