Home » سورت الشعراء (رکوع نمبر 9 تا 11) – ہندکو ترجمہ
اسلامیات

سورت الشعراء (رکوع نمبر 9 تا 11) – ہندکو ترجمہ

158:-قوم لوط عیہ رسولاں نی منیا
159:- یاد کرو جدوں اُنہاں نے بھائی لوط عیہ آکھیا کہ کیا تُسیں نی ڈرنے او
160:- بے شک میں تُساں وسطے امانتدار رسول آں
161:- پس اللہ توں ڈرو اور مینڑیں اطاعت کرو
162:- اور میں تُساں توں نی منگنا اس تے کوئی اجر مینڑاں اجر تے اللہ کول اے
163:- کیا تُسیں مرداں بدفعلی وسطے آنے او دنیا و جہاں نی
164:- اور تُسیں چھوڑ دینے او اُنہاں جیڑیاں تُساں نے رب تُساں وسطے بیویاں پیدا کیتیاں بلکہ تُسیں حد توں بدڑیں آلے لوک او
165:- او بولے اے لوط عیہ اگر تُسیں باز نہ آئے تے تُسیں ضرور بستی توں کڈے جُلسو
166:- اُس آکھیا بے شک میں تساں فعلِ بد توں نفرت کرڑیں آلہ واں
167:- اے اللہ مَاں (مجھے) اور مینڑیں گھر آلیاں اِس وبال توں نجات دیو جو او کرنے نوں
166:- تے اَساں اِس تو نجات دتی اور اِس نے سارے گھر آلیاں
167:- سوائے اک بڑھیا نے کہ جیڑی رہ گئی پچھے رہنڑیں آلیاں بیچوں
168:- فر اَساں دوئیاں ہلاک کر چھڑیا
169:- اور اَساں اُنہاں تے پتھراں نی بارش برسائی پس کے ای مندی بارش اے جِس نال ڈرایا گیا اے
170:- بے شک اِس بچ نشانی اے اور انہاں نے بہوں سارے ایمان آنڑنے آلے نی اے
171:- اور بے شک تُساں نا رب البتہ غالب تے بہوں مہربان اے

سورت الشعراء نا رکوع نمبر 9 پارہ نمبر 19 نا رکوع نمبر 13

سورت الشعراء پارہ نمبر 19

172:- جھٹلایا ایکہ آلیاں رسول آں
173:- یاد کرو جدوں شعیب عیہ اُنہاں آکھیا کہ کیا تُسیں نی ڈرنے او
174:- بے شک میں تُساں وسطے امانتدار رسول آں
175:- تے اللہ توں ڈرو اور مینڑیں اطاعت کرو
176:- اور میں تُساں کولوں اِس اُتے کوئی اجر نی منگنا واں بلکہ مینڑاں اجر تے اللہ کول اے
177:- تُسیں ناپ تول پورا کرو اور نقصان دینڑیں آلیاں بیچوں نہ ہو جُلو
178:- اور وزن ٹھیک کرو سدھی ترکڑی نال
179:- اور تُسیں لوکاں اُنہاں نی چیز کٹہا کے نہ دیو اور زمی بچ نہ پھرو فرساد مچانے
180:- اور ڈرو اُس ذات کولوں جِس تُساں پیدا کیتا اور پہلی مخلوق آں
181:- آکھنے آں لگے کہ اِس توں سوا نی کہ توں سحرزدہ لوکاں بیچوں ایں
182:- اور تُوں صرف اَساں جیا اک بندہ ایں اور اسیں تُداں کوڑا سمجھنے آں
183:- تے توں اَساں تے آسمانے نا اک ٹکڑا ٹہا چھڑ اگر توں سچا ایں تے
184:- شعیب عیہ آکھیا کہ مینڑاں اللہ ڈاڈا سیانڑنا اے جو کج تُسیں کرنے او
185:- تے اُنہاں اُساں نی منیا تے اُنہاں اگی نے سائیبان آلے دیاڑے آپکڑیا بے شک او بڈے ڈاڈے دیاڑے نا عذاب ایا
186:- بے شک اُس بچ نشانی اے اور اُنہاں نے بہوں سارے ایمان آنڑنے آلے نی اے
187:- اور بے شک تُساں نا رب غالب اے بہوں مہربان

سورت الشعراء نا رکوع نمبر 10 پارہ نمبر 19 نا رکوع نمبر 14

188:- اور بے شک اے قرآن سارے جہان نے رب نا لتھا ہویا اے
189:- اِساں جبرائیل امین کِن کے لتھے نوں
190:- تُساں نے دِلے تے تاکہ تُسیں ڈر سنڑاڑیں آلیاں بیچوں ہو
191:- روشن واضح عربی زبان بچ
192:- اور بے شک اِس نا ذکر پہلے پیغمبراں نے صحیفے بچ اے
193:- کیا اے اُنہاں وسطے اک نشانی نی کہ اُنہاں سیانڑنے نوں علماء بنی اسرائیل
194:- اور اَسیں اِساں کِسے غیر عربی بچ نازل کرنے
195:- فر اگر او اِساں انہاں نے سامڑیں پڑھنا تے او اس تے ایمان آنڑنے آلے نی ہونے اے
196:- اسطرح ای اَساں مجرماں نے دِلے بچ انکار پیج چھڑیا
197:- او اِس تے ایمان نی آنڑنے ایتھے تک کہ او دردناک عذاب نہ دیکھ کنسن او
198:- تے او اِنہاں نے اچانک آ جُلسی اور اِنہاں خبر وی نی ہونی
199:- فر او آکھسن کیا اَساں مہلت دتی جُلسی
200:- پس کیا او اَساں نے عذاب آں جَلتی چاہنے نوں
201:- کیا تُساں دیکھیا کہ اسیں اُنہاں برسوں فیدا پہنچاواں
202:- فر اُنہاں تے پہنچے جِس نی اُنہاں وعید کیتی جُلنی اے
203:- جِس توں او قید چاہنے اے اُنہاں نے کے کم آسی
204:- اور اَساں کِسے بستی آں نی ہلاک کیتا مگر اُس وسطے ڈرانڑیں آلے
205:- نصیحتاں وسطے اور اَسیں ظلم کرڑیں آلے نہ او
206:- اور اِس قرآن آں شیطان کِن کے نی لتھا
207:- اور اُنہاں سزاوار نی اور نہ او اینجو کر اکنا اے
208:- بے شک او سنڑنے نے مقام توں دور کر کِدا گیا اے
209:- بس اللہ نال کِسے آں معبود نہ کرو کہ تسیں عذاب ملیاں ہویاں لوکاں بیچوں ہوجُلو
210:- اور تُسیں آپڑیں نیڑے نے رشتہداراں ڈراؤ
211:- اور اُس وسطے آپڑیاں باہواں نیویاں (بازو جھکائیں) کرو جِس تُساں نی پیروی کیتی مومناں بیچوں
212:- فر اگر تُساں نی نافرمانی کرن تے آپ صہ آکھو جو تُسیں کرنے او بے شک میں اُس توں بیزار آں
213:- اور تُسیں بھروسہ کرو غالب بہوں مہربان تے
214:- جیڑا تُساں دیکھنا اے جدوں تسیں نمازاں بچ کھلنے او
215:- اور نمازیاں بچ تُساں نا پھرنا وی دیکھنا اے
216:- بے شک او ای سنڑنے اور جانڑنے آلہ اے
217:- کیا میں تُساں دَساں کِس اُتے شیطان لینے نوں
218:- او لینے نوں ہر بہتان لاڑیں آلے گنہگار تے
219:- شیطان سنڑی سنڑائی گل اُس نے کن بچ پا چھڑنے نوں اور اِنہاں بیچوں اکثر کوڑے نوں
220:- اور رہے شاعر تے اُنہاں نی پیروی گمراہ لوک کرنے نوں
221:- کیا تُساں نی دیکھیا کہ او ہر وادی بچ سرگرداں پھرنے نوں
222:- اور اے کہ او جو آکھنے نوں او کرنے نی نوں
223:- سوائے اُنہاں نے جیڑے ایمان کِن آئے اور اُنہاں چنگے کم کیتے اور اللہ واں بہوں یاد کیتا اور اُنہاں اِس توں بعد بدلہ کدا کہ اُنہاں تے ظلم ہویا اور جنہاں لوکاں ظلم کیتا او جَلتی جانڑ کِنسن او کہ اُنہاں کیڑے پاسے مڑنا اے

سورت الشعراء نا رکوع نمبر 11 پارہ نمبر 19 نا رکوع نمبر 15
سورت الشعراء مکمل

Add Comment

Click here to post a comment