سورت بنی اسرائیل (رکوع نمبر 1 تا 4) – ہندکو ترجمہ




سورت بنی اسرائیل نا رکوع نمبر 1
پارہ نمبر 15 نا رکوع نمبر 1

1:- پاک اے او جیڑا بندے آں راتوں راتی کِن گیا مسجد احرام توں مسجد اقصٰی جِس آسے پاسے آں اَساں برکت دِتی اے تاکہ اَسیں اُساں آپڑیاں نشانیاں دَساں بے شک او سنڑنے آلہ جانڑنے آلہ اے
2:- اور اَساں موسیٰ علیہ آں ہدیت دتی اور اُساں بنی اسرائیل وسطے ہدیت بنڑایا کہ تُسیں مینڑیں توں سِوا کِسے آں کارساز نہ ٹھہراؤ
3:- اِے اُنہاں لوکاں نی اولاد جنہاں اَساں نوح علیہ نال سوار کیتا بے شک نوح علیہ اک شکر گزار بندے اِے
4:- اور اَساں بنی اسرائیل آں کتاب بچ صاف دَس چُھڑیا کہ تُسیں ضرور فرساد کرسو زِمی بچ دو دفعہ اور تُسیں ضرور زور پکڑسو
5:- پس جدوں دوآں بیچوں پہلے وعدے نا ٹیم آیا تے اَساں تُساں تے سخت لڑائی آلے بندے پیجے اور او شہراں نے اندر بَڑ گئے اور اے اک وعدہ اِیا پورا ہوکے رہنڑیں آلہ
6:- فر اَساں اُنہاں تے تُساں غلبہ دِتا اور مال نال تے پتراں نال مدد کیتی اور اَساں تُساں بَڈا جتھا (لشکر) بنڑا چھڑیا
7:-اگر تُسیں بھلائی تے آپڑیں جانی وسطے اور اگر برائی کیتی تے آپڑیں جانی وسطے فریاد کرو جَدوں دوئے وعدے نا ٹیم آیا کہ دشمنڑ نے چہرے بگاڑ چھڑے اور مسجد اقصیٰ بچ گھنس جُلے جینجو او پہلی دفعہ بَڑے اے اور کہ جَلتی غلبہ پاوے پوری طرح برباد کر چھڑے
8:-امید اے بعید نی کہ تُساں نا رب تُساں تے رحم کرے اور اگر تُسیں فر اینجو کر سو تے اَسیں وی اِینجو کرساں اور اَساں جہنم کافراں وسطے قیدخانہ بنڑایا
9:- بے شک اے قرآن اُس نی راہ نی رہنمائی کرنا اے جیڑی ساریاں توں سِدھی اے اور اُنہاں مومناں بشارت دینا اے جیڑے چنگے کم کرنے نوں کہ اُنہاں وسطے بڈا اجر اے
10:- اور اے کہ جیڑے لوک آخرت تے ایمان نی آنڑنے اَساں اُنہاں وسطے ڈاڈا عذاب تیار کیتا اے
11:- اور اِنسان مندے نی دعا کرنا اے جینجو او چنگے نی دعا کرنا اے اور اِنساں جلد باز اے
سورت بنی اسرائیل نا رکوع نمبر 1مکمل

سورت بنی اسرائیل نا رکوع نمبر 2
پارہ نمبر 15 نا رکوع نمبر 2

12:- اور اَساں رات تے دیاڑ دو نشانیاں بنڑائیاں فر اَساں راتی نی نشانی آں ماند کر چھڑیا اور اَساں دیاڑی نی نشانی آں دسڑیں آلہ بنڑایا تاکہ تُسیں آپڑیں اللہ نا فضل (روزی) تلاش کرو اور تاکہ تُسیں سالاں نی گنتی اور حساب پتا کرو اور ہر چیز آں تفصیل نال بیان کر چھڑیا
13:- اور اَساں ہر بندے نی قسمت اُس نے گاٹے بچ بَن چھڑی اور اَسیں اُساں کڈساں قیامتی نے دیاڑے اِک کتاب او اِساں کُھلتی ہوئی دیکھسی
14:- آپڑاں نامہ اعمال پڑھ کِنے اور آج کافی اے حساب کرنڑیں آلہ محتسب
15:- جِس ہدیت کِدی اُس صرف آپڑیں وسطے کِدی اور جو کوئی گمراہ ہویا او صرف آپڑیں مندے توں اور کوئی وی بوجھ چاڑیں آلہ کِسے دوئے نا بوجھ نی چانا اور جدوں تک اَسیں کوئی رسول نہ بھیج چھڑاں اَسیں عذاب دینڑیں آلے نی آں
16:- اور جدوں اَساں کِسے بستی آں ہلاک کیتا تے اَساں اُس نے خوشحال لوکاں تے حکم پیجیا تے اُنہاں اِس بچ نافرمانی کیتی فر اُنہاں تے گل پوری ہو گئی فِر اَساں اُنہاں مندی طرح ہلاک کر چھڑیا
17:- اور اَساں نوح علیہ توں بعد کتنیاں اج بستیاں ہلاک کر چھڑیاں نوں اور تینڑاں اللہ ای جہان اے لوکاں نے غناواں نی خبر رکھڑیں تے دیکھڑیں آلہ
18:- جیڑا کوئی جَلتی دنیا بچ چاہنا اے اَسیں اُساں جِتنا چاہساں جَلتی دنیا بچ دِیساں فر اُس وسطے جہنم بنڑائی اے اور اِس بچ داخل ہوسی مذمت کیتا تے دھکیلا ہویا
19:- اور جیڑا کوئی آخرت چاہنا اے اُس وسطے اُس جئی کوشش کرے بشرطیکہ اور مومن ہووے پس اے ای لوک جنہاں نی کوشش قبول ہوئی
20:- اَسیں تینڑیں اللہ نی بخشش نال اِنہاں وی تے اُنہاں وی دینے آں اور اللہ نی بخشش کِسے تے روکی جُلڑیں آلی نی
21:- دیکھو اَساں کینجو اِنہاں نے اِکی آں دوئے تے فضیلت دتی البتہ آخرت نے درجے ساریاں توں بَڈے اور فضیلت بچ ساریاں توں برتر نوں
22:- اللہ نال کوئی دوآ معبود نہ ٹھہراؤ پس تُسیں بیٹھے رہسو مذمت کیتے ہوئے بے بس ہو کے
سورت بنی اسرائیل نا رکوع نمبر 2 مکمل

سورت بنی اسرائیل نا رکوع نمبر 3
پارہ نمبر 15 نا رکوع نمبر3

23:- اور تُساں نے رب حکم کیتا اے کہ اِس توں سوا کِسے نی عبادت نہ کرو اور ماؤ پیو نال چنگا سلوک کرو اور اُنہاں بیچوں اِک یا دوئے تُساں نے سامڑیں بُڈھے ہو جُلن او تے اُنہاں اُف تک نہ کرو اور نہ ای جھڑکو اور اُنہاں نال ادب نال گل کرو
24:- اور اُنہاں وسطے عاجزی نال باہواں تَلاں کر چُھڑو اور آکھو کہ اِے اللہ اُنہاں تے رحم کرو جینجو اِنہاں بچپن بِچ مینڑیں پرورش کیتی اے
25:- تُساں نا اللہ واں ڈاڈا پتا اے جو تُساں نے دِلے بچ اے اگر تُسیں نیک ہو گئے تے بے شک رجوع کرنڑیں آلیاں بخشڑیں آلہ اے
26:- اور تُسیں دیو رشتہداراں اُنہاں نا حق اور مسکیناں تے مسافراں اور اَنے واہ فضول خرچی نہ کرو
27:- بے شک فضول خرچ شیطان نے پرا نوں اور شیطان اللہ نا نا شکرا اے
28:- اور اگر توں آپڑیں اللہ نی رحمت نے انتظار بچ جِس نی توں امید رکھنا ایں اُنہاں توں منہ پھیر کنسیں تے اُنہاں آکھیا کر نرمی نی گل
29:- اور آپڑاں ہتھ بَن کے کنجوس نہ ہو جُل اور نہ اِتنا کھول کہ پوری طرح بلکل ہی کہ فرتوں ملامت زدہ تھکیا بیٹھا رہ جُلسیں
30:- اور بے شک تینڑاں رب جِس نا او چاہنا اے رزق بدا چھڑنا اے اور جِس نا او چاہنا اے رزق تنگ کر چھڑنا اے بے شک او آپڑیں بندیاں نی خبر دیکھڑیں تے رکھڑیں آلہ اے
سورت بنی اسرائیل نا رکوع نمبر 3 مکمل

سورت بنی اسرائیل نا رکوع نمبر 4
پارہ نمبر 15 نا رکوع نمبر 4

31:- اور تُسیں آپڑیں اولادی آں غریبی نے ڈرے نال قتل نہ کرو اَسیں اِی اُنہاں رزق دینے آں اور تُساں وی بے شک اُنہاں نا قتل بڈا غناہ اے
32:- اور زنا نے نیڑے نہ جُلو بے شک اے بے حیائی تے مندی راہ اے
33:- اور اِس جان آں قتل نہ کرو جِس نا قتل اللہ حرام کیتا اے مگر حق نال اور جیڑا مظلوم ماریا گیا تے تحقیق اَساں اُنہاں نے وارث وسطے اک قصاص دِتی اے بس او حد توں نہ بَدے قتل بچ بے شک اُس نی مدد ہوسی
34:- اور یتیم نے مال کول نہ جُلو مگر اِس کر کے جو ساریاں توں چنگا ہوئے ایتھے تک کہ او یتیم آپڑیں جوانی آں پہنچ جُلے اور وعدہ پورا کرو کیونکہ عہد توں انکاری نی ضرور پچھ ہوسی او
35:- اور جَدوں تُسیں تولو تے پورا تولو اور وزن کر سدھی ترازو نال اے چنگا اے اور ساریاں توں چنگا اے انجام نے اعتبار نال
36:- اور اُس نے پچھے نہ پے او جِس نا تُداں علم نی بے شک کن ، اکھ ، اور دل بے شک اِنہاں بیچوں ہر اک نی پچھ ہوسی
37:- اور زمی بچ آکڑنا ہویا نہ ٹُر بے شک توں زمی آں نی چیرنا ایں اور نہ ای پہاڑی نی بلندی آں پہنچنا ایں
38:- اے ساریاں برائیاں تینڑیں االلہ نے نزدیک نا پسندیدہ نوں
39:- اے حکمت اُنہاں گَلاں بچ اے جو اللہ وحی کیتی اے اور نہ بنڑاؤ اللہ نال کوئی معبود کہ فر توں جہنم بچ پایا جُلیں مُلامت زدہ دھکیلا ہویا
40:- کیا تُساں چُنڑ کِدا اے تُساں نے اللہ پتراں وسطے اور آپڑیں وسطے فرشتیاں بیٹیاں بنڑا کِدا بے شک تُسیں بول بولنے او
سورت بنی اسرائیل نا رکوع نمبر 4 مکمل

اپنا تبصرہ بھیجیں