سورت البقرہ (رکوع 17 تا 19) – ہندکو ترجمہ




سورت البقرہ پارہ نمبر 1 مکمل..
سورت البقرہ پارہ نمبر 2 : رکوع 17
پارہ نمبر 2 نا رکوع نمبر 1
142:- ہنڑ بے وقوف آکھسن او کہ مسلماناں کس پھر چھڑیا اے قبلے داروں جیس دار او پہلے اے ، تُسیں آکھو مشرق تے مغرب اللہ ای نا اے او جِساں چاہوے سدھے راہے دار ہدیت چا دیوے
143:- اور اِس طرح ای اَساں تُساں اکھٹی امت بنڑایا اے تاکہ تُسیں لوکاں تے گواہ رہو تے رسول تُساں اتے اور اَساں قبلہ مقرر نیا کیتا جِس اُتے آپ صہ اے او اَساں آکھیا اَسیں پتا کراں کونڑ رسول صہ نی پیروی کرنا اے اور کونڑ پھٹے پیر مڑ جُلنا اے بے شک اے بَڈی گل اے پر اُنہاں وسطے نی او جِنہان اللہ ہدیت دتی اے اور اللہ اے جیا نی او کہ تُساں نا ایمان ضائع کر چھڑے اللہ لوکاں نال محبت کرنڑیں آلہ تے رحم کرنڑیں آلہ اے
144:- اَسیں دیکھنے آں بار بار رسول صہ نا منہ آسمان دار تے اَسیں ضرور تُساں اُس قبلے دار پھیڑ چھڑساں او جِساں تُسیں پسند کرنے او بس آپ صہ تُسیں آپڑاں منہ مسجد احرام (خانہ کعبہ ) دار پھیر کِنو اور جتھے وی تُسیں ہو منہ اُس دار پھیرکنیا کرو اور بے شک اہل کتاب ضرور سمجھنے نوں کہ اے ای حق اے اِنہاں نے اللہ نی طرفوں اللہ بے خبر نی جو کج وی او کرنے نوں
145:- اور اگر آپ صہ کتاب آلیاں کول ساریاں نشانیاں کھڑن او اور او فر وی نہ مَنن او اور نہ ای آپ صہ اِنہاں نا قبلہ منڑیں آلے نوں اور اِنہاں نیچوں اک وی اک دوئے نا قبلہ منڑیں والا نی او اگر آپ صہ اِنہاں نی خواہشات منیاں سارا کج پتا ہونڑیں توں بعد وی تے بے شک تُسیں وی بے انصافیاں بیچوں ہو جُلسو
146:- اور جِنہاں اُساں کتاب دتی اے او سمجھنے نوں اِساں سیانڑنے نوں جینجو آپڑیاں پتراں سیانڑنے نوں اور بے شک اِنہاں بیچوں اک ٹولہ سچ چھپانا اے حالانکہ اُساں پتا اے کہ اے ای حق اے
147:- اے ای حق اے تُساں نے اللہ نی طرفاں توں تے تُسیں شک کرنڑیں آلیاں نی طرفوں نہ ہو جُلے
سورت البقرہ رکوع نمبر 17 مکمل
سورت البقرہ :رکوع 18
پارہ نمبر 2 نا رکوع نمبر 2
148:- ہر اکی وسطے اک راہ وے جدھر او منہ کر کننا اے بس تُسیں نیکیاں بچ بَد (سبقت) جُلو جتھے وی تُسیں ہوسو اللہ تُساں اکھٹا کر کِنسی اللہ ہر شئیے تے قدرت رکھنڑیں آلہ اے
149:- اور جِتھوں وی تُسیں نکلو آپڑاں منہ مسجد احرام دار کر کنو اور بے شک اے ای تُساں نے اللہ نی طرفاں توں حق اے اللہ سب پتا اے جو کج تُسیں کرنے او
150:- اور جِتھوں وی نکلو آپڑاں منہ مسجد احرام دار کر کنو اور جِتھے وی ہو آپڑاں منہ اِدھر کر کنو تاکہ لوکاں وسطے یا اُنہاں کول تُساں وسطے حجت نہ رہوے صرف اُنہاں توں بغیر جیڑے بے انصاف نوں تُسیں اِنہاں کولوں نہ ڈرو بس مینڑیں کولوں ڈرو تاکہ میں آپڑیاں نعمتاں پوریاں کراں تے تُسیں ہدیت پا کِنو
151:- اور جینجو اَساں تُساں بیچوِ اک رسول صہ پیجیا اے او تُساں مینڑاں حکم سنڑانا اے اور تُساں پاک کرنا اے اور تُساں او کج سکھانا اے کتاب تے حکمت جو کج تُساں نی پتا ایا
152:- تُسیں ماں (مجھے) یاد کروں تے میں تُساں یاد کرساں مینڑاں شکر کرو اور مینڑیں ناشکری نہ کرے
سورت البقرہ رکوع نمبر 18 مکمل
سورت البقرہ :رکوع نمبر 19
پارہ نمبر 2 نا رکوع نمبر 3
153:- اے ایمان آلیو صبر تے نمازاں نال مدد مَنگو اللہ صابراں نال ہونا اے
154:- اور جیڑے لوک اللہ نے راہے بچ مارے جُلن او اُنہاں مردہ نہ آکھو بلکہ او تے جینے نوں بَس تُساں پتا نی او
155:- اَسیں تُساں ضرور آزماساں کج ڈرا کے تے کج پُکھاں (بھوک ) نال اور مال تے جانی تے پھلاں (فروٹ) نے نقصانے نال اور آپ صہ خوشخبری دیو صبر کرنڑیں آلیاں
156:- او جِنہاں کج وی مصیبت پہنچے او آکھنے نوں کہ اَسیں اللہ وسطے آں اور اَساں اُس دار ای مڑ کہ جُلنا اے
157:- اے ای لوک نوں جِنہان اُتے اللہ نی عنائیتاں تے رحمتاں نوں اے ای لوک ہدیت یافتہ وی نوں
158:- بے شک صفاء تے مروہ اللہ نے نشان نوں تے جیڑا کوئی حج یا عمرہ کرے تے کوئی حرج نی کہ اِنہاں نا طواف کرے اور جیڑا خوشی نال نیکی کرے تے بے شک اللہ قدردان اے تے اُساں سب کج پتا اے
159:- بے شک جیڑے لوک چھپانے نوں اللہ کُھلیاں نشانیاں تے ہدیت لائی اے اِس توں بعد وی کہ اَساں کتاباں بچ لوکاں تے واضح کر چھڑیا اے ، اے ای لوک نوں جِنہاں تے اللہ لعنت کرنا اے تے لعنت کرنڑیں آلے وی اِنہاں تے لعنت کرنے نوں
160:- سوائے اِنہاں لوکاں کولوں جِنہاں لوکاں توبہ کیتی اے اور اصلاح کیتی اے اور واضح کر چھڑیا نے بس اے ای لوک نوں جِنہاں میں معاف کرنا واں اور میں معاف کرنڑیں آلہ واں
161:- بے شک جیڑے لوک کافر ہوئے نوں اور کافر ای مر گئے نوں اے ای لوک نوں جِنہاں اُتے اللہ فرشتیاں تے لوکاں نی لعنت اے
162:- او لوک ہمیشہ اِس بچ رہسن او اور اُنہاں اُتے عذاب کہٹ نی ہونا اور نہ ای اِنہاں مہلت ملنی اے
163:- تُساں نا اللہ اِک (1) اے اِس توں علاوہ کِسے نی عبادت نی او اور او مہربان تے رحم کرنڑیں آلہ اے
سورت البقرہ رکوع نمبر 19 مکمل

اپنا تبصرہ بھیجیں