سورت النحل(رکوع نمبر13 تا 16) – ہندکو ترجمہ




سورت النحل نا رکوع نمبر 13
پارہ نمبر 14 نا رکوع نمبر 19

90:- بے شک اللہ عدل تے انصاف نا حکم دینا اے اور رشتے داراں نے حقوق دینڑیں نا حکم اورمنع کرنا اے بے حیائی اور مندے کماں توں اور سرکشی توں اور تساں نصیحت کرنا اے تاکہ تُسیں دھیان کرو
91:- اور جدوں تُسیں باٹا وعدہ کرو تے پورا کرو اور قسماں باٹیاں کرنے توں بعد نہ تروڑو اور تحقیق تُساں آپڑیں اُتے اللہ واں ضمانتی بنڑایا اے بے شک اللہ جانڑنا اے جو تُسیں کرنے او
92:- اور تُسیں اُس عورت آلی گل نہ ہو جُلیو جِس آپڑاں سوت باٹا کرڑیں توں بعد ٹکڑے ٹکڑے کر چھڑیا تُسیں بنڑانے او آپڑیاں قسماں آپڑیں درمیان دخل دینڑیں نا بہانہ کہ اک گروہ دوئے تے غالب آ جُلے اِس توں سِوا نی کہ اللہ تُساں آزمانا اے اور او روز قیامت تُساں تے ضرور ظاہر کر چھڑسی جِس بچ تُسیں اختلاف کرنے اے او
93:- اور اگر اللہ چاہنا تے البتہ تُساں اک امت بنڑا چھڑے آ لیکن او گمراہ کرنا اے جِساں او چاہنا اے اور ہدیت دینا اے جِساں او چاہنا اے اور تُساں کولوں ضرور پچھ ہوسی جو تُسیں کرنے او
94:- اور آپڑیاں قسماں تُسیں نہ بنڑاؤ آپڑیں درمیان دخل نا بہانہ کہ کوئی قدم جم جُلڑیں توں بعد پھسل جُلے اور تُسیں اِس نے نتیجے بچ وبال چکھو کہ تُساں روکیا اللہ نی راہ توں اور تُساں وسطے بڈا عذاب اے
95:- اور تُسیں اللہ نے عہد نے بدلے نہ کنو تھوڑا مال بے شک جو اللہ کول اے اگر تُسیں سمجھو تے او ای تُساں وسطے چنگا اے
96:- جو تُساں کول اے اِے مک جُلنا اے پر جو اللہ کول اے او باقی رہنڑیں آلہ اے اور جنہاں لوکاں صبر کیتا اَسیں اُنہاں ضرور اُس نا اجر دیساں اِس توں بہوں چنگا جیڑے او کم کرنے نوں
97:- جِس کوئی چنگا عمل کیتا مرد یا عورت جبکہ او مومن ہوئے تے اُساں ضرور دنیا بچ پاک زندگی دیساں اور آخرت بچ اُنہاں نا اجر ضرور اِس توں بہوں چنگا دیساں جو او عمل کرنے نوں
98:- پس جدوں قرآن پڑھو تے اللہ نی پناہ کِنو شیطان مردود کولوں
99:- بے شک اُس نا کوئی زور نی اُنہاں لوکاں تے جیڑے ایمان کِن آئے اور آپڑیں اللہ تے بھروسہ کرنے نوں
100:- اِس توں سِوا نی اُس نا زور اُنہاں لوکاں تے جیڑے اِساں سنگی بنڑانے نوں اور جیڑے لوک اللہ نال شریک کرنے نوں
سورت النحل نا رکوع نمبر 13مکمل

سورت النحل نا رکوع نمبر 14
پارہ نمبر 14 نا رکوع نمبر 20

101:- اور اَسیں کوئی حکم کِسے دوئے حکم نی جائی بدلنے آں اور اللہ ڈاڈا پتا اے جو او نازل کرنا اے کافر آکھنے نوں کہ اِس توں سِوا نی کہ تُسیں آپے گھڑ کننے او بلکہ اُنہاں بیچوں اکثر عِلم نی رکھنے
102:- آپ صہ آکھو کہ اِساں جبرائیل امین اللہ کی طرفوں لایا اے حق نال تاکہ مومناں واں ثابت قدم رکھے اور مسلماناں وسطے ہدیت و خوشخبری اے
103:- اور اَساں ڈاڈا پتا اے کہ او آکھنے نوں کہ اِس توں سِوا نی کہ اِساں اک آدمی سکھانا اے جِس نی طرف او نسبت رکھنے نوں اِس نی زبان عجمی اے اور اے واضح عربی زبان اے
104:- بے شک جیڑے لوک ایمان نی آنڑنے اللہ نی آیتاں تے اللہ اُنہاں ہدیت نی دینا اور اُنہاں وسطے ڈاڈا عذاب اے
105:- اِس توں سوا نی کہ او ای لوک کوڑ مارنے نوں جیڑے اللہ نی آیتاں تے ایمان نی رکھنے اور او ای لوک کوڑے نوں
106:- جیڑا اللہ نا منکر ہویا اِس توں بعد کہ ایمان آنڑ کہ سوائے اِس نے کہ جو مجبور کیتا گیا ہووے جبکہ اُس نا دِل ایمان تے مطمئن ہووے بلکہ جیڑا کفر وسطے سینہ کھلا کرے تے اُنہاں تے اللہ نا غضب اور اُنہاں وسطے بڈا عذاب اے
107:- اِے اِس کرکے کہ اُنہاں دنیا نی زندگی آں آخرت تے پسند کیتا اور اے کہ اللہ اکھیاں اُتے اور اے ای لوک غافل نوں
108:- کج شک نی کہ اے ای لوک آخرت بچ کہاٹا چاڑیں آلے نوں
109:- فر بےشک اللہ اُنہاں وسطے جنہاں ہجرت کیتی اِس توں بعد کہ او ستائے گئے اور فر اُنہاں جہاد کیتا تے بےشک اللہ بخشڑیں آلہ مہربانے اے
سورت النحل نا رکوع نمبر 14 مکمل

سورت النحل نا رکوع نمبر 15
پارہ نمبر 14 نا رکوع نمبر 21

110:- جِس دیاڑے او ہر بندہ کُلنا ہویا آسی اور ہر بندے آں پورا دِتا جُلسی جو اُس کیتا اور اُنہاں تے ظلم نی ہونا
111:- اور اللہ اک بستی نی مثال بیان کیتی او مطمئن بے خوف اے ای ہر پاسیو اُنہاں کول کُھلا رزق آ جُلنا ایا فر اُنہاں اللہ نی نعمتاں نی ناشکری کیتی تے اللہ اُنہاں نے بدلے جو او کرنے اے اُنہاں بھوک تے خوف نا مزہ چکھایا
112:- اور بے شک اُنہاں کول اُنہاں بیچوں ای اک رسول آیا سو اُنہاں اُساں نی منیا تے عذاب اُنہاں پکڑ کِدا اور او ظالم اے
113:- پس جو اللہ تُساں دِتا اے اُس بیچوں پاک تے حلال کھاؤ اور اللہ نی نعمت نا شکر کرو اگر تُسیں صرف اُس نی عبادت کرنے او
114:- اِس توں سِوا نی کہ اللہ تُساں تے حرام کیتا مردار اور خون اور خنزیر نا گوشت اور جِس تے اللہ توں سِوا کِسے ہور نا نام کِدا گیا ہووے پس کوئی لاچار ہو جُلے نہ سرکشی کرڑیں آلہ ہووے اور نہ ای حد توں بدڑیں آلہ تے بے شک اللہ بخشڑیں آلہ نہایت ای مہربان اے
115:- اور نہ آکھو تُسیں او جو تُساں نیاں زباناں کوڑ مارنیاں نوں کہ اے حلال اے اور اے حرام کہ تُسیں اللہ تے کوڑ اور بہتان لاؤ بے شک جیڑے لوک اللہ تے کوڑ مارنے نوں او کامیابی نی پانے او
116:- اُنہاں وسطے فیدا کہٹ تے عذاب ڈاڈا اے
117:- اور یہودیاں اَساں تے حرام کیتا ایا اِس توں پہلے اَساں تُساں بیاں کیتا اور اَساں اُنہاں تے ظلم نی کیتا بلکہ او آپ آپڑیں تے ظلم کرنے نوں
118:- فر بے شک تُساں نا اللہ اُنہاں لوکاں وسطے جنہاں نادانی نال مندے کم کیتے تے فر توبہ کیتی اور اصلاح کیتی تے بےشک اللہ اِس توں بعد بخشڑیں آلہ نہایت مہربان اے
سورت النحل نا رکوع نمبر 15 مکمل

سورت النحل نا رکوع نمبر 16
پارہ نمبر 14 نا رکوع نمبر 22

119:- بے شک ابراہیم علیہ السلام امام اے اللہ نے فرمانبردار اور اللہ نے ہو کے رہنڑیں آلے اور او مشرکاں بیچوں نی اے
120:- اللہ نی نعمتاں نے شکرگزار اور اللہ اُنہاں چنڑ کِدا اور رہنمائی کیتی سدھی راہ دار
121:- اور اَساں اُنہاں دنیا بچ بھلائی دِتی اور آخرت بچ او نیکاں بیچوں نوں
122:- فر اَساں تُساں دار وحی بھیجی کہ تُسیں ابراہیم علیہ السلام نی پیروی کرو اور او مشرکاں بیچوں نی اے
123:- اِس توں سِوا نی کہ ہفتہ اُنہاں وسطے عظمت نا دیاڑہ مقرر کیتا جنہاں اِس بچ اختلاف کیتا اور البتہ اللہ قیامتی نے دیاڑے اُنہاں بچ فیصلہ کر چھڑسی او جِس بچ او اختلاف کرنے اے
124:- تُسیں اللہ نی راہ دار بُلاؤ چنگیائیں نال اور چنگی نصیحت اور اُنہاں نال اینجو بحث کرو جینجو چنگی ہووے اور بے شک اللہ واں خوب پتا اے جیڑا اُس نی راہ توں گمراہ ہویا او اللہ راہ پاڑیں آلیاں جانڑنا اے
125:- اور اگر تُسیں تکلیف دیو تے اِے جئی دیو جئے او جئی تُساں دِتی گئی اے اور اگر تُسیں صبر کرو تے اے بہوں چنگا اے
126:- اور صبر کرو اور صبر اللہ ای نی مدد نال اے او غم نہ کھاؤ اُنہاں تے جیڑے فریب کرنے نوں اور دِل تنگ نہ کرو
127:- اللہ اُنہاں نال اے جنہاں پرہیزگاری کیتی اور او لوک جیڑے نیک نوں
سورت النحل نا رکوع نمبر 16 مکمل

سورت النحل مکمل – پارہ نمبر 14 مکمل

اپنا تبصرہ بھیجیں