سورت البقرہ (رکوع 8 تا 11 ) – ہندکو ترجمہ




سورت البقرہ :رکوع 8
62:- بے شک جنہاں ایمان آندا اے اور جیڑے یہودی نصرانی تے صابی ہوئے اور جیڑے ایمان کن آئے اللہ اور قیامتی تے اور چنگے کم کرنے اے او انہاں وسطے تے اللہ کول اجر اے انہاں تے نہ کوئی خوف ہوسی تے نہ ای کوئی غم ہوسی
63:- اور جدوں تساں کولوں وعدہ (اقرار) کدا اور کوہ طور آں تساں کولوں چایا اساں جو کج تساں دتا اے اساں باٹا پکڑو جے کج اس بچ اے وے اساں یاد کرو تاکہ تسیں ڈرنڑیں والے (پرہیزگار) ہو جلو
64:- اس توں بعد تسیں فر نمکر گئے او اگر اللہ نا کرم نہ ہووے آ تے تسیں نقصان چاڑیں والیاں بیچوں ہو جلو آ
65:- البتہ تسیں انہاں سیانڑ گئے او جنہاں ہفتے والے دیاڑے زیاتی کیتی فر اساں آکھیا تے او بوجے(بندر) بنڑ گئے
66:- اور فر اَساں اُساں سامنڑیں آنڑیں والیاں وسطے اور پچھے آنڑیں والیاں وسطے عبرت بنڑایا اور ڈرنڑیں والیاں وسطے نسیت (نصیحت)
67:- اور فر موسٰی عیہ آکھیا کہ اللہ نا حکم اے کہ گاں (گائے) کو (ذبح) او آکھنے توں اساں نال مزاح کرنا ایں موسٰی عیہ آکھیا کہ میں اللہ نی پناہ منگنا واں کہ میں جیلاں ( جاہلوں) بیچوں نہ ہو جلاں
68:- فر انہاں آکھیا کہ اللہ اگے دعا کر او او اساں دَسے کہ گاں کِے واجی ہووے اس آکھیا بے شک اللہ آکھنا اے کہ نہ او بُڈی ہووے نہ بچھی ہووے بلکہ درمیانی ہووے تساں جیڑا حکم ملیا اے او کرو
69:- انہاں آکھیا کہ فر دعا کرو اللہ اگے کہ او دَسے کہ اس نا رنگ کے اوجیا ہووے اس آکھیا کہ بے شک اللہ آکھنا اے کہ اس نا رنگ کہنڑا زرد (گہرا زرد) ہووے اور او دیکھڑیں والیاں سوہنڑی لگے
70:- انہاں آکھیا کہ فر دعا کرو اللہ دسے او کے او کہ واجی اے کیونکہ گائیں (گائے) بچ کوئی شک نہ رہوے اور اگر اللہ چاہیا تہ بے شک اسیں ہدیت پاکنساں او
71:- اس آکھیا کہ اللہ آکھنا اے کہ او گاں نہ سَلی ہووے نہ ہَل بَہنی ہووے نہ پاڑیں ڈوگیاں لانی ہووے اس بچ کوئی ڈب نہ ہووے انہاں آکھیا ہنڑ سہی جواب آندا ای فر انہاں گاں ذبح کیتی لگنا نی ایا جے او ذبح کرسن او
سورت البقرہ رکوع نمبر 8مکمل
سورت البقرہ : رکوع 9
72:- اور فِر جدوں بندا قتل کیتا نے تے او آپے بچ کلنے (لڑائی) آں لگ پئے او اور اللہ ظاہر کر چھڑنا ایا جو کج تسیں چھپانے او
73:- فر اساں آکھیا کہ تسیں اس مردے آں گائیں نا اک ٹکڑا مارو اسطرح اللہ مُردیاں جینا کرسی او ، او تساں آپڑیاں نشانیاں دسنا وے تاکہ تسیں غور کرو
74:- فر تساں نے دل باٹے ہوگئے او گٹے (پتھر) والی گل یا اس توں وی بہوں اگلے (بہت زیادہ) بے شک کج گٹیاں بیچوں کھٹے (نہراں) نکل آنیاں نوں تے کھ پھٹ جلنے نوں تے چوئے (چشمے) نکل آنے نوں اورکج اللہ نے ڈرے نال ٹِے (گرنا) پینے نوں او اللہ بے خبر نی جو کج تسیں کرنے او
75:- تساں کج توقع اے کہ او مَن کِنسن او تساں نی خاطر انہاں بیچوں اک ٹولہ اللہ نا کلام سنڑنا اے فِر اُساں بدلی کر چھڑنا اے اُساں سمجھنڑیں توں بعد اور اُساں پتہ وی اے سب کج
76:- اور جدوں انہاں نال ملنے نوں جیڑے ایمان کن آئے ہوئے نوں اے آکھنے نوں اسیں وی ایمان آلے آں اور جدوں انہاں نے کج کَلے (اکیلے) ہونے نوں دویاں کولوں او آکھنے نوں تسیں انہاں دسنے او جو کج اللہ تساں دسیا وے اے اسے نی وجہ نال تساں نے اللہ نال حجتاں کرسن او تساں کے سمجھ نی او
77:- کیا انہاں نی پتا کہ اللہ واں پتا اے جو کج او چھپانے نوں اور جوکج او ظِہر (ظاہر) کرنے نوں
78:- اُنہاں بیچوں کج ان پڑھ نوں جنہاں کتاباں ناں نی پتا کج خوویشاں (آرزوئیں ) اور گماناں نال کم چلانے نوں
79:- اُنہاں وسطے بہوں خرابی اے جیڑے کتاب لکھنے نوں آپڑیاں ہتھاں نال فر آکھنے نوں اے اللہ کولوں آئی اے تاکہ اس نے بدلے تھوڑے جئے پیسے چاہ کنوں نوں اِنہاں وسطے بہوں خرابی اے جو کج اِنہاں ہتھاں نال لکھیا اے اور جیڑا کِج او کمانے نوں
80:- اور او آکھنے نوں کہ اَساں اَگ نی پکڑنی او کج دیاڑیاں (دن) توں علاوہ اِنہاں آکھو کہ تُساں اللہ کولوں کوئی وعدہ کِدا اے اللہ کدے وی آپڑیں وعدے نی خلاف ورزی نی کرنا او، کیوں اللہ تے تسیں او اکج آکھنے او جو کج تساں نی پتا او
81:- کیوں نی جس مندیاں (برائیاں) کمایاں نوں اسنے مندے کم اسنے آسے پاسے ہو گئے اے لوک دوزخ بچ ای رہسن او اور ہمیشہ اسے بچ رہسن او
82:- اور جیڑے لوک ایمان کِن آئے نوں اور انہاں چنگے کم کیتے نوں اے لوک ہمیشہ جنت بچ ای رہسن او
سورت البقرہ رکوع نمبر 9مکمل
سورت البقرہ : رکوع 10
83:- اور فر جدوں اَسان بنی اسرائیل کولوں وعدہ کِدا کہ تُساں اللہ توں سوا کسے نی عبادت نی کرنڑیں ماؤ (ماں) پیو(باپ) نال چنگا سلوک کرنڑاں اے رشتہ داراں ، یتیماں ،تے مسکیناں نال وی اور تُساں لوکاں چنگی گل آکھنڑیں اے اور نماز قیم کرنڑیں اے تے زکوٰۃ دینڑیں اے فر تُسیں نَس گئے او تُساں بیچوں تھوڑیاں جئیاں توں علاوہ تُسیں نسڑیں آلے ای اے او
84:- اور فر اَساں تُساں کولوں وعدہ کِدا ایا کہ آپڑیاں قتل نہ کرسو اور نہ ای اِنہاں گرائیں بیچوں کڈسو اور تُساں مَنیا ایا اور تُسیں گواہ او
85:- اور فر تُسیں او لوک او جِیڑے آپڑیاں مارنے او اور اِنہاں نے اِک ٹولے (فریق) آں گرائیں بیچوں کڈنے او اِنہاں اُتے غناہ اور خواہ مخواہ چڑنے او اور اگر او تُساں کول قیدی آؤن او تے بدلہ دے کہ اِنہاں چھوڑن او حالانکہ اِنہاں نا کڈنڑاں تُساں تے حرام کیتا گیا اے تے تُسیں کتاباں نے ادھے حصے تے ایمان آنڑنے او اور ادھے حصے نا انکار کرنے او تُساں بیچوں جِیڑا اینجو کرے اُس نی کے سزا وے سِوائے اس نے کہ دنیا بچ ذلیل تے رسوا اور قیامتی نے دیاڑے ڈاڈے عذابے دار پیجساں نے اور تُسیں جو کج وی کرنے او اللہ واں سارا کج پتا اے
86:- اے ای لوک نوں جِنہاں آخرت نے بدلے دنیا نی زندگی چاہ کِدی اِنہاں توں عذاب کہٹ نی ہونا اور نہ ای اِنہاں نی مدد ہونی اے
سورت البقرہ رکوع نمبر 10 مکمل
سورت البقرہ :رکوع 11
87:- البتہ اَساں موسٰی عیہ آں کتاب دِتی اے اور فر کہڑی کہڑی ( بار بار) اَساں رسول پیجے نوں اور اَساں مریم عیہ نے پترے عیسٰی عیہ آں کھلیاں نشانیاں دِتیاں نوں تے اُس نی مدد وی کیتی اے جبرائیل عیہ نے ذریعے نال ، کیا فر تُساں کول کوئی رسول اِس نال آیا تے تُسیں نِی چاہنے سو تے تُساں تکبر کیتا اور اِنہاں بیچوں اِک ٹولے آں تُساں مَنیا نی تے اِکی آں تُساں قتل کرنے او
88:- اور اِنہاں آکھیا کہ اَساں نے دِلے اُتے پڑدہ اے بلکہ اُنہاں اُتے اِنہاں نے کفر نی وجہ توں اللہ نی لعنت اے اور تھوڑے جئے نوں جِنہاں ایمان آندا اے
89:- اورجَدوں اِنہاں اُتے اللہ کولوں کتاب آئی اِس نی تصدیق کرنڑیں والی تے او اِنہاں کول اے اور او پہلے کافراں اتے فتح منگنے نوں او اور جَدوں اِنہاں کول او آیا جِساں او سیانڑنے اے او اُس نے وی منکر ہو گئے او اور کافراں تے اللہ نی لعنت اے
90:- بہوں پیڑا اے جیڑا اِنہاں آپڑیں آپے آں بیچ چھڑیا اے اِس نے بدلے کہ او اِس نے منکر ہوگئے جیڑا کج اللہ لایا ایا اس ضِدو نال کہ اللہ لانا اے آپڑیں فضل نال آپڑیں جیڑے بندے تے او چاہوے سو او قہر اتے قہر کما کہ کِن آئے اور کافراں وسطے ذلیل کرنڑیں والا عذاب اے
91:- اور جَدوں اِنہاں آکھو کہ تسیں ایمان آنڑو اِس اتے جِیڑا اللہ لایا اے او آکھنے نوں اَسیں ایمان کِن آئے آں اِس اُتے جُو اَساں اتے لتھا اے اور نہ مَننے اُساں جو کج اِس توں عِلاوہ اے حالانکہ او حق اے اور اُس نی تصدیق کرنڑیں والا جِیڑا اُنہاں کول اے ، تُسیں اِنہاں آکھو تُسیں کیوں اللہ نِیاں نبیاں قتل کرنے رہے او جئے تُسیں مومن اِے او تے
92:- البتہ موسیٰ عیہ تُساں کول کھلیاں نشانیاں نال آئے فِر وی تُساں اُس تو پچھے بچھے آں خدا بنڑا کِدا ایا اور تُسیں ظالم ہوگئے او ۔
93:- اور جَدوں اَساں تُساں کولوں پکا وعدہ کِدا اور کوہ طور آں تُساں اُتے چایا ایا اور آکھیا کہ جو کج اَساں تُساں دِتا اے اِساں باٹ پکڑو اور سنڑو اور او بولے جے اَساں سنڑیا اے اور نافرمانی کیتی نے اور اِنہاں نِیاں دِلاں بچ بچھا (بچھڑا) بڑ گیا اِنہاں نے کفر نی وجہ توں تُسیں آکھو کہ اے مندا اے جس نا حکم تُساں تُساں نا ایمان دینا اے اگر تُسیں مومن او تے تُسیں اُساں نی مَننے او
94:- تُسیں آکھو کہ اگر تُساں وسطے قیامتی نا گھر اے اللہ کول تے تُسیں موت منگو دوئیاں توں عِلاوہ اگر تسیں سچے او تے
95:- او کَدے وِی موت نی منگنے نوں اِس وجہ توں جو کج اِنہاں کیتا اے اور اللہ ظالماں سیانڑنا اے
96:- اور تُسیں اِنہاں دوئیاں کولوں زیادے زندگی نا طلبگار پاسو مشرکاں توں وِی زیادے اِنہاں بیچوں ہر کوئی چاہنا اے کہ او ہزار سال جِیوے اگر عمر دِتی جُلے فر وی عذاب تُوں نی نس اکنے اور اللہ دیکھنڑیں آلہ اے جو کج وی او کرنے نوں
سورت البقرہ رکوع نمبر 11مکمل

اپنا تبصرہ بھیجیں