سورت بنی اسرائیل (رکوع نمبر 5 تا 8) – ہندکو ترجمہ




سورت بنی اسرائیل نا رکوع نمبر 5
پارہ نمبر 15 نا رکوع نمبر 5

41:- اور اَساں اِس قرآن بچ طرح طرح بیاں کیتا اے تاکہ او نصیحت پکڑن اور اِس توں اِنہاں نی بدنی صرف نفرت
42:- آپ صہ آکھو کہ جینجو او آکھنے نوں اِس نال کوئی ہور معبود ہونے تے اِس صورت بچ عرش آلے دار کوئی ہور راہ لوڑنے
43:- اور اِس توں نہایت پاک اے اور برتر جو او آکھنے نوں
44:- اُس نی پاکی بیان کرنے نوں 7 آسمان تے زمی اور اُنہاں بچ جو کج وی اے ہر چیز پاکی بیان کرنی اے اُس نی حمد نال لیکن تُسیں اُس نی تسبیح نی سمجھنے او بے شک او بردبار بخشڑیں آلہ اے
45:- جدوں تُسیں قرآن پڑھنے او اَسیں تُساں نے درمیان جیڑے قیامتی تے ایمان نی آنڑنے اِک پردہ پا چھڑنے آں چھپیا ہویا
46:- اور اَساں اُنہاں نیاں دِلاں اُتے پردے پا چھڑے کہ او اِساں نہ سمجھن او اور اُنہاں نیاں کَناں بچ گرانی اے اور جدوں تُسیں قرآن بچ اک اللہ نا زکر کرنے او کنڈ موڑ کہ نَس جُلنے نوں
47:- اَساں ڈاڈا پتا اے کہ او اِساں کِس غرض نال سنڑنے نوں جدوں او تُساں دار کن لانے نوں اور جدوں او سرگوشی کرنے نوں یعنی جدوں او آکھنے نوں کہ ظالم نی تُسیں پیروی نی کرنے او مگر ایک سحرزدہ آدمی نی
48:- تُسیں دیکھو کہ اُنہاں تُساں تے کے او جِئیاں مثالاں لائیاں نوں سو او گمراہ ہوئے پس او کِسے ہور راہ نی استقامت نی پانے
49:- او آکھنے نوں کہ جَدوں اَسیں ہڈیاں اور ٹکڑے ٹکڑے ہو جُلساں تے فر اَسیں نویں پیدائش نال اُٹھساں او
50:- آکھو کہ تُسیں گَٹا یا لوہا ہو جُلو
51:- یا کوئی ہور مخلوق جیڑی تُساں نے خیال بچ اِس توں وی بڈی اے فر ہنڑ آکھسن اَساں کونڑ موڑسی آپ صہ آکھو او جِس تُساں پیدا کیتا اے پہلی وار تے او تُساں دار آپڑیں سِر مٹکاسن اور آکھسن کہ اے کدو ہوسی قیامت کدو آسی آپ صہ آکھو شید کہ نیڑے ای ہووے
52:- جِس دن او تُساں بُلاسی تے تُسیں اِس نی تعریف نال قبراں تو نِکل آسو اور تُسیں خیال کرو کہ تُسیں دنیا بچ رہے او تھوڑی دیر ۔
سورت بنی اسرائیل نا رکوع نمبر 5 مکمل

سورت بنی اسرائیل نا رکوع نمبر 6
پارہ نمبر 15 نا رکوع نمبر6

53:- اور آپ صہ مینڑیاں بندیاں آکھو کہ جیڑی سب توں چنگی ہووے بے شک شیطان اُنہاں نے درمیان فرساد پانا اے بے شک شیطان اُنہاں نا کھلا دشمنڑ اے
54:- تُساں نا رب تُساں ڈاڈا سیانڑنا اے اگر او چاہوے تے تُساں تے رحم کرے یا او چاہوے تے تُساں عذاب دیوے اور اَساں تُساں اِنہاں تے داروغہ بنڑا کہ نی پیجیا
55:- اور تُساں نا رب ڈاڈا سیانڑنا اے جو کج زمی تے آسمان بچ اے اور تحقیق اَساں بعض نبیاں بعض تے فضیلت دتی اور داود عیہ آں زبور دتی
56:- آپ صہ آکھو بلاؤ اُنہاں جنہاں تُسیں اِس توں سِوا معبود سمجھنے او پس او اختیار نی رکھنے تُساں توں تکلیف دور کرڑیں یا بدلڑیں نی
57:- او لوک جنہاں اے بُلانے نوں اے آپ لوڑنے نوں آپڑیں اللہ دار وسیلہ کہ اُنہاں بیچوں کونڑ بہوں زیادہ نیڑے اے اور او اِس نی رحمت نی امید رکھنے نوں اور او اِس نے عذاب کولوں ڈرنے نوں بے شک تینڑیں اللہ نا عذاب ڈر ہی نی گل اے
58:- اور کوئی نافرمان بستی نی مگر اَسیں اُساں ہلاک کرڑیں آلے آں قیامتی نے دیاڑے توں پہلے یا اُساں ڈاڈا عذاب دینڑیں آلے آں اور اے سب کج کتاب بچ لکھیا ہویا اے
59:- اور اَساں نشانیاں پیجڑیں توں نی روکیا مگر اِس گل کہ اِنہاں اگلیاں جھٹلایا اور اَساں ثمود آں اونٹنی دتی ذریعہ بصیرت و عبرت اُنہاں اُس تے ظلم کیتا اور اَسیں نشانیاں نی پیجنے آں مگر صرف ڈراڑیں آں
60:- اور جدوں اَساں آکھیا کہ بےشک تُساں نا رب لوکاں قابو بچ کیتا اے اور اَساں جیڑی نمائش تُساں دسی او اَساں نی کیتا مگر لوکاں نی آزمائش وسطے اور تھوہر نا بوٹا جِس اُتے قرآن بچ لعنت کیتی گئی اے اور اَسیں اُنہاں ڈرانے آں تے اُنہاں نی بدنی اے صرف بڈی سرکشی
سورت بنی اسرائیل نا رکوع نمبر 6 مکمل

سورت بنی اسرائیل نا رکوع نمبر 7
پارہ نمبر 15 نا رکوع نمبر 7

61:- اور اساں فرشتیاں آکھیا کہ آدم عیہ آں سجدہ کرو تے ابلیس توں سوا اُنہاں ساریاں سجدہ کیتا اُس آکھیا کہ میں اِساں سجدہ کراں جِساں تُساں مٹی نال بنڑایا اے
62:- اُس آکھیا کہ بھلا دیکھو اے اے او جِساں تُساں مینڑیں تے عزت دِتی اے البتہ اگرتُسیں مَاں(مجھے) قیامتی تک مہلت دیو تے میں چند اک توں سوا اِس نی اولادی آں ضرور جڑ توں پٹساں او
63:- اللہ آکھیا کہ تُوں جُل اور اُنہاں بیچوں جِس وی تینڑیں پیروی کیتی تے بے شک جہنم اُس نی سزا اے اور بھرپور سزا
64:- اور پھسلا کِن اُنہاں بیچوں جِس تے تینڑاں بَس چلنا اے آپڑیں آواز نال اور اُنہاں تے آپڑیں سوار تے پیادے چڑھا اور اُنہاں نال سانجھا کر کِن او مال تے اولاد بچ اور اُنہاں نال وعدے کر اور اُنہاں نال شیطان نا وعدہ کرڑاں صرف دھوکا اے
65:- بے شک مینڑیاں بندیاں تے تینڑاں کوئی زور نی اور تینڑاں اللہ جہان اے کارساز
66:- تُساں نا اللہ او اے جیڑا دریا بچ کشتی چلانا اے تاکہ تُسیں اُس نا فضل رزق تلاش کرو بے شک او تُساں تے نہایت مہربان اے
67:- اور جدوں تُساں دریا بچ تکلیف پہنچنی اے تے گم ہو جُلنے نوں جنہاں اُس توں سوا تُسیں بُلانے او فر جدوں او تُساں بچا کننا اے خشکی دار تے تُسیں فر پھر جُلنے او اور انسان بَڈا نا شکرا اے
68:- سو کیا تُسیں نڈر ہو گئے او کہ او زمی بچ تُساں دبا چھڑے تُساں خشکی دار او کِن جُلے یا تُساں تے پتھر برساڑیں والی ہوا بھیجے فر تُسیں آپڑیں واسطے کوئی کارساز نی پانے او
69:- یا تُسیں بے فکر ہو گئے او کہ او تُساں دوبارہ اِس دریا بچ کِن جُلے فر تُساں تے طوفان پیچ چھڑے فر تُساں نا شکری نے بدلے بچ غرق فر تُسیں آپڑیں وسطے اِس بچ اَساں نا کوئی پچھا کرڑیں والا نہ پاؤ
70:- اور تحقیق اَساں اولاد آدم عیہ آں عزت دتی اور اَساں اُنہاں پاک چیزاں توں رزق دتا اور اَساں اُنہاں بہوں ساری مخلوق تے فضیلت دتی
سورت بنی اسرائیل نا رکوع نمبر 7 مکمل

سورت بنی اسرائیل نا رکوع نمبر 8
پارہ نمبر 15 نا رکوع نمبر 8

71:- جِس دیاڑے اَسیں سارے لوکاں بُلاساں اُنہاں نیا پیشواواں نال تے جِس آں اعمال نامہ سجے ہتھ بچ دتا جُلسی اور تے او لوک آپڑاں اعمال نامہ پڑھسن او اور ظلم نی ہونا دھاگے برابر وی
72:- جیڑا اِس دنیا بچ اَنا ریا او آخرت بچ وی اَنا رہسی اور راہ توں بہوں سارا بھٹکیا ہویا او
73:- اور اِس وحی توں جیڑی اَساں کیتی اے نیڑے ایا کہ تُساں بچا (پھسلا دیوے) تاکہ اَساں تے وحی توں سوا تُسیں کوڑ مارو اور اِس صورت بچ البتہ اور تُساں سنگی بنڑا کننے
74:- اور اگر اَسیں تُساں ثابت قدم نہ رکھنے تے البتہ تُسیں اُنہاں دار جھکنے لگنے کج تھوڑا جیا
75:- اِس صورت بچ اَسیں تُساں دگنی سزا دینے زندگی اور دگنی موت توں بعد اور تُسیں نہ دیکھو اَساں نے مقابلے بچ کوئی مددگار
76:- اور تحقیق نیڑے اِیا کہ او تُساں مکہ نی زمی بچ پھلا چھڑے تاکہ ایتھوں کڈے نے تُساں اور اِس صورت بچ او تُساں پچھے نہ ٹھہرے مگر تھوڑا عرصہ
77:- آپ صہ توں پہلے اَساں جیڑے رسول پیجے اے ای سنت چلی آنی اے اور تُسیں اساں نی سنت بچ کوئی تبدیلی نی دیخنے او
سورت بنی اسرائیل نا رکوع نمبر 8 مکمل

اپنا تبصرہ بھیجیں