سورت ابراہیم (رکوع نمبر 3 تا 6) – ہندکو ترجمہ




سورت ابراہیم نا رکوع نمبر 3
پارہ نمبر 13 نا رکوع نمبر 15
13:- اور کافراں آپڑیں رسولاں آکھیا کہ اَسیں تُساں ضرور کڈساں آپڑیں زمی بیچوں یا تُسیں اَساں نے دین دار مڑ آؤ تے اُنہاں نے اللہ اُنہاں دار وحی پیجی کہ اَسیں ظالماں ضرور ہلاک کر چھڑساں
14:- اور البتہ اَسیں تُساں اُنہاں توں بعد زمی بچ ضرور آباد کرساں اے اِس کر کے اے کہ جیڑا ڈریا مینڑیں سامڑیں کھلنے توں اور ڈریا اعلان عذاب توں
15:- اور اُنہاں (انبیاء) فتح منگی تے ہر سرکش تے ضدی ذلیل ہویا
16:- اِس نے پچھے جہنم اے اور اِساں پیپ نا پاڑیں پلایا جُلسی
17:- او اِساں کُہٹ کُہٹ پیسی پر گلے توں تَلاں نی لا اکنا اور اُساں موت آسی ہر سیڈ توں پر او نی مرنا اور اُس پچھے ڈاڈا عذاب اے
18:- اُنہاں لوکاں نی مثال جیڑے رب نے منکر ہوئے اُنہاں نے عمل چھائی والی گل نوں کہ اُس اُتے آندھی نے دیاڑے زور نی ہوا چلی اور سارا کج اُڈا کے کِن گئی جو اُنہاں کمایا اُنہاں اِس تو کِسے چیز تے قدرت نی ہونی اے ای اے پرلے درجے نی گمراہی
19:- کیا تُساں نی دیکھیا کہ اللہ زمی تے آسمان بنڑائے حق بال صیح صیح اور او اگر چاہوے تے کِن جُلے تُساں اور کِن آنڑے کوئی نویں مخلوق
20:- اور اے اللہ وسطے کوئی مشکل نی
21:- اور سارے اللہ اگے حاضر ہوسن او فر آکھسن کمزور اُنہاں لوکاں جیڑے بَڈے بنڑے نوں بے شک اَسیں تُساں نے تابع اے آں تے کے تُسیں اَساں دفع کر اکنے او کسی قدر اللہ نے عذاب توں او آکھسن او کہ اگر اللہ اَساں ہدیت دینا تے البتہ اَسیں تُساں ہدیت دینے ہنڑ تے اَساں وسطے برابر اے خواہ اَسیں گھبراواں یا صبر کراں اَساں وسطے کوئی چھٹکارا نی
سورت ابراہیم نا رکوع نمبر 3 مکمل
سورت ابراہیم نا رکوع نمبر 4
پارہ نمبر 13 نا رکوع نمبر 16
22:- اور روز حساب جدوں ساریاں کماں نا فیصلہ ہو گیا تے شیطان بولسی کہ اللہ تُساں نال سچا وعدہ کیتا ایا اور میں وی وعدہ کیتا ایا پر میں اُس نے خلاف کیتا لیکن مینڈا تُساں تے زور نی ایا بس میں تُساں بلایا تے تُساں مینڑاں آکھنڑاں مَن کِدا لہذا تُسیں مینڑیں تے کوئی الزام نہ لاؤ الزام آپے تے لاؤ نہ میں تساں نی فریاد رسی کر اکنا واں اور نہ تُسیں مینڑیں فریاد رسی کر اکنے او بے شک میں انکار کرنا واں اِس نا جو تُساں اِس توں پہلے مَاں (مجھے) شریک بنڑایا بے شک ظالماں وسطے ڈاڈا عذاب اے
23:- اور داخل کیتے گئے او لوک جیڑے ایمان کِن آئے اور اُنہاں چنگے کم کیتے باغات بچ اُنہاں تَلے نہراں بگنیاں نوں اور ہمیشہ اللہ نے حکمے نال اِس بچ رہسن او اِس بچ اُنہاں نا تحفہ ملاقات سلام اے
24:- کیا تُساں نی دیکھیا کہ اللہ کے او جئی مثال بیان کیتی اے پاک گلاں نی جینجو پاک درخت اُنہاں نی باٹی جڑ اور ڈالی آسمان بچ
25:- اور ہر ٹیم اللہ نے حکم نال پھل دینا اے اور اللہ لوکاں وسطے مثالاں بیان کرنا اے تاکہ او غور و فکر کرن او
26:- اور ناپاک گل نی مثال ناپاک بوٹے نی طرح اے جِساں زمی اُتوں لایا گیا اِس وسطے کج وی قرار نی
27:- اللہ مومناں باٹی گل نال باٹا رکھنا اے دنیا نی زندگی بچ تے آخرت نی زندگی بچ وی اور اللہ ظالماں بھٹکا چھڑنا اے اور اللہ کرنا اے جو او چاہنا اے
سورت ابراہیم نا رکوع نمبر 4 مکمل
سورت ابراہیم نا رکوع نمبر 5
پارہ نمبر 13 نا رکوع نمبر 17
28:- کیا تُساں اُنہاں لوکاں نی دیکھیا جنہاں اللہ نی نعمت آں ناشکری نال بدل چھڑیا اور آپڑیں قوم آں لایا تباہی نے گھر بچ
29:- او جہنم اے ، او اِس بچ داخل ہو سن او اور او مندا ٹھکانڑاں اے
30:- اور اُنہاں اللہ نال شریک کیتے تاکہ او اِس راہ توں گمراہ کرن آپ صہ آکھو کہ فیدا چاکنو پر تُساں مڑنا جہنم دار ای اے
31:- آپ صہ مینڑیاں اُنہاں بندیاں آکھو جیڑے ایمان لائے او نماز قیم کرن اور اُس بیچوں خرچ کرن او جو میں اُنہاں دِتا اے چھپا کہ یا ظاہری طور تے اِس توں پہلے کہ دیاڑہ آ جُلے کہ جِس دیاڑے نہ خرید و فروخت ہوسی تے نہ دوستی
32:- اللہ ای اے جِس آسمان تے زمی آں پیدا کیتا اور آسمان توں پاڑیں لایا فر اُس توں کڈیا تُساں وسطے پھلاں بیچوں رزق اور تُساں وسطے کشتی آں تابع کیتا تاکہ اللہ نے حکمے نال دریا بچ چلے اور مسخر کیتا تُساں وسطے نہراں واں
33:- اور تُساں واسطے مسخر کیتا سورج تے چَن آں کہ او اک دستور تے چلنے نوں اور تُساں وسطے مسخر کیتا راتی تے دیاڑی آں
34:- اور اُس تُساں دِتی ہر چیز جو تُساں اُس توں منگی اور اگر تُسیں اللہ نی نعمت گنڑنے آں لگو تے تُسیں گنتی نی کر اکنے او بے شک انسان بڈا ظالم تے ناشکرا اے
سورت ابراہیم نا رکوع نمبر 5 مکمل
سورت ابراہیم نا رکوع نمبر 6
پارہ نمبر 13 نا رکوع نمبر 18
35:- اور جدوں ابراہیم عیہ آکھیا کہ اے اللہ بنڑا دے اِس شہر آں امن نی جا اور مَاں (مجھے) تے مینڑیں اولادی آں اِس توں دور رکھ کہ اَسں بُتاں نی پوجا کرنڑیں آں لگ پیواں
36:- اے مینڑے رب بے شک اُنہاں بہوں ساریاں لوکاں گمراہ کیتا پس جس مینڑئیں پیروی کیتی اور مینڑیں بیچوں اے اور جِس نافرمانی کیتی تے بے شک توں بخشٹرں آلہ نہایت مہربان اے
37 :- اے مینڑیں رب بے شک میں آپڑیں اولاد آں اج بغیر کھیتی والے میدان بچ بسایا اے تینڈیں احترام والے گھر نے نیّڑے اے اے اللہ ! تاکہ او نماز قیم کرن او پس لوکاں نے دِلاں بچ اینجو کر چھڑو کی او اُنہاں دار مائل ہو جُلن اور اُنہاں پھلاں نال رزق دے تاکہ او شکر کرن او
38:- اے اللہ بے شک تُساں جانڑنے او جِو اَسیں چھپانے آں یا ظہار کرنے آں اور اللہ تے کوئی چیز چھپی ہوئی زمی تے آسمان بچ
39:- ساریاں تعریفاں اللہ وسطے نوں جِس ماں (مجھے) بُڈھے ہونیوں وی اسماعیل علیہ اور اسحاق علیہ دتے تے بے شک اللہ دعا سنّڑنے آلہ اے
40:- اے اللہ بنڑاؤ نماز قیم کرنڑیں آلہ اور مینڑیں اولادی آں وی اے اللہ مینڑیں دعاقبول کرو
41:- اے اللہ روزِ حساب مَاں (مجھے) مینڑیں ماؤ پیو آں تے مومناں بخش چھڑے
سورت ابراہیم نا رکوع نمبر 6 مکمل

اپنا تبصرہ بھیجیں