سورت الحجر (رکوع نمبر 1 تا 4) – ہندکو ترجمہ




سورت الحجر رکوع نمبر 1
پارہ نمبر 13
1:- ا ل ر اے آیتاں نوں کتاب نیاں اور واضح روشن قرآن نیاں
پارہ نمبر 13 مکمل
پارہ نمبر 14 نا رکوع نمبر 1
2:- بہوں آرزواں کرسن او کافر کہ کاش مسلمان ہواں آ
3:- اُنہاں چھوڑو کہ کھاؤن اور برتن اور امید اُنہاں کھیڈ بچ پاوے تے بنڑاؤ جانڑ کنسن او
4:- اور جیڑی بستی اَساں ہلاک کیتی اُس نس اک سیانڑنا ہویا نوشتہ ایا
5:- کوئی گروہ آپڑیں وعدے توں نہ اگے بدے تے نہ پچھے ہٹے
6:- اور آکھنے کہ جِس اُتے قرآن لتھا اے بے شک او دیوانہ (مجبون) اے
7:- اَساں کول فرشتے کیوں نی آنڑنے اگر تُسیں سچے او
8:- اَسیں بےکار بچ فرشتے نہ لانے اگر لاواں تے فر اُنہاں مہلت نی مِلنی
9:- بے شک اَساں قرآن لایا اے اور اَسیں ای اِس نے محافظ آں
10:- اور بے شک اَساں تُساں توں پہلے اُمتاں بچ وی رسول پیجے
11:- اور اُنہاں کول رسول نی آنا مگر اِس نال مذاخاں کرنے اے
12:- اینجو ای اَسیں اِنہاں مذاخاں مجرماں نے دِلاں بچ راہ دینے آں
13:- او اِس تے ایمان نی آنڑنے اور گلیاں نی راہ پے گئی اے
14:- اور اگر اَسیں اُنہاں تے آسمان نا کوئی دروازہ کھول کِناں او اِس بچ دِن چڑھنے وی رہسن او
15:- تے آکھسن او کہ اِس توں سوا نی کہ اَساں نیاں اکھیاں بن سٹیاں نے جادو نال
سورت الحجر نا رکوع نمبر 1 مکمل
سورت الحجر نا رکوع نمبر 2
پارہ نمبر 14 نا رکوع نمبر 2
16:- اور یقینن اَساں آسمان بچ بُرج بنڑائے اور اِساں دیکھنڑیں آلیاں وسطے زینت
17:- اور اَساں ہر مرد و شیطان توں اِس نی حفاظت کیتی
18:- مگر جیڑا چوری نال سنڑ کِنے تے چمکنا ہویا شعلہ اُس نا پچھا کرنا اے
19:- اور اَساں زمی آں پھیلا چھڑیا اور اَساں اُس اُتے پہاڑ رکھے اور اِس بچ ہر موزوں چیز اُگائی
20:- اور اَساں اِس بچ سامان معیشت بنڑائے اُس وسطے وی جِساں تُسیں رزق دینڑیں آلے نی او
21:- اور کوئی چیز جِس نے خزانے اَساں کول نہ ہون اور اَساں نی لائے مگر اِک مناسب اندازے نال
22:- اور اَساں ہوا پیجی پاڑیں نال بھری ہوئ فر اَساں آسمان توں پاڑیں لایا فر او اَساں تُساں پلایا اور تُسیں اُس نے خزانے جمع کرنڑیں آلے نی او
23:- بے شک اَسیں ای زندگی دینے آں اور اَسیں ای مارنے آں اور اَسیں ای وارث آں
24:- اور تحقیق اَساں پتا اے تُساں بیچوں اگے گزر جلڑیں آلے اور تحقیق اَساں پتا اے پچھے رہنڑیں آلے
25:- اور بےشک تُساں نا رب ای اِنہاں قیامتی آلے دیاڑے جمع کرسی بےشک او حکمت آلہ تے علم آلہ اے
سورت الحجر نا رکوع نمبر 2 مکمل
سورت الحجر نا رکوع نمبر 3
پارہ نمبر 14 نا رکوع نمبر 3
26:- اور تحقیق اَساں اِنساناں پیدا کیتا اک کھنکھناتے ہوئے کالے سڑے ہوئے گارے نال
27:- اور جِناں واں اِس توں پہلے دھویں والی اگی نال پیدا کیتا
28:- اورجدوں تینڑیں اللہ فرشتیاں آکھیا کہ میں انسان بنراڑیں آلہ واں اک کھنکھناتے ہوئے کالے سڑے گارے نال
29:- فر جدوں میں اُساں سِدھا کر کناں اور اُس بچ روح پھوکاں آپڑیں تے تُسیں سجدے بچ ٹہہ پئے
30:- پس ساریاں فرشتیاں سجدہ کیتا ابلیس توں سوا
31:- اُس انکار کیتا کہ میں سجدہ کرنڑیں والیاں نال نہ واں
32:- اللہ آکھیا کہ اِے ابلیس تُداں کے ہویا اے کہ توں سجدہ نی کیتا
33:- اُس آکھیا کہ میں اونہ اوں جیڑا سجدہ کرے انسان آں تُساں اِساں کھنکھناتے ہوئے سڑے کالے گارے نال پیدا کیتا اے
34:- اللہ آکھیا کہ پس توں ایتھوں جنت بیچوں نِکل جُل بےشک توں مردود ایں
35:- اور بے شک تینڑیں تے قیامتی تک لعنت اے
36:- اُس آکھیا کہ اِے اللہ مَاں (مجھے) اُس دیاڑے تک مہلت دیو جِس دیاڑے مردے چائے جُلسن او
37:- اللہ آکھیا کہ توں مہلت دتے ہویاں بیچوں ایں
38:- اُس دیاڑے تک جِس نا ٹیم مقرر اے
39:- اُس آکھیا کہ اِے اللہ جینجو تُساں مَاں (مجھے) گمراہ کیتا اے میں ضرور اُنہاں وسطے دنیا بچ غناہ نی راہ آسان کرساں اور میں ضرور اُنہاں گمراہ کرساں
40:- سوائے اُنہاں بیچوں جیڑے تینڑیں مخلص بندے نوں
41:- اُس آکھیا کہ اے راہ سیدھی مینڑیں تک آنی اے
42:- بے شک او مینڑیں بندے نوں اُنہاں اُتے تینڑاں کوئی زور نی مگر گمراہواِں بیچوں جِس تینڑیں پیروی کیتی
43:- اور بے شک اُنہاں وسطے جہنم نی وعدہ گاہ اے
44:- اُس نے 7 بوئے نوں ہر بوئے وسطے اُنہاں نا اک حصہ تقسیم شُدہ اے
سورت الحجر نا رکوع نمبر 3 مکمل
سورت الحجر نا رکوع نمبر 4
پارہ نمبر 14 نا رکوع نمبر 4
45:- بے شک پرہیزگار باغاں تے چشمیاں بچ رہسن او
46:- تُسیں اُنہاں بیچوں بے خوف و خطر تے سلامتی نال لنگ جُلو
47:- اور اَساں اُنہاں نیاں سینیاں بیچوں کینے کڈ کہ پرا پرا بنڑا چھڑیا اور تختاں تے آمنڑیں سامنڑیں بیٹھے ہوسن او
48:- اِس بچ اُنہاں کوئی تکلیف نی ہونی تے نہ ای او اِس توں کڈے جُلنے نوں
49:- مینڑیں بندے آں خبر دیو کہ بے شک میں بخشڑیں آلہ مہربان آں
50:- اور اے کہ مینڑاں ای عذاب ڈاڈا عذاب اے
51:- اور اُنہاں ابراہیم عیہ نے مہماناں نا حال سنڑا دیو
52:- جدوں او اِس کول آئے تے اُنہاں سلام آکھیا اُس آکھیا کہ اَسیں تُساں توں ڈرنے آں
53:- اُنہاں آکھیا کہ ڈرو نہ اَسیں تُساں اک علم والے جَنکے نی خوشخبری دینے آں
54:- ابراہیم عیہ آکھیا کہ تُسیں اِس حال بچ خوشخبری دینے او کہ میں بُڈا ہو گیا واں سو کہیڑی گلاں نی خوشخبری دینے او
55:- او بولے کہ اَساں تُساں سچائی نال خوشخبری دتی اے تُسیں مایوس ہونڑیں آلیاں بیچوں نہ ہو
56:- اُنہاں آکھیا اللہ نی رحمت توں گمراہواں نے سوا کونڑ مایوس ہونا اے
57:- اُس آکھیا اے فرشتو تُساں نی کے مہم اے
58:- او بولے کہ بے شک اَسیں پیجے گئے آں مجرماں نی اک قوم دار او
59:- سوائے لوط عیہ نے گھر والیاں کہ البتہ اَساں ساریاں بچا کنساں
60:- سوائے اُس نی عورت نے اَساں فیصلہ کر کِدا اے کہ بے شک او پچھے رہنڑیں آلیاں بیچوں اے
سورت الحجر نا رکوع نمبر 4 مکمل

اپنا تبصرہ بھیجیں