سورت ابراہیم (رکوع 1 تا 2) – ہندکو ترجمہ




سورت ابراہیم عیہ نا رکوع نمبر 1
پارہ نمبر 13 نا رکوع 13
1:- ا ل ر اے کتاب اےاَساں لائی اے تاکہ تُسیں لوکاں کڈو اللہ نے حکمے نال نیرے توں نور دار غالب خوبیاں آلے اللہ نی راہ اُتے
2:- اُسے نا اے جو کج زمی بچ اے تے آسمان بچ اے اورکافراں وسطے ڈاڈے عذاب نال خرابی اے
3:- جیڑے دنیا نی زندگی آں پسند کرنے نوں آخرت اُتے اور اللہ نی راہ توں ڈکنے نوں اور اُس بچ کُجی لوڑنے نوں اے ای لوک دورنی گمراہی بچ نوں
4:- اور اَساں کوئی رسول نی پیجیا مگر اُس نی قوم نی زبان بچ تاکہ او اللہ نا حکم کھول کے بیان کر چھڑے فر اللہ جِساں چاہنا اے گمراہ کرنا اے اور جِساں چاہنا اے ہدیت دینا اے اور او غالب حکمت آلہ اے
5:- اور البتہ اَساں موسیٰ عیہ نشانیاں نال پیجیا کہ آپڑیں قوم آں نیرے توں لوئی دار کڈو اور اُنہاں اللہ نے عظیم واقعات نے دیاڑے یاد کرواؤ بے شک اس بچ صبر کرنڑیں اورشکر کرنڑیں آلیاں وسطے نشانیاں نوں
6:- اور یاد کرو جدوں موسیٰ عیہ آکھیا آپڑیں قوم آں کہ اللہ نی نعمتاں یاد کرو جدوں اللہ تُساں فرعون نی قوم کولوں نجات دتی او تُساں مندا عذاب دینے اے اور تُساں نیاں پُتراں ذبح کرنے اے اور تُساں نی عورتاں جینا چھوڑنے اے اور اِس بچ تُساں نے اللہ نی طرفوں بڈی آزمیش اے
سورت ابراہیم عیہ نا رکوع نمبر 1 مکمل
سورت ابراہیم عیہ نا رکوع نمبر 2
پارہ نمبر 13 نا رکوع نمبر 14
7:- اور جدوں تُساں نے رب آگاہ کیتا البتہ اگر تُسیں شکر کرسو تے میں ضرور تُساں ہور دیساں البتہ اگر ناشکری کرسو تے مینڑاں عذاب بہوں ڈاڈا اے
8:- اور موسیٰ عیہ آکھیا کہ اگر ناشکری کرسو تُسیں اور جیڑے زمی بچ نوں ساریاں نے سارے تے بے شک اللہ بے نیاز تے خوبیاں آلہ اے
9:- کیا تُساں اُنہاں لوکاں نی خبر نی آئی جیڑے تُساں توں پہلے اے قوم نوح عیہ ، عاد اور ثمود اور جیڑے اُنہاں توں بعد ہوئے اُنہاں نی خبر کِسے آں نی اللہ توں سِوا اُنہاں نے رسول نشانیاں نال آئے تے اُنہاں آپڑیں ہتھ اُنہاں نے منہ بچ دِتے (خاموش کر دیا) اور بولے کہ تُساں جیڑی رسالت نال پیجیا گیا اے اَسیں نہ مننے البتہ تُسیں اَساں جدھر بُلانے او اَسیں شک بچ آں تردد بچ پئے ہوئے آں
10:- اُنہاں نے رسولاں آکھیا کہ تُساں زمی تے آسمان بنڑاڑیں آلے تے شک اے او تُساں بُلانا اے تاکہ تُساں نے کج غناہ بخش چھڑے اور مقررہ ٹیم تک تُساں مہلت دیوے او بولے کہ تُسیں صرف اَساں آلی گل عام بشر او تُسیں چاہنے او کہ اَساں اُس توں روک چھڑو جنہاں اَساں نے پیو دادے مننے اے بس تُسیں اَساں کول کوئی واضح معجزہ آنڑو
11:- اُنہاں نے رسولاں آکھیا کہ بے شک اَسیں صرف تُساں جئے بشر آں لیکن اللہ بندیاں بیچوں جِس تے چاہوے احسان کرنا اے اور اَساں وسطے اے نی کہ اَسیں اللہ نے حکمے توں بغیر کوئی معجزہ آنڑاں اور مومناں اللہ اُتے ای بھروسہ کرنا چائی نا اے
12:- اور اَساں کے وے کہ اللہ تے بھروسہ نہ کراں اُس اَساں راہ دَسی اور تُسیں تکلیف دینے او اَسیں ضرور صبر کرساں اور بھروسہ کرڑیں آلیاں اللہ تے ای بھروسہ کرنا چائی نا اے
سورت ابراہیم عیہ نا رکوع نمبر 2 مکمل

اپنا تبصرہ بھیجیں