سورت البقرہ (رکوع 24 تا 25) – ہندکو ترجمہ




سورت البقرہ: رکوع نمبر 24
پارہ نمبر 2 نا رکوع نمبر 8
189:- اور تُساں کولون نویں چَنے نا پچھنے نوں تُسیں آکھو کہ حج وسطے ٹیم (اوقات) نوں اور نیکی اے نی کہ تُسیں گھراں بچ آؤ پیچھوں بلکہ نیک تے ڈرنڑیں آلہ او اے جیڑا گھراں بچ بوئے (دروازے) داروں آنا اے ،تُسیں اللہ کولوں ڈرو تاکہ کمیابی ملے نے
190:- اور تُسیں اللہ نے راہے بچ کُلو (لڑو) اُنہاں نال جیڑے تُساں نال کُلنے نوں اور زیادتی نہ کرو بے شک اللہ زیادتی آلیاں سنگی نی رکھنا او
191:- اور اُنہاں مار چھڑوجتھے مِلن اے اور انہاں کڈ چھڑو جیتھوں اُنہاں تُساں کڈیا، اور قتل نے فتنے کولوں زیادے ڈاڈا(سنگین) اے کہ اِنہاں نال مسجد احرام کول نہ کُلو ایتھے تک کہ او آپ کُلن او فر تُسیں وی کلو اے ای سزا اے کافراں نی
192:- فر اگر او باز آ جلن او تے اللہ بخشڑیں آلہ تے مہربان اے
193:- اور تُسیں اُنہاں نال کُلو ایتھے تک کہ کوئی فتنہ نہ رہوے اور اللہ نا دین غالب جُلے اگر او باز آ جُلن او تے زیادتی نی سوائے ظالماں نے
194:- حرمت آلے مہینے نا بدلہ اے حرمت آلہ مہینہ اور حرمتاں نا وی بدلہ اے لیکن جیڑا زیادتی کرے تُسیں وی زیادتی کرو جئے او جئی اُس زیادتی کیتی اے اور ڈرو اللہ کولوں اور یاد رکھو کہ اللہ ڈرنڑیں آلیاں نال اے
195:- اور اللہ نے راہے بچ خرچ کرو اور آپڑیاں ہتھاں نہ پاؤ ہلاکت بچ اور نیکی کرو اللہ نیکی کرنڑیں آلیاں نا سنگی اے
196:- اور پورا کرو حج تے عمرہ اللہ وسطے فر اگر روک دتے جُلو تے جیڑی قربانی مِلے او کر چھڑو اور سر مُنیو جدوں تک قربانی نہ کرو فر جیڑا کوئی تُساں بیچوں بیمار ہووے اور اُس نے سرے بچ تکلیف ہووے اور روزے نال بدلہ دیوے یا صدقہ یا قربانی نال فر جَدوں امن ہو جُلے سو تے فیدا چاوے حج نال عمرہ ملا کے اور جو قربانی ملے سو چا دیوے فر جئے قربانی نہ ملے سو تے روزے رکھے ترے (3) حج نیاں دیاڑیاں بچ اور سَت (7) مُڑ کہ آ کے اسطرح دہ (10) پورے ہوگئے اے اُنہاں وسطے اے جنہاں نے گھرے والے مسجد احرام بچ نہ ہوون او اور تُسیں اللہ کولوں ڈرو اور اللہ ڈاڈا عذاب دینڑیں آلہ نی
سورت البقرہ نا رکوع نمبر 24 مکمل
سورت البقرہ : رکوع نمبر 25
پارہ نمبر 2 نا رکوع نمبر 9
197:- حج نے مہینے مقرر نوں جِس حج لازم کر کِدا اے او نہ بے پردہ ہووے تے نہ گالی دیوے نہ کُلے حج بچ اور تُسیں جیڑی نیکی کرسو او اللہ پتا اے اور نال سامان چا کنیا کرو راہے جوگا بے شک کہ بہترین سامان تقویٰ اے اور اے عقل آلیو ڈرو مینڑیں کولوں
198:- تُساں تے کوئی غناہ نی کہ تُسیں تجارت کرو فر جَدوں عرفات توں مڑو تے اللہ واں یاد کرو شہر احرام کول (مزدلفہ) بچ اللہ یاد کرو جینجو اُس ہدیت دتی اے اگر چے اُس توں پہلیوں تُساں کج پتا نی ایا
199:- فر تُسیں مڑو اُتھوں جِتھوں لوک مڑنے نوں اور اللہ کولوں مغفرت منگو بے شک اللہ بخشڑیں آلہ رحم آلہ اے
200:- فر جَدوں حج پورا کر کنو تے الللہ یاد کرو جینجو آپڑیں پیو تے دادے آں یاد کرنے او بلکہ اُس توں وی زیادہ اگر کوئی بندہ آکھے کہ اللہ ماں (مجھے) دنیا نی بھلائی دے تے اِس وسطے آخرت بچ فر کوئی حصہ نی او
201:- اور اِنہاں بیچوں او وی اے جیڑا آکھنا اے کہ اے اللہ اَساں دنیا تے آخرت دوآں (2) جائی (جگہ) تے بھلائی دے اور قیامتی نے عذابے کولوں بچا کِن
202:- اے ای او لوک نوں جِنہاں وسطے حصہ اے اِس بچ جو کج اُنہاں کمایا اے بے شک اللہ جلتی حساب کرنڑیں آلہ اے
203:- اور تُسیں یاد رکھو اللہ واں گنتی نے دیاڑیاں بچ پر جیڑا دو دیاڑے جلتی چلا گیا اے اُس تے کوئی غناہ نی اور جیڑا لیٹ گیا اے اُس تے وی غناہ نی بَس اللہ کولوں ڈرو تُساں اُس دار ای مڑ جلنڑاں اے
204:- اور لوکاں بچ کوئی اے جیا وی اے جِس نیاں گلاں تُساں چنگیاں لگنیاں نوں اور دنیاوی زندگی بچ آپڑیں دِلے نی گلاں تے اللہ واں گواہ بنڑانا اے حالانکہ او ڈاڈا کُلیرا (جھگڑالو) اے
205:- اور جدوں او مڑے زمی بچ نسنا جُلے تاکہ اِس بچ فرساد کرے اور تباہ کرے کھیتی اور نَسلاں واں اور اللہ فرسادی (فسادی) آں پسند نی کرنا
206:- اور جدوں اِساں آکھو کہ اللہ کولوں ڈر تے او ضرور غناہ تے راضی کرنا اے ، اِس وسطے جہنم بہوں اے اور او بہوں مندی جا(جگہ) اے
207:- اور لوکاں بچ اک او وی اے جیڑا جان بیچ چھڑنا اے اللہ راضی کرنڑیں وسطے اور اللہ بندیاں تے مہربان اے
208:- اے ایمان آلیو پورے نے پورے اسلام بچ آ جُلو اور شیطان نی پیروی نہ کرو او تُساں نا کھلا دشمنڑ اے
209:- فر اگر اِس توں بعد وی ڈگمگا گئے او جبکہ تُساں کول واضح احکام آگئے نوں تے یاد رکھیو اللہ غالب حکمت آلہ اے
210:- کیا او اِے انتظار کرنے نوں کہ اللہ اُنہاں کول آوے سائباناں بچ بدل (بادل) کر کے اور فرشتے وی اور قصے طِے ہو جُلن او اور سارے کم اللہ دار ای مڑ کے جُلسن او
سورت البقرہ نا رکوع نمبر 25 مکمل

اپنا تبصرہ بھیجیں