سورت بنی اسرائیل (رکوع نمبر 9 تا 12) – ہندکو ترجمہ




سورت بنی اسرائیل نا رکوع 9
پارہ نمبر15 نا رکوع نمبر 9

78:- سورج لینڑیں توں راتی نے نیرے تک نماز قیم کرو اور صبح قرآن بے شک صبح قرآن پڑھنے بچ فرشتے حاضر ہونے نوں
79:- اور راتی نا کج حصہ قرآن نی تلاوت نال جاگنے رہو اے تُساں وسطے زیادے چنگا اے کہ تُساں نا اللہ تُساں مقام محمود تک کھلار چھڑے
80:- اِے اللہ مَاں (مجھے) داخل کر اور سچا داخل کر اور مَاں کڈے چنگی طرح اور آپڑیں طرفوں عطا کرو غلبہ مدد دینڑیں آلہ
81:- اور آکھو کہ حق آیا تے باطل مِٹ گیا اور باطل نابود ہوگیا بے شک باطل ای اے مٹڑڑیں آلہ نابود ہونڑیں آلہ
82:- اور اَسیں قرآن نازل کرنے آں جیڑا مومناں وسطے شفا تے رحمت اے اور ظالماں وسطے زیادہ نی ہونا کہاٹے توں سوا
83:-اور جدوں اَسیں اِنسان آں نعمت بخشنے آں اور روگردان ہو جُلنا اے اور پہلو پھیر کننا اے اور جدوں اُساں برائی پہنچنی اے تے او مایوس ہو جُلنا اے
84:- آکھو کہ ہر کوئی آپڑیں طریقے تے کم کرنا اے سو تُساں نا پروردگار ڈاڈا سیانڑنا اے کہ کونڑ زیادہ صیح راہ تے اے
سورت بنی اسرائیل نا رکوع 9 مکمل

سورت بنی اسرائیل نا رکوع نمبر10
پارہ نمبر 15 نا رکوع نمبر10

85:- اور آپ صہ کولوں روح نے متعلق پچھنے نوں تُسیں آکھو کہ روح اللہ نے حکمے نال اے اور تُساں علم نی دتا گیا مگر تھوڑا جیا
86:- اور اگر اَسیں چاہواں تے وحی سلب کر کنا جو تُساں دار کیتی اے فر تُسیں آپڑیں وسطے نہ دیکھو کوئی مددگار اَساں نے مقابلے بچ
87:- مگر تُساں نے اللہ نی رحمت اے کہ اینجو نی ہونا بے شک تُساں تے اِس نا بڈا فضل اے
88:- آپ صہ آکھو کہ سارے جن تے انسان اگر جمع ہو جُلن او تے او اِس قرآن آلی گل نی آنڑ اکنے اگر چہ او اک دوئے نے مددگار ہو جُلن او
89:- اور اساں لوکاں وسطے اِس بچ بیان کر چھڑی اے طرح طرح نی مثال لیکن اکثر لوکاں ناشکری توں سِوا قبول نی کیتا
90:- او بولے کہ اَسیں ہرگر ایمان نہ آنڑنے ایتھے تک کہ تُسیں اَساں وسطے زمی بیچوں کوئی چشمہ کڈو
91:- یا تینڑیں وسطے کجھوراں اور انگور نا اک باغ ہووے پس توں اُنہاں نے درمیان نہراں رواں کر چھڑو
92:- یا جینجو تُسیں آکھنے ہونے او اَساں تے آسمان نے ٹکڑے ٹہاؤ یا اللہ اور فرشتیاں آمڑیں سامڑیں کِن آؤ
93:- یا تُساں وسطے سونے نا اِک گھر ہووے یا توں آسمان بچ چڑھ جُلسیں اور اَسیں ہرگز تُساں نے چڑھنے آں نہ مننے او جَدوں تک توں اَساں تے اک کتاب نہ لاویں جِساں اَسیں پڑھ کنا آپ صہ آکھو کہ پاک اے مینڑاں اللہ اور میں صرف اک بشر آں اللہ نا رسول
سورت بنی اسرائیل نا رکوع نمبر 10 مکمل

سورت بنی اسرائیل نا رکوع نمبر 11
پارہ نمبر 15 نا رکوع نمبر 11

94:- اور لوکاں کِسے گلاں نی روکیا جدوں اُنہاں کول ہدیت آ گئی کہ او ایمان آنڑن او مگر اے کہ اُنہاں آکھیا کہ اللہ اک بشر آں رسول بنڑا کہ پیجیا اے
95:- آپ صہ آکھو کہ اگر زمی بچ فرشتے ٹُرنے پھرنے یا اطمینان نال رہنے ہون آ تے اسیں ضرور آسمان توں فرشتے رسول بنڑا کے پیجاں آ
96:- آپ صہ آکھو کہ اگر مینڑیں تے تُساں نے درمیان اللہ نی گواہی ای جہان اے بے شک اللہ آپڑیں بندیاں نی خبر رکھڑیں تے دیکھڑیں آلہ اے
97:- اور جِساں اللہ ہدیت دیوے تے اُساں کوئی گمراہ نی کر کننا اور جِساں اللہ گمراہ کرے تے اُس وسطے اِس توں سوا ہر گز کوئی مددگار نی اور اسیں قیامتی نے دیاڑے اُنہاں منہ نے بل انے گونگے تے ڈورے چاساں اُنہاں نا ٹھکانہ جہنم اے اور جدوں کدھرے جہنم نی اگ بجھڑیں آ لگی تے اَسیں ہور پچاچھڑساں
98:- اے اُنہاں نی سزا اے کیونکہ اُنہاں اَساں نی آیتاں نا انکار کیتا اے اور اُنہاں آکھیا کہ جدوں اَسیں ہڈیاں تے ٹکڑے ٹکڑے ہو کہ بکھر جُلساں تے اَساں کینجو نویں سرے توں پیدا ہوساں
99:- کیا اُنہاں نی دیکھیا کہ اللہ قادر اے جِس زمی تے آسمان بنڑائے اِنہاں جئے پیدا کرے اور اِس اِنہاں وسطے اک ٹیم مقرر کیتا اے اِس بچ کوئی شک نی کہ ظالماں ناشکری توں سوا قبول نی کیتا
100:- آپ صہ آکھو کہ اگر تُسیں مالک ہو آ اللہ نیاں خزانیاں نے تے تُسیں خرچ ہونڑیں نے ڈرے نال بند کر چھڑو آ ضرور اور انسان بڑا تنگ دل اے
سورت بنی اسرائیل نا رکوع نمبر 11 مکمل

سورت بنی اسرائیل نا رکوع نمبر 12
پارہ نمبر 15 نا رکوع نمبر 12

101:- اور اَساں موسیٰ علیہ نو کُھلیاں نشانیاں دِتیاں پس بنی اسرائیل توں پچھو کہ موسیٰ علیہ جدوں اُنہاں کول آئے تے فرعون آکھیا کہ میں گمان کرنا کہ تُساں تے جادو کیتا گیا اے
102:- اُس آکھیا کہ البتہ توں جانڑ کِدا اے کہ اِساں نازل نی کیتا مگر زمی تے آسمان نے پروردگار بصیرت نیاں گلاں اور اِے فرعون میں تے تُداں گمان کرنا واں ہلاک شدہ
103:- پس فرعون ارادہ کیتا کہ اُنہاں کڈ چھڑے سر زمین مصر توں تے اَساں اُساں تے جو اُس نال اے ساریاں غرق کر چھڑیا
104:- اور اِساں آکھیا اُس توں بعد بنی اسرائیل آں کہ اِس ملک بچ رہو فر جدوں آخرت نا وعدہ آ سی اَسیں تُساں ساریاں کِن آنڑساں جمع کرکے
105:- اور اَساں اِس قرآن آں حق تے سچائی نال لایا اے اور اَساں تُساں نی پیجیا مگر صرف خوشخبری دینڑیں تے ڈرانڑیں آلہ
106:- اور قرآن اَساں جُدا جُدا لایا تاکہ تُسیں لوکاں تے پڑھو ٹھہر ٹھہر کہ اور اَساں آہستہ آہستہ بتدریج نازل کیتا
107:- آپ صہ آکھو کہ تُسیں اِس اُتے ایمان آنڑو یا نہ بے شک جنہاں اِس توں پہلے علم دتا گیا اے جدوں اے اُنہاں نے سامڑیں پڑھیا جُلنا اے تے او سجدے کرنے ہوئے کھاڈیاں نے پہار ٹہہ پینے نوں
108:- اور او آکھنے نوں کہ اَساں نا رب پاک اے اور اُس نا وعدہ ضرور پورا ہوکے رہسی
109:- اور او روئے ہوئے کھاڈیاں نے پہار ٹہنے نوں اور اے قرآن اُنہاں بچ عاجزی ہور زیادہ بدانا اے (سجدہ)
110:- آپ صہ آکھو کہ تُسیں بُلاؤ اللہ یا رحمٰن آکھ کہ جینجو وی بلاسو سارے چنگے نام اُسے وسطے نوں اور نہ ای نمازاں بچ آواز بہوں اُچی رکھو تے نہ ای بہوں آہستہ رکھو بلکہ اِس نے درمیان نی راہ لوڑو
111:- آپ صہ آکھو کہ ساریاں تعریفاں اللہ وسطے نوں او جِس کوئی اولاد نی بنڑائی اِس نا کوئی شریک نی اور نہ مددگار ناتوانی نے سبب اور خوب اُس نی بڑائی بیان کرو
سورت بنی اسرائیل نا رکوع نمبر 12 مکمل

سورت بنی اسرائیل مکمل

اپنا تبصرہ بھیجیں