سورت البقرہ (رکوع 14تا 16) – ہندکو ترجمہ




سورت البقرہ: رکوع 14
113:- اور فر یہودیاں آکھیا کہ نصاریٰ کسے شئیے تے نی نوں اور نصاریٰ آکھیا کہ یہودی حالانکہ او پڑھنے وی اے اے کتاباں ، اسطرح ای اِنہاں لوکاں اے واجی گل آکھی جِس نا پتہ نی ایا نے اللہ اِنہاں بچ قیامتی والے دیاڑے فیصیلہ کرسی جیڑی گلاں بچ اِنہاں نا اختلاف اے
114:- اس توں بڈا ظالم کونڑ اے جِس اللہ نی مسجداں بچ اللہ نا ناں کنڑیں تو روکیا اے اور اِنہاں ویران کرنڑیں نی کوشش کیتی سو اِنہاں لوکاں وسطے سچ نی ایا کہ او اس بچ جُلن آ پہاویں ڈرنیوں ای ، اِنہاں لوکاں وسطے رسوائی اے اور قیامتی بچ بہوں بَڈا عذاب اے
115:- اللہ وسطے اے ای اے مشرق تے مغرب تُسیں جدھر وی منہ کرو اللہ سامنڑیں اے بے شک اللہ بہوں بڈا تے سمجھڑیں آلہ اے
116:- اور اِنہاں آکھیا کہ اللہ پتر بنڑا کِدا اے حالانکہ او پاک اے اور سارا کج اُسے نا ای اے جو کج زمی تے آسماناں بچ اے سارا کج اُس نا فرمابردار اے
117:- او ای اللہ زمی تے آسمان بنڑانڑیں آلہ اے اور او جَدوں کِسے کَمے نا فیصلہ کرنا اے تے صرف آکھنا اے کہ “ہو جُل ” تے او “ہو جُلنا” اے
118:- اور جِنہاں لوکاں نی پتا او آکھنے نوں کہ اللہ اَساں نال گلاں کیوں نی کرنا اَساں نشانیاں کیوں نی ملنیاں اسطرح ای پہلے لوکاں وی گلاں کیتیاں اُنہاں نے دِل اک جئے ہو گئے نوں اور اللہ یقین رکھڑیں آلیاں وسطے کھلیاں نشانیاں رکھیاں نوں
119:- بے شک تُساں واں حق نال خوشخبری دینڑیں آلہ تے ڈانڑیں آلہ بنڑا کہ پیجیا اے اور تُساں کولوں دوزخ والیاں نا وی نہ پچھنے
120:- اور تُساں نال یہودی تے نصاری کدے وی راضی نی ہونے جَدوں تک تُساں اُنہاں نے دین نی پیروی نہ کیتی تُسیں آکھو بے شک اللہ نی ہدیت ای اصل ہدیت اے اگر تُساں اِنہاں نیاں خواہشاں نال ٹُرے او اُس توں بعد وی کہ تُساں حقیقت پتا وی ہوئی اے تے تُساں وسطے اللہ نے سامنڑیں کوئی حمیتی تے مددگار نی ہونا او
121:- اَساں جنہاں کتاب دِتی اے او اِساں پڑھنے او جینجو پڑھنے با حق ہونا اے او ای اِس تے ایمان وی رکھنے نوں اور جیڑے اِس نا انکار کرن او او لوک کہاٹے (خسارے) بچ نوں
سورت البقرہ رکوع نمبر 14 مکمل
سورت البقرہ: رکوع 15
122:- اے نبی اسرائیل یاد کرو مینڑیاں نعمتاں جَدوں میں تُساں سارے جہان تے بَڈابنڑایا ایا
123:- اُس دیاڑے کولوں ڈرو جَدوں بندا بندے نا بدلہ نی ہونا او نہ کوئی پیسہ کننا اے نہ کوئی سفارش مننا اے اور نہ ای کِسے نی مدد ہونی اے
124:- اور جَدوں ابراہیم عیہ آں اللہ کج گلاں نال آزمایا تے اُنہاں او پوریاں کر چھڑیاں فر اللہ آکھیا کہ بے شک میں تُداں امام بنڑاؤنڑ لگا واں اُنہاں آکھیا مینڑیں اولادی آں وی ؛ اِس آکھیا کہ مینڑاں عہد ظالماں نی پہنچنا او
125:- اور جَدوں میں خانہ کعبہ لوکاں نے جمع ہونڑیں نی جگہ بنڑائی امن نی جا (جگہ) اور مقام ابراہیم عیہ آں نمازاں نی جا (جگہ) بنڑایا اور اللہ حکم دِتا ابراہیم عیہ تے اسماعیل عیہ آں کہ مینڑیں گھریں آں پاک رکھیو طواف کرنڑیں ، اعتکاف کرنڑیں تے رکوع تے سجدہ کرنڑیں آلیاں وسطے او
126:- اور فر ابراہیم عیہ آکھیا اللہ اِس شہر آں امن والا بنڑا اور اُنہاں لوکاں جیڑے ایمان کِن آئے نوں تینڑیں تے ، تے اِنہاں پھلاں (فروٹ) نی روزی دے اللہ آکھیا جنہاں کفر کیتا اے اُنہاں تھوڑا فیدا دیساں فر مجبور کرساں نے اور دوزخ دار موڑ کہ آنڑساں نے اور او بہوں ڈاڈی مندی جا وے او
127:- اور جَدوں ابراہیم عیہ چانے اے اور اسماعیل عیہ وی کعبہ نی بنیاداں واں تے او دعا کرنے کہ اللہ اَساں کولوں قبول کر کن بے شک توں سنڑنا وی ایں تے سمجھنا وی ایں
128:- اے اللہ اَساں فرمابردار بنڑا اور اَساں نی اولادی آں وی اور اَساں نی اولادی بیچوں اک فرمابرداد امت بنڑا اور اَساں حج نا طریقہ دَس چُھڑو اَساں نی توبہ قبول کر توں ای توبہ قبول کرنڑیں آلہ تے رحم کرنڑیں آلہ ایں
129:- اے اللہ اِنہاں بچ اک رسول بھیج جِیڑا آیتاں پڑھے اور اِنہاں کتاب تے حکمت نا دَسے اور اِنہاں پاک کرے بے شک توں ای غالب تے حکمت آلہ ایں
سورت البقرہ رکوع 15مکمل
سورت البقرہ: رکوع 16
130:- ہور کونڑ اے جیڑا منہ موڑے ابراھیم عیہ نے دین کولوں سوائے اُس نے جس آپڑیں آپے آں بے وقوف بنڑا اے اور بے شک اَساں چنڑ کدا اے اور بے شک او آخرت بچ نیکاں بیچوں اے
131:- جَدوں اُساں آکھو کہ سر نیواں کر تے او آکھے کہ میں سر تلاں کر کدا اے سارے جہان نے اللہ اگے
132:- اور ابراہیم عیہ تے یعقوب عیہ وصیت کیتی آپڑیں اولادی آں کہ اللہ تُساں وسطے دین چنڑ کدا اے تُسیں بلکل نہ مَرے مسلمانی توں بغیر
133:- تُسیں اُتھے اے او جَدوں یعقوب عیہ مَرے تے اُس آپڑیاں پتراں پچھیا او کہ مینڑیں توں بعد کس نی عبادر کرسو اُنہاں آکھیا کہ تینڑیں اللہ نی اورتینڑیں پیو تے دادے ابراہیم عیہ ، اسماعیل عیہ تے اسحاق عیہ نے کَلے (1) اللہ نی اَسیں اُسے نے فرمابردار آں
134:- اے اک امت ای اے جیڑی لنگ گئی اے اُس وسطے او وے جو کج اُنہاں کیتا ایا اور تینڑیں وسطے او وے جو کج توں کرسیں تینڑیں کولوں اُنہاں نے بارے بچ نہ پچھنا کہ او کے کرنے اے
135:- اُنہاں آکھیا کہ تُسیں یہودی تے نصرانی ہو جُلو تے ہدیت پاکنسو تُسیں آکھو کہ اَسیں ابراہیم عیہ نے دین اک (1) اللہ مننے آں اور او مشرک نی اے او
136:- اَساں ایمان آندا اے اللہ اُتے تے جو کج اَساں دار لایا گیا اے اور جو کج لایا گیا اے ابراہیم عیہ ، اسماعیل عیہ ، اسحاق عیہ، اور یعقوب عیہ اور اولادِ یعقوب اورجیڑا کج موسٰی عیہ اور عیسیٰ عیہ اور بقایا نبیاں اللہ داروں مِلیا اے اَسیں اِس بچ بلکل فرق نہ کرنے اور اَسیں اِس نے ای فرمابردار آں
137:- اگر او ایمان کن آئے تے ہدیت پاکنسن او اور اگر منہ پھیر کدا نے تے او ضدی نوں اللہ اِنہاں نال مقابلے وسطے جہان اے اور اللہ ای سنڑنے تے سمجھڑیں آلہ اے
138:- اللہ نا رنگ اَساں چا کِدا اے ہور کس نا رنگ چنگا اے اللہ کولوں اور اَسیں اُسے نی عبادت وی کرنے آں
139:- اِنہاں آکھو کہ تُسیں اَساں نال کُلنے (جھگڑا) او اللہ نے بارے بچ حالانکہ اللہ اَساں نا تے تُساں نا وی او ای اے اَساں نے کم اَساں نال تے تُساں نے کم تُساں نال اَسیں تے خالص اللہ نے ای آں
140:- کیا تُسیں آکھنے او کہ ابراہیم عیہ ، اسماعیل عیہ ، اسحاق عیہ ، یعقوب عیہ اور اولادِ یعقوب یہودی اے یا نصرانی ، اُنہاں آکھو کہ تُسیں اللہ کولوں زیادہ سمجھنے او ، او کہیڑا (کون) ظالم اے جس اللہ نی طرفاں توں گواہی چھپائی اے ای او اور اللہ بے خبر تے نی او اُس کولوں جو کج تُسیں کرنے او
141:- اے اک امت اے ای جیڑی گزر گئی اے اِس وسطے او کج اے جو کج اِنہاں کمایا اے اور تُساں وسطے جو کج تُساں کمایا اے تُساں کولوں اِنہاں نے بارے بچ نہ پچھنے کہ او کہ کرنے اے او
سورت البقرہ رکوع نمبر 16 مکمل پارہ 1 مکمل

اپنا تبصرہ بھیجیں